Ashtaka

Srivalli Bhuvaneshwari Ashtakam Lyrics in Oriya

Sri Valli Bhuvaneshwari Ashtakam Lyrics in Oriya:

ଶ୍ରୀଵଲ୍ଲୀଭୁଵନେଶ୍ଵର୍ୟଷ୍ଟକମ୍

ଶ୍ରୀଚିତ୍ରାପୁରଵାସିନୀଂ ଵରଭଵାନୀଶଙ୍କରତ୍ଵପ୍ରଦାଂ
ଓତପ୍ରୋତଶିଵାନ୍ଵିତାଂ ଗୁରୁମୟୀଂ ଗାମ୍ଭୀର୍ୟସନ୍ତୋଷଧାମ୍ ।
ହୃଦ୍ଗୁହ୍ୟାଙ୍କୁରକଲ୍ପିତଂ ଗୁରୁମତଂ ସ୍ରୋତାୟତେ ତାଂ ସୁଧାଂ
ଶ୍ରୀଵଲ୍ଲୀଂ ଭୁଵନେଶ୍ଵରୀଂ ଶିଵମୟୀମୈଶ୍ଵର୍ୟଦାଂ ତାଂ ଭଜେ || ୧ ||

ଚିନ୍ମୁଦ୍ରାଙ୍କିତଦକ୍ଷିଣାସ୍ୟନିହିତାଂ ଶ୍ରୀଭାଷ୍ୟକାରଶ୍ରିୟଂ
ତାଂ ହସ୍ତାମଲକପ୍ରବୋଧନକରୀଂ କ୍ଷେତ୍ରେ ସ୍ଥିତାଂ ମାତୃକାମ୍ ।
ଶ୍ରୀଵଲ୍ଲ୍ୟୁଦ୍ଭଵପୁଷ୍ପଗନ୍ଧଲହରୀଂ ସାରସ୍ଵତତ୍ରାୟିକାଂ
ଶ୍ରୀଵଲ୍ଲୀଂ ଭୁଵନେଶ୍ଵରୀଂ ଶିଵମୟୀମୈଶ୍ଵର୍ୟଦାଂ ତାଂ ଭଜେ || ୨ ||

ଶ୍ରୀଵିଦ୍ୟୋଦିତକୌମୁଦୀରସଭରାଂ କାରୁଣ୍ୟରୂପାତ୍ମିକାଂ
ମୂର୍ତୀଭୂୟ ସଦା ସ୍ଥିତାଂ ଗୁରୁପରିଜ୍ଞାନାଶ୍ରମାଶ୍ଵାସନାମ୍ ।
ସାନ୍ନିଧ୍ୟାଙ୍ଗଣଶିଷ୍ୟରକ୍ଷଣକରୀଂ ଵାତ୍ସଲ୍ୟସାରାସ୍ପଦାଂ
ଶ୍ରୀଵଲ୍ଲୀଂ ଭୁଵନେଶ୍ଵରୀଂ ଶିଵମୟୀମୈଶ୍ଵର୍ୟଦାଂ ତାଂ ଭଜେ || ୩ ||

ତନ୍ଵୀଂ ରକ୍ତନଵାର୍କଵର୍ଣସଦୃଶୀଂ ଖଣ୍ଡେନ୍ଦୁସମ୍ମଣ୍ଡିତାଂ
ପୀନୋତ୍ତୁଙ୍ଗକୁଚଦ୍ଵୟୀଂ କୁଟିକଟୀଂ ତ୍ର୍ୟକ୍ଷାଂ ସଦା ସୁସ୍ମିତାମ୍ ।
ପାଶାଭୀତିଵରୈଶ୍ଵରାଙ୍କୁଶଧରାଂ ଶ୍ରୀପର୍ଣପାଦାଂ ପରାଂ
ଶ୍ରୀଵଲ୍ଲୀଂ ଭୁଵନେଶ୍ଵରୀଂ ଶିଵମୟୀମୈଶ୍ଵର୍ୟଦାଂ ତାଂ ଭଜେ || ୪ ||

ଶ୍ରୀମଚ୍ଛଙ୍କରସଦ୍ଗୁରୁର୍ଗଣପତିର୍ଵାତାତ୍ମଜଃ କ୍ଷେତ୍ରପଃ
ପ୍ରାସାଦେ ଵିଲସନ୍ତି ଭୂରି ସଦୟେ ନିତ୍ୟସ୍ଥିତେ ହ୍ରୀଂମୟି ।
ୟୁଷ୍ମତ୍ସ୍ନେହକଟାକ୍ଷସୌମ୍ୟକିରଣା ରକ୍ଷନ୍ତି ଦୋଗ୍ଧ୍ରୀକୁଲଂ
ଶ୍ରୀଵଲ୍ଲୀଂ ଭୁଵନେଶ୍ଵରୀଂ ଶିଵମୟୀମୈଶ୍ଵର୍ୟଦାଂ ତାଂ ଭଜେ || ୫ ||

ଗୋପ୍ତ୍ରୀଂ ଵତ୍ସସୁରକ୍ଷିଣୀଂ ମଠଗୃହେ ଭକ୍ତପ୍ରଜାକର୍ଷିଣୀଂ
ୟାତ୍ରାଦିଵ୍ୟକରୀଂ ଵିମର୍ଶକଲୟା ତାଂ ସାଧକେ ସଂସ୍ଥିତାମ୍ ।
ପ୍ରାୟଶ୍ଚିତ୍ତଜପାଦିକର୍ମକନିତାଂ ଜ୍ଞାନେଶ୍ଵରୀମମ୍ବିକାଂ
ଶ୍ରୀଵଲ୍ଲୀଂ ଭୁଵନେଶ୍ଵରୀଂ ଶିଵମୟୀମୈଶ୍ଵର୍ୟଦାଂ ତାଂ ଭଜେ || ୬ ||

ଶ୍ରୀସାରସ୍ଵତଗେୟପେୟଜନନୀଂ ଜ୍ଞାନାଦିଵିଦ୍ୟାପ୍ରଦାଂ
ଲୋକେ ଭକ୍ତସୁଗୁପ୍ତିତାରଣକରୀଂ କାର୍ପଣ୍ୟଦୋଷାପହାମ୍ ।
ଆର୍ୟତ୍ଵପ୍ରଵିକାସଲାସନକରୀଂ ହୃତ୍ପଦ୍ମଵିଦ୍ୟୁତ୍ପ୍ରଭାଂ
ଶ୍ରୀଵଲ୍ଲୀଂ ଭୁଵନେଶ୍ଵରୀଂ ଶିଵମୟୀମୈଶ୍ଵର୍ୟଦାଂ ତାଂ ଭଜେ || ୭ ||

କ୍ଷୁଦ୍ରା ମେ ଭୁଵନେଶ୍ଵରି ସ୍ତୁତିକଥା କିଂ ଵା ମୁଖେ ତେ ସ୍ମିତଂ
ୟାଽସି ତ୍ଵଂ ପଦଵର୍ଣଵାକ୍ୟଜନନୀ ଵର୍ଣୈଃ କଥଂ ଵର୍ଣ୍ୟତାମ୍ ।
ଵାସସ୍ତେ ମମ ମାନସେ ଗୁରୁକୃପେ ନିତ୍ୟମ୍ ଭଵେତ୍ ପାଵନି
ନାନ୍ୟା ମେ ଭୁଵନେଶ୍ଵରି ପ୍ରଶମିକା ନାନ୍ୟା ଗତିର୍ହ୍ରୀଂମୟି || ୮ ||

ଇତି ଶ୍ରୀସଦ୍ୟୋଜାତ ଶଙ୍କରାଶ୍ରମସ୍ଵାମିଵିରଚିତଂ
ଶ୍ରୀଵଲ୍ଲୀଭୁଵନେଶ୍ଵର୍ୟଷ୍ଟକଂ ସମ୍ପୂର୍ଣମ୍ ।