JagannAtha pa.nchakam Lyrics in Kannada॥ ಜಗನ್ನಾಥ ಪಂಚಕಮ್ ॥
॥ ಜಗನ್ನಾಥ ಪಂಚಕಮ್ ॥ ರಕ್ತಾಮ್ಭೋರುಹದರ್ಪಭಂಜನಮಹಾಸೌನ್ದರ್ಯನೇತ್ರದ್ವಯಂ ಮುಕ್ತಾಹಾರವಿಲಮ್ಬಿಹೇಮಮುಕುಟಂ ರತ್ನೋಜ್ಜ್ವಲತ್ಕುಂಡಲಮ್ । ವರ್ಷಾಮೇಘಸಮಾನನೀಲವಪುಷಂ ಗ್ರೈವೇಯಹಾರಾನ್ವಿತಂ ಪಾರ್ಶ್ವೇ ಚಕ್ರಧರಂ ಪ್ರಸನ್ನವದನಂ ನೀಲಾದ್ರಿನಾಥಂ ಭಜೇ ॥ 1॥ ಫುಲ್ಲೇನ್ದೀವರಲೋಚನಂ ನವಘನಶ್ಯಾಮಾಭಿರಾಮಾಕೃತಿಂ ವಿಶ್ವೇಶಂ ಕಮಲಾವಿಲಾಸವಿಲಸತ್ಪಾದಾರವಿನ್ದದ್ವಯಮ್ । ದೈತ್ಯಾರಿಂ ಸಕಲೇನ್ದುಮಂಡಿತಮುಖಂ ಚಕ್ರಾಬ್ಜಹಸ್ತದ್ವಯಂ ವನ್ದೇ ಶ್ರೀಪುರುಷೋತ್ತಮಂ ಪ್ರತಿದಿನಂ ಲಕ್ಷ್ಮೀನಿವಾಸಾಲಯಮ್ ॥ 2॥ ಉದ್ಯನ್ನೀರದನೀಲಸುನ್ದರತನುಂ ಪೂರ್ಣೇನ್ದುಬಿಮ್ಬಾನನಂ ರಾಜೀವೋತ್ಪಲಪತ್ರನೇತ್ರಯುಗಲಂ ಕಾರುಣ್ಯವಾರಾಂನಿಧಿಮ್ । ಭಕ್ತಾನಾಂ ಸಕಲಾರ್ತಿನಾಶನಕರಂ ಚಿನ್ತಾರ್ಥಿಚಿನ್ತಾಮಣಿಂ ವನ್ದೇ ಶ್ರೀಪುರುಷೋತ್ತಮಂ ಪ್ರತಿದಿನಂ ನೀಲಾದ್ರಿಚೂಡಾಮಣಿಮ್ ॥ 3॥ ನೀಲಾದ್ರೌ ಶಂಖಮಧ್ಯೇ ಶತದಲಕಮಲೇ ರತ್ನಸಿಂಹಾಸನಸ್ಥಂ ಸರ್ವಾಲಂಕಾರಯುಕ್ತಂ ನವಘನ ರುಚಿರಂ ಸಂಯುತಂ ಚಾಗ್ರಜೇನ । […]
