Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Yamuna Ashtapadi Lyrics in Kannada | River Yamunashtaka

Yamuna Ashtapadi Lyrics in Kannada | River Yamunashtaka

37 Views

Yamunashtapadi Lyrics in Kannada:

ಯಮುನಾಷ್ಟಪದೀ

ನಮೋ ದೇವಿ ಯಮುನೇ ನಮೋ ದೇವಿ ಯಮುನೇ
ಹರ ಕೃಷ್ಣಮಿಲನಾನ್ತರಾಯಮ್ ।
ನಿಜನಾಥಮಾರ್ಗದಾಯಿನಿ ಕುಮಾರೀ-
ಕಾಮಪೂರಿಕೇ ಕುರು ಭಕ್ತಿರಾಯಮ್ ॥ ಧ್ರು0॥

ಮಧಪಕುಲಕಲಿತಕಮಲೀವಲೀವ್ಯಪದೇಶ-
ಧಾರಿತಶ್ರೀಕೃಷ್ಣಯುತಭಕ್ತಹೃದಯೇ ।
ಸತತಮತಿಶಯಿತಹರಿಭಾವನಾ-
ಜಾತತತ್ಸಾರೂಪ್ಯಗದಿತಹೃದಯೇ ॥ 1॥

ನಿಜಕೂಲಭವವಿವಿಧತರುಕುಸುಮ-
ಯುತನೀರಶೋಭಯಾ ವಿಲಸದಲಿವೃನ್ದೇ ।
ಸ್ಮಾರಯಸಿ ಗೋಪೀವೃನ್ದಪೂಜಿತ-
ಸರಸಮೀಶವಪುರಾನನ್ದಕನ್ದೇ ॥ 2॥

ಉಪರಿ ಬಲದಮಲಕಮಲಾರುಣ-
ದ್ಯುತಿರೇಣುಪರಿಮಲಿತಜಲಭರೇಣಾಮುನಾ ।
ವ್ರಜಯುವತಿಕುಚಕುಮ್ಭಕುಂಕುಮಾರುಣ-
ಮುರಃ ಸ್ಮಾರಯಾಮಿ ಮಾರಪಿತುರಧುನಾ ॥ 3॥

ಅಧಿರಜನಿ ಹರಿವಿಹೃತಿಮೀಕ್ಷಿತುಂ
ಕುವಲಯಾಭಿಧಸುಭಗನಯನಾನ್ಯುಶತಿ ತನುಷೇ ।
ನಯನಯುಗಮಲ್ಪಮಿತಿ ಬಹುತರಾಣಿ
ಚ ತಾನಿ ರಸಿಕತಾನಿಧಿತಯಾ ಕುರುಷೇ ॥ 4॥

ರಜನಿಜಾಗರಜನಿತರಾಗರಂಜಿತ-
ನಯನಪಂಕಜೈರಹನಿ ಹರಿಮೀಕ್ಷಸೇ ।
ಮಕರನ್ದರಭರಮಿಷೇಣಾನನ್ದಪೂರಿತಾ
ಸತತಮಿಹ ಹರ್ಷಾಶ್ರು ಮುಂಚಸೇ ॥ 5॥

ತಟಗತಾನೇಕಶುಕಸಾರಿಕಾಮುನಿ-
ಗಣಸ್ತುತವಿವಿಧಗುಣಸೀಧುಸಾಗರೇ ।
ಸಂಗತಾ ಸತತಮಿಹ ಭಕ್ತಜನ-
ತಾಪಹೃದಿ ರಾಜಸೇ ರಾಸರಸಸಾಗರೇ ॥ 6॥

ರತಿಭರಶ್ರಮಜಲೋದಿತಕಮಲ-
ಪರಿಮಲವ್ರಜಯುವತಿಮೋದೇ ।
ತಾಟಂಕಚಲನಸುನಿರಸ್ತಸಂಗೀತ-
ಯುತಮದಮುದಿತಮಧುಪಕೃತವಿನೋದೇ ॥ 7॥

ನಿಜವ್ರಜಜನಾವನಾತ್ತಗೋವರ್ದ್ಧನೇ
ರಾಧಿಕಾಹೃದಯಗತಹೃದಯಕಮಲೇ ।
ರತಿಮತಿಶಯಿತರಸವಿಠ್ಠಲಸ್ಯಾಶು
ಕುರು ವೇಣುನಿನದಾಹ್ವಾನಸರಲೇ ॥ 8॥

ಶ್ಲೋಕೌ ।
ವ್ರಜಪರಿವೃಢವಲ್ಲಭೇ ಕದಾ ತ್ವ-
ಚ್ಚರಣಸರೋರುಹಮೀಕ್ಷಣಾಸ್ಪದಂ ಮೇ ।
ತವ ತಟಗತವಾಲುಕಾಃ ಕದಾಹಂ
ಸಕಲನಿಜಾಂಕಗತಾ ಮುದಾ ಕರಿಷ್ಯೇ ॥ 1॥

ವೃನ್ದಾವನೇ ಚಾರುಬೃಹದ್ವನೇ ಮ-
ನ್ಮನೋರಥಂ ಪೂರಯ ಸೂರಸೂತೇ ।
ದೃಗ್ಗೋಚರಃ ಕೃಷ್ಣವಿಹಾರ ಏವ
ಸ್ಥಿತಿಸ್ತ್ವದೀಯೇ ತಟ ಏವ ಭೂಯಾತ್ ॥ 2॥

ಇತಿ ಶ್ರೀವಿಠ್ಠಲೇಶ್ವರವಿರಚಿತಾ ಯಮುನಾಷ್ಟಪದೀ ಸಾಮಾಪ್ತ ।

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *