Shri Vasudeva Ashtakam Lyrics in Bengali by Narayana Guru:
॥ বাসুদেবাষ্টকং ॥
by Shri Narayanaguru
॥ অথ শ্রী বাসুদেবাষ্টকং ॥
শ্রীবাসুদেব সরসীরুহপাঞ্চজন্যকৌমোদকীভয়নিবারণচক্রপাণে ।
শ্রীবত্সবত্স সকলাময়মূলনাশিন্ শ্রীভূপতে হর হরে সকলাময়ং মে ॥ ১ ॥
গোবিন্দ গোপসুত গোগণপাললোল গোপীজনাঙ্গকমনীয়নিজাঙ্গসঙ্গ ।
গোদেবিবল্লভ মহেশ্বরমুখ্যবন্দ্য শ্রীভূপতে হর হরে সকলাময়ং মে ॥ ২ ॥
নীলাল়িকেশ পরিভূষিতবর্হিবর্হ কাল়াংবুদদ্যুতিকল়ায়কল়েবরাভ ।
বীর স্বভক্তজনবত্সল নীরজাক্ষ শ্রীভূপতে হর হরে সকলাময়ং মে ॥ ৩ ॥
আনন্দরূপ জনকানকপূর্বদুন্দুভ্যানন্দসাগর সুধাকরসৌকুমার্য ।
মানাপমানসমমানস রাজহংস শ্রীভূপতে হর হরে সকলাময়ং মে ॥ ৪ ॥
মঞ্জীরমঞ্জুমণিশিঞ্জিতপাদপদ্ম কঞ্জায়তাক্ষ করুণাকর কঞ্জনাভ ।
সঞ্জীবনৌষধ সুধাময় সাধুরম্য শ্রীভূপতে হর হরে সকলাময়ং মে ॥ ৫ ॥
কংসাসুরদ্বিরদ কেসরিবীর গ़োরবৈরাকরাময়বিরোধকরাজ শৌরে ।
হংসাদিরম্য সরসীরুহপাদমূল শ্রীভূপতে হর হরে সকলাময়ং মে ॥ ৬ ॥
সংসারসঙ্কটবিশঙ্কটকঙ্কটায় সর্বার্থদায় সদয়ায় সনাতনায় ।
সচ্চিন্ময়ায় ভবতে সততং নমোস্তু শ্রীভূপতে হর হরে সকলাময়ং মে ॥ ৭ ॥
ভক্তপ্রিয়ায় ভবশোকবিনাশনায় মুক্তিপ্রদায় মুনিবৃন্দনিষেবিতায় ।
নক্তং দিবং ভগবতে নতিরস্মদীয়া শ্রীভূপতে হর হরে সকলাময়ং মে ॥ ৮ ॥
॥ ইতি শ্রী নারায়ণগুরুবিরচিতং বাসুদেবাষ্টকং সম্পূর্ণম্ ॥
