Sree Sathyanarayana Ashtakam Lyrics in Malayalam:
സത്യനാരായണാഷ്ടകം
ആദിദേവം ജഗത്കാരണം ശ്രീധരം ലോകനാഥം വിഭും വ്യാപകം ശങ്കരം ।
സര്‍വഭക്തേഷ്ടദം മുക്തിദം മാധവം സത്യനാരായണം വിഷ്ണുമീശം ഭജേ || 1 ||
സര്‍വദാ ലോക-കല്യാണ-പാരായണം ദേവ-ഗോ-വിപ്ര-രക്ഷാര്‍ഥ-സദ്വിഗ്രഹം ।
ദീന-ഹീനാത്മ-ഭക്താശ്രയം സുന്ദരം സത്യനാരായണം വിഷ്ണുമീശം ഭജേ || 2 ||
ദക്ഷിണേ യസ്യ ഗങ്ഗാ ശുഭാ ശോഭതേ രാജതേ സാ രമാ യസ്യ വാമേ സദാ ।
യഃ പ്രസന്നാനനോ ഭാതി ഭവ്യശ്ച തം സത്യനാരായണം വിഷ്ണുമീശം ഭജേ || 3 ||
സങ്കടേ സങ്ഗരേ യം ജനഃ സര്‍വദാ സ്വാത്മഭീനാശനായ സ്മരേത് പീഡിതഃ ।
പൂര്‍ണകൃത്യോ ഭവേദ് യത്പ്രസാദാച്ച തം സത്യനാരായണം വിഷ്ണുമീശം ഭജേ || 4 ||
വാഞ്ഛിതം ദുര്ലഭം യോ ദദാതി പ്രഭുഃ സാധവേ സ്വാത്മഭക്തായ ഭക്തിപ്രിയഃ ।
സര്‍വഭൂതാശ്രയം തം ഹി വിശ്വംഭരം സത്യനാരായണം വിഷ്ണുമീശം ഭജേ || 5 ||
ബ്രാഹ്മണഃ സാധു-വൈശ്യശ്ച തുങ്ഗധ്വജോ യേഽഭവന്‍ വിശ്രുതാ യസ്യ ഭക്ത്യാഽമരാ ।
ലീലയാ യസ്യ വിശ്വം തതം തം വിഭും സത്യനാരായണം വിഷ്ണുമീശം ഭജേ || 6 ||
യേന ചാബ്രഹ്മബാലതൃണം ധാര്യതേ സൃജ്യതേ പാല്യതേ സര്‍വമേതജ്ജഗത് ।
ഭക്തഭാവപ്രിയം ശ്രീദയാസാഗരം സത്യനാരായണം വിഷ്ണുമീശം ഭജേ || 7 ||
സര്‍വകാമപ്രദം സര്‍വദാ സത്പ്രിയം വന്ദിതം ദേവവൃന്ദൈര്‍മുനീന്ദ്രാര്‍ചിതം ।
പുത്ര-പൌത്രാദി-സര്‍വേഷ്ടദം ശാശ്വതം സത്യനാരായണം വിഷ്ണുമീശം ഭജേ || 8 ||
അഷ്ടകം സത്യദേവസ്യ ഭക്ത്യാ നരഃ ഭാവയുക്തോ മുദാ യസ്ത്രിസന്ധ്യം പഠേത് ।
തസ്യ നശ്യന്തി പാപാനി തേനാഽഗ്നിനാ ഇന്ധനാനീവ ശുഷ്കാണി സര്‍വാണി വൈ || 9 ||
ഇതി സത്യനാരായണാഷ്ടകം സമ്പൂര്‍ണം ।