Vallabhasharanashtakam Text in Telugu:
వల్లభశరణాష్టకమ్
నిఃసాధనజనోద్ధారకరణప్రకటీకృతః ।
గోకులేశస్వరూపః శ్రీవల్లభశ్శరణం మమ ॥ ౧॥
భజనానన్దదానార్థం పుష్టిమార్గప్రకాశకః ।
కరుణావరణీయః శ్రీవల్లభః శరణం మమ ॥ ౨॥
స్వామినీభావసంయుక్తభగవద్భావభావితః ।
అత్యలౌకికమూర్తిః శ్రీవల్లభః శరణం మమ ॥ ౩॥
శ్రీకృష్ణవదనానన్దో వియోగానలమూర్తిమాన్ ।
భక్తిమార్గాబ్జభానుః శ్రీవల్లభః శరణం మమ ॥ ౪॥
రాసలీలారసభరసమాక్రాన్తాఽఖిలాఙ్గభృత్ ।
భావరూపాఖిలాఙ్గః శ్రీవల్లభః శరణం మమ ॥ ౫॥
శ్రీభాగవతభావార్థావిర్భావార్థానతారితః ।
స్వామిసన్తోషహేతుః శ్రీవల్లభః శరణం మమ ॥ ౬॥
వల్లావీవల్లాభాతఃస్థలీలానుభవవల్లభః ।
అన్యాస్ఫురణరూపః శ్రీవల్లభః శరణం మమ ॥ ౭॥
జితామ్భోజపదామ్భోజవిభూషితవసున్ధరః ।
సదా గోవర్ధనస్థః శ్రీవల్లభః శరణం మమ ॥ ౮॥
అనన్యస్తన్మనా నిత్యం పఠేద్యః శరణాష్టకమ్ ।
స లభేత్సాధనాభావయుక్తోఽప్యేతత్పదాశ్రయః ॥ ౯॥
ఇతి శ్రీహరిరాయజీవిరచితం శ్రీవల్లభశరణాష్టకం సమ్పూర్ణమ్ ।