Sri Gokulesha Ashtakam in English:
॥ śrī gōkulēśāṣṭakam ॥
nandagōpabhūpavaṁśabhūṣaṇaṁ vidūṣaṇaṁ
bhūmibhūtibhūribhāgyabhājanaṁ bhayāpaham |
dhēnudharmarakṣaṇāvatīrṇapūrṇavigrahaṁ
nīlavārivāhakānti gōkulēśamāśrayē || 1 ||
gōpabālasundarīgaṇāvr̥taṁ kalānidhiṁ
rāsamaṇḍalīvihārakārikāmasundaram |
padmayōniśaṅkarādidēvabr̥ndavanditaṁ
nīlavārivāhakānti gōkulēśamāśrayē || 2 ||
gōparājaratnarājimandirānuriṅgaṇaṁ
gōpabālabālikākalānuruddhagāyanam |
sundarīmanōjabhāvabhājanāmbujānanaṁ
nīlavārivāhakānti gōkulēśamāśrayē || 3 ||
kaṁsakēśikuñjarājaduṣṭadaityadāraṇaṁ
indrasr̥ṣṭavr̥ṣṭivārivāraṇōddhr̥tācalam |
kāmadhēnukāritābhidhānagānaśōbhitaṁ
nīlavārivāhakānti gōkulēśamāśrayē || 4 ||
gōpikāgr̥hāntaguptagavyacauryacañcalaṁ
dugdhabhāṇḍabhēdabhītalajjitāsyapaṅkajam |
dhēnudhūlidhūsarāṅgaśōbhihāranūpuraṁ
nīlavārivāhakānti gōkulēśamāśrayē || 5 ||
vatsadhēnugōpabālabhīṣaṇāsyavahnipaṁ
kēkipiñchakalpitāvataṁsaśōbhitānanam |
vēṇunādamattaghōṣasundarīmanōharaṁ
nīlavārivāhakānti gōkulēśamāśrayē || 6 ||
garvitāmarēndrakalpakalpitānnabhōjanaṁ
śāradāravindabr̥ndaśōbhihaṁsajāratam |
divyagandhalubdhabhr̥ṅgapārijātamālinaṁ
nīlavārivāhakānti gōkulēśamāśrayē || 7 ||
vāsarāvasānagōṣṭhagāmigōgaṇānugaṁ
dhēnudōhadēhagēhamōhavismayakriyam |
svīyagōkulēśadānadattabhaktarakṣaṇaṁ
nīlavārivāhakānti gōkulēśamāśrayē || 8 ||
iti śrīraghunāthācārya viracitaṁ śrīgōkulēśāṣṭakam ||
Also Read:
Sri Gokulesastakam Lyrics in Hindi | English | Kannada | Telugu | Tamil
