Sri Brihaspati Ashtottara Satanama Stotram in :
॥ ಶ್ರೀ ಬೃಹಸ್ಪತಿ ಅಷ್ಟೋತ್ತರಶತನಾಮ ಸ್ತೋತ್ರಂ ॥
ಗುರುರ್ಗುಣವರೋ ಗೋಪ್ತಾ ಗೋಚರೋ ಗೋಪತಿಪ್ರಿಯಃ
ಗುಣೀ ಗುಣವತಾಂಶ್ರೇಷ್ಠೋ ಗುರೂಣಾಂಗುರುರವ್ಯಯಃ || ೧ ||
ಜೇತಾ ಜಯಂತೋ ಜಯದೋ ಜೀವೋಽನಂತೋ ಜಯಾವಹಃ
ಆಂಗೀರಸೋಽಧ್ವರಾಸಕ್ತೋ ವಿವಿಕ್ತೋಽಧ್ವರಕೃತ್ಪರಃ || ೨ ||
ವಾಚಸ್ಪತಿರ್ವಶೀ ವಶ್ಯೋ ವರಿಷ್ಠೋ ವಾಗ್ವಿಚಕ್ಷಣಃ
ಚಿತ್ತಶುದ್ಧಿಕರಃ ಶ್ರೀಮಾನ್ ಚೈತ್ರಃ ಚಿತ್ರಶಿಖಂಡಿಜಃ || ೩ ||
ಬೃಹದ್ರಥೋ ಬೃಹದ್ಭಾನುಃ ಬೃಹಸ್ಪತಿರಭೀಷ್ಟದಃ
ಸುರಾಚಾರ್ಯಃ ಸುರಾರಾಧ್ಯಃ ಸುರಕಾರ್ಯಹಿತಂಕರಃ || ೪ ||
ಗೀರ್ವಾಣಪೋಷಕೋ ಧನ್ಯೋ ಗೀಷ್ಪತಿರ್ಗಿರಿಶೋಽನಘಃ
ಧೀವರೋ ಧಿಷಣೋ ದಿವ್ಯಭೂಷಣೋ ದೇವಪೂಜಿತಃ || ೫ ||
ಧನುರ್ಧರೋ ದೈತ್ಯಹಂತಾ ದಯಾಸಾರೋ ದಯಾಕರಃ
ದಾರಿದ್ರ್ಯನಾಶಕೋ ಧನ್ಯೋ ದಕ್ಷಿಣಾಯನಸಂಭವಃ || ೬ ||
ಧನುರ್ಮೀನಾಧಿಪೋ ದೇವೋ ಧನುರ್ಬಾಣಧರೋ ಹರಿಃ
ಆಂಗೀರಸಾಬ್ಜಸಂಜಾತಃ ಆಂಗೀರಸಕುಲೋದ್ಭವಃ || ೭ ||
ಸಿಂಧುದೇಶಾಧಿಪೋ ಧೀಮಾನ್ ಸ್ವರ್ಣವರ್ಣಃ ಚತುರ್ಭುಜಃ
ಹೇಮಾಂಗದೋ ಹೇಮವಪುರ್ಹೇಮಭೂಷಣಭೂಷಿತಃ || ೮ ||
ಪುಷ್ಯನಾಥಃ ಪುಷ್ಯರಾಗಮಣಿಮಂಡಲಮಂಡಿತಃ
ಕಾಶಪುಷ್ಪಸಮಾನಾಭಃ ಕಲಿದೋಷನಿವಾರಕಃ || ೯ ||
ಇಂದ್ರಾದಿದೇವೋದೇವೇಶೋ ದೇವತಾಭೀಷ್ಟದಾಯಕಃ
ಅಸಮಾನಬಲಃ ಸತ್ತ್ವಗುಣಸಂಪದ್ವಿಭಾಸುರಃ || ೧೦ ||
ಭೂಸುರಾಭೀಷ್ಟದೋ ಭೂರಿಯಶಃ ಪುಣ್ಯವಿವರ್ಧನಃ
ಧರ್ಮರೂಪೋ ಧನಾಧ್ಯಕ್ಷೋ ಧನದೋ ಧರ್ಮಪಾಲನಃ || ೧೧ ||
ಸರ್ವವೇದಾರ್ಥತತ್ತ್ವಜ್ಞಃ ಸರ್ವಾಪದ್ವಿನಿವಾರಕಃ
ಸರ್ವಪಾಪಪ್ರಶಮನಃ ಸ್ವಮತಾನುಗತಾಮರಃ || ೧೨ ||
ಋಗ್ವೇದಪಾರಗೋ ಋಕ್ಷರಾಶಿಮಾರ್ಗಪ್ರಚಾರಕಃ
ಸದಾನಂದಃ ಸತ್ಯಸಂಧಃ ಸತ್ಯಸಂಕಲ್ಪಮಾನಸಃ || ೧೩ ||
ಸರ್ವಾಗಮಜ್ಞಃ ಸರ್ವಜ್ಞಃ ಸರ್ವವೇದಾಂತವಿದ್ವರಃ
ಬ್ರಹ್ಮಪುತ್ರೋ ಬ್ರಾಹ್ಮಣೇಶೋ ಬ್ರಹ್ಮವಿದ್ಯಾವಿಶಾರದಃ || ೧೪ ||
ಸಮಾನಾಧಿಕನಿರ್ಮುಕ್ತಃ ಸರ್ವಲೋಕವಶಂವದಃ
ಸಸುರಾಸುರಗಂಧರ್ವವಂದಿತಃ ಸತ್ಯಭಾಷಣಃ || ೧೫ ||
ನಮಃ ಸುರೇಂದ್ರವಂದ್ಯಾಯ ದೇವಾಚಾರ್ಯಾಯ ತೇ ನಮಃ
ನಮಸ್ತೇಽನಂತಸಾಮರ್ಥ್ಯ ವೇದಸಿದ್ಧಾಂತಪಾರಗಃ || ೧೬ ||
ಸದಾನಂದ ನಮಸ್ತೇಸ್ತು ನಮಃ ಪೀಡಾಹರಾಯ ಚ
ನಮೋ ವಾಚಸ್ಪತೇ ತುಭ್ಯಂ ನಮಸ್ತೇ ಪೀತವಾಸಸೇ || ೧೭ ||
ನಮೋಽದ್ವಿತೀಯರೂಪಾಯ ಲಂಬಕೂರ್ಚಾಯ ತೇ ನಮಃ
ನಮಃ ಪ್ರಹೃಷ್ಟನೇತ್ರಾಯ ವಿಪ್ರಾಣಾಂಪತಯೇ ನಮಃ || ೧೮ ||
ನಮೋ ಭಾರ್ಗವಶಿಷ್ಯಾಯ ವಿಪನ್ನಹಿತಕಾರಿಣೇ
ನಮಸ್ತೇ ಸುರಸೈನ್ಯಾನಾಂವಿಪತ್ತಿತ್ರಾಣಹೇತವೇ || ೧೯ ||
ಬೃಹಸ್ಪತಿಃ ಸುರಾಚಾರ್ಯೋ ದಯಾವಾನ್ ಶುಭಲಕ್ಷಣಃ
ಲೋಕತ್ರಯಗುರುಃ ಶ್ರೀಮಾನ್ ಸರ್ವಗಃ ಸರ್ವತೋವಿಭುಃ || ೨೦ ||
ಸರ್ವೇಶಃ ಸರ್ವದಾತುಷ್ಟಃ ಸರ್ವದಃ ಸರ್ವಪೂಜಿತಃ
ಅಕ್ರೋಧನೋ ಮುನಿಶ್ರೇಷ್ಠೋ ನೀತಿಕರ್ತಾ ಜಗತ್ಪಿತಾ || ೨೧ ||
ವಿಶ್ವಾತ್ಮಾ ವಿಶ್ವಕರ್ತಾ ಚ ವಿಶ್ವಯೋನಿರಯೋನಿಜಃ
ಭೂರ್ಭುವೋಧನದಾತಾ ಚ ಭರ್ತಾಜೀವೋ ಮಹಾಬಲಃ || ೨೨ ||
ಬೃಹಸ್ಪತಿಃ ಕಾಶ್ಯಪೇಯೋ ದಯಾವಾನ್ ಶುಭಲಕ್ಷಣಃ
ಅಭೀಷ್ಟಫಲದಃ ಶ್ರೀಮಾನ್ ಶುಭಗ್ರಹ ನಮೋಸ್ತು ತೇ || ೨೩ ||
ಬೃಹಸ್ಪತಿಸ್ಸುರಾಚಾರ್ಯೋ ದೇವಾಸುರಸುಪೂಜಿತಃ
ಆಚಾರ್ಯೋದಾನವಾರಿಶ್ಚ ಸುರಮಂತ್ರೀ ಪುರೋಹಿತಃ || ೨೪ ||
ಕಾಲಜ್ಞಃ ಕಾಲಋಗ್ವೇತ್ತಾ ಚಿತ್ತಗಶ್ಚ ಪ್ರಜಾಪತಿಃ
ವಿಷ್ಣುಃ ಕೃಷ್ಣಸ್ತದಾ ಸೂಕ್ಷ್ಮಃ ಪ್ರತಿದೇವೋಜ್ಜ್ವಲಗ್ರಹಃ || ೨೫ ||
Also Read:
Sri Brihaspathi Ashtottara Satanama Stotram Lyrics in Hindi | English | Kannada | Telugu | Tamil