ଉପଶାନ୍ତ୍ୟଷ୍ଟକମ୍ Lyrics in Oriya:
ଅନୁପାସାଦିତସୁଗୁରୋରଵିଚାରିତଵେଦଶୀର୍ଷତତ୍ତ୍ଵସ୍ୟ ।
କଥମୁପଶାନ୍ତିଃ ସ୍ୟାଦ୍ଭୋ ସତତଂ ସତ୍ସଙ୍ଗରହିତସ୍ୟ ॥ ୧॥
ଅନ୍ନମୟାଦିଷୁ ପଞ୍ଚସ୍ଵହମ୍ମତିଂ ୟାଵଦେଷ ନ ଜହାତି ।
ତାଵତ୍କଥମୁପଶାନ୍ତେଃ ପାତ୍ରଂ ପ୍ରଭଵେଚ୍ଛୁକାଦିତୁଲ୍ୟୋଽପି ॥ ୨॥
ଚରତାମକ୍ଷାଶ୍ଵାନାଂ ରୂପପ୍ରମୁଖେଷୁ ଵିଷମଵିଷୟେଷୁ ।
ଦୋଷଵିମର୍ଶକଶାହତିମକୁର୍ଵତଃ ସ୍ୟାତ୍କଥଂ ଶାନ୍ତିଃ ॥
ତତ୍ତ୍ଵାଵବୋଧମଣିଵରଭୂଷଣହୀନଂ ୟଦୀୟହୃଦୟଂ ସ୍ୟାତ୍ ।
କଥମୁପଶାନ୍ତିର୍ଵୃଣୁୟାତ୍ତଂ ପୁରୁଷଂ ସାଦରଂ ଲୋକେ ॥ ୪॥
ନକ୍ତନ୍ଦିଵଂ ପରାଚି ପ୍ରଵଣସ୍ଵାନ୍ତସ୍ୟ ଦେହସକ୍ତଧିୟଃ ।
କଥମୁପଶାନ୍ତିଃ ପୁଂସଃ ପ୍ରଭଵେଦପି କଲ୍ପକୋଟିଶତୈଃ ॥ ୫॥
ୟୋଗାଖ୍ୟଗାରୁଡମନୁପ୍ରଵରେଣ କୃତୋ ନ ୟେନ ରଦଭଙ୍ଗଃ ।
ତୃଷ୍ଣାକୃଷ୍ଣଭୁଜଙ୍ଗ୍ୟାଃ କଥମୁପଶାନ୍ତିର୍ଭଵେତ୍ତସ୍ୟ ॥ ୬॥
ସୁତଗେହମିତ୍ରତରୁଣୀପ୍ରଭୃତିଷୁ ୟସ୍ୟାସ୍ତି ଦୃଢତରଃ ସ୍ନେହଃ ।
ସ କଥମୁପଶାନ୍ତିଵିଷୟାମପି ଗାଥାଂ ଗାତୁମୀଶ୍ଵରଃ ସ୍ୟାଦ୍ଭୋ ॥ ୭॥
ସନ୍ତ୍ୟଜତି ନୈଵ କର୍ମାଣ୍ୟଖିଲାନ୍ୟଵିଗୀତମାର୍ଗେଣ ।
ସଶିଖଂ ଚ ୟଜ୍ଞସୂତ୍ରଂ ୟଃ ସ କଥଂ ଶାନ୍ତିଭାଜନଂ ପ୍ରଭଵେତ୍ ॥ ୮॥
ଇତି ଶୃଙ୍ଗେରି ଶ୍ରୀଜଗଦ୍ଗୁରୁ ଶ୍ରୀସଚ୍ଚିଦାନନ୍ଦଶିଵାଭିନଵନୃସିଂହ-
ଭାରତୀସ୍ଵାମିଭିଃ ଵିରଚିତଂ ଉପଶାନ୍ତ୍ୟଷ୍ଟକଂ ସମ୍ପୂର୍ଣମ୍ ।
