Sri Krishna Stotram (Bala Kritam) –
Sri Krishna Stotram (Bala Kritam) in Telugu:
॥ శ్రీ కృష్ణ స్తోత్రం (బాల కృతం) ॥
బాలా ఊచుః-
యథా సంరక్షితం బ్రహ్మన్ సర్వాపత్స్వేవ నః కులమ్ |
తథా రక్షాం కురు పునర్దావాగ్నేర్మధుసూదన || ౧ ||
త్వమిష్టదేవతాఽస్మాకం త్వమేవ కులదేవతా |
స్రష్టా పాతా చ సంహర్తా జగతాం చ జగత్పతే || ౨ ||
వహ్నిర్వా వరూణో వాఽపి చంద్రో వా సూర్య ఏవ చ |
యమః కుబేరః పవన ఈశానాద్యాశ్చ దేవతా || ౩ ||
బ్రహ్మేశశేషధర్మేంద్రా మునీంద్రా మనవః స్మృతాః |
మానవాశ్చ తథా దైత్యా యక్షరాక్షసకిన్నరాః || ౪ ||
యే యే చరాఽచరాశ్చైవ సర్వే తవ విభూతయః |
ఆవిర్భావస్తిరోభావః సర్వేషాం చ తవేచ్ఛయా || ౫ ||
అభయం దేహి గోవింద వహ్నిసంహరణం కురు |
వయం త్వాం శరణం యామో రక్ష త్వం శరణాగతాన్ || ౬ ||
ఇత్యేవముక్త్వా తే సర్వే తస్థుర్ధ్యాత్వా పదాంబుజమ్ |
దూరీభూతస్తు దావాగ్నిః శ్రీకృష్ణామృతదృష్టితః || ౭ ||
దూరీభూతే చ దావాగ్నౌ ననృతుస్తే ముదాన్వితాః |
సర్వాపదః ప్రణశ్యంతి హరిస్మరణమాత్రతః || ౮ ||
ఇదం స్తోత్రం మహాపుణ్యం ప్రాతరూత్థాయ యః పఠేత్ |
వహ్నితో న భవేత్తస్య భయం జన్మని జన్మని || ౯ ||
శత్రుగ్రస్తే చ దావాగ్నౌ విపత్తౌ ప్రాణసంకటే |
స్తోత్రమేతత్ పఠిత్వా తు ముచ్యతే నాఽత్ర సంశయః || ౧౦ ||
శత్రుసైన్యం క్షయం యాతి సర్వత్ర విజయీ భవేత్ |
ఇహ లోకే హరేర్భక్తిమంతే దాస్యం లభేధ్రువమ్ || ౧౧ ||
Also Read:
Sri Krsna Stotram (Bala Kritam) Lyrics in Hindi | English | Kannada | Telugu | Tamil
