Templesinindiainfo

Best Spiritual Website

Vishvanathachakravartin’s Shri Govardhanashtakam Lyrics in Bengali | শ্রীগোবর্ধনাষ্টকম্

শ্রীগোবর্ধনাষ্টকম্ Lyrics in Bengali:

কৃষ্ণপ্রসাদেন সমস্তশৈল
সাম্রাজ্যমাপ্নোতি চ বৈরিণোঽপি ।
শক্রস্য য়ঃ প্রাপ বলিং স সাক্ষা-
দ্গোবর্ধনো মে দিশতামভীষ্টম্ ॥ ১॥

স্বপ্রেষ্ঠহস্তাম্বুজসৌকুমার্য
সুখানুভূতেরতিভূমি বৃত্তেঃ ।
মহেন্দ্রবজ্রাহতিমপ্যজানন্
গোবর্ধনো মে দিষতামভীষ্টম্ ॥ ২॥

য়ত্রৈব কৃষ্ণো বৃষভানুপুত্র্যা
দানং গৃহীতুং কলহং বিতেনে ।
শ্রুতেঃ স্পৃহা য়ত্র মহত্যতঃ শ্রী
গোবর্ধনো মে দিষতামভিষ্টম্ ॥ ৩॥

স্নাত্বা সরঃ স্বশু সমীর হস্তী
য়ত্রৈব নীপাদিপরাগ ধূলিঃ ।
আলোলয়ন্ খেলতি চারু স শ্রী
গোবর্ধনো মে দিষতামভীষ্টম্ ॥ ৪॥

কস্তূরিকাভিঃ শয়িতং কিমত্রে-
ত্যূহং প্রভোঃ স্বস্য মুহুর্বিতন্বন্ ।
নৈসর্গিকস্বীয়শিলাসুগন্ধৈ-
র্গোবর্ধনো মে দিষতামভীষ্টম্ ॥ ৫॥

বংশপ্রতিধ্বন্যনুসারবর্ত্ম
দিদৃক্ষবো য়ত্র হরিং হরিণ্যাঃ ।
য়ান্ত্যো লভন্তে ন হি বিস্মিতাঃ স
গোবর্ধনো মে দিষতামভীষ্টম্ ॥ ৬॥

য়ত্রৈব গঙ্গামনু নাবি রাধাং
আরোহ্য মধ্যে তু নিমগ্ননৌকঃ ।
কৃষ্ণো হি রাধানুগলো বভৌ স
গোবর্ধনো মে দিষতামভীষ্টম্ ॥ ৭॥

বিনা ভবেত্কিং হরিদাসবর্য
পদাশ্রয়ং ভক্তিরতঃ শ্রয়ামি ।
য়মেব সপ্রেম নিজেশয়োঃ শ্রী
গোবর্ধনো মে দিষতামভীষ্টম্ ॥ ৮॥

এতত্পঠেদ্যো হরিদাসবর্য
মহানুভাবাষ্টকমার্দ্রচেতাঃ ।
শ্রীরাধিকামাধবয়োঃ পদাব্জ
দাস্যং স বিন্দেদচিরেণ সাক্ষাত্ ॥ ৯॥

ইতি মহামহোপাধ্যায়শ্রীবিশ্বনাথচক্রবর্তিবিরচিতং
শ্রীগোবর্ধনাষ্টকং সমাপ্তম্ ।

Vishvanathachakravartin’s Shri Govardhanashtakam Lyrics in Bengali | শ্রীগোবর্ধনাষ্টকম্

Leave a Reply

Your email address will not be published. Required fields are marked *

Scroll to top