Shri Vasudeva Ashtakam Lyrics in Kannada by Narayana Guru:
॥ ವಾಸುದೇವಾಷ್ಟಕಂ ॥
by Shri Narayanaguru
॥ ಅಥ ಶ್ರೀ ವಾಸುದೇವಾಷ್ಟಕಂ ॥
ಶ್ರೀವಾಸುದೇವ ಸರಸೀರುಹಪಾಂಚಜನ್ಯಕೌಮೋದಕೀಭಯನಿವಾರಣಚಕ್ರಪಾಣೇ ।
ಶ್ರೀವತ್ಸವತ್ಸ ಸಕಲಾಮಯಮೂಲನಾಶಿನ್ ಶ್ರೀಭೂಪತೇ ಹರ ಹರೇ ಸಕಲಾಮಯಂ ಮೇ ॥ 1 ॥
ಗೋವಿನ್ದ ಗೋಪಸುತ ಗೋಗಣಪಾಲಲೋಲ ಗೋಪೀಜನಾಂಗಕಮನೀಯನಿಜಾಂಗಸಂಗ ।
ಗೋದೇವಿವಲ್ಲಭ ಮಹೇಶ್ವರಮುಖ್ಯವನ್ದ್ಯ ಶ್ರೀಭೂಪತೇ ಹರ ಹರೇ ಸಕಲಾಮಯಂ ಮೇ ॥ 2 ॥
ನೀಲಾಳಿಕೇಶ ಪರಿಭೂಷಿತಬರ್ಹಿಬರ್ಹ ಕಾಳಾಂಬುದದ್ಯುತಿಕಳಾಯಕಳೇಬರಾಭ ।
ವೀರ ಸ್ವಭಕ್ತಜನವತ್ಸಲ ನೀರಜಾಕ್ಷ ಶ್ರೀಭೂಪತೇ ಹರ ಹರೇ ಸಕಲಾಮಯಂ ಮೇ ॥ 3 ॥
ಆನನ್ದರೂಪ ಜನಕಾನಕಪೂರ್ವದುನ್ದುಭ್ಯಾನನ್ದಸಾಗರ ಸುಧಾಕರಸೌಕುಮಾರ್ಯ ।
ಮಾನಾಪಮಾನಸಮಮಾನಸ ರಾಜಹಂಸ ಶ್ರೀಭೂಪತೇ ಹರ ಹರೇ ಸಕಲಾಮಯಂ ಮೇ ॥ 4 ॥
ಮಂಜೀರಮಂಜುಮಣಿಶಿಂಜಿತಪಾದಪದ್ಮ ಕಂಜಾಯತಾಕ್ಷ ಕರುಣಾಕರ ಕಂಜನಾಭ ।
ಸಂಜೀವನೌಷಧ ಸುಧಾಮಯ ಸಾಧುರಮ್ಯ ಶ್ರೀಭೂಪತೇ ಹರ ಹರೇ ಸಕಲಾಮಯಂ ಮೇ ॥ 5 ॥
ಕಂಸಾಸುರದ್ವಿರದ ಕೇಸರಿವೀರ ಗ़ೋರವೈರಾಕರಾಮಯವಿರೋಧಕರಾಜ ಶೌರೇ ।
ಹಂಸಾದಿರಮ್ಯ ಸರಸೀರುಹಪಾದಮೂಲ ಶ್ರೀಭೂಪತೇ ಹರ ಹರೇ ಸಕಲಾಮಯಂ ಮೇ ॥ 6 ॥
ಸಂಸಾರಸಂಕಟವಿಶಂಕಟಕಂಕಟಾಯ ಸರ್ವಾರ್ಥದಾಯ ಸದಯಾಯ ಸನಾತನಾಯ ।
ಸಚ್ಚಿನ್ಮಯಾಯ ಭವತೇ ಸತತಂ ನಮೋಸ್ತು ಶ್ರೀಭೂಪತೇ ಹರ ಹರೇ ಸಕಲಾಮಯಂ ಮೇ ॥ 7 ॥
ಭಕ್ತಪ್ರಿಯಾಯ ಭವಶೋಕವಿನಾಶನಾಯ ಮುಕ್ತಿಪ್ರದಾಯ ಮುನಿವೃನ್ದನಿಷೇವಿತಾಯ ।
ನಕ್ತಂ ದಿವಂ ಭಗವತೇ ನತಿರಸ್ಮದೀಯಾ ಶ್ರೀಭೂಪತೇ ಹರ ಹರೇ ಸಕಲಾಮಯಂ ಮೇ ॥ 8 ॥
॥ ಇತಿ ಶ್ರೀ ನಾರಾಯಣಗುರುವಿರಚಿತಂ ವಾಸುದೇವಾಷ್ಟಕಂ ಸಮ್ಪೂರ್ಣಮ್ ॥
