Templesinindiainfo

Best Spiritual Website

Upashantyashtakam Lyrics in Kannada | ಉಪಶಾನ್ತ್ಯಷ್ಟಕಮ್

ಉಪಶಾನ್ತ್ಯಷ್ಟಕಮ್ Lyrics in Kannada:

ಅನುಪಾಸಾದಿತಸುಗುರೋರವಿಚಾರಿತವೇದಶೀರ್ಷತತ್ತ್ವಸ್ಯ ।
ಕಥಮುಪಶಾನ್ತಿಃ ಸ್ಯಾದ್ಭೋ ಸತತಂ ಸತ್ಸಂಗರಹಿತಸ್ಯ ॥ 1॥

ಅನ್ನಮಯಾದಿಷು ಪಂಚಸ್ವಹಮ್ಮತಿಂ ಯಾವದೇಷ ನ ಜಹಾತಿ ।
ತಾವತ್ಕಥಮುಪಶಾನ್ತೇಃ ಪಾತ್ರಂ ಪ್ರಭವೇಚ್ಛುಕಾದಿತುಲ್ಯೋಽಪಿ ॥ 2॥

ಚರತಾಮಕ್ಷಾಶ್ವಾನಾಂ ರೂಪಪ್ರಮುಖೇಷು ವಿಷಮವಿಷಯೇಷು ।
ದೋಷವಿಮರ್ಶಕಶಾಹತಿಮಕುರ್ವತಃ ಸ್ಯಾತ್ಕಥಂ ಶಾನ್ತಿಃ ॥

ತತ್ತ್ವಾವಬೋಧಮಣಿವರಭೂಷಣಹೀನಂ ಯದೀಯಹೃದಯಂ ಸ್ಯಾತ್ ।
ಕಥಮುಪಶಾನ್ತಿರ್ವೃಣುಯಾತ್ತಂ ಪುರುಷಂ ಸಾದರಂ ಲೋಕೇ ॥ 4॥

ನಕ್ತನ್ದಿವಂ ಪರಾಚಿ ಪ್ರವಣಸ್ವಾನ್ತಸ್ಯ ದೇಹಸಕ್ತಧಿಯಃ ।
ಕಥಮುಪಶಾನ್ತಿಃ ಪುಂಸಃ ಪ್ರಭವೇದಪಿ ಕಲ್ಪಕೋಟಿಶತೈಃ ॥ 5॥

ಯೋಗಾಖ್ಯಗಾರುಡಮನುಪ್ರವರೇಣ ಕೃತೋ ನ ಯೇನ ರದಭಂಗಃ ।
ತೃಷ್ಣಾಕೃಷ್ಣಭುಜಂಗ್ಯಾಃ ಕಥಮುಪಶಾನ್ತಿರ್ಭವೇತ್ತಸ್ಯ ॥ 6॥

ಸುತಗೇಹಮಿತ್ರತರುಣೀಪ್ರಭೃತಿಷು ಯಸ್ಯಾಸ್ತಿ ದೃಢತರಃ ಸ್ನೇಹಃ ।
ಸ ಕಥಮುಪಶಾನ್ತಿವಿಷಯಾಮಪಿ ಗಾಥಾಂ ಗಾತುಮೀಶ್ವರಃ ಸ್ಯಾದ್ಭೋ ॥ 7॥

ಸನ್ತ್ಯಜತಿ ನೈವ ಕರ್ಮಾಣ್ಯಖಿಲಾನ್ಯವಿಗೀತಮಾರ್ಗೇಣ ।
ಸಶಿಖಂ ಚ ಯಜ್ಞಸೂತ್ರಂ ಯಃ ಸ ಕಥಂ ಶಾನ್ತಿಭಾಜನಂ ಪ್ರಭವೇತ್ ॥ 8॥

ಇತಿ ಶೃಂಗೇರಿ ಶ್ರೀಜಗದ್ಗುರು ಶ್ರೀಸಚ್ಚಿದಾನನ್ದಶಿವಾಭಿನವನೃಸಿಂಹ-
ಭಾರತೀಸ್ವಾಮಿಭಿಃ ವಿರಚಿತಂ ಉಪಶಾನ್ತ್ಯಷ್ಟಕಂ ಸಮ್ಪೂರ್ಣಮ್ ।

Upashantyashtakam Lyrics in Kannada | ಉಪಶಾನ್ತ್ಯಷ್ಟಕಮ್

Leave a Reply

Your email address will not be published. Required fields are marked *

Scroll to top