Sri Gopijana Vallabha Ashtakam 2 in Kannada:
॥ ಶ್ರೀ ಗೋಪೀಜನವಲ್ಲಭಾಷ್ಟಕಂ – ೨ ॥
ಸರೋಜನೇತ್ರಾಯ ಕೃಪಾಯುತಾಯ ಮಂದಾರಮಾಲಾಪರಿಭೂಷಿತಾಯ |
ಉದಾರಹಾಸಾಯ ಲಸನ್ಮುಖಾಯ ನಮೋಽಸ್ತು ಗೋಪೀಜನವಲ್ಲಭಾಯ || ೧ ||
ಆನಂದನಂದಾದಿಕದಾಯಕಾಯ ಬಕೀಬಕಪ್ರಾಣವಿನಾಶಕಾಯ |
ಮೃಗೇಂದ್ರಹಸ್ತಾಗ್ರಜಭೂಷಣಾಯ ನಮೋಽಸ್ತು ಗೋಪೀಜನವಲ್ಲಭಾಯ || ೨ ||
ಗೋಪಾಲಲೀಲಾಕೃತಕೌತುಕಾಯ ಗೋಪಾಲಕಾಜೀವನಜೀವನಾಯ |
ಭಕ್ತೈಕಗಣ್ಯಾಯ ನವಪ್ರಿಯಾಯ ನಮೋಽಸ್ತು ಗೋಪೀಜನವಲ್ಲಭಾಯ || ೩ ||
ಮನ್ಥಾನಭಾಂಡಾಖಿಲಭಂಜಕಾಯ ಹಯ್ಯಂಗವೀನಾಶನರಂಜಕಾಯ |
ಗೋಸ್ವಾದುದುಗ್ಧಾಮೃತಪೋಷಕಾಯ ನಮೋಽಸ್ತು ಗೋಪೀಜನವಲ್ಲಭಾಯ || ೪ ||
ಕಳಿಂದಜಾಕೂಲಕುತೂಹಲಾಯ ಕಿಶೋರರೂಪಾಯ ಮನೋಹರಾಯ |
ಪಿಶಂಗವಸ್ತ್ರಾಯ ನರೋತ್ತಮಾಯ ನಮೋಽಸ್ತು ಗೋಪೀಜನವಲ್ಲಭಾಯ || ೫ ||
ಧಾರಾಧರಾಭಾಯ ಧರಾಧರಾಯ ಶೃಂಗಾರಹಾರಾವಳಿಶೋಭಿತಾಯ |
ಸಮಗ್ರಗರ್ಗೋಕ್ತಿಸುಲಕ್ಷಣಾಯ ನಮೋಽಸ್ತು ಗೋಪೀಜನವಲ್ಲಭಾಯ || ೬ ||
ಉಪೇಂದ್ರಕುಂಭಸ್ಥಲಖಂಡನಾಯ ಉದ್ದೇಶಬೃಂದಾವನಮಂಡನಾಯ |
ಹಂಸಾಯ ಕಂಸಾಸುರಮರ್ದನಾಯ ನಮೋಽಸ್ತು ಗೋಪೀಜನವಲ್ಲಭಾಯ || ೭ ||
ಶ್ರೀದೇವಕೀಸೂತವಿಮೋಕ್ಷಕಾಯ ದತ್ತೋದ್ಧವಾಕ್ರೂರವರಪ್ರದಾಯ |
ಗದಾಸಿಶಂಖಾಬ್ಜಚತುರ್ಭುಜಾಯ ನಮೋಽಸ್ತು ಗೋಪೀಜನವಲ್ಲಭಾಯ || ೮ ||
ಇತಿ ಶ್ರೀಹರಿದಾಸೋದಿತ ಶ್ರೀಗೋಪೀಜನವಲ್ಲಭಾಷ್ಟಕಮ್ |
Also Read:
Sri Gopijana Vallabha Ashtakam 2 Lyrics in Hindi | English | Kannada | Telugu | Tamil
