Siva Mahima Ashtakam in Gujarati:
|| શ્રીશિવમહિમાષ્ટકમ્ ||
સુરવૃન્દમુનીશ્વરવન્દ્યપદો હિમશૈલવિહારકરો રુચિરઃ ।
અનુરાગનિધિર્મણિસર્પધરો જયતીહ શિવઃ શિવરૂપધરઃ ॥ ૧ ॥
ભવતાપવિદગ્ધવિપત્તિહરો ભવમુક્તિકરો ભવનામધરઃ ।
ધૃતચન્દ્રશિરો વિષપાનકરો જયતીહ શિવઃ શિવરૂપધરઃ ॥ ૨ ॥
નિજપાર્ષદવૃન્દજયોચ્ચરિતઃ કરશૂલધરોઽભયદાનપરઃ ।
જટયા પરિભૂષિતદિવ્યતમો જયતીહ શિવઃ શિવરૂપધરઃ ॥ ૩॥
વૃષભાઙ્ગવિરાજિત ઉલ્લસિતઃ કૃપયા નિતરામુપદેશકરઃ ।
ત્વરિતં ફલદો ગણયૂથયુતો જયતીહ શિવઃ શિવરૂપધરઃ ॥ ૪ ॥
અહિહારસુશોભિત આપ્તનુતો સમુપાસ્યમહેશ્વર આર્તિહરઃ ।
ધૃતવિષ્ણુપદીસુજટો મુદિતો જયતીહ શિવઃ શિવરૂપધરઃ ॥ ૫ ॥
વ્રજકૃષ્ણપદાબ્જપરાગરતો વ્રજકુઞ્જસખીનવરૂપધરઃ ।
વ્રજગોપસુરેશ ઉમાધિપતિર્જયતીહ શિવઃ શિવરૂપધરઃ ॥ ૬ ॥
યુગકેલિવિલાસમહારસિકો રસતન્ત્રપુરાણકથાચતુરઃ ।
રસશાસ્ત્રરસજ્ઞપટુર્મધુરો જયતીહ શિવઃ શિવરૂપધરઃ ॥ ૭ ॥
યમપાશભયાપહરોઽઘહરઃ પ્રબલોઽસ્તિ મહાપ્રબલઃ પ્રખરઃ ।
પરિપૂર્ણતમો હરિભક્તિભરો જયતીહ શિવઃ શિવરૂપધરઃ ॥ ૮ ॥
શિવશાન્ત્યર્થદં દિવ્યં શ્રીશિવમહિમાષ્ટકમ્ ।
રાધાસર્વેશ્વરાખ્યેન શરણાન્તેન નિર્મિતમ્ ॥
ઇતિ શ્રીનિમ્બાર્કપીઠાધીશ્વર શ્રીરાધાસર્વેશ્વરશરણદેવાચાર્યજી
મહારાજ દ્વારા રચિતં શ્રીશિવમહિમાષ્ટકં સમ્પૂર્ણમ્ ।
Also Read:
Shiva Mahima Ashtakam in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
