Sree Sathyanarayana Ashtakam Lyrics in Telugu:
సత్యనారాయణాష్టకమ్
ఆదిదేవం జగత్కారణం శ్రీధరం లోకనాథం విభుం వ్యాపకం శఙ్కరమ్ ।
సర్వభక్తేష్టదం ముక్తిదం మాధవం సత్యనారాయణం విష్ణుమీశం భజే || ౧ ||
సర్వదా లోక-కల్యాణ-పారాయణం దేవ-గో-విప్ర-రక్షార్థ-సద్విగ్రహమ్ ।
దీన-హీనాత్మ-భక్తాశ్రయం సున్దరం సత్యనారాయణం విష్ణుమీశం భజే || ౨ ||
దక్షిణే యస్య గఙ్గా శుభా శోభతే రాజతే సా రమా యస్య వామే సదా ।
యః ప్రసన్నాననో భాతి భవ్యశ్చ తం సత్యనారాయణం విష్ణుమీశం భజే || ౩ ||
సఙ్కటే సఙ్గరే యం జనః సర్వదా స్వాత్మభీనాశనాయ స్మరేత్ పీడితః ।
పూర్ణకృత్యో భవేద్ యత్ప్రసాదాచ్చ తం సత్యనారాయణం విష్ణుమీశం భజే || ౪ ||
వాఞ్ఛితం దుర్లభం యో దదాతి ప్రభుః సాధవే స్వాత్మభక్తాయ భక్తిప్రియః ।
సర్వభూతాశ్రయం తం హి విశ్వమ్భరం సత్యనారాయణం విష్ణుమీశం భజే || ౫ ||
బ్రాహ్మణః సాధు-వైశ్యశ్చ తుఙ్గధ్వజో యేఽభవన్ విశ్రుతా యస్య భక్త్యాఽమరా ।
లీలయా యస్య విశ్వం తతం తం విభుం సత్యనారాయణం విష్ణుమీశం భజే || ౬ ||
యేన చాబ్రహ్మబాలతృణం ధార్యతే సృజ్యతే పాల్యతే సర్వమేతజ్జగత్ ।
భక్తభావప్రియం శ్రీదయాసాగరం సత్యనారాయణం విష్ణుమీశం భజే || ౭ ||
సర్వకామప్రదం సర్వదా సత్ప్రియం వన్దితం దేవవృన్దైర్మునీన్ద్రార్చితమ్ ।
పుత్ర-పౌత్రాది-సర్వేష్టదం శాశ్వతం సత్యనారాయణం విష్ణుమీశం భజే || ౮ ||
అష్టకం సత్యదేవస్య భక్త్యా నరః భావయుక్తో ముదా యస్త్రిసన్ధ్యం పఠేత్ ।
తస్య నశ్యన్తి పాపాని తేనాఽగ్నినా ఇన్ధనానీవ శుష్కాణి సర్వాణి వై || ౯ ||
ఇతి సత్యనారాయణాష్టకం సమ్పూర్ణమ్ ।