ഭ്രമരാംബാഷ്ടകം അഥവാ ശ്രീമാതൃസ്തവഃ Lyrics in Malayalam:
ചാഞ്ചല്യാരുണലോചനാഞ്ചിതകൃപാചന്ദ്രാര്‍കചൂഡാമണിം
ചാരുസ്മേരമുഖാം ചരാചരജഗത്സംരക്ഷണീം തത്പദാം ।
ചഞ്ച്ചമ്പകനാസികാഗ്രവിലസന്‍മുക്താമണീരഞ്ജിതാം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ 1॥
കസ്തൂരീതിലകാഞ്ചിതേന്ദുവിലസത്പ്രോദ്ഭാസിഫാലസ്ഥലീം
കര്‍പൂരദ്രാവമിക്ഷചൂര്‍ണഖദിരാമോദോല്ലസദ്വീടികാം ।
ലോലാപാങ്ഗതരങ്ഗിതൈരധികൃപാസാരൈര്‍നതാനന്ദിനീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ 2॥
രാജന്‍മത്തമരാലമന്ദഗമനാം രാജീവപത്രേക്ഷണാം
രാജീവപ്രഭവാദിദേവമകുടൈ രാജത്പദാംഭോരുഹാം ।
രാജീവായതമന്ദമണ്ഡിതകുചാം രാജാധിരാജേശ്വരീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ 3॥
ഷട്താരാം ഗണദീപികാം ശിവസതീം ഷഡ്വൈരിവര്‍ഗാപഹാം
ഷട്ചക്രാന്തരസംസ്ഥിതാം വരസുധാം ഷഡ്യോഗിനീവേഷ്ടിതാം ।
ഷട്ചക്രാഞ്ചിതപാദുകാഞ്ചിതപദാം ഷഡ്ഭാവഗാം ഷോഡശീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ 4॥
ശ്രീനാഥാദൃതപാലിതാത്രിഭുവനാം ശ്രിചക്രസംചാരിണീം
ജ്ഞാനാസക്തമനോജയൌവനലസദ്ഗന്ധര്‍വകന്യാദൃതാം ।
ദീനാനാമാതിവേലഭാഗ്യജനനീം ദിവ്യാംബരാലംകൃതാം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ 5॥
ലാവണ്യാധികഭൂഷിതാങ്ഗലതികാം ലാക്ഷാലസദ്രാഗിണീം
സേവായാതസമസ്തദേവവനിതാം സീമന്തഭൂഷാന്വിതാം ।
ഭാവോല്ലാസവശീകൃതപ്രിയതമാം ഭണ്ഡാസുരച്ഛേദിനീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ 6॥
ധന്യാം സോമവിഭാവനീയചരിതാം ധാരാധരശ്യാമലാം
മുന്യാരാധനമേധിനീം സുമവതാം മുക്തിപ്രദാനവ്രതാം ।
കന്യാപൂജനപുപ്രസന്നഹൃദയാം കാഞ്ചീലസന്‍മധ്യമാം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ 7॥
കര്‍പൂരാഗരുകുങ്കുമാങ്കിതകുചാം കര്‍പൂരവര്‍ണസ്ഥിതാം
കൃഷ്ടോത്കൃഷ്ടസുകൃഷ്ടകര്‍മദഹനാം കാമേശ്വരീം കാമിനീം ।
കാമാക്ഷീം കരുണാരസാര്‍ദ്രഹൃദയാം കല്‍പാന്തരസ്ഥായിനീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ 8॥
ഗായത്രീം ഗരുഡധ്വജാം ഗഗനഗാം ഗാന്ധര്‍വഗാനപ്രിയാം
ഗംഭീരാം ഗജഗാമിനീം ഗിരിസുതാം ഗന്ധാക്ഷതാലംകൃതാം ।
ഗങ്ഗാഗൌത്മഗര്‍ഗസംനുതപദാം ഗാം ഗൌതമീം ഗോമതീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ 9॥
ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛംകരഭഗവതഃ കൃതൌ
ഭ്രമരാംബാഷ്ടകം സമ്പൂര്‍ണം ॥
Also Read:
Sri Bhramaramba Ashtakam Lyrics in Hindi | English | Bengali | Kannada | Malayalam | Telugu | Tamil | Gujarati | Punjabi | Oriya