Sri Durga Stotram (Arjuna Krutam) in English:
॥ śrī durgā stōtram (arjuna kr̥taṁ) ॥
asya śrī durgāstōtra mahāmantrasya badarī nārāyaṇa r̥ṣiḥ anuṣṭupchandaḥ śrī durgākhyā yōga dēvī dēvatā, mama sarvābhīṣṭa siddhyarthē japē viniyōgaḥ |
ōṁ hrīṁ duṁ durgāyai namaḥ ||
namastē siddhasēnāni āryē mandaravāsini |
kumārī kālī kāpāli kapilē kr̥ṣṇapiṅgalē || 1 ||
bhadrakālī namastubhyaṁ mahākālī namō:’stutē |
caṇḍī caṇḍē namastubhyaṁ tāriṇī varavarṇinī || 2 ||
kātyāyanī mahābhāgē karālī vijayē jayē |
śikhipiñchadhvajadharē nānābharaṇabhūṣitē || 3 ||
aṭṭaśūlapraharaṇē khaḍgakhēṭakadhāriṇī |
gōpēndrasyānujē jyēṣṭē nandagōpakulōdbhavē || 4 ||
mahiṣāsr̥kpriyē nityaṁ kauśikī pītavāsinī |
aṭṭahāsē kōkamukhē namastē:’stu raṇapriyē || 5 ||
umē śākambarī śvētē kr̥ṣṇē kaiṭabhanāśini |
hiraṇyākṣī virūpākṣī sudhūmrākṣī namō:’stu tē || 6 ||
vēdaśruti mahāpuṇyē brahmaṇyē jātavēdasī |
jambūkaṭakacaityēṣu nityaṁ sannihitālayē || 7 ||
tvaṁ brahmavidyāvidyānāṁ mahānidrā ca dēhinām |
skandamātarbhagavati durgē kāntāravāsini || 8 ||
svāhākārā svadhā caiva kalā kāṣṭhā sarasvatī |
sāvitrī vēdamātā ca tathā vēdānta ucyatē || 9 ||
kāntārabhayadurgēṣu bhaktānāṁ cālayēṣu ca |
nityaṁ vasasi pātālē yuddhē jayasi dānavān || 10 ||
tvaṁ jambhanī mōhinī ca māyā hrīḥ śrīstathaiva ca |
sandhyā prabhāvatī caiva sāvitrī jananī tathā || 11 ||
tuṣṭiḥ puṣṭirdhr̥tirdīptiścandrādityavivardhinī |
bhūtirbhūtimatāṁ saṅkhyē vīkṣyasē siddhacāraṇaiḥ || 12 ||
stutāsi tvaṁ mahādēvi viśuddhēnāntarātmanā |
jayō bhavatu mē nityaṁ tvatprasādādraṇājirē || 13 ||
Also Read:
Sri Durga Stotram (Arjuna Krutam) Lyrics in English | Hindi |Kannada | Telugu | Tamil
