Ayyapa Ashtottara Shatanama Stotram in Oriya:
॥ ହରିହରାଷ୍ଟୋତ୍ତରଶତନାମସ୍ତୋତ୍ରମ୍ ଅଥଵା ଶ୍ରୀହରିହରାତ୍ମକସ୍ତୋତ୍ରମ୍ ॥
ଶ୍ରୀଗଣେଶାୟ ନମଃ ॥
ଗୋଵିନ୍ଦ ମାଧଵ ମୁକୁନ୍ଦ ହରେ ମୁରାରେ
ଶମ୍ଭୋ ଶିଵେଶ ଶଶିଶେଖର ଶୂଲପାଣେ ।
ଦାମୋଦରାଚ୍ୟୁତ ଜନାର୍ଦନ ଵାସୁଦେଵ
ତ୍ୟାଜ୍ୟା ଭଟା ୟ ଇତି ସନ୍ତତମାମନନ୍ତି ॥ ୧॥
ଗଙ୍ଗାଧରାନ୍ଧକରିପୋ ହର ନୀଲକଣ୍ଠ
ଵୈକୁଣ୍ଠ କୈଟଭରିପୋ କମଠାବ୍ଜପାଣେ ।
ଭୂତେଶ ଖଣ୍ଡପରଶୋ ମୃଡ ଚଣ୍ଡିକେଶ
ତ୍ୟାଜ୍ୟା ଭଟା ୟ ଇତି ସନ୍ତତମାମନନ୍ତି ॥ ୨॥
ଵିଷ୍ଣୋ ନୃସିଂହ ମଧୁସୂଦନ ଚକ୍ରପାଣେ
ଗୌରୀପତେ ଗିରିଶ ଶଙ୍କର ଚନ୍ଦ୍ରଚୂଡ ।
ନାରାୟାଣାସୁରନିବର୍ହଣ ଶାର୍ଙ୍ଗପାଣେ
ତ୍ୟାଜ୍ୟା ଭଟା ୟ ଇତି ସନ୍ତତମାମନନ୍ତି ॥ ୩॥
ମୃତ୍ୟୁଞ୍ଜୟୋଗ୍ର ଵିଷମେକ୍ଷଣ କାମଶତ୍ରୋ
ଶ୍ରୀକାନ୍ତ ପୀତଵସନାମ୍ବୁଦନୀଲ ଶୌରେ ।
ଈଶାନ କୃତ୍ତିଵସନ ତ୍ରିଦଶୈକନାଥ
ତ୍ୟାଜ୍ୟା ଭଟା ୟ ଇତି ସନ୍ତତମାମନନ୍ତି ॥ ୪॥
ଲକ୍ଷ୍ମୀପତେ ମଧୁରିପୋ ପୁରୁଷୋତ୍ତମାଦ୍ୟ
ଶ୍ରୀକଣ୍ଠ ଦିଗ୍ଵସନ ଶାନ୍ତ ପିନାକପାଣେ ।
ଆନନ୍ଦକନ୍ଦ ଧରଣୀଧର ପଦ୍ମନାଭ
ତ୍ୟାଜ୍ୟା ଭଟା ୟ ଇତି ସନ୍ତତମାମନନ୍ତି ॥ ୫॥
ସର୍ଵେଶ୍ଵର ତ୍ରିପୁରସୂଦନ ଦେଵଦେଵ
ବ୍ରହ୍ମଣ୍ୟଦେଵ ଗରୁଡଧ୍ଵଜ ଶଙ୍ଖପାଣେ ।
ତ୍ର୍ୟକ୍ଷୋରଗାଭରଣ ବାଲମୃଗାଙ୍କମୌଲେ
ତ୍ୟାଜ୍ୟା ଭଟା ୟ ଇତି ସନ୍ତତମାମନନ୍ତି ॥ ୬॥
ଶ୍ରୀରାମ ରାଘଵ ରମେଶ୍ଵର ରାଵଣାରେ
ଭୂତେଶ ମନ୍ମଥରିପୋ ପ୍ରମଥାଧିନାଥ ।
ଚାଣୂରମର୍ଦନ ହୃଷୀକପତେ ମୁରାରେ
ତ୍ୟାଜ୍ୟା ଭଟା ୟ ଇତି ସନ୍ତତମାମନନ୍ତି ॥ ୭॥
ଶୂଲିନ୍ ଗିରୀଶ ରଜନୀଶ କଲାଵତଂସ
କଂସପ୍ରଣାଶନ ସନାତନ କେଶିନାଶ ।
ଭର୍ଗ ତ୍ରିନେତ୍ର ଭଵ ଭୂତପତେ ପୁରାରେ
ତ୍ୟାଜ୍ୟା ଭଟା ୟ ଇତି ସନ୍ତତମାମନନ୍ତି ॥ ୮॥
ଗୋପୀପତେ ୟଦୁପତେ ଵସୁଦେଵସୂନୋ
କର୍ପୂରଗୌର ଵୃଷଭଧ୍ଵଜ ଭାଲନେତ୍ର ।
ଗୋଵର୍ଧନୋଦ୍ଧରଣ ଧର୍ମଧୁରୀଣ ଗୋପ
ତ୍ୟାଜ୍ୟା ଭଟା ୟ ଇତି ସନ୍ତତମାମନନ୍ତି ॥ ୯॥
ସ୍ଥାଣୋ ତ୍ରିଲୋଚନ ପିନାକଧର ସ୍ମରାରେ
କୃଷ୍ଣାନିରୁଦ୍ଧ କମଲାକର କଲ୍ମଷାରେ ।
ଵିଶ୍ଵେଶ୍ଵର ତ୍ରିପଥଗାର୍ଦ୍ରଜଟାକଲାପ
ତ୍ୟାଜ୍ୟା ଭଟା ୟ ଇତି ସନ୍ତତମାମନନ୍ତି ॥ ୧୦॥
ଅଷ୍ଟୋତ୍ତରାଧିକଶତେନ ସୁଚାରୁନାମ୍ନାଂ
ସନ୍ଦର୍ଭିତାଂ ଲଲିତରତ୍ନକଦମ୍ବକେନ ।
ସନ୍ନାୟକାଂ ଦୃଢଗୁଣାଂ ନିଜକଣ୍ଠଗତାଂ ୟଃ
କୁର୍ୟାଦିମାଂ ସ୍ରଜମହୋ ସ ୟମଂ ନ ପଶ୍ୟେତ୍ ॥ ୧୧॥
ଗଣାଵୂଚତୁଃ ।
ଇତ୍ଥଂ ଦ୍ଵିଜେନ୍ଦ୍ର ନିଜଭୃତ୍ୟଗଣାନ୍ସଦୈଵ
ସଂଶିକ୍ଷୟେଦଵନିଗାନ୍ସ ହି ଧର୍ମରାଜଃ ।
ଅନ୍ୟେଽପି ୟେ ହରିହରାଙ୍କଧରା ଧରାୟାଂ
ତେ ଦୂରତଃ ପୁନରହୋ ପରିଵର୍ଜନୀୟାଃ ॥ ୧୨॥
ଅଗସ୍ତ୍ୟ ଉଵାଚ ।
ୟୋ ଧର୍ମରାଜରଚିତାଂ ଲଲିତପ୍ରବନ୍ଧାଂ
ନାମାଵଲିଂ ସକଲକଲ୍ମଷବୀଜହନ୍ତ୍ରୀମ୍ ।
ଧୀରୋଽତ୍ର କୌସ୍ତୁଭଭୃତଃ ଶଶିଭୂଷଣସ୍ୟ
ନିତ୍ୟଂ ଜପେତ୍ସ୍ତନରସଂ ନ ପିବେତ୍ସ ମାତୁଃ ॥ ୧୩॥
ଇତି ଶୃଣ୍ଵନ୍ କଥାଂ ରମ୍ୟାଂ ଶିଵଶର୍ମା ପ୍ରିୟେଽନଘାମ୍ ।
ପ୍ରହର୍ଷଵକ୍ତ୍ରଃ ପୁରତୋ ଦଦର୍ଶ ସରସୀଂ ପୁରୀମ୍ ॥ ୧୪॥
ଇତି (ଶ୍ରୀସ୍କନ୍ଦପୁରାଣେ କାଶୀଖଣ୍ଡେ ଧର୍ମରାଜପ୍ରୋକ୍ତଂ
ହରିହରାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ।
Also Read:
Ayyappa Swamy Slokam – Sri Harihara Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil