Sri Ranganatha Ashtakam Text in Kannada:
ರಂಗನಾಥಾಷ್ಟಕಮ್
ಆನನ್ದರೂಪೇ ನಿಜಬೋಧರೂಪೇ ಬ್ರಹ್ಮಸ್ವರೂಪೇ ಶ್ರುತಿಮೂರ್ತಿರೂಪೇ ।
ಶಶಾಂಕರೂಪೇ ರಮಣೀಯರೂಪೇ ಶ್ರೀರಂಗರೂಪೇ ರಮತಾಂ ಮನೋ ಮೇ ॥1॥
ಕಾವೇರಿತೀರೇ ಕರುಣಾವಿಲೋಲೇ ಮನ್ದಾರಮೂಲೇ ಧೃತಚಾರುಚೇಲೇ ।
ದೈತ್ಯಾನ್ತಕಾಲೇಽಖಿಲಲೋಕಲೀಲೇ ಶ್ರೀರಂಗಲೀಲೇ ರಮತಾಂ ಮನೋ ಮೇ ॥2॥
ಲಕ್ಷ್ಮೀನಿವಾಸೇ ಜಗತಾಂ ನಿವಾಸೇ ಹೃತ್ಪದ್ಮವಾಸೇ ರವಿಬಿಮ್ಬವಾಸೇ ।
ಕೃಪಾನಿವಾಸೇ ಗುಣಬೃನ್ದವಾಸೇ ಶ್ರೀರಂಗವಾಸೇ ರಮತಾಂ ಮನೋ ಮೇ ॥3॥
ಬ್ರಹ್ಮಾದಿವನ್ದ್ಯೇ ಜಗದೇಕವನ್ದ್ಯೇ ಮುಕುನ್ದವನ್ದ್ಯೇ ಸುರನಾಥವನ್ದ್ಯೇ ।
ವ್ಯಾಸಾದಿವನ್ದ್ಯೇ ಸನಕಾದಿವನ್ದ್ಯೇ ಶ್ರೀರಂಗವನ್ದ್ಯೇ ರಮತಾಂ ಮನೋ ಮೇ ॥4॥
ಬ್ರಹ್ಮಾಧಿರಾಜೇ ಗರುಡಾಧಿರಾಜೇ ವೈಕುಂಠರಾಜೇ ಸುರರಾಜರಾಜೇ ।
ತ್ರೈಲೋಕ್ಯರಾಜೇಽಖಿಲಲೋಕರಾಜೇ ಶ್ರೀರಂಗರಾಜೇ ರಮತಾಂ ಮನೋ ಮೇ ॥5॥
ಅಮೋಘಮುದ್ರೇ ಪರಿಪೂರ್ಣನಿದ್ರೇ ಶ್ರೀಯೋಗನಿದ್ರೇ ಸಸಮುದ್ರನಿದ್ರೇ ।
ಶ್ರಿತೈಕಭದ್ರೇ ಜಗದೇಕನಿದ್ರೇ ಶ್ರೀರಂಗಭದ್ರೇ ರಮತಾಂ ಮನೋ ಮೇ ॥6॥
ಸ ಚಿತ್ರಶಾಯೀ ಭುಜಗೇನ್ದ್ರಶಾಯೀ ನನ್ದಾಂಕಶಾಯೀ ಕಮಲಾಂಕಶಾಯೀ ।
ಕ್ಷೀರಾಬ್ಧಿಶಾಯೀ ವಟಪತ್ರಶಾಯೀ ಶ್ರೀರಂಗಶಾಯೀ ರಮತಾಂ ಮನೋ ಮೇ ॥7॥
ಇದಂ ಹಿ ರಂಗಂ ತ್ಯಜತಾಮಿಹಾಂಗಮ್ ಪುನರ್ನಚಾಂಕಂ ಯದಿ ಚಾಂಗಮೇತಿ ।
ಪಾಣೌ ರಥಾಂಗಂ ಚರಣೇಮ್ಬು ಗಾಂಗಮ್ ಯಾನೇ ವಿಹಂಗಂ ಶಯನೇ ಭುಜಂಗಮ್ ॥8॥
ರಂಗನಾಥಾಷ್ಟಕಂ ಪುಣ್ಯಮ್ ಪ್ರಾತರುತ್ಥಾಯ ಯಃ ಪಠೇತ್ ।
ಸರ್ವಾನ್ ಕಾಮಾನವಾಪ್ನೋತಿ ರಂಗಿಸಾಯುಜ್ಯಮಾಪ್ನುಯಾತ್ ॥
॥ ಇತಿ ಶ್ರೀಮಚ್ಛಂಕರಾಚಾರ್ಯವಿರಚಿತಂ ಶ್ರೀರಂಗನಾಥಾಷ್ಟಕಂ ಸಮ್ಪೂರ್ಣಮ್॥
Also Read:
Sri Ranganathashtakam Ashtakam / Ranganatha Ashtakam Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil