River Shri Yamuna Ashtakam 6 Lyrics in Malayalam:
ശ്രീയമുനാഷ്ടകം 6
മദ-കലകല-കലബിങ്ക-കുലാകുല-കോക-കുതൂഹല-നീരേ
തരുണ-തമാല-വിശാല-രസാല-പലാശ-വിലാസ-സുതീരേ ।
തരല-തുഷാര-തരങ്ഗ-വിഹാര-വിലോലിത-നീരജ-നാലേ
മമ ദുരിതം ത്വരിതം ഹി വിനാശയ നലിനാനന്ദക-ബാലേ ॥ 1॥
ലലിത-കദംബ-കദംബ-നിതംബ-മയൂര-മനോഹര-നാദേ
നിജ-ജല-സങ്ഗിത-ശീതല-മാരുത-സേവിത-പാദപ-പാദേ ।
വികസിത-സിത-ശതപത്ര-ലസദ്-ഗമനാഞ്ചിത-മത്ത-മരാലേ
മമ ദുരിതം ത്വരിതം ഹി വിനാശയ നലിനാനന്ദക-ബാലേ ॥ 2॥
രാധാ-രമണ-ചരണ-ശരണാഗതി-ജീവന-ജീവന-വാഹേ
ബഹുതര-സഞ്ചിത-പാപ-വിദാരണ-ദൂരീകൃത-ഭവ-ദാഹേ ।
വിധി-വിസ്മാപക-ദുര്‍ജന-താപക-നിജ-തേജോ-ജിത-കാലേ
മമ ദുരിതം ത്വരിതം ഹി വിനാശയ നലിനാനന്ദക-ബാലേ ॥ 3॥
അമര-നികര-വര-വാഗ്-അഭിനന്ദിത-ഹരി-ജല-കേലി-വിലാസേ
നിജ-തട-വാസി-മനോരഥ-പൂരണ-കൃത-സുരതരു-പരിഹാസേ ।
സ്നാന-വിമര്‍ദിത-ഹരി-പദ-കുങ്കുമ-പങ്ക-കലങ്കിത-ഭാലേ
മമ ദുരിതം ത്വരിതം ഹി വിനാശയ നലിനാനന്ദക-ബാലേ ॥ 4॥
അമല-കമല-കുല-ദല-ചല-മധുകര-നിനദ-പ്രതിധ്വനി-ശോഭേ
സ്വ-സലില-ശീകര-സേവക-നര-വര-സമുദിത-ഹരി-പദ-ലോഭേ ।
സ്വാങ്ഗ-സ്പര്‍ശ-സുഖീ-കൃത-വായു-സമുദ്ധത-ജന-പദ-ജാലേ
മമ ദുരിതം ത്വരിതം ഹി വിനാശയ നലിനാനന്ദക-ബാലേ ॥ 5॥
മണി-ഗണ-മൌക്തിക-മഞ്ജുല-മാല-നിബദ്ധ-തട-ദ്വയ-ഭാസേ
പ്രകര-നികര-തനു-ധാരി-സുരേശ്വര-മണ്ഡല-രചിത-നിവാസേ ।
വിപുല-വിശദ-മൃദു-തല-പുലിനാവലി-കമന-ഗമന-ബക-മാലേ
മമ ദുരിതം ത്വരിതം ഹി വിനാശയ നലിനാനന്ദക-ബാലേ ॥ 6॥
അഗണിത-ഗുണ-ഗണ-സാധന-സമുദയ-ദുര്ലഭ-ഭക്തി-തഡാഗേ
സാനന്ദാത്യവഗാഹന-ദായിനി മാധവ-സമ-തനു-രാഗേ ।
രസ-നിധി-സുഖ-വിധി-കാരണ-കേശവ-പാദ-വിമുഖ-വികരാലേ
മമ ദുരിതം ത്വരിതം ഹി വിനാശയ നലിനാനന്ദക-ബാലേ ॥ 7॥
വ്രജ-നവ-യുവതി-വിഹാര-വിധായക-കുഞ്ജ-പുഞ്ജ-കൃത-സേവേ
നിജ-സുഷമാ-നിചയേന വശീകൃത-ഗോകുല-ജീവന-ദേവേ ।
കൃഷ്ണ-ചന്ദ്ര-കരുണാ-രസ-വാഹിനി-വൃന്ദാവന-വന-മാലേ
മമ ദുരിതം ത്വരിതം ഹി വിനാശയ നലിനാനന്ദക-ബാലേ ॥ 8॥
സാര്‍ഥക-സുന്ദര-പദ-യമകാഞ്ചിത-കരണ-കുതൂഹല-കാരം
പദ്യാഷ്ടകമിദമര്‍ക-സുതാ-മഹിമാമൃത-വര്‍ണന-ഭാരം ।
കവിവര-നന്ദ-കിശോര-കൃതം ശുഭ-ഭക്തി-യുതോ നര-ജാതിഃ
കോഽപി പഠേദ്യദി ഗോഷ്ഠ-പുരന്ദര-ഭക്ത-ഗണേഷു വിഭാതി ॥ 9॥
ഇതി ശ്രീനന്ദകിശോരഗോസ്വാമിവിരചിതം ശ്രീയമുനാഷ്ടകം സമ്പൂര്‍ണം ।
