River Shri Yamuna Ashtakam 3 Lyrics in Malayalam:
॥ യമുനാഷ്ടകം 3 ॥
॥ ശ്രീഗോപീജനവല്ലഭായ നമഃ॥
നമാമി യമുനാമഹം സകലസിദ്ധിഹേതും മുദാ
മുരാരിപദപങ്കജസ്ഫുരദമന്ദരേണൂത്കടാം ।
തടസ്ഥനവകാനനപ്രകടമോദപുഷ്പാംബുനാ
സുരാസുരസുപൂജിതസ്മരപിതുഃ ശ്രിയം ബിഭ്രതീം ॥ 1॥
കലിന്ദഗിരിമസ്തകേ പതദമന്ദപൂരോജ്ജ്വലാ
വിലാസഗമനോല്ലസത്പ്രകടഗണ്ഡശൈലോന്നതാ ।
സഘോഷഗതിദന്തുരാ സമധിരൂഢദോലോത്തമാ
മുകുന്ദരതിവര്‍ധിനീ ജയതി പദ്മബന്ധോഃ സുതാ ॥ 2॥
ഭുവം ഭുവനപാവനീമധിഗതാമനേകസ്വനൈഃ
പ്രിയാഭിരിവ സേവിതാം ശുകമയൂരഹംസാദിഭിഃ ।
തരങ്ഗഭുജകങ്കണപ്രകടമുക്തികാവാലുകാ
നിതംബതടസുന്ദരീം നമത കൃഷ്ണതുര്യപ്രിയാം ॥ 3॥
അനന്തഗുണ ഭൂഷിതേ ശിവവിരഞ്ചിദേവസ്തുതേ
ഘനാഘനനിഭേ സദാ ധ്രുവപരാശരാഭീഷ്ടദേ ।
വിശുദ്ധമഥുരാതടേ സകലഗോപഗോപീവൃതേ
കൃപാജലധിസംശ്രിതേ മമ മനസ്സുഖം ഭാവയ ॥ 4॥
യയാ ചരണപദ്മജാ മുരരിപോഃ പ്രിയംഭാവുകാ
സമാഗമനതോഽഭവത് സകലസിദ്ധിദാ സേവതാം ।
തയാ സദൃശതാമിയാത്കമലജാ സപത്നീവ യ-
ദ്ധരിപ്രിയകലിന്ദയാ മനസി മേ സദാ സ്ഥീയതാം ॥ 5॥
നമോഽസ്തു യമുനേ സദാ തവ ചരിത്രമത്യദ്ഭുതം
ന ജാതു യമയാതനാ ഭവതി തേ പയഃ പാനതഃ ।
യമോഽപി ഭഗിനീസുതാന്‍കഥമു ഹന്തി ദുഷ്ടാനപി
പ്രിയോ ഭവതി സേവനാത്തവ ഹരേര്യഥാ ഗോപികാഃ ॥ 6॥
മമാഽസ്തു തവ സന്നിധൌ തനുനവത്വമേതാവതാ
ന ദുര്ലഭതമാ രതിര്‍മുരരിപൌ മുകുന്ദപ്രിയേ ।
അതോഽസ്തു തവ ലാലനാ സുരധുനീ പരം സങ്ഗമാ-
ത്തവൈവ ഭുവി കീര്‍തിതാ ന തു കദാപി പുഷ്ടിസ്ഥിതൈഃ ॥ 7॥
സ്തുതിം തവ കരോതി കഃ കമലജാസപത്നിപ്രിയേ
ഹരേര്യദനുസേവയാ ഭവതി സൌഖ്യമാമോക്ഷതഃ ।
ഇയം തവ കഥാഽധികാ സകലഗോപികാസങ്ഗമഃ ।
സ്മരശ്രമജലാണുഭിഃ സകലഗാത്രജൈഃ സങ്ഗമഃ ॥ 8॥
തവാഽഷ്ടകമിദം മുദാ പഠതി സൂരസൂതേ സദാ
സമസ്തദുരിതക്ഷയോ ഭവതി വൈ മുകുന്ദേ രതിഃ ।
തയാ സകലസിദ്ധയോ മുരരിപുശ്ച സന്തുഷ്യതി
സ്വഭാവവിജയോ ഭവേദ്വദതി വല്ലഭഃ ശ്രീഹരേഃ ॥ 9॥
ഇതി ശ്രീവല്ലഭാചാര്യവിരചിതം ശ്രീയമുനാഷ്ടകം സമ്പൂര്‍ണം ।
