Ashtaka

Tirthashtakam Lyrics in Malayalam | തീര്‍ഥാഷ്ടകം

തീര്‍ഥാഷ്ടകം Lyrics in Malayalam:

മാതൃതീര്‍ഥം– നാസ്തി മാതൃസമം തീര്‍ഥം പുത്രാണാം താരണായ ച ।
ഹിതായാഽത്ര പരത്രാര്‍ഥം യൈസ്തു മാതാ പ്രപൂജിതാ ॥ 1॥

പിതൃതീര്‍ഥം– വേദൈരപി ച കിം പുത്ര ! പിതാ യേന പ്രപൂജിതഃ ।
ഏഷ പുത്രസ്യ വൈ ധര്‍മസ്തഥാ തീര്‍ഥം നരേഷ്വിഹ ॥ 2॥

ഗുരുതീര്‍ഥം– അജ്ഞാന-തിമിരാന്ധത്വം ഗുരുഃ ശീഘ്രം പ്രണാശയേത് ।
തസ്മാത് ഗുരുഃ പരം തീര്‍ഥം ശിഷ്യാണാം ഹിതചിന്തകഃ ॥ 3॥

ഭക്തതീര്‍ഥം– തീര്‍ഥഭൂതോ ഹരേര്‍ഭക്തഃ സ്വയം പൂതശ്ച പാവകഃ ।
യേന ഭസ്മീകൃതോ ലോകേ പാപപുഞ്ജോ ഹി സുവ്രത! ॥ 4॥

പതിതീര്‍ഥം– പ്രയാഗ-പുഷ്കരസമൌ പത്യുഃ പാദൌ സ്മൃതാവതഃ ।
സ്നാതവ്യം സതതം സ്ത്രീഭിസ്തീര്‍ഥഭൂതേ സരോവരേ ॥ 5॥

പത്നീതീര്‍ഥം– നാസ്തി പത്നീസമം തീര്‍ഥം ഭൂതലേ താരണായ തു ।
യസ്യ ഗേഹേ സതീ നാരീ സ ധന്യഃ പുരുഷോ മതഃ ॥ 6॥

മിത്രതീര്‍ഥം– സമ്പത്തൌ ച വിപത്തൌ ച യസ്തിഷ്ഠതി സദാഽത്ര വൈ ।
മിത്രതീര്‍ഥം പരം ലോകേ മുനിഭിഃ പരിഭാഷിതം ॥ 7॥

വിപ്രതീര്‍ഥം– ജങ്ഗമം വിപ്രതീര്‍ഥം തദ് വേദപൂതം ച നിര്‍മലം ।
യസ്യ വാക്-സലിലേനൈവ ശുദ്ധ്യന്തി മലിനോ ജനാഃ ॥ 8॥

തീര്‍ഥാഷ്ടകമിദം പുണ്യം ശ്രീ”ദ്വിജേന്ദ്ര”വിനിര്‍മിതം ।
സേവിതവ്യം സദാ ഭക്ത്യാ ഭുക്തി-മുക്തിപ്രദായകം ॥ 9॥

ഇതി ശ്രീഗാര്‍ഗ്യമുനി”ദ്വിജേന്ദ്ര”കവികൃതം തീര്‍ഥാഷ്ടകം സമാപ്തം ।

Add Comment

Click here to post a comment