Ashtaka

Tulajashtakam Lyrics in Malayalam | തുലജാഷ്ടകം

തുലജാഷ്ടകം Lyrics in Malayalam:

ദുഗ്ധേന്ദു കുന്ദോജ്ജ്വലസുന്ദരാങ്ഗീം
മുക്താഫലാഹാരവിഭൂഷിതാങ്ഗീം ।
ശുഭ്രാംബരാം സ്തനഭരാലസാങ്ഗീം
വന്ദേഽഹമാദ്യാം തുലജാഭവാനീം ॥ 1॥

ബാലാര്‍കഭാസാമതിചാരുഹാസാം
മാണിക്യമുക്താഫലഹാരകണ്ഠീം ।
രക്താംബരാം രക്തവിശാലനേത്രീം
വന്ദേഽഹമാദ്യാം തുലജാഭവാനീം ॥ 2॥

ശ്യാമാങ്ഗവര്‍ണാം മൃഗശാവനേത്രാം
കൌശേയവസ്ത്രാം കുസുമേഷു പൂജ്യാം ॥
കസ്തൂരികാചന്ദനചര്‍ചിതാങ്ഗീം
വന്ദേഽഹമാദ്യാം തുലജാഭവാനീം ॥ 3॥

പീതാംബരാം ചമ്പകകാന്തിഗൌരീം
അലങ്കൃതാമുത്തമമണ്ഡനൈശ്ച ।
നാശായ ഭൂതാം ഭുവി ദാനവാനാം
വന്ദേഽഹമാദ്യാം തുലജാഭവാനീം ॥ 4॥

ചന്ദ്രാര്‍കതാടങ്കധരാം ത്രിനേത്രാം
ശൂലം ദധാനാമതികാലരൂപാം ।
വിപക്ഷനാശായ ധൃതായുധാം താം
വന്ദേഽഹമാദ്യാം തുലജാഭവാനീം ॥ 5॥

ബ്രഹ്മേന്ദ്ര നാരായണരുദ്രപൂജ്യാം
ദേവാങ്ഗനാഭിഃ പരിഗീയമാനാം ।
സ്തുതാം വചോഭിര്‍മുനിനാരദാദ്യൈഃ
വന്ദേഽഹമാദ്യാം തുലജാഭവാനീം ॥ 6॥

അഷ്ടാങ്ഗയോഗേ സനകാദിഭിശ്ച
ധ്യാതാം മുനീന്ദ്രൈശ്ച സമാധിഗംയാം ।
ഭക്തസ്യ നിത്യം ഭുവി കാമധേനും
വന്ദേഽഹമാദ്യാം തുലജാഭവാനീം ॥ 7॥

സിംഹാസനസ്ഥാം പരിവീജ്യമാനാം
ദേവൈഃ സമസ്തൈശ്ച സുചാമരൈശ്ച ।
ഛത്രം ദധാനാമതിശുഭ്രവര്‍ണാം
വന്ദേഽഹമാദ്യാം തുലജാഭവാനീം ॥ 8॥

പൂര്‍ണഃ കടാക്ഷോഽഖിലലോകമാതു-
ര്‍ഗിരീന്ദ്രകന്യാം ഭജതാം സുധന്യാം ।
ദാരിദ്ര്യകം നൈവ കദാ ജനാനാം
ചിന്താ കുതഃ സ്യാദ്ഭവസാഗരസ്യ ॥ 9॥

തുലജാഷ്ടകമിദം സ്തോത്രം ത്രികാലം യഃ പഠേന്നരഃ ।
ആയുഃ കീര്‍തിര്യശോ ലക്ഷ്മീ ധനപുത്രാനവാപ്നുയാത് ॥ 10॥

॥ ഇതി ശ്രീമച്ഛങ്കരാചാര്യ വിരചിതം തുലജാഷ്ടകം സമ്പൂര്‍ണം ॥

Ads