River Shri Yamuna Ashtakam 8 Lyrics in Malayalam:
ശ്രീയമുനാഷ്ടകം 8
വ്രജാധിരാജ-നന്ദനാംബുദാഭ-ഗാത്ര-വന്ദനാ-
നുലേപ-ഗന്ധ-വാഹിനീം ഭവാബ്ധി-ബീജ-ദാഹിനീം ।
ജഗത്ത്രയേ യശസ്വിനീം ലസത്സുധീ-പയസ്വിനീം
ഭജേ കലിന്ദനന്ദിനീം ദുരന്തമോഹമഞ്ജരീം ॥1॥
രസൈക-സീമ-രാധികാ-പദാബ്ജ-ഭക്തി-സാധികാം
തദങ്ഗ-രാഗ-പിഞ്ജര-പ്രഭാത-പുഞ്ജ-മഞ്ജുലാം ।
സ്വരോചിഷാതി-മഞ്ജുലാം കൃതാജനാധിഗഞ്ജനാം
ഭജേ കലിന്ദനന്ദിനീം ദുരന്തമോഹമഞ്ജരീം ॥2॥
വ്രജേന്ദ്ര-സൂനു-രാധികാ-ഹൃദി പ്രപൂര്‍ണ-മാനയോ-
ര്‍മഹാ-രസാബ്ധി-പൂരയോരിവാതിതീവ്ര-വേഗതഃ ।
ബഹിഃ സമുച്ഛലന്‍-നവ-പ്രവാഹ-രൂപിണീമഹം
ഭജേ കലിന്ദനന്ദിനീം ദുരന്തമോഹമഞ്ജരീം ॥3॥
വിചിത്ര-രത്ന-ബദ്ധ-സത്തട-ദ്വയ-ശ്രിയോജ്ജ്വലാം
വിചിത്ര-ഹംസ-സാരസാദ്യ്-അനന്ത-പക്ഷി-സങ്കുലാം ।
വിചിത്ര-ഹൈമ-മേഖലാം കൃതാതിദീന-പാലനാം
ഭജേ കലിന്ദനന്ദിനീം ദുരന്തമോഹമഞ്ജരീം ॥4॥
വഹന്തികാം പ്രിയാം ഹരേര്‍മഹാ-കൃപാ-സ്വരൂപിണീം
വിശുദ്ധ-ഭക്തിമുജ്ജ്വലാം പരേ രസാത്മികാം വിദുഃ ।
സുധാ-സ്രുതിം ത്വലൌകികീം പരേശ-വര്‍ണ-രൂപിണീം
ഭജേ കലിന്ദനന്ദിനീം ദുരന്തമോഹമഞ്ജരീം ॥5॥
സുരേന്ദ്ര-വൃന്ദ-വന്ദ്യയാ രസാദധിഷ്ഠതേ വനേ
സദോപലബ്ധി-മാധവാദ്ഭുതൌക-സദ്രസോന്‍മദാം ।
അതീവ വിഹ്വലാമിവോച്ചലത്തരങ്ഗ-ദോര്ലതാം
ഭജേ കലിന്ദനന്ദിനീം ദുരന്തമോഹമഞ്ജരീം ॥6॥
പ്രഫുല്ല-പങ്കജാനനാം ലസന്‍-നവോത്പലേക്ഷണാം
രഥാങ്ഗ-നാമ-യുഗ്മക-സ്തനീമുദാര-ഹംസകാം ।
നിതംബ-ചാരു-രോധസം ഹരേഃ പ്രിയാം രസോജ്ജ്വലാം
ഭജേ കലിന്ദനന്ദിനീം ദുരന്തമോഹമഞ്ജരീം ॥7॥
സമസ്ത-വേദ-മസ്തകൈരഗംയ-വൈഭവാം സദാ
മഹാ-മുനീന്ദ്ര-നാരദാദിഭിഃ സദൈവ ഭാവിതാം ।
അതുല്യ-പാമരൈരപി ശ്രിതാം പുമര്‍ഥ-സാരദാം
ഭജേ കലിന്ദനന്ദിനീം ദുരന്തമോഹമഞ്ജരീം ॥8॥
യ ഏതദഷ്ടകം ബുധസ്ത്രികാലമാദ്രിതഃ പഠേത്
കലിന്ദ-നന്ദിനീം ഹൃദാ വിചിന്ത്യ വിശ്വ-വന്ദിതാം ।
ഇഹൈവ രാധികാ-പതേഃ പദാബ്ജ-ഭക്തിമുത്തമാം
അവാപ്യ സ ധ്രുവം ഭവേത്പരത്ര തുഷ്ടയാനുഗഃ ॥
ഇതി ശ്രീമദ്ധിത-ഹരിവംശ-ചന്ദ്ര-ഗോസ്വാമിനാ വിരചിതം
യമുനാഷ്ടകം സമ്പൂര്‍ണം ।
