Sri Shankara Stotram 2 in English:
॥ śrī śaṅkarāṣṭakam 2 ॥
hē vāmadēva śivaśaṅkara dīnabandhō
kāśīpatē paśupatē paśupāśanāśin |
hē viśvanātha bhavabīja janārtihārin
saṁsāraduḥkhagahanājjagadīśa rakṣa ॥ 1 ॥
hē bhaktavatsala sadāśiva hē mahēśa
hē viśvatāta jagadāśraya hē purārē |
gaurīpatē mama patē mama prāṇanātha
saṁsāraduḥkhagahanājjagadīśa rakṣa ॥ 2 ॥
hē duḥkhabhañjaka vibhō girijēśa śūlin
hē vēdaśāstravinivēdya janaikabandhō |
hē vyōmakēśa bhuvanēśa jagadviśiṣṭa
saṁsāraduḥkhagahanājjagadīśa rakṣa ॥ 3 ॥
hē dhūrjaṭē giriśa hē girijārdhadēha
hē sarvabhūtajanaka pramathēśa dēva |
hē sarvadēvaparipūjitapādapadma
saṁsāraduḥkhagahanājjagadīśa rakṣa ॥ 4 ॥
hē dēvadēva vr̥ṣabhadhvaja nandikēśa
kālīpatē gaṇapatē gajacarmavāsaḥ |
hē pārvatīśa paramēśvara rakṣa śambhō
saṁsāraduḥkhagahanājjagadīśa rakṣa ॥ 5 ॥
hē vīrabhadra bhavavaidya pinākapāṇē
hē nīlakaṇṭha madanānta śivākalatra |
vārāṇasīpurapatē bhavabhītihārin
saṁsāraduḥkhagahanājjagadīśa rakṣa ॥ 6 ॥
hē kālakāla mr̥ḍa śarva sadāsahāya
hē bhūtanātha bhavabādhaka hē trinētra |
hē yajñaśāsaka yamāntaka yōgivandya
saṁsāraduḥkhagahanājjagadīśa rakṣa ॥ 7 ॥
hē vēdavēdya śaśiśēkhara hē dayālō
hē sarvabhūtapratipālaka śūlapāṇē |
hē candrasūryaśikhinētra cidēkarūpa
saṁsāraduḥkhagahanājjagadīśa rakṣa ॥ 8 ॥
śrīśaṅkarāṣṭakamidaṁ yōgānandēna nirmitam |
sāyaṁ prātaḥ paṭhēnnityaṁ sarvapāpavināśakam ॥ 9 ॥
iti śrīyōgānandatīrthaviracitaṁ śaṅkarāṣṭakam ॥
Also Read:
Sri Shiva Manasika Puja Stotram Lyrics in Sanskrit | English | Kannada | Telugu | Tamil