Templesinindiainfo

Best Spiritual Website

Vedasara Shiva Stava (Shankaraachaarya Virachito) Lyrics in Malayalam

Vedasaara Shivastava Stotram in Malayalam:

॥ വേദസാരശിവസ്തോത്രം ॥
॥ ശ്രീഃ ॥

॥ അഥ വേദസാരശിവസ്തോത്രം ॥

പശൂനാം പതിം പാപനാശം പരേശം
ഗജേന്ദ്രസ്യ കൃത്തിം വസാനം വരേണ്യം ।
ജടാജൂടമധ്യേ സ്ഫുരദ്ഗാംഗവാരിം
മഹാദേവമേകം സ്മരാമി സ്മരാരിം ॥ 1 ॥

മഹേശം സുരേശം സുരാരാതിനാശം
വിഭും വിശ്വനാഥം വിഭൂത്യംഗഭൂഷം ।
വിരൂപാക്ഷമിന്ദ്വർകവഹ്നിത്രിനേത്രം
സദാനന്ദമീഡേ പ്രഭും പഞ്ചവക്ത്രം ॥ 2 ॥

ഗിരീശം ഗണേശം ഗലേ നീലവർണം
ഗവേന്ദ്രാധിരൂഢം ഗുണാതീതരൂപം ।
ഭവം ഭാസ്വരം ഭസ്മനാ ഭൂഷിതാംഗം
ഭവാനീകലത്രം ഭജേ പഞ്ചവക്ത്രം ॥ 3 ॥

ശിവാകാന്ത ശംഭോ ശശാങ്കാർധമൗലേ
മഹേശാന ശൂലിഞ്ജടാജൂടധാരിൻ ।
ത്വമേകോ ജഗദ്വ്യാപകോ വിശ്വരൂപഃ
പ്രസീദ പ്രസീദ പ്രഭോ പൂർണരൂപ ॥ 4 ॥

പരാത്മാനമേകം ജഗദ്ബീജമാദ്യം
നിരീഹം നിരാകാരമോങ്കാരവേദ്യം ।
യതോ ജായതേ പാല്യതേ യേന വിശ്വം
തമീശം ഭജേ ലീയതേ യത്ര വിശ്വം ॥ 5 ॥

ന ഭൂമിർനം ചാപോ ന വഹ്നിർന വായു-
ര്ന ചാകാശമാസ്തേ ന തന്ദ്രാ ന നിദ്രാ ।
ന ചോഷ്ണം ന ശീതം ന ദേശോ ന വേഷോ
ന യസ്യാസ്തി മൂർതിസ്ത്രിമൂർതിം തമീഡേ ॥ 6 ॥

അജം ശാശ്വതം കാരണം കാരണാനാം
ശിവം കേവലം ഭാസകം ഭാസകാനാം ।
തുരീയം തമഃപാരമാദ്യന്തഹീനം
പ്രപദ്യേ പരം പാവനം ദ്വൈതഹീനം ॥ 7 ॥

നമസ്തേ നമസ്തേ വിഭോ വിശ്വമൂർതേ
നമസ്തേ നമസ്തേ ചിദാനന്ദമൂർതേ ।
നമസ്തേ നമസ്തേ തപോയോഗഗമ്യ
നമസ്തേ നമസ്തേ ശ്രുതിജ്ഞാനഗമ്യ ॥ 8 ॥

പ്രഭോ ശൂലപാണേ വിഭോ വിശ്വനാഥ
മഹാദേവ ശംഭോ മഹേശ ത്രിനേത്ര ।
ശിവാകാന്ത ശാന്ത സ്മരാരേ പുരാരേ
ത്വദന്യോ വരേണ്യോ ന മാന്യോ ന ഗണ്യഃ ॥ 9 ॥

ശംഭോ മഹേശ കരുണാമയ ശൂലപാണേ
ഗൗരീപതേ പശുപതേ പശുപാശനാശിൻ ।
കാശീപതേ കരുണയാ ജഗദേതദേക-
സ്ത്വംഹംസി പാസി വിദധാസി മഹേശ്വരോഽസി ॥ 10 ॥

ത്വത്തോ ജഗദ്ഭവതി ദേവ ഭവ സ്മരാരേ
ത്വയ്യേവ തിഷ്ഠതി ജഗന്മൃഡ വിശ്വനാഥ ।
ത്വയ്യേവ ഗച്ഛതി ലയം ജഗദേതദീശ
ലിംഗാത്മകേ ഹര ചരാചരവിശ്വരൂപിൻ ॥ 11 ॥

ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൗ
വേദസാരശിവസ്തോത്രം സമ്പൂർണം ।

Also Read:

Vedasara Shiva Stava Stotram Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil

Vedasara Shiva Stava (Shankaraachaarya Virachito) Lyrics in Malayalam

Leave a Reply

Your email address will not be published. Required fields are marked *

Scroll to top