Sri Vallabha Bhavashtakam 2 in English:
॥ śrī vallabhabhāvāṣṭakam-2 ॥
tarēyussaṁsāraṁ kathamagatapāraṁ surajanāḥ
kathaṁ bhāvātmānaṁ harimanusarēyuśca sarasāḥ |
kathaṁ vā māhātmyaṁ nijahr̥di nayēyurvrajabhuvāṁ
bhavēdāvirbhāvō yadi na bhuvi vāgīśa bhavataḥ || 1 ||
śrayēyussanmārgaṁ kathamanubhavēyussukhakaraṁ
kathaṁ vā sarvasvaṁ nijamahaha kuryuśca saphalaṁ |
tyajēyuḥ karmādēḥ phalamapi kathaṁ duḥkhasahitāḥ
bhavēdāvirbhāvō yadi na bhuvi vāgīśa bhavataḥ || 2 ||
vadēyussadvādaṁ kathamapaharēyuśca kumatiṁ
kathaṁ vā sadbuddhiṁ bhagavati vidadhyuḥ kr̥tidhiyaḥ |
kathaṁ lōkāstāpaṁ sapadi śamayēyuśśamayutā
bhavēdāvirbhāvō yadi na bhuvi vāgīśa bhavataḥ || 3 ||
vrajēyurviśvāsaṁ paramaphalanissādhanapathē
kathaṁ vēdālōkājjagati vicarēyurgatabhayāḥ |
kathaṁ līlāssarvāssadasi kathayēyuḥ pramuditā
bhavēdāvirbhāvō yadi na bhuvi vāgīśa bhavataḥ || 4 ||
smarēyussadbhāvaṁ kathamakhilalīlāmutavibhō
rasaṁ tatvaṁ rūpē kathamapi ca jānīyurakhilāḥ |
kathaṁ vā gāyēyurgaṇa gaṇamihā laukikarasā
bhavēdāvirbhāvō yadi na bhuvi vāgīśa bhavataḥ || 5 ||
paṭhēyuḥ śrīkr̥ṣṇōditamathapurāṇaṁ niyamitāḥ
kathaṁ tasyāpyarthaṁ nijahr̥didharēyurdhr̥tiyutāḥ |
kathaṁ vā gōpīśaṁ sadayamupajēpuḥ phalatayā
bhavēdāvirbhāvō yadi na bhuvi vāgīśa bhavataḥ || 6 ||
vahēyussvaṁ dharmaṁ kathamitarasambandharahitaṁ
sahēyuḥ pāruṣyaṁ kathamasurasambandhivacasāṁ |
dahēyussvāndōṣān kathamiha vinā sādhanabalaṁ
bhavēdāvirbhāvō yadi na bhuvi vāgīśa bhavataḥ || 7 ||
jayēyurdurjēyān danujamanujātānapi kathaṁ
kathaṁ vā mārgīyaṁ phalamupadiśēyuśca paramaṁ |
kathaṁ vaigacchēyuśśaraṇamatibhāvēna satataṁ
bhavēdāvirbhāvō yadi na bhuvi vāgīśa bhavataḥ || 8 ||
iti śrīharirāyācārya viracitaṁ śrīvallabhabhāvāṣṭakam |
Also Read:
Sri Vallabha Bhavashtakam 2 Lyrics in Hindi | English | Kannada | Telugu | Tamil
