Shri Kalabhairavashtakam Lyrics in Hindi | श्रीकालभैरवाष्टकम्
श्रीकालभैरवाष्टकम् Lyrics in Hindi: अङ्गसुन्दरत्वनिन्दिताङ्गजातवैभवं भृङ्गसर्वगर्वहारिदेहकान्तिशोभितम् । मङ्गलौघदानदक्षपादपद्मसंस्मृतिं शृङ्गशैलवासिनं नमामि कालभैरवम् ॥ १॥ पादनम्रमूकलोकवाक्प्रदानदीक्षितं वेदवेद्यमीशमोदवार्धिशुभ्रदीधितिम् । आदरेण देवताभिरर्चिताङ्घ्रिपङ्कजं शृङ्गशैलवासिनं नमामि कालभैरवम् ॥ २॥ अम्बुजाक्षमिन्दुवक्त्रमिन्दिरेशनायकं कम्बुकण्ठमिष्टदानधूतकल्पपादपम् । अम्बरादिभूतरूपमम्बरायिताम्बरं शृङ्गशैलवासिनं नमामि कालभैरवम् ॥ ३॥ मन्दभाग्यमप्यरं सुरेन्द्रतुल्यवैभवं सुन्दरं च कामतोऽपि संविधाय सन्ततम् । पालयन्तमात्मजातमादरात्पिता यथा शृङ्गशैलवासिनं नमामि कालभैरवम् ॥ ४॥ नम्रकष्टनाशदक्षमष्टसिद्धिदायकं कम्रहासशोभितुण्डमच्छगण्डदर्पणम् । कुन्दपुष्पमानचोरदन्तकान्तिभासुरं शृङ्गशैलवासिनं नमामि कालभैरवम् ॥ […]
