Svapra Bhusvarupani Rupana Ashtakam Lyrics in Bengali:
স্বপ্রভুস্বরূপনিরূপণাষ্টকম্
স্বামিনীভাবগৌরস্য স্বস্বরূপং প্রপশ্যতঃ ।
কটাক্ষৈর্বিঠ্ঠলেশস্য শ্যামতাচিত্রিতং বপুঃ ॥ ১ ॥
স্বাস্মিন্নভয়ভাবেন স্বেষামুভয়রূপতাম্ ।
স্পষ্টং বোধয়িতুং গৌরশ্যামঃ শ্রীবিঠ্ঠলেশ্বরঃ ॥ ২ ॥
নিজাচার্যোদিতস্বীয়মার্গসেব্যস্বরূপতাম্ ।
বোধয়ন্নভয়াত্মাঽয়ং গৌরশ্যামো বিরাজতে ॥ ৩ ॥
রসস্য দ্বিবিধস্যাপি স্বরূপে বোধয়ন্ স্থিতিম্ ।
ঐক্যং বিরুদ্ধধর্মত্বাদ্গৌরশ্যামঃ কৃপানিধিঃ ॥ ৪ ॥
স্ত্রীভাবভগবদ্ভাবোভয়াত্মেতি বিবোধিতুম্ ।
স্বস্বরূপং হরির্গৌরশ্যামঃ শ্রীবিঠ্ঠলেশ্বরঃ ॥ ৫ ॥
ভাবাত্মকত্বতো দৃষ্টির্হাসলীলাকৃতিস্তথা ।
অতো বিলোক্যতে গৌরশ্যামঃ শ্রীবিঠ্ঠলেশ্বরঃ ॥ ৬ ॥
নিজানন্দপ্রদানেন ব্যবধানে দিবানিশম্ ।
ন করোতি ব্রজস্থানমিতি শ্রীমত্প্রভুস্তথা ॥ ৭ ॥
সর্বাত্মকামভাবাত্মস্বরূপং বোধয়ন্প্রভুঃ ।
শ্রীবিঠ্ঠলেশ্বরোঽস্মাকং গৌরশ্যামো বিরাজতে ॥ ৮ ॥
ইতি শ্রীহরিদাসোদিতং স্বপ্রভুস্বরূপনিরূয়ণাষ্টকং সম্পূর্ণম্ ।
