Shri Vasudeva Ashtakam Lyrics in Oriya by Narayana Guru:
॥ ଵାସୁଦେଵାଷ୍ଟକଂ ॥
by Shri Narayanaguru
॥ ଅଥ ଶ୍ରୀ ଵାସୁଦେଵାଷ୍ଟକଂ ॥
ଶ୍ରୀଵାସୁଦେଵ ସରସୀରୁହପାଞ୍ଚଜନ୍ୟକୌମୋଦକୀଭୟନିଵାରଣଚକ୍ରପାଣେ ।
ଶ୍ରୀଵତ୍ସଵତ୍ସ ସକଲାମୟମୂଲନାଶିନ୍ ଶ୍ରୀଭୂପତେ ହର ହରେ ସକଲାମୟଂ ମେ ॥ ୧ ॥
ଗୋଵିନ୍ଦ ଗୋପସୁତ ଗୋଗଣପାଲଲୋଲ ଗୋପୀଜନାଙ୍ଗକମନୀୟନିଜାଙ୍ଗସଙ୍ଗ ।
ଗୋଦେଵିଵଲ୍ଲଭ ମହେଶ୍ଵରମୁଖ୍ୟଵନ୍ଦ୍ୟ ଶ୍ରୀଭୂପତେ ହର ହରେ ସକଲାମୟଂ ମେ ॥ ୨ ॥
ନୀଲାଳିକେଶ ପରିଭୂଷିତବର୍ହିବର୍ହ କାଳାଂବୁଦଦ୍ୟୁତିକଳାୟକଳେବରାଭ ।
ଵୀର ସ୍ଵଭକ୍ତଜନଵତ୍ସଲ ନୀରଜାକ୍ଷ ଶ୍ରୀଭୂପତେ ହର ହରେ ସକଲାମୟଂ ମେ ॥ ୩ ॥
ଆନନ୍ଦରୂପ ଜନକାନକପୂର୍ଵଦୁନ୍ଦୁଭ୍ୟାନନ୍ଦସାଗର ସୁଧାକରସୌକୁମାର୍ୟ ।
ମାନାପମାନସମମାନସ ରାଜହଂସ ଶ୍ରୀଭୂପତେ ହର ହରେ ସକଲାମୟଂ ମେ ॥ ୪ ॥
ମଞ୍ଜୀରମଞ୍ଜୁମଣିଶିଞ୍ଜିତପାଦପଦ୍ମ କଞ୍ଜାୟତାକ୍ଷ କରୁଣାକର କଞ୍ଜନାଭ ।
ସଞ୍ଜୀଵନୌଷଧ ସୁଧାମୟ ସାଧୁରମ୍ୟ ଶ୍ରୀଭୂପତେ ହର ହରେ ସକଲାମୟଂ ମେ ॥ ୫ ॥
କଂସାସୁରଦ୍ଵିରଦ କେସରିଵୀର ଗ़ୋରଵୈରାକରାମୟଵିରୋଧକରାଜ ଶୌରେ ।
ହଂସାଦିରମ୍ୟ ସରସୀରୁହପାଦମୂଲ ଶ୍ରୀଭୂପତେ ହର ହରେ ସକଲାମୟଂ ମେ ॥ ୬ ॥
ସଂସାରସଙ୍କଟଵିଶଙ୍କଟକଙ୍କଟାୟ ସର୍ଵାର୍ଥଦାୟ ସଦୟାୟ ସନାତନାୟ ।
ସଚ୍ଚିନ୍ମୟାୟ ଭଵତେ ସତତଂ ନମୋସ୍ତୁ ଶ୍ରୀଭୂପତେ ହର ହରେ ସକଲାମୟଂ ମେ ॥ ୭ ॥
ଭକ୍ତପ୍ରିୟାୟ ଭଵଶୋକଵିନାଶନାୟ ମୁକ୍ତିପ୍ରଦାୟ ମୁନିଵୃନ୍ଦନିଷେଵିତାୟ ।
ନକ୍ତଂ ଦିଵଂ ଭଗଵତେ ନତିରସ୍ମଦୀୟା ଶ୍ରୀଭୂପତେ ହର ହରେ ସକଲାମୟଂ ମେ ॥ ୮ ॥
॥ ଇତି ଶ୍ରୀ ନାରାୟଣଗୁରୁଵିରଚିତଂ ଵାସୁଦେଵାଷ୍ଟକଂ ସମ୍ପୂର୍ଣମ୍ ॥
