Templesinindiainfo

Best Spiritual Website

Sri Harihara Ashtottara Shatanama Stotram Lyrics in Malayalam

Ayyapa Ashtottara Shatanama Stotram in Malayalam:

॥ ഹരിഹരാഷ്ടോത്തരശതനാമസ്തോത്രം അഥവാ ശ്രീഹരിഹരാത്മകസ്തോത്രം ॥

ശ്രീഗണേശായ നമഃ ॥

ഗോവിന്ദ മാധവ മുകുന്ദ ഹരേ മുരാരേ
ശംഭോ ശിവേശ ശശിശേഖര ശൂലപാണേ ।
ദാമോദരാച്യുത ജനാര്‍ദന വാസുദേവ
ത്യാജ്യാ ഭടാ യ ഇതി സന്തതമാമനന്തി ॥ 1॥

ഗങ്ഗാധരാന്ധകരിപോ ഹര നീലകണ്ഠ
വൈകുണ്ഠ കൈടഭരിപോ കമഠാബ്ജപാണേ ।
ഭൂതേശ ഖണ്ഡപരശോ മൃഡ ചണ്ഡികേശ
ത്യാജ്യാ ഭടാ യ ഇതി സന്തതമാമനന്തി ॥ 2॥

വിഷ്ണോ നൃസിംഹ മധുസൂദന ചക്രപാണേ
ഗൌരീപതേ ഗിരിശ ശങ്കര ചന്ദ്രചൂഡ ।
നാരായാണാസുരനിബര്‍ഹണ ശാര്‍ങ്ഗപാണേ
ത്യാജ്യാ ഭടാ യ ഇതി സന്തതമാമനന്തി ॥ 3॥

മൃത്യുഞ്ജയോഗ്ര വിഷമേക്ഷണ കാമശത്രോ
ശ്രീകാന്ത പീതവസനാംബുദനീല ശൌരേ ।
ഈശാന കൃത്തിവസന ത്രിദശൈകനാഥ
ത്യാജ്യാ ഭടാ യ ഇതി സന്തതമാമനന്തി ॥ 4॥

ലക്ഷ്മീപതേ മധുരിപോ പുരുഷോത്തമാദ്യ
ശ്രീകണ്ഠ ദിഗ്വസന ശാന്ത പിനാകപാണേ ।
ആനന്ദകന്ദ ധരണീധര പദ്മനാഭ
ത്യാജ്യാ ഭടാ യ ഇതി സന്തതമാമനന്തി ॥ 5॥

സര്‍വേശ്വര ത്രിപുരസൂദന ദേവദേവ
ബ്രഹ്മണ്യദേവ ഗരുഡധ്വജ ശങ്ഖപാണേ ।
ത്ര്യക്ഷോരഗാഭരണ ബാലമൃഗാങ്കമൌലേ
ത്യാജ്യാ ഭടാ യ ഇതി സന്തതമാമനന്തി ॥ 6॥

ശ്രീരാമ രാഘവ രമേശ്വര രാവണാരേ
ഭൂതേശ മന്‍മഥരിപോ പ്രമഥാധിനാഥ ।
ചാണൂരമര്‍ദന ഹൃഷീകപതേ മുരാരേ
ത്യാജ്യാ ഭടാ യ ഇതി സന്തതമാമനന്തി ॥ 7॥

ശൂലിന്‍ ഗിരീശ രജനീശ കലാവതംസ
കംസപ്രണാശന സനാതന കേശിനാശ ।
ഭര്‍ഗ ത്രിനേത്ര ഭവ ഭൂതപതേ പുരാരേ
ത്യാജ്യാ ഭടാ യ ഇതി സന്തതമാമനന്തി ॥ 8॥

ഗോപീപതേ യദുപതേ വസുദേവസൂനോ
കര്‍പൂരഗൌര വൃഷഭധ്വജ ഭാലനേത്ര ।
ഗോവര്‍ധനോദ്ധരണ ധര്‍മധുരീണ ഗോപ
ത്യാജ്യാ ഭടാ യ ഇതി സന്തതമാമനന്തി ॥ 9॥

സ്ഥാണോ ത്രിലോചന പിനാകധര സ്മരാരേ
കൃഷ്ണാനിരുദ്ധ കമലാകര കല്‍മഷാരേ ।
വിശ്വേശ്വര ത്രിപഥഗാര്‍ദ്രജടാകലാപ
ത്യാജ്യാ ഭടാ യ ഇതി സന്തതമാമനന്തി ॥ 10॥

അഷ്ടോത്തരാധികശതേന സുചാരുനാംനാം
സന്ദര്‍ഭിതാം ലലിതരത്നകദംബകേന ।
സന്നായകാം ദൃഢഗുണാം നിജകണ്ഠഗതാം യഃ
കുര്യാദിമാം സ്രജമഹോ സ യമം ന പശ്യേത് ॥ 11॥

ഗണാവൂചതുഃ ।
ഇത്ഥം ദ്വിജേന്ദ്ര നിജഭൃത്യഗണാന്‍സദൈവ
സംശിക്ഷയേദവനിഗാന്‍സ ഹി ധര്‍മരാജഃ ।
അന്യേഽപി യേ ഹരിഹരാങ്കധരാ ധരായാം
തേ ദൂരതഃ പുനരഹോ പരിവര്‍ജനീയാഃ ॥ 12॥

അഗസ്ത്യ ഉവാച ।
യോ ധര്‍മരാജരചിതാം ലലിതപ്രബന്ധാം
നാമാവലിം സകലകല്‍മഷബീജഹന്ത്രീം ।
ധീരോഽത്ര കൌസ്തുഭഭൃതഃ ശശിഭൂഷണസ്യ
നിത്യം ജപേത്സ്തനരസം ന പിബേത്സ മാതുഃ ॥ 13॥

ഇതി ശൃണ്വന്‍ കഥാം രംയാം ശിവശര്‍മാ പ്രിയേഽനഘാം ।
പ്രഹര്‍ഷവക്ത്രഃ പുരതോ ദദര്‍ശ സരസീം പുരീം ॥ 14॥

ഇതി (ശ്രീസ്കന്ദപുരാണേ കാശീഖണ്ഡേ ധര്‍മരാജപ്രോക്തം
ഹരിഹരാഷ്ടോത്തരശതനാമസ്തോത്രം സമ്പൂര്‍ണം ।

Also Read:

Ayyappa Swamy Slokam – Sri Harihara Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Sri Harihara Ashtottara Shatanama Stotram Lyrics in Malayalam

Leave a Reply

Your email address will not be published. Required fields are marked *

Scroll to top