Sri Vittala Kavacham in English:
॥ śrī viṭhṭhala kavacam ॥
ōṁ asya śrī viṭhṭhalakavacastōtra mahāmantrasya śrī purandara r̥ṣiḥ śrī guruḥ paramātmā śrīviṭhṭhalō dēvatā anuṣṭup chandaḥ śrī puṇḍarīka varada iti bījaṁ rukmiṇī ramāpatiriti śaktiḥ pāṇḍuraṅgēśa iti kīlakaṁ śrī viṭhṭhala prītyarthē śrī viṭhṭhalakavacastōtra japē viniyōgaḥ |
atha nyāsaḥ |
ōṁ puṇḍarīkavarada iti aṅguṣṭhābhyāṁ namaḥ |
ōṁ śrīviṭhṭhalapāṇḍuraṅgēśa iti tarjanībhyāṁ namaḥ |
ōṁ candrabhāgāsarōvāsa iti madhyamābhyāṁ namaḥ |
ōṁ vrajaśaktidaṇḍadhara iti anāmikābhyāṁ namaḥ |
ōṁ kalavamśarahakrānta iti kaniṣṭhikābhyāṁ namaḥ |
ōṁ ēnōntakr̥nnāmadhyēya iti karatalakara pr̥ṣṭhābhyāṁ namaḥ |
ēvaṁ hr̥dayādi ṣaḍaṅganyāsaḥ |
dhyānam |
śrīguruṁ viṭhṭhalānandaṁ parātparajagatprabhum |
trailōkyavyāpakaṁ dēvaṁ śuddhamatyantanirmalam || 1 ||
sūta uvāca |
śirō mē viṭhṭhalaḥ pātu kapōlau mudgarapriyaḥ |
nētrayōrviṣṇurūpī ca vaikuṇṭhō ghrāṇamēva ca || 1 ||
mukhaṁ pātu munissēvyō dantapaṅktiṁ surēśvaraḥ |
vidyādhīśastu mē jihvāṁ kaṇṭhaṁ viśvēśavanditaḥ || 2 ||
vyāpakō hr̥dayaṁ pātu skandhau pātu sukhapradaḥ |
bhujau mē nr̥hariḥ pātu karau ca suranāyakaḥ || 3 ||
madhyaṁ pātu surādhīśō nābhiṁ pātu surālayaḥ |
suravandyaḥ kaṭiṁ pātu jānunī kamalāsanaḥ || 4 ||
jaṅghē pātu hr̥ṣīkēśaḥ pādau pātu trivikramaḥ |
akhilaṁ ca śarīraṁ mē pātāṁ gōvindamādhavau || 5 ||
akārō vyāpakō viṣṇurakṣarātmaka ēva ca |
pāvakassarvapāpānāmakārāya namō namaḥ || 6 ||
tārakassarvabhūtānāṁ dharmaśāstrēṣu gīyatē |
punātu viśvabhuvanātvōṅkārāya namō namaḥ || 7 ||
mūlaprakr̥tirūpā yā mahāmāyā ca vaiṣṇavī |
tasyā bījēna samyuktō yakārāya namō namaḥ || 8 ||
vaikuṇṭhādhipatiḥ sākṣādvaikuṇṭhapadadāyakaḥ |
vaijayantīsamāyuktō vikārāya namō namaḥ || 9 ||
snātassarvēṣu tīrthēṣu pūtō yajñādikarmasu |
pāvanō dvijapaṅktīnāṁ ṭakārāya namō namaḥ || 10 ||
vāhanaṁ garuḍō yasya bhujaṅgaśśayanaṁ tathā |
vāmabhāgē ca lakṣmīśca lakārāya namō namaḥ || 11 ||
nāradādisamāyuktaṁ vaiṣṇavaṁ paramaṁ padam |
labhatē mānavō nityaṁ vaiṣṇavaṁ dharmamāśritaḥ || 12 ||
vyādhayō vilayaṁ yānti pūrvakarmasamudbhavāḥ |
bhūtāni ca palāyantē mantrōpāsakadarśanāt || 13 ||
idaṁ ṣaḍakṣaraṁ stōtraṁ yō japēcchraddhayānvitaḥ |
viṣṇusāyujyamāpnōti satyaṁ satyaṁ na saṁśayaḥ || 14 ||
iti śrīpadmapurāṇē sūtaśaunaka saṁvādē viṭhṭhalakavacam |
Also Read:
Sri Viththala Kavacham Lyrics in Hindi | English | Kannada | Telugu | Tamil
