Aghoramurti Sahasranamavali Lyrics in Telugu:
॥ అఘోరమూర్తిసహస్రనామస్తోత్రమ్ ॥
అథ అఘోరమూర్తిసహస్రనామ లిఖ్యతే –
ఓం శ్రీం హ్రీం క్లీం సౌః క్ష్మీం ఘోర ఘోరాయ జ్వల జ్వల
ప్రజ్వల ప్రజ్వల అఘోరాస్త్రాయ ఫట్ స్వాహా ।
। ఇతి మూలమ్ ।
శ్రీభైరవీ ఉవాచ –
భగవన్సర్వధర్మజ్ఞ విశ్వాభయవరప్రద ।
సర్వేశ సర్వశాస్త్రజ్ఞ సర్వాతీత సనాతన ॥ ౧ ॥
త్వమేవ పరమం తత్త్వం త్వమేవ పరమం పదమ్ ।
త్వత్తోఽప్యన్యం న పశ్యామి సారం సారోత్తమోత్తమమ్ ॥ ౨ ॥
పురాఽస్మాకం వరో దత్తో దేవదానవసఙ్గరే ।
తదద్య కృపయా శమ్భో వరం నాథ ప్రయచ్ఛ మే ॥ ౩ ॥
శ్రీభైరవ ఉవాచ –
భైరవి ప్రేయసి త్వం మే సత్యం దత్తో వరో మయా ।
యదద్య మనసాభీష్టం తద్యాచస్వ దదామ్యహమ్ ॥ ౪ ॥
శ్రీదేవీ ఉవాచ –
శ్రీశివః పరమాత్మా చ భైరవోఽఘోరసంజ్ఞకః ।
త్రిగుణాత్మా మహారుద్రస్త్రైలోక్యోద్ధరణక్షమః ॥ ౫ ॥
తస్య నామసహస్రం మే వద శీఘ్రం కృపానిధే ।
వరమేతన్మహాదేవ దేహి సత్యం మదీప్సితమ్ ।
అస్మాద్వరం న యాచేఽహం దేహి చేదస్తి మే దయా ॥ ౬ ॥
శ్రీభైరవ ఉవాచ –
శ‍ృణుష్వైకాన్తభూదేశే సానౌ కైలాసభూభృతః ।
దేవదానవసఙ్గ్రామే యత్తే దత్తో వరో మయా ।
వరం తత్తే ప్రయచ్ఛామి చాన్యద్వరయ మే వరమ్ ॥ ౭ ॥
శ్రీదేవీ ఉవాచ –
అతః పరం న యాచేఽహం వరమన్యన్మహేశ్వర ।
కృపయా కరుణామ్భోధే వద శీఘ్రం సురార్చిత ॥ ౮ ॥
శ్రీభైరవ ఉవాచ –
తవ భక్త్యా బ్రవీమ్యద్య అఘోరస్య మహాత్మనః ।
నామ్నాం సహస్రం పరమం త్రైలోక్యోద్ధరణక్షమమ్ ॥ ౯ ॥
నాతః పరతరా విద్యా నాతః పరతరః స్తవః ।
నాతః పరతరం స్తోత్రం సర్వస్వం మమ పార్వతి ॥ ౧౦ ॥
అకారాది క్షకారాన్తా విద్యానిధిమనుత్తమమ్ ।
బీజమన్త్రమయం గోప్యం గోప్తవ్యం పశుసఙ్కటే ॥ ౧౧ ॥
ఓం అస్య శ్రీఅఘోరమూర్తినామసహస్రస్య శ్రీమహాకాలభైరవ ఋషిః,
పఙ్క్తి ఛన్దః, అఘోరమూర్తిః పరమాత్మా దేవతా ।
ఓం బీజం, హ్రీం శక్తిః, కురు కురు కీలకమ్ ।
అఘోర విద్యాసిద్ధ్యర్థే జపే పాఠే వినియోగః ।
అథ న్యాసః –
హ్రాం అఙ్గుష్ఠభ్యాం నమః ।
హ్రీం తర్జనీభ్యాం నమః ।
హ్రూఁ మధ్యమాభ్యాం నమః ।
హ్రైం అనామికాభ్యాం నమః ।
హ్రౌం కనిష్ఠికాభ్యాం నమః ।
హ్రః కరతలకరపృష్ఠాభ్యాం నమః ।
ఏవం హృదయాది షడఙ్గన్యాసః ।
అపి చ-
ఓం నమో భగవతే అఘోరాయ శూలపాణయే స్వాహా హృదయాయ నమః ।
రుద్రాయామృతమూర్తయే మాం జీవయ జీవయ శిరసే స్వాహా ।
నీలకణ్ఠాయ చన్ద్రజటినే శిఖాయై వషట్ ।
త్రిపురాన్తకాయ కవచాయ హుమ్ ।
త్రిలోచనాయ ఋగ్యజుఃసామమూర్తయే నేత్రాభ్యాం వౌషట్ ।
రుద్రాయాగ్నిత్రయాయ జ్వల జ్వల మాం రక్ష రక్ష
అఘోరాస్త్రాయ హుం ఫట్ స్వాహా । అస్త్రాయ ఫట్ ।
ఇతి హృదయాది షడఙ్గన్యాసః ఏవం కరన్యాసః ।
భూ ర్భువః స్వరితి దిగ్బన్ధః ।
అథ ధ్యానమ్ ।
శ్రీచన్ద్రమణ్డలగతామ్బుజపీతమధ్యే
దేవం సుధాస్రవిణమిన్దుకలాధరం చ ।
శుద్ధాక్షసూత్రకలశామృతపద్మహస్తం
దేవం భజామి హృదయే భువనైకనాథమ్ ॥
అపి చ –
మహాకాయం మహోరస్కం మహాదంశం మహాభుజమ్ ।
సుధాస్యం శశిమౌలిం చ జ్వాలాకేశోర్ధ్వబన్ధనమ్ ॥
కిఙ్కిణీమాలయా యుక్తం సర్పయజ్ఞోపవీతినమ్ ।
రక్తామ్బరధరం దేవం రక్తమాలావిభూషితమ్ ।
పాదకిఙ్కిణీసఞ్చ్ఛన్నం నూపురైరతిశోభితమ్ ॥
ధ్యానమార్గస్థితం ఘోరం పఙ్కజాసనసంస్థితమ్ ।
భజామి హృదయే దేవం దేవం చాఘోరభైరవమ్ ॥
। ఇతి ధ్యానమ్ ।
అథ మూలమన్త్రః ।
అఘోరేభ్యోఽథ ఘోరేభ్యో ఘోరఘోరతరేభ్యః ।
సర్వతః సర్వసర్వేభ్యో నమస్తే రుద్రరూపేభ్యః ॥
। ఇతి మూలమ్ ।
అథ అఘోరాయ నమః ।
ఓం హ్రీం శ్రీం క్లీం మహారుద్రో గ్లౌం గ్లాం అఘోరభైరవః ।
క్ష్మీం కాలాగ్నిః కలానాథః కాలః కాలాన్తకః కలిః ॥ ౧ ॥
శ్మశానభైరవో భీమో భీతిహా భగవాన్ప్రభుః ।
భాగ్యదో ముణ్డహస్తశ్చ ముణ్డమాలాధరో మహాన్ ॥ ౨ ॥
ఉగ్రోగ్రరవోఽత్యుగ్ర ఉగ్రతేజాశ్చ రోగహా ।
రోగదో భోగదో భోక్తా సత్యః శుద్ధః సనాతనః ॥ ౩ ॥
చిత్స్వరూపో మహాకాయో మహాదీప్తిర్మనోన్మనః ।
మాన్యో ధన్యో యశస్కర్తా హర్తా భర్త్తా మహానిధిః ॥ ౪ ॥
చిదానన్దశ్చిదాకారశ్చిదుల్లాసశ్చిదీశ్వరః ।
చిన్త్యోఽచిన్త్యోఽచిన్త్యరూపః స్వరూపో రూపవిగ్రహీ ॥ ౫ ॥
భూతేభ్యో భూతిదో భూత్యం భూతాత్మా భూతభావనః ।
చిదానన్దః ప్రకాశాత్మా సనాత్మాబోధవిగ్రహః ॥ ౬ ॥
హృద్బోధో బోధవాన్ బుద్ధో బుద్ధిదో బుద్ధమణ్డనః ।
సత్యపూర్ణః సత్యసన్ధః సతీనాథః సమాశ్రయః ॥ ౭ ॥
త్రైగుణ్యో నిర్గుణో గుణ్యోఽగ్రణీర్గుణవివర్జితః ।
సుభావః సుభవః స్తుత్యః స్తోతా శ్రోతా విభాకరః ॥ ౮ ॥
కాలకాలాన్ధకత్రాసకర్తా హర్తా విభీషణః ।
విరూపాక్షః సహస్రాక్షో విశ్వాక్షో విశ్వతోముఖః ॥ ౯ ॥
చరాచరాత్మా విశ్వాత్మా విశ్వబోధో వినిగ్రహః ।
సుగ్రహో విగ్రహో వీరో ధీరో ధీరభృతాం వరః ॥ ౧౦ ॥
శూరః శూలీ శూలహర్తా శఙ్కరో విశ్వశఙ్కరః ।
కఙ్కాలీ కలిహా కామీ హాసహా కామవల్లభః ॥ ౧౧ ॥
కాన్తారవాసీ కాన్తాస్థః కాన్తాహృదయధారణః ।
కామ్యః కామ్యనిధిః కాన్తాకమనీయః కలాధరః ॥ ౧౨ ॥
కలేశః సకలేశశ్చ వికలః శకలాన్తకః ।
శాన్తో భ్రాన్తో మహారూపీ సులభో దుర్లభాశయః ॥ ౧౩ ॥
లభ్యోఽనన్తో ధనాధీనః సర్వగః సామగాయనః ।
సరోజనయనః సాధుః సాధూనామభయప్రదః ॥ ౧౪ ॥
సర్వస్తుత్యః సర్వగతిః సర్వాతీతోఽప్యగోచరః ।
గోప్తా గోప్తతరో గానతత్పరః సత్యపరాయణః ॥ ౧౫ ॥
అసహాయో మహాశాన్తో మహామూర్తో మహోరగః ।
మహతీరవసన్తుష్టో జగతీధరధారణః ॥ ౧౬ ॥
భిక్షుః సర్వేష్టఫలదో భయానకముఖః శివః ।
భర్గో భాగీరథీనాథో భగమాలావిభూషణః ॥ ౧౭ ॥
జటాజూటీ స్ఫురత్తేజశ్చణ్డాంశుశ్చణ్డవిక్రమః ।
దణ్డీ గణపతిర్గుణ్యో గణనీయో గణాధిపః ॥ ౧౮ ॥
కోమలాఙ్గోఽపి క్రూరాస్యో హాస్యో మాయాపతిః సుధీః ।
సుఖదో దుఃఖహా దమ్భో దుర్జయో విజయీ జయః ॥ ౧౯ ॥
జయోఽజయో జ్వలత్తేజో మన్దాగ్నిర్మదవిగ్రహః ।
మానప్రదో విజయదో మహాకాలః సురేశ్వరః ॥ ౨౦ ॥
అభయాఙ్కో వరాఙ్కశ్చ శశాఙ్కకృతశేఖరః ।
లేఖ్యో లిప్యో విలాపీ చ ప్రతాపీ ప్రమథాధిపః ॥ ౨౧ ॥
ప్రఖ్యో దక్షో విముక్తశ్చ రుక్షో దక్షమఖాన్తకః ।
త్రిలోచనస్త్రివర్గేశః త్రిగుణీ త్రితయీపతిః ॥ ౨౨ ॥
త్రిపురేశస్త్రిలోకేశస్త్రినేత్రస్త్రిపురాన్తకః ।
త్ర్యమ్బకస్త్రిగతిః స్వక్షో విశాలాక్షో వటేశ్వరః ॥ ౨౩ ॥
వటుః పటుః పరం పుణ్యం పుణ్యదో దమ్భవర్జితః ।
దమ్భీ విలమ్భీ విషేభిస్సంరమ్భీ సఙ్గ్రహీ సఖా ॥ ౨౪ ॥
విహారీ చారరూపశ్చ హారీ మాణిక్యమణ్డితః ।
విద్యేశ్వరో వివాదీ చ వాదభేద్యో విభేదవాన్ ॥ ౨౫ ॥
భయాన్తకో బలనిధిర్బలికః స్వర్ణవిగ్రహః ।
మహాసీనో విశాఖీ చ పృషట్కీ పృతనాపతిః ॥ ౨౬ ॥
అనన్తరూపోఽనన్తశ్రీః షష్టిభాగో విశామ్పతిః ।
ప్రాంశుః శీతాంశుర్ముకుటో నిరంశః స్వాంశవిగ్రహః ॥ ౨౭ ॥
నిశ్చేతనో జగత్త్రాతా హరో హరిణసమ్భృతః ।
నాగేన్ద్రో నాగత్వగ్వాసాః శ్మశానాలయచారకః ॥ ౨౮ ॥
విచారీ సుమతిః శమ్భుః సర్వః ఖర్వోరువిక్రమః ।
ఈశః శేషః శశీ సూర్యః శుద్ధసాగర ఈశ్వరః ॥ ౨౯ ॥
ఈశానః పరమేశానః పరాపరగతిః పరమ్ ।
ప్రమోదీ వినయీ వేద్యో విద్యారాగీ విలాసవాన్ ॥ ౩౦ ॥
స్వాత్మా దయాలుర్ధనదో ధనదార్చనతోషితః ।
పుష్టిదస్తుష్టిదస్తార్క్ష్యో జ్యేష్ఠః శ్రేష్ఠో విశారదః ॥ ౩౧ ॥
చామీకరోచ్చయగతః సర్వగః సర్వమణ్డనః ।
దినేశః శర్వరీశశ్చ సన్మదోన్మాదదాయకః ॥ ౩౨ ॥
హాయనో వత్సరో నేతా గాయనః పుష్పసాయకః ।
పుణ్యేశ్వరో విమానస్థో విమాన్యో విమనా విధుః ॥ ౩౩ ॥
విధిః సిద్ధిప్రదో దాన్తో గాతా గీర్వాణవన్దితః ।
శ్రాన్తో వాన్తో వివేకాక్షో దుష్టో భ్రష్టో నిరష్టకః ॥ ౩౪ ॥
చిన్మయో వాఙ్మయో వాయుః శూన్యః శాన్తిప్రదోఽనఘః ।
భారభృద్భూతభృద్గీతో భీమరూపో భయానకః ॥ ౩౫ ॥
తచ్చణ్డదీప్తిశ్చణ్డాక్షో దలత్కేశః స్ఖలద్రతిః ।
అకారోఽథ నిరాకార ఇలేశ ఈశ్వరః పరః ॥ ౩౬ ॥
ఉగ్రమూర్తిరుత్సవేశ ఊష్మాంశురృణహా ఋణీ ।
కల్లిహస్తో మహాశూరో లిఙ్గమూర్తిర్లసద్దృశః ॥ ౩౭ ॥
లీలాజ్యోతిర్మహారౌద్రో రుద్రరూపో జనాశనః ।
ఏణత్వగాసనో ధూర్త్తో ధూలిరాగానులేపనః ॥ ౩౮ ॥
ఐం వీజామృతపూర్ణాఙ్గః స్వర్ణాఙ్గః పుణ్యవర్ధనః ।
ఓంకారోకారరూపశ్చ తత్సర్వో అఙ్గనాపతిః ॥ ౩౯ ॥
అఃస్వరూపో మహాశాన్తః స్వరవర్ణ విభూషణః ।
కామాన్తకః కామదశ్చ కాలీయాత్మా వికల్పనః ॥ ౪౦ ॥
కలాత్మా కర్కశాఙ్గశ్చ కారాబన్ధవిమోక్షదః ।
కాలరూపః కామనిధిః కేవలో జగతామ్పతిః ॥ ౪౧ ॥
కుత్సితః కనకాద్రిస్థః కాశీవాసః కలోత్తమః ।
కామీ రామాప్రియః కున్తః కవర్ణాకృతిరాత్మభూః ॥ ౪౨ ॥
ఖలీనః ఖలతాహన్తా ఖేటేశో ముకుటాధరః ।
ఖం ఖఙ్గేశః ఖగధరః ఖేటః ఖేచరవల్లభః ॥ ౪౩ ॥
ఖగాన్తకః ఖగాక్షశ్చ ఖవర్ణామృతమజ్జనః ।
గణేశో గుణమార్గేయో గజరాజేశ్వరో గణః ॥ ౪౪ ॥
అగుణః సగుణో గ్రామ్యో గ్రీవాలఙ్కారమణ్డితః ।
గూఢో గూఢాశయో గుప్తో గణగన్ధర్వసేవితః ॥ ౪౫ ॥
ఘోరనాదో ఘనశ్యామో ఘూర్ణాత్మా ఘుర్ఘరాకృతిః ।
ఘనవాహో ఘనేశానో ఘనవాహనపూజితః ॥ ౪౬ ॥
ఘనః సర్వేశ్వరో జేశో ఘవర్ణత్రయమణ్డనః ।
చమత్కృతిశ్చలాత్మా చ చలాచలస్వరూపకః ॥ ౪౭ ॥
చారువేశశ్చారుమూర్తిశ్చణ్డికేశశ్చమూపతిః ।
చిన్త్యోఽచిన్త్యగుణాతీతశ్చితారూపః చితాప్రియః ॥ ౪౮ ॥
చితేశశ్చేతనారూపశ్చితాశాన్తాపహారకః ।
ఛలభృచ్ఛలకృచ్ఛత్రీ ఛత్రికశ్ఛలకరకః ॥ ౪౯ ॥
ఛిన్నగ్రీవః ఛిన్నశీర్షః ఛిన్నకేశః ఛిదారకః ।
జేతా జిష్ణురజిష్ణుశ్చ జయాత్మా జయమణ్డలః ॥ ౫౦ ॥
జన్మహా జన్మదో జన్యో వృజనీ జృమ్భణో జటీ ।
జడహా జడసేవ్యశ్చ జడాత్మా జడవల్లభః ॥ ౫౧ ॥
జయస్వరూపో జనకో జలధిర్జ్వరసూదనః ।
జలన్ధరస్థో జనాధ్యక్షో నిరాధిరాధిరస్మయః ॥ ౫౨ ॥
అనాదిర్జగతీనాథో జయశ్రీర్జయసాగరః ।
ఝఙ్కారీ ఝలినీనాథః సప్తతిః సప్తసాగరః ॥ ౫౩ ॥
టఙ్కారసమ్భవో టాణుః టవర్ణామృతవల్లభః ।
టఙ్కహస్తో విటఙ్కారో టీకారో టోపపర్వతః ॥ ౫౪ ॥
ఠకారీ చ త్రయః ఠః ఠః స్వరూపో ఠకురోబలీ ।
డకారీ డకృతీడమ్బడిమ్బానాథో విడమ్బనః ॥ ౫౫ ॥
డిల్లీశ్వరో హి డిల్లాభో డఙ్కారాక్షర మణ్డనః ।
ఢవర్ణీ దుల్లియజ్ఞేశో ఢమ్బసూచీ నిరన్తకః ॥ ౫౬ ॥
ణవర్ణీ శోణినోవాసో ణరాగీ రాగభూషణః ।
తామ్రాపస్తపనస్తాపీ తపస్వీ తపసాం నిధిః ॥ ౫౭ ॥
తపోమయస్తపోరూపస్తపసాం ఫలదాయకః ।
తమీశ్వరో మహాతాలీ తమీచరక్షయఙ్కరః ॥ ౫౮ ॥
తపోద్యోతిస్తపోహీనో వితానీ త్ర్యమ్యబకేశ్వరః ।
స్థలస్థః స్థావరః స్థాణుః స్థిరబుద్ధిః స్థిరేన్ద్రియః ॥ ౫౯ ॥
స్థిరఙ్కృతీ స్థిరప్రీతిః స్థితిదః స్థితివాంస్తథా ।
దమ్భీ దమప్రియో దాతా దానవో దానవాన్తకః ॥ ౬౦ ॥ దానవాన్యనీ?
ధర్మాధర్మో ధర్మగతిర్ధనవాన్ధనవల్లభః ।
ధనుర్ధరో ధనుర్ధన్యో ధీరేశో ధీమయో ధృతిః ॥ ౬౧ ॥
ధకారాన్తో ధరాపాలో ధరణీశో ధరాప్రియః ।
ధరాధరో ధరేశానో నారదో నారసోరసః ॥ ౬౨ ॥
సరసో విరసో నాగో నాగయజ్ఞోపవీతవాన్ ।
నుతిలభ్యో నుతీశానో నుతితుష్టో నుతీశ్వరః ॥ ౬౩ ॥
పీవరాఙ్గ పరాకారః పరమేశః పరాత్పరః ।
పారావారః పరం పుణ్యం పరామూర్తిః పరం పదమ్ ॥ ౬౪ ॥
పరోగమ్యః పరన్తేజః పరంరూపః పరోపకృత్ ।
పృథ్వీపతిః పతిః పూతిః పూతాత్మా పూతనాయకః ॥ ౬౫ ॥
పారగః పారదృశ్వా చ పవనః పవనాత్మజః ।
ప్రాణదోఽపానదః పాన్థః సమానవ్యానదో వరమ్ ॥ ౬౬ ॥
ఉదానదః ప్రాణగతిః ప్రాణినాం ప్రాణహారకః ।
పుంసాం పటీయాన్పరమః పరమం స్థానకః పవిః ॥ ౬౭ ॥
రవిః పీతాననః పీఠం పాఠీనాకృతిరాత్మవాన్ ।
పత్రీ పీతః పవిత్రం చ పాఠనం పాఠనప్రియః ॥ ౬౮ ॥
పార్వతీశః పర్వతేశః పర్వేశః పర్వఘాతనః ।
ఫణీ ఫణిద ఈశానః ఫుల్లహస్తః ఫణాకృతిః ॥ ౬౯ ॥
ఫణిహారః ఫణిమూర్తిః ఫేనాత్మా ఫణివల్లభః ।
బలీ బలిప్రియో బాలో బాలాలాపీ బలన్ధరః ॥ ౭౦ ॥
బాలకో బలహస్తశ్చ బలిభుగ్బాలనాశనః ।
బలిరాజో బలఙ్కారీ బాణహస్తోఽర్ధవర్ణభృత్ ॥ ౭౧ ॥
భద్రీ భద్రప్రదో భాస్వాన్భామయో భ్రమయోనయః ।
భవ్యో భావప్రియో భానుర్భానుమాన్భీమనన్దకః ॥ ౭౨ ॥
భూరిదో భూతనాథశ్చ భూతలం సుతలం తలమ్ ।
భయహా భావనాకర్తా భవహా భవఘాతకః ॥ ౭౩ ॥
భవో విభవదో భీతో భూతభవ్యో భవప్రియః ।
భవానీశో భగేష్టశ్చ భగపూజనపోషణః ॥ ౭౪ ॥
మకురో మానదో ముక్తో మలినో మలనాశనః ।
మారహర్తా మహోధిశ్చ మహస్వీ మహతీప్రియః ॥ ౭౫ ॥
మీనకేతుర్మహామారో మహేష్వా మదనాన్తకః ।
మిథునేశో మహామోహో మల్లో మల్లాన్తకో మునిః ॥ ౭౬ ॥
మరీచిః రుచిమాన్యోగీ మఞ్జులేశోఽమరాధిపః ।
మర్దనో మోహమర్దీ చ మేధావీ మేదినీపతిః ॥ ౭౭ ॥
మహీపతిః సహస్రారో ముదితో మానవేశ్వరః ।
మౌనీ మౌనప్రియో మాసః పక్షీ మాధవ ఇష్టవాన్ ॥ ౭౮ ॥
మత్సరీ మాపతిర్మేషో మేషోపహారతోషితః ।
మాణిక్యమణ్డితో మన్త్రీ మణిపూరనివాసకః ॥ ౭౯ ॥
మన్దమున్మదరూపశ్చ మేనకీ ప్రియదర్శనః ।
మహేశో మేఘరూపశ్చ మకరామృతదర్శనః ॥ ౮౦ ॥
యజ్జ్వా యజ్ఞప్రియో యజ్ఞో యశస్వీ యజ్ఞభుగ్యువా ।
యోధప్రియో యమప్రియో యామీనాథో యమక్షయః ॥ ౮౧ ॥
యాజ్ఞికో యజ్ఞమానశ్చ యజ్ఞమూర్తిర్యశోధరః ।
రవిః సునయనో రత్నరసికో రామశేఖరః ॥ ౮౨ ॥
లావణ్యం లాలసో లూతో లజ్జాలుర్లలనాప్రియః ।
లమ్బమూర్తివిలమ్బీ చ లోలజిహ్వో లులున్ధరః ॥ ౮౩ ॥
వసుదో వసుమాన్వాస్తువాగ్భవో వటుకో వటుః ।
వీటీప్రియో విటఙ్కీ చ విటపీ విహగాధిపః ॥ ౮౪ ॥
విశ్వమోదీ వినయదో విశ్వప్రీతో వినాయకః ।
వినాన్తకో వినాంశకో వైమానికో వరప్రదః ॥ ౮౫ ॥
శమ్భుః శచీపతిః శారసమదో వకులప్రియః ।
శీతలః శీతరూపశ్చ శావరీ ప్రణతో వశీ ॥ ౮౬ ॥
శీతాలుః శిశిరః శైత్యః శీతరశ్మిః సితాంశుమాన్ ।
శీలదః శీలవాన్ శాలీ శాలీనః శశిమణ్డనః ॥ ౮౭ ॥
శణ్డః శణ్టః శిపివిష్టః షవర్ణోజ్జ్వలరూపవాన్ ।
సిద్ధసేవ్యః సితానాథః సిద్ధికః సిద్ధిదాయకః ॥ ౮౮ ॥
సాధ్యో సురాలయః సౌమ్యః సిద్ధిభూః సిద్ధిభావనః ।
సిద్ధాన్తవల్లభః స్మేరః సితవక్త్రః సభాపతిః ॥ ౮౯ ॥
సరోధీశః సరిన్నాథః సితాభశ్చేతనాసమః ।
సత్యపః సత్యమూర్తిశ్చ సిన్ధురాజః సదాశివః ॥ ౯౦ ॥
సదేశః సదనాసూరిః సేవ్యమానః సతాఙ్గతిః ।
సతామ్భావ్యః సదానాథః సరస్వాన్సమదర్శనః ॥ ౯౧ ॥
సుసన్తుష్టః సతీచేతః సత్యవాదీ సతీరతః ।
సర్వారాధ్యః సర్వపతిః సమయీ సమయః స్వయమ్ ॥ ౯౨ ॥
స్వయమ్భూః స్వయమాత్మీయః స్వయమ్భావః సమాత్మకః ।
సురాధ్యక్షః సురపతిః సరోజాసనసేవకః ॥ ౯౩ ॥
సరోజాక్షనిషేవ్యశ్చ సరోజదలలోచనః ।
సుమతిః కుమతిః స్తుత్యః సురనాయకనాయకః ॥ ౯౪ ॥
సుధాప్రియః సుధేశశ్చ సుధామూర్తిః సుధాకరః ।
హీరకో హీరవాంశ్చైవ హేతుః హాటకమణ్డనః ॥ ౯౫ ॥
హాటకేశో హఠధరో హరిద్రత్నవిభూషణః ।
హితకృద్ధేతుభూతశ్చ హాస్యదో హాస్యవక్త్రకః ॥ ౯౬ ॥
హారో హారప్రియో హారీ హవిష్మల్లోచనో హరిః ।
హవిష్మాన్హవిభుగ్వాద్యో హవ్యం హవిర్భుజాం వరః ॥ ౯౭ ॥
హంసః పరమహంసశ్చ హంసీనాథో హలాయుధః ।
హరిదశ్వో హరిస్తుత్యో హేరమ్బో లమ్బితోదరః ॥ ౯౮ ॥
క్షమాపతిః క్షమః క్షాన్తః క్షురాధారోఽక్షిభీమకః ।
క్షితినాథః క్షణేష్టశ్చ క్షణవాయుః క్షవః క్షతః ॥ ౯౯ ॥
క్షీణశ్చ క్షణికః క్షామః క్షవర్ణామృతపీఠకః ।
అకారాది క్షకారాన్తా విద్యామాలావిభూషణః ॥ ౧౦౦ ॥
స్వర వ్యఞ్జన భూషాఢ్యో హ్రస్వ దీర్ఘ విభూషణః ।
ఓం క్ష్మృం మహాభైరవేశీ ఓం శ్రీం భైరవపూర్వకః ॥ ౧౦౧ ॥
ఓం హ్రీం వటుకభావేశో ఓం హ్రీం వటుకభైరవః ।
ఓం క్లీం శ్మశానవాసీ చ ఓం హ్రీం శ్మశానభైరవః ॥ ౧౦౨ ॥
మైం భద్రకాలికానాథః క్లీం ఓం హ్రీం కాలికాపతిః ।
ఐం సౌః క్లీం త్రిపురేశానో ఓం హ్రీం జ్వాలాముఖీపతిః ॥ ౧౦౩ ॥
ఐం క్లీం సః శారదానాథో ఓం హ్రీం మార్తణ్డభైరవః ।
ఓం హ్రీం సుమన్తుసేవ్యశ్చ ఓం శ్రీం హ్రీం మత్తభైరవః ॥ ౧౦౪ ॥
ఓం శ్రీం ఉన్మత్తచిత్తశ్చ ఓం శ్రీం ఉం ఉగ్రభైరవః ।
ఓం శ్రీం కఠోరదేశశ్చ ఓం శ్రీం హ్రీం కఠోరభైరవః ॥ ౧౦౫ ॥
ఓం శ్రీం కామాన్ధకధ్వంసీ ఓం శ్రీం కామాన్ధభైరవః ।
ఓం శ్రీం అష్టస్వరశ్చైవ ఓం శ్రీం అష్టకభైరవః ॥ ౧౦౬ ॥
ఓం శ్రీం హ్రీం అష్టమూర్తిశ్చ ఓం శ్రీం చిన్మూర్తిభైరవః ।
ఓం హ్రీం హాటకవర్ణశ్చ ఓం హ్రీం హాటకభైరవః ॥ ౧౦౭ ॥
ఓం శ్రీం శశాఙ్క వదనః ఓం శ్రీం శీతలభైరవః ।
ఓం శ్రీం శివారుతశ్చైవ ఓం శ్రీం శారూకభైరవః ॥ ౧౦౮ ॥
ఓం శ్రీం అహంస్వరూపశ్చ ఓం హ్రీం శ్రీముణ్డభైరవః ।
ఓం శ్రీం మనోన్మనశ్చైవ ఓం శ్రీం మఙ్గలభైరవః ॥ ౧౦౯ ॥
ఓం శ్రీం బుద్ధిమయశ్చైవ ఓం శ్రీం భైమ్బుద్ధభైరవః ।
ఓం శ్రీం ఐం క్లీం నాగమూర్తిః ఓం శ్రీం హ్రీం నాగభైరవః ॥ ౧౧౦ ॥
ఓం శ్రీం క్లీం కూర్మమూర్తిశ్చ ఓం శ్రీం కృకరభైరవః ।
ఓం హ్రీం శ్రీం దేవదత్తశ్చ ఓం శ్రీం క్లీం దత్తభైరవః ॥ ౧౧౧ ॥
ఓం హ్రీం ధనఞ్జయశ్చైవ ఓం శ్రీం ధనికభైరవః ।
ఓం శ్రీం హ్రీం రసరూపశ్చ ఓం శ్రీం రసికభైరవః ॥ ౧౧౨ ॥
ఓం శ్రీం స్పర్శరూపశ్చ ఓం శ్రీం హ్రీం స్పర్శభైరవః ।
ఓం శ్రీం హ్రీం క్లీం స్వరూపశ్చ ఓం శ్రీం హ్రీం రూపభైరవః ॥ ౧౧౩ ॥
ఓం శ్రీం సత్త్వమయశ్చైవ ఓం శ్రీం హ్రీం సత్త్వభైరవః ।
ఓం శ్రీం రజోగుణాత్మా చ ఓం శ్రీం రాజసభైరవః ॥ ౧౧౪ ॥
ఓం శ్రీం తమోమయశ్చైవ ఓం శ్రీం తామసభైరవః ।
ఓం శ్రీం ధర్మమయశ్చైవ ఓం హీం వై ధర్మభైరవః ॥ ౧౧౫ ॥
ఓం శ్రీం హ్రీం మధ్యచైతన్యో ఓం శ్రీం చైతన్యభైరవః ।
ఓం శ్రీం హ్రీం క్షితిమూర్తిశ్చ ఓం హ్రీం క్షాత్రికభైరవః ॥ ౧౧౬ ॥
ఓం శ్రీం హ్రీం జలమూర్తిశ్చ ఓం హ్రీం జలేన్ద్రభైరవః ।
ఓం శ్రీం పవనమూర్తిశ్చ ఓం హ్రీం పీఠకభైరవః ॥ ౧౧౭ ॥
ఓం శ్రీం హుతాశమూర్తిశ్చ ఓం హ్రీం హాలాఖభైరవః ।
ఓం శ్రీం హ్రీం సోమమూర్తిశ్చ ఓం శ్రీం హ్రీం సౌమ్యభైరవః ॥ ౧౧౮ ॥
ఓం శ్రీం హ్రీం సూర్యమూర్తిశ్చ ఓం శ్రీం సౌరేన్ద్రభైరవః ।
ఓం జూం సః హంసరూపశ్చ హం సః జుం ఓం మృత్యఞ్జయః ।
ఓం చత్వారింశదధికో ఓం శ్రీం అఘోరభైరవః ॥ ౧౧౯ ॥
అఘోరేభ్యోఽథ ఘోరేభ్యో ఘోరఘోరతరేభ్యః ।
సర్వతః సర్వసర్వేభ్యో నమస్తే రుద్రరూపేభ్యః ॥ ౧౨౦ ॥
భైరవేశోఽభయవరదాతా దేవజనప్రియః ।
ఓం శ్రీం హ్రీం క్లీం క్ష్మ్యుం దేవీ వై అఘోరదర్శనః ॥ ౧౨౧ ॥
ఓం శ్రీం సౌన్దర్యవాన్దేవో ఓం అఘోరకృపానిధిః ।
సహస్రనామ ఇతి నామ్నాం సహస్రం తు అఘోరస్య జగత్ప్రభుః ॥ ౧౨౨ ॥
తవ భక్త్యా మయాఖ్యాతం త్రిషు లోకేషు దుర్లభమ్ ।
అప్రకాశ్యమదాతవ్యం గోప్తవ్యం శరజన్మనః ॥ ౧౨౩ ॥
బల్యం బలప్రదం స్తుత్యం స్తవనీయం స్తవోత్తమమ్ ।
పఠేద్వా పాఠయేన్నిత్యం ధ్యాయేచ్చేతసి నిత్యశః ॥ ౧౨౪ ॥
అద్రష్టవ్యమదీక్షాయ గోప్తవ్యం పశుసఙ్కటే ।
నాతః పరతరం కిఞ్చిత్సర్వస్వం నాస్తి మే హృది ॥ ౧౨౫ ॥
పుణ్యదం పుణ్యమాత్మీయం సకలం నిష్కలం పరమ్ ।
పఠేన్మన్త్రీ నిశీథే తు నగ్నః శ్రీముక్తకున్తలః ॥ ౧౨౬ ॥
అనన్తం చిత్సుధాకారం దేవానామపి దుర్లభమ్ ।
శక్త్యా యుక్తో జపేన్నామ్నాం సహస్రం భక్తిపూర్వకమ్ ॥ ౧౨౭ ॥
తత్క్షణాత్సాధకః సత్యం జీవన్ముక్తో భవిష్యతి ।
భౌమేఽర్క శనివారే తు శ్మశానే సాధకః పఠేత్ ॥ ౧౨౮ ॥
సద్యస్తస్య స్వయం దేవో వరదస్తు భవిష్యతి ।
దశావర్త్తం పఠేద్రాత్రౌ నదీతీరేషు ధైర్యవాన్ ॥ ౧౨౯ ॥
తస్య హస్తే సదా సన్తి త్ర్యమ్బకస్యాష్టసిద్ధయః ।
మధ్యాహే శివరాత్రౌ చ నిశీథే వివిధే పఠేత్ ॥ ౧౩౦ ॥
ఇన్ద్రాదయః సురగణా వశమేష్యన్తి నాన్యథా ।
గురౌ బ్రాహ్మముహూర్తే తు పఠేద్భక్త్యా చ సాధకః ॥ ౧౩౧ ॥
యావదిన్ద్రః సభామధ్యే తదగ్రే మూకవత్ భవేత్ ।
శుక్రే నద్యా జలే మన్త్రీ పఠేన్నామ్నాం సహస్రకమ్ ॥ ౧౩౨ ॥
తదాప్రభృతి త్రైలోక్యం మోహమేష్యతి నాన్యథా ।
భౌమే వనాన్తరే మన్త్రీ పఠేత్సన్ధ్యానిధౌ తదా ॥ ౧౩౩ ॥
శత్రుః కాలసమానోఽపి మృత్యుమేష్యతి నాన్యథా ।
త్రిసన్ధ్యోదయకాలే తు పఠేత్సాధకసత్తమః ॥ ౧౩౪ ॥
రమ్భాద్యప్సరసః సర్వా వశమాయాన్తి తత్క్షణాత్ ।
భౌమే మధ్యాహ్నసమయే పఠేచ్చ కూపసన్నిధౌ ॥ ౧౩౫ ॥
సద్యో దేవి మహాన్తం కారిపుముచ్చాటయేద్ధ్రువమ్ ।
సద్యస్త్రివారం పఠేన్నామ్నాం సహస్రముత్తమమ్ ॥ ౧౩౬ ॥
ఇహలోకే భవేద్భోగీ పరే ముక్తిర్భవిష్యతి ।
అర్కవారే సమాలిఖ్య భూర్జత్వచి చ సాధకః ॥ ౧౩౭ ॥
కుఙ్కుమాలక్తకస్తూరీ గోరోచన మనఃశిలాః ।
సర్వాద్యైర్వసుభిర్మన్త్రీ వేష్టయేత్తామ్రరజ్జునా ॥ ౧౩౮ ॥
ధారయేన్మూర్ధ్ని సద్యస్తు లభేత్కామాన్యథేప్సితాన్ ।
పుత్రాన్దారాంశ్చ లక్ష్మీం చ యశో ధర్మం ధనాని చ ॥ ౧౩౯ ॥
లభతే నాత్ర సంశయః సత్యమేతద్వచో మమ ।
వినానేన మహాదేవి పఠేద్యః కవచం శుభమ్ ॥ ౧౪౦ ॥
తస్య జీవం ధనం పుత్రాన్ దారాన్భక్షన్తి రాక్షసాః ।
వినానేన జపేత్ విద్యామఘోరస్య చ సాధకః ॥ ౧౪౧ ॥
తస్య కోటి జపం వ్యర్థం సత్యమేతద్వచో మమ ।
బహునాత్ర కిముక్తేన సహస్రాఖ్యం స్తవోత్తమమ్ ॥ ౧౪౨ ॥
యద్గృహే వా జపేద్యస్తు శ్రావయేద్వా శ‍ృణోతి యః ।
స స్వయం నీలకణ్ఠోఽహం తత్కలత్రం మహేశ్వరీ ॥ ౧౪౩ ॥
ఇదం రహస్యం పరమం భక్త్యా తవ మయోదితమ్ ।
అత్యన్తదుర్లభం నాకే తథాత్యన్తం మహీతలే ॥ ౧౪౪ ॥
భూమౌ చ దుర్లభం దేవి గోపనీయం దురాత్మనః ।
అఘోరస్య మహాదేవి తత్త్వం పరమతత్త్వకమ్ ॥ ౧౪౫ ॥
అతీవ మధురం హృద్యం పరాపరరహస్యకమ్ ।
వినా బలిం వినా పూజాం న రక్ష్యః సాధకోత్తమః ॥ ౧౪౬ ॥
పఠనీయం దివారాత్రౌ సిద్ధయోఽష్టౌ భవన్తి హి ।
ఇదం రహస్యం పరమం రహస్యాతిరహస్యకమ్ ॥ ౧౪౭ ॥
అప్రకాశ్యమదాతవ్యమవక్తవ్యం దురాత్మనే ।
యథేష్టఫలదం సద్యః కలౌ శీఘ్రఫలప్రదమ్ ॥ ౧౪౮ ॥
గోప్యం గుప్తతరం గూఢం గుప్తం పుత్రాయ పార్వతి ।
గోపనీయం సదాగోప్యం గోప్తవ్యం చ స్వయోనివత్ ॥ ౧౪౯ ॥
ఇతి శ్రీరుద్రయామలే తన్త్రే భైరవ-భైరవీ సంవాదే
అఘోరమూర్తిసహస్రనామస్తవః సమ్పూర్ణః ॥
Also Read 1000 Names of Aghoramurti:
1000 Names of Aghoramurti | Sahasranamavali Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
