Sri Shani Vajra Panjara Kavacham in English:
॥ śrī śani vajrapañjara kavacam ॥
ōṁ asya śrīśanaiścaravajrapañjara kavacasya kaśyapa r̥ṣiḥ anuṣṭup chandaḥ śrī śanaiścara dēvatā śrīśanaiścara prītyarthē japē viniyōgaḥ |
dhyānam |
nīlāmbarō nīlavapuḥ kirīṭī
gr̥dhrasthitastrāsakarō dhanuṣmān |
caturbhujaḥ sūryasutaḥ prasannaḥ
sadā mama syādvaradaḥ praśāntaḥ || 1 ||
brahmōvāca |
śr̥ṇudhvaṁ r̥ṣayaḥ sarvē śanipīḍāharaṁ mahat |
kavacaṁ śanirājasya saurēridamanuttamam || 2 ||
kavacaṁ dēvatāvāsaṁ vajrapañjarasañjñakam |
śanaiścara prītikaraṁ sarvasaubhāgyadāyakam || 3 ||
(kavacam)
ōṁ śrīśanaiścaraḥ pātu bhālaṁ mē sūryanandanaḥ |
nētrē chāyātmajaḥ pātu pātu karṇau yamānujaḥ || 4 ||
nāsāṁ vaivasvataḥ pātu mukhaṁ mē bhāskaraḥ sadā |
snigdhakaṇṭhaśca mē kaṇṭhaṁ bhujau pātu mahābhujaḥ || 5 ||
skandhau pātu śaniścaiva karau pātu śubhapradaḥ |
vakṣaḥ pātu yamabhrātā kukṣiṁ pātvasitastathā || 6 ||
nābhiṁ grahapatiḥ pātu mandaḥ pātu kaṭiṁ tathā |
ūrū mamāntakaḥ pātu yamō jānuyugaṁ tathā || 7 ||
pādau mandagatiḥ pātu sarvāṅgaṁ pātu pippalaḥ |
aṅgōpāṅgāni sarvāṇi rakṣēnmē sūryanandanaḥ || 8 ||
(phalaśrutiḥ)
ityētatkavacaṁ divyaṁ paṭhētsūryasutasya yaḥ |
na tasya jāyatē pīḍā prītō bhavati sūryajaḥ || 9 ||
vyayajanmadvitīyasthō mr̥tyusthānagatō:’pi vā |
kalatrasthō gatō vāpi suprītastu sadā śaniḥ || 10 ||
aṣṭamasthē sūryasutē vyayē janmadvitīyagē |
kavacaṁ paṭhatē nityaṁ na pīḍā jāyatē kvacit || 11 ||
ityētatkavacaṁ divyaṁ saurēryannirmitaṁ purā |
dvādaśāṣṭamajanmasthadōṣānnāśayatē sadā |
janmalagnasthitān dōṣān sarvānnāśayatē prabhuḥ || 12 ||
iti śrībrahmāṇḍapurāṇē brahmanāradasaṁvādē śanivajrapañjara kavacam |
Also Read:
Sri Shani Vajra Panjara Kavacham Lyrics in English | Hindi | Kannada | Telugu | Tamil