Sri Durga Stotram (Arjuna Krutam) in Kannada:
॥ ಶ್ರೀ ದುರ್ಗಾ ಸ್ತೋತ್ರಂ (ಅರ್ಜುನ ಕೃತಂ) ॥
ಅಸ್ಯ ಶ್ರೀ ದುರ್ಗಾಸ್ತೋತ್ರ ಮಹಾಮಂತ್ರಸ್ಯ ಬದರೀ ನಾರಾಯಣ ಋಷಿಃ ಅನುಷ್ಟುಪ್ಛಂದಃ ಶ್ರೀ ದುರ್ಗಾಖ್ಯಾ ಯೋಗ ದೇವೀ ದೇವತಾ, ಮಮ ಸರ್ವಾಭೀಷ್ಟ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಓಂ ಹ್ರೀಂ ದುಂ ದುರ್ಗಾಯೈ ನಮಃ ||
ನಮಸ್ತೇ ಸಿದ್ಧಸೇನಾನಿ ಆರ್ಯೇ ಮಂದರವಾಸಿನಿ |
ಕುಮಾರೀ ಕಾಳೀ ಕಾಪಾಲಿ ಕಪಿಲೇ ಕೃಷ್ಣಪಿಂಗಳೇ || ೧ ||
ಭದ್ರಕಾಳೀ ನಮಸ್ತುಭ್ಯಂ ಮಹಾಕಾಳೀ ನಮೋಽಸ್ತುತೇ |
ಚಂಡೀ ಚಂಡೇ ನಮಸ್ತುಭ್ಯಂ ತಾರಿಣೀ ವರವರ್ಣಿನೀ || ೨ ||
ಕಾತ್ಯಾಯನೀ ಮಹಾಭಾಗೇ ಕರಾಳೀ ವಿಜಯೇ ಜಯೇ |
ಶಿಖಿಪಿಂಛಧ್ವಜಧರೇ ನಾನಾಭರಣಭೂಷಿತೇ || ೩ ||
ಅಟ್ಟಶೂಲಪ್ರಹರಣೇ ಖಡ್ಗಖೇಟಕಧಾರಿಣೀ |
ಗೋಪೇಂದ್ರಸ್ಯಾನುಜೇ ಜ್ಯೇಷ್ಟೇ ನಂದಗೋಪಕುಲೋದ್ಭವೇ || ೪ ||
ಮಹಿಷಾಸೃಕ್ಪ್ರಿಯೇ ನಿತ್ಯಂ ಕೌಶಿಕೀ ಪೀತವಾಸಿನೀ |
ಅಟ್ಟಹಾಸೇ ಕೋಕಮುಖೇ ನಮಸ್ತೇಽಸ್ತು ರಣಪ್ರಿಯೇ || ೫ ||
ಉಮೇ ಶಾಕಂಬರೀ ಶ್ವೇತೇ ಕೃಷ್ಣೇ ಕೈಟಭನಾಶಿನಿ |
ಹಿರಣ್ಯಾಕ್ಷೀ ವಿರೂಪಾಕ್ಷೀ ಸುಧೂಮ್ರಾಕ್ಷೀ ನಮೋಽಸ್ತು ತೇ || ೬ ||
ವೇದಶ್ರುತಿ ಮಹಾಪುಣ್ಯೇ ಬ್ರಹ್ಮಣ್ಯೇ ಜಾತವೇದಸೀ |
ಜಂಬೂಕಟಕಚೈತ್ಯೇಷು ನಿತ್ಯಂ ಸನ್ನಿಹಿತಾಲಯೇ || ೭ ||
ತ್ವಂ ಬ್ರಹ್ಮವಿದ್ಯಾವಿದ್ಯಾನಾಂ ಮಹಾನಿದ್ರಾ ಚ ದೇಹಿನಾಮ್ |
ಸ್ಕಂದಮಾತರ್ಭಗವತಿ ದುರ್ಗೇ ಕಾಂತಾರವಾಸಿನಿ || ೮ ||
ಸ್ವಾಹಾಕಾರಾ ಸ್ವಧಾ ಚೈವ ಕಲಾ ಕಾಷ್ಠಾ ಸರಸ್ವತೀ |
ಸಾವಿತ್ರೀ ವೇದಮಾತಾ ಚ ತಥಾ ವೇದಾಂತ ಉಚ್ಯತೇ || ೯ ||
ಕಾಂತಾರಭಯದುರ್ಗೇಷು ಭಕ್ತಾನಾಂ ಚಾಲಯೇಷು ಚ |
ನಿತ್ಯಂ ವಸಸಿ ಪಾತಾಳೇ ಯುದ್ಧೇ ಜಯಸಿ ದಾನವಾನ್ || ೧೦ ||
ತ್ವಂ ಜಂಭನೀ ಮೋಹಿನೀ ಚ ಮಾಯಾ ಹ್ರೀಃ ಶ್ರೀಸ್ತಥೈವ ಚ |
ಸಂಧ್ಯಾ ಪ್ರಭಾವತೀ ಚೈವ ಸಾವಿತ್ರೀ ಜನನೀ ತಥಾ || ೧೧ ||
ತುಷ್ಟಿಃ ಪುಷ್ಟಿರ್ಧೃತಿರ್ದೀಪ್ತಿಶ್ಚಂದ್ರಾದಿತ್ಯವಿವರ್ಧಿನೀ |
ಭೂತಿರ್ಭೂತಿಮತಾಂ ಸಂಖ್ಯೇ ವೀಕ್ಷ್ಯಸೇ ಸಿದ್ಧಚಾರಣೈಃ || ೧೨ ||
ಸ್ತುತಾಸಿ ತ್ವಂ ಮಹಾದೇವಿ ವಿಶುದ್ಧೇನಾಂತರಾತ್ಮನಾ |
ಜಯೋ ಭವತು ಮೇ ನಿತ್ಯಂ ತ್ವತ್ಪ್ರಸಾದಾದ್ರಣಾಜಿರೇ || ೧೩ ||
Also Read:
Sri Durga Stotram (Arjuna Krutam) Lyrics in English | Hindi |Kannada | Telugu | Tamil