Sri Govardhanadhara Ashtakam in Kannada:
॥ ಗೋವರ್ಧನಧರಾಷ್ಟಕಂ ॥
ಗೋಪನಾರೀ ಮುಖಾಂಭೋಜಭಾಸ್ಕರಂ ವೇಣುವಾದ್ಯಕಮ್ |
ರಾಧಿಕಾರಸಭೋಕ್ತಾರಂ ಗೋವರ್ಧನಧರಂ ಭಜೇ || ೧ ||
ಆಭೀರನಗರೀಪ್ರಾಣಪ್ರಿಯಂ ಸತ್ಯಪರಾಕ್ರಮಮ್ |
ಸ್ವಭೃತ್ಯಭಯಭೇತ್ತಾರಂ ಗೋವರ್ಧನಧರಂ ಭಜೇ || ೨ ||
ವ್ರಜಸ್ತ್ರೀ ವಿಪ್ರಯೋಗಾಗ್ನಿ ನಿವಾರಕಮಹರ್ನಿಶಮ್ |
ಮಹಾಮರಕತಶ್ಯಾಮಂ ಗೋವರ್ಧನಧರಂ ಭಜೇ || ೩ ||
ನವಕಂಜನಿಭಾಕ್ಷಂ ಚ ಗೋಪೀಜನಮನೋಹರಮ್ |
ವನಮಾಲಾಧರಂ ಶಶ್ವದ್ಗೋವರ್ಧನಧರಂ ಭಜೇ || ೪ ||
ಭಕ್ತವಾಂಛಾಕಲ್ಪವೃಕ್ಷಂ ನವನೀತಪಯೋಮುಖಮ್ |
ಯಶೋದಾಮಾತೃಸಾನಂದಂ ಗೋವರ್ಧನಧರಂ ಭಜೇ || ೫ ||
ಅನನ್ಯಕೃತಹೃದ್ಭಾವಪೂರಕಂ ಪೀತವಾಸನಮ್ |
ರಾಸಮಂಡಲಮಧ್ಯಸ್ಥಂ ಗೋವರ್ಧನಧರಂ ಭಜೇ || ೬ ||
ಧ್ವಜವಜ್ರಾದಿಸಚ್ಚಿಹ್ನ ರಾಜಚ್ಚರಣಪಂಕಜಮ್ |
ಶೃಂಗಾರರಸಮರ್ಮಜ್ಞಂ ಗೋವರ್ಧನಧರಂ ಭಜೇ || ೭ ||
ಪುರುಹೂತಮಹಾವೃಷ್ಟೀರ್ನಾಶಕಂ ಗೋಗಣಾವೃತಮ್ |
ಭಕ್ತನೇತ್ರಚಕೋರೇಂದುಂ ಗೋವರ್ಧನಧರಂ ಭಜೇ || ೮ ||
ಗೋವರ್ಧನಧರಾಷ್ಟಕಮಿದಂ ಯಃ ಪ್ರಪಠೇತ್ಸುಧೀಃ |
ಸರ್ವದಾಽನನ್ಯಭಾವೇನ ಸ ಕೃಷ್ಣೋ ರತಿಮಾಪ್ನುಯಾತ್ || ೯ ||
ರಚಿತಂ ಭಕ್ತಿಲಾಭಾಯ ಧಾರಕಾನಾಂ ಸನಾತನಮ್ |
ಮುಕ್ತಿದಂ ಸರ್ವಜಂತೂನಾಂ ಗೋವರ್ಧನಧರಾಷ್ಟಕಮ್ || ೧೦ ||
ಇತಿ ಶ್ರೀಗೋಕುಲಚಂದ್ರಕೃತಂ ಗೋವರ್ಧನಧರಾಷ್ಟಕಮ್ |
Also Read:
Sri Govardhanadhara Ashtakam Lyrics in Hindi | English | Kannada | Telugu | Tamil
