Tulajashtakam Lyrics in Oriya | ତୁଲଜାଷ୍ଟକମ୍
ତୁଲଜାଷ୍ଟକମ୍ Lyrics in Oriya:
ଦୁଗ୍ଧେନ୍ଦୁ କୁନ୍ଦୋଜ୍ଜ୍ଵଲସୁନ୍ଦରାଙ୍ଗୀଂ
ମୁକ୍ତାଫଲାହାରଵିଭୂଷିତାଙ୍ଗୀମ୍ ।
ଶୁଭ୍ରାମ୍ବରାଂ ସ୍ତନଭରାଲସାଙ୍ଗୀଂ
ଵନ୍ଦେଽହମାଦ୍ୟାଂ ତୁଲଜାଭଵାନୀମ୍ ॥ ୧॥
ବାଲାର୍କଭାସାମତିଚାରୁହାସାଂ
ମାଣିକ୍ୟମୁକ୍ତାଫଲହାରକଣ୍ଠୀମ୍ ।
ରକ୍ତାମ୍ବରାଂ ରକ୍ତଵିଶାଲନେତ୍ରୀଂ
ଵନ୍ଦେଽହମାଦ୍ୟାଂ ତୁଲଜାଭଵାନୀମ୍ ॥ ୨॥
ଶ୍ୟାମାଙ୍ଗଵର୍ଣାଂ ମୃଗଶାଵନେତ୍ରାଂ
କୌଶେୟଵସ୍ତ୍ରାଂ କୁସୁମେଷୁ ପୂଜ୍ୟାମ୍ ॥
କସ୍ତୂରିକାଚନ୍ଦନଚର୍ଚିତାଙ୍ଗୀଂ
ଵନ୍ଦେଽହମାଦ୍ୟାଂ ତୁଲଜାଭଵାନୀମ୍ ॥ ୩॥
ପୀତାମ୍ବରାଂ ଚମ୍ପକକାନ୍ତିଗୌରୀଂ
ଅଲଙ୍କୃତାମୁତ୍ତମମଣ୍ଡନୈଶ୍ଚ ।
ନାଶାୟ ଭୂତାଂ ଭୁଵି ଦାନଵାନାଂ
ଵନ୍ଦେଽହମାଦ୍ୟାଂ ତୁଲଜାଭଵାନୀମ୍ ॥ ୪॥
ଚନ୍ଦ୍ରାର୍କତାଟଙ୍କଧରାଂ ତ୍ରିନେତ୍ରାଂ
ଶୂଲଂ ଦଧାନାମତିକାଲରୂପାମ୍ ।
ଵିପକ୍ଷନାଶାୟ ଧୃତାୟୁଧାଂ ତାଂ
ଵନ୍ଦେଽହମାଦ୍ୟାଂ ତୁଲଜାଭଵାନୀମ୍ ॥ ୫॥
ବ୍ରହ୍ମେନ୍ଦ୍ର ନାରାୟଣରୁଦ୍ରପୂଜ୍ୟାଂ
ଦେଵାଙ୍ଗନାଭିଃ ପରିଗୀୟମାନାମ୍ ।
ସ୍ତୁତାଂ ଵଚୋଭିର୍ମୁନିନାରଦାଦ୍ୟୈଃ
ଵନ୍ଦେଽହମାଦ୍ୟାଂ ତୁଲଜାଭଵାନୀମ୍ ॥ ୬॥
ଅଷ୍ଟାଙ୍ଗୟୋଗେ ସନକାଦିଭିଶ୍ଚ
ଧ୍ୟାତାଂ ମୁନୀନ୍ଦ୍ରୈଶ୍ଚ ସମାଧିଗମ୍ୟାମ୍ ।
ଭକ୍ତସ୍ୟ ନିତ୍ୟଂ ଭୁଵି କାମଧେନୁଂ
ଵନ୍ଦେଽହମାଦ୍ୟାଂ ତୁଲଜାଭଵାନୀମ୍ ॥ ୭॥
ସିଂହାସନସ୍ଥାଂ ପରିଵୀଜ୍ୟମାନାଂ
ଦେଵୈଃ ସମସ୍ତୈଶ୍ଚ ସୁଚାମରୈଶ୍ଚ ।
ଛତ୍ରଂ ଦଧାନାମତିଶୁଭ୍ରଵର୍ଣାଂ
ଵନ୍ଦେଽହମାଦ୍ୟାଂ ତୁଲଜାଭଵାନୀମ୍ ॥ ୮॥
ପୂର୍ଣଃ କଟାକ୍ଷୋଽଖିଲଲୋକମାତୁ-
ର୍ଗିରୀନ୍ଦ୍ରକନ୍ୟାଂ ଭଜତାଂ ସୁଧନ୍ୟାମ୍ ।
ଦାରିଦ୍ର୍ୟକଂ ନୈଵ କଦା ଜନାନାଂ
ଚିନ୍ତା କୁତଃ ସ୍ୟାଦ୍ଭଵସାଗରସ୍ୟ ॥ ୯॥
ତୁଲଜାଷ୍ଟକମିଦଂ ସ୍ତୋତ୍ରଂ ତ୍ରିକାଲଂ ୟଃ ପଠେନ୍ନରଃ ।
ଆୟୁଃ କୀର୍ତିର୍ୟଶୋ ଲକ୍ଷ୍ମୀ ଧନପୁତ୍ରାନଵାପ୍ନୁୟାତ୍ ॥ ୧୦॥
॥ ଇତି ଶ୍ରୀମଚ୍ଛଙ୍କରାଚାର୍ୟ ଵିରଚିତଂ ତୁଲଜାଷ୍ଟକମ୍ ସମ୍ପୂର୍ଣମ୍ ॥
