ಶ್ರೀಭುಜಂಗಪ್ರಯಾತಾಷ್ಟಕಮ್ Lyrics in Kannada:
ಸದಾ ಗೋಪಿಕಾಮಂಡಲೇ ರಾಜಮಾನಂ ಲಸನ್ನೃತ್ಯಬನ್ಧಾದಿಲೀಲಾನಿದಾನಮ್ ।
ಗಲದ್ದರ್ಪಕನ್ದರ್ಪಶೋಭಾಭಿದಾನಂ ಭಜೇ ನನ್ದಸೂನುಂ ಸದಾನನ್ದರೂಪಮ್ ॥ 1॥
ವ್ರಜಸ್ತ್ರೀಜನಾನನ್ದಸನ್ದೋಹಸಕ್ತಂ ಸುಧಾವರ್ಷಿಂವಂಶೀನಿನಾದಾನುರಕ್ತಮ್ ।
ತ್ರಿಭಂಗಾಕೃತಿಸ್ವೀಕೃತಸ್ವೀಯಭಕ್ತಂ ಭಜೇ ನನ್ದಸೂನುಂ ಸದಾಽಽನನ್ದರೂಪಮ್ ॥ 2॥
ಸ್ಫುರದ್ರಾಸಲೀಲಾವಿಲಾಸಾತಿರಮ್ಯಂ ಪರಿತ್ಯಕ್ತಗೇಹಾದಿದಾಸೈಕಗಮ್ಯಮ್ ।
ವಿಮಾನಸ್ಥಿತಾಶೇಷದೇವಾದಿನಮ್ಯಂ ಭಜೇ ನನ್ದಸೂನುಂ ಸದಾಽಽನನ್ದರೂಪಮ್ ॥ 3॥
ಸ್ವಲೀಲಾರಸಾನನ್ದದುಗ್ಧೋದಮಗ್ನಂ ಪ್ರಿಯಸ್ವಾಮಿನೀಬಾಹುಕಂಠೈಕಲಗ್ನಮ್ ।
ರಸಾತ್ಮೈಕರೂಪಾಽವಬೋಘಂ ತ್ರಿಭಂಗಂ ಭಜೇ ನನ್ದಸೂನುಂ ಸದಾಽಽನನ್ದರೂಪಮ್ ॥ 4॥
ರಸಾಮೋದಸಮ್ಪಾದಕಂ ಮನ್ದಹಾಸಂ ಕೃತಾಭೀರನಾರೀವಿಹಾರೈಕರಾಸಮ್ ।
ಪ್ರಕಾಶೀಕೃತಸ್ವೀಯನಾನಾವಿಲಾಸಂ ಭಜೇ ನನ್ದಸೂನುಂ ಸದಾಽಽನನ್ದರೂಪಮ್ ॥ 5॥
ಜಿತಾನಂಗಸರ್ವಾಂಗಶೋಭಾಭಿರಾಮಂ ಕ್ಷಪಾಪೂರಿತಸ್ವಾಮಿನೀವೃನ್ದಕಾಮಮ್ ।
ನಿಜಾಧೀನತಾವರ್ತಿರಾಮಾತಿವಾಮಂ ಭಜೇ ನನ್ದಸೂನುಂ ಸದಾಽಽನನ್ದರೂಪಮ್ ॥ 6॥
ಸ್ವಸಂಗೀಕೃತಾಽನನ್ತಗೋಪಾಲಬಾಲಂ ವೃತಸ್ವೀಯಗೋಪೀಮನೋವೃತ್ತಿಪಾಲಮ್ ।
ಕೃತಾನನ್ತಚೌರ್ಯಾದಿಲೀಲಾರಸಾಲಂ ಭಜೇ ನನ್ದಸೂನುಂ ಸದಾನನ್ದರೂಪಮ್ ॥ 7॥
ಘೃತಾದ್ರೀಶಗೋವರ್ಧನಾಧಾರಹಸ್ತಂ ಪರಿತ್ರಾತಗೋಗೋಪಗೋಪೀಸಮಸ್ತಮ್ ।
ಸುರಾಧೀಶಸರ್ವಾದಿದೇವಪ್ರಶಸ್ತಂ ಭಜೇ ನನ್ದಸೂನುಂ ಸದಾಽಽನನ್ದರೂಪಮ್ ॥ 8॥
॥ ಇತಿ ಶ್ರೀಹರಿರಾಯವಿರಚಿತಂ ಭುಜಂಗಪ್ರಯಾತಾಷ್ಟಕಂ ಸಮ್ಪೂರ್ಣಮ್ ।