Shri Mahasarasvati Sahasranamastotram Lyrics in Malayalam:
॥ ശ്രീ മഹാസരസ്വതീ സഹസ്രനാമ സ്തോത്രം ॥
ധ്യാനം
ശ്രീമച്ചന്ദനചര്‍ചിതോജ്ജ്വലവപുഃ ശുക്ലാംബരാ മല്ലികാ-
മാലാലാലിത കുന്തലാ പ്രവിലസന്‍മുക്താവലീശോഭനാ ।
സര്‍വജ്ഞാനനിധാനപുസ്തകധരാ രുദ്രാക്ഷമാലാങ്കിതാ
വാഗ്ദേവീ വദനാംബുജേ വസതു മേ ത്രൈലോക്യമാതാ ശുഭാ ॥
ശ്രീനാരദ ഉവാച –
ഭഗവന്‍പരമേശാന സര്‍വലോകൈകനായക ।
കഥം സരസ്വതീ സാക്ഷാത്പ്രസന്നാ പരമേഷ്ഠിനഃ ॥ 2 ॥
കഥം ദേവ്യാ മഹാവാണ്യാഃ സതത്പ്രാപ സുദുര്ലഭം ।
ഏതന്‍മേ വദ തത്വേന മഹായോഗീശ്വരപ്രഭോ ॥ 3 ॥
ശ്രീസനത്കുമാര ഉവാച –
സാധു പൃഷ്ടം ത്വയാ ബ്രഹ്മന്‍ ഗുഹ്യാദ്ഗുഹ്യ മനുത്തമം ।
ഭയാനുഗോപിതം യത്നാദിദാനീം സത്പ്രകാശ്യതേ ॥ 4 ॥
പുരാ പിതാമഹം ദൃഷ്ട്വാ ജഗത്സ്ഥാവരജങ്ഗമം ।
നിര്‍വികാരം നിരാഭാസം സ്തംഭീഭൂതമചേതസം ॥ 5 ॥
സൃഷ്ട്വാ ത്രൈലോക്യമഖിലം വാഗഭാവാത്തഥാവിധം ।
ആധിക്യാഭാവതഃ സ്വസ്യ പരമേഷ്ഠീ ജഗദ്ഗുരുഃ ॥ 6 ॥
ദിവ്യവര്‍ഷായുതം തേന തപോ ദുഷ്കര മുത്തമം ।
തതഃ കദാചിത്സംജാതാ വാണീ സര്‍വാര്‍ഥശോഭിതാ ॥ 7 ॥
അഹമസ്മി മഹാവിദ്യാ സര്‍വവാചാമധീശ്വരീ ।
മമ നാംനാം സഹസ്രം തു ഉപദേക്ഷ്യാംയനുത്തമം ॥ 8 ॥
അനേന സംസ്തുതാ നിത്യം പത്നീ തവ ഭവാംയഹം ।
ത്വയാ സൃഷ്ടം ജഗത്സര്‍വം വാണീയുക്തം ഭവിഷ്യതി ॥ 9 ॥
ഇദം രഹസ്യം പരമം മമ നാമസഹസ്രകം ।
സര്‍വപാപൌഘശമനം മഹാസാരസ്വതപ്രദം ॥ 10 ॥
മഹാകവിത്വദം ലോകേ വാഗീശത്വപ്രദായകം ।
ത്വം വാ പരഃ പുമാന്യസ്തുസ്തവേനാനേന തോഷയേത് ॥ 11 ॥
തസ്യാഹം കിംകരീ സാക്ഷാദ്ഭവിഷ്യാമി ന സംശയഃ ।
ഇത്യുക്ത്വാന്തര്‍ദധേ വാണീ തദാരഭ്യ പിതാമഹഃ ॥ 12 ॥
സ്തുത്വാ സ്തോത്രേണ ദിവ്യേന തത്പതിത്വമവാപ്തവാന്‍ ।
വാണീയുക്തം ജഗത്സര്‍വം തദാരഭ്യാഭവന്‍മുനേ ॥ 13 ॥
തത്തേഹം സമ്പ്രവക്ഷ്യാമി ശൃണു യത്നേന നാരദ ।
സാവധാനമനാ ഭൂത്വാ ക്ഷണം ശുദ്ധോ മുനീശ്വരഃ ॥ 14 ॥
വാഗ്വാണീ വരദാ വന്ദ്യാ വരാരോഹാ വരപ്രദാ ।
വൃത്തിര്‍വാഗീശ്വരീ വാര്‍താ വരാ വാഗീശവല്ലഭാ ॥ 1 ॥
വിശ്വേശ്വരീ വിശ്വവന്ദ്യാ വിശ്വേശപ്രിയകാരിണീ ।
വാഗ്വാദിനീ ച വാഗ്ദേവീ വൃദ്ധിദാ വൃദ്ധികാരിണീ ॥ 2 ॥
വൃദ്ധിര്‍വൃദ്ധാ വിഷഘ്നീ ച വൃഷ്ടിര്‍വൃഷ്ടിപ്രദായിനീ ।
വിശ്വാരാധ്യാ വിശ്വമാതാ വിശ്വധാത്രീ വിനായകാ ॥ 3 ॥
വിശ്വശക്തിര്‍വിശ്വസാരാ വിശ്വാ വിശ്വവിഭാവരീ ।
വേദാന്തവേദിനീ വേദ്യാ വിത്താ വേദത്രയാത്മികാ ॥ 4 ॥
വേദജ്ഞാ വേദജനനീ വിശ്വാ വിശ്വവിഭാവരീ ।
വരേണ്യാ വാങ്മയീ വൃദ്ധാ വിശിഷ്ടപ്രിയകാരിണീ ॥ 5 ॥
വിശ്വതോവദനാ വ്യാപ്താ വ്യാപിനീ വ്യാപകാത്മികാ ।
വ്യാളഘ്നീ വ്യാളഭൂഷാംഗീ വിരജാ വേദനായികാ ॥ 6 ॥
വേദവേദാന്തസംവേദ്യാ വേദാന്തജ്ഞാനരൂപിണീ ।
വിഭാവരീ ച വിക്രാന്താ വിശ്വാമിത്രാ വിധിപ്രിയാ ॥ 7 ॥
വരിഷ്ഠാ വിപ്രകൃഷ്ടാ ച വിപ്രവര്യപ്രപൂജിതാ ।
വേദരൂപാ വേദമയീ വേദമൂര്‍തിശ്ച വല്ലഭാ ॥ 8 ॥
ഗൌരീ ഗുണവതീ ഗോപ്യാ ഗന്ധര്‍വനഗരപ്രിയാ ।
ഗുണമാതാ ഗുഹാന്തസ്ഥാ ഗുരുരൂപാ ഗുരുപ്രിയാ ॥ 9 ॥
ഗിരിവിദ്യാ ഗാനതുഷ്ടാ ഗായകപ്രിയകാരിണീ ।
ഗായത്രീ ഗിരിശാരാധ്യാ ഗീര്‍ഗിരീശപ്രിയംകരീ ॥ 10 ॥
ഗിരിജ്ഞാ ജ്ഞാനവിദ്യാ ച ഗിരിരൂപാ ഗിരീശ്വരീ ।
ഗീര്‍മാതാ ഗണസംസ്തുത്യാ ഗണനീയഗുണാന്വിതാ ॥ 11 ॥
ഗൂഢരൂപാ ഗുഹാ ഗോപ്യാ ഗോരൂപാ ഗൌര്‍ഗുണാത്മികാ ।
ഗുര്‍വീ ഗുര്‍വംബികാ ഗുഹ്യാ ഗേയജാ ഗൃഹനാശിനീ ॥ 12 ॥
ഗൃഹിണീ ഗൃഹദോഷഘ്നീ ഗവഘ്നീ ഗുരുവത്സലാ ।
ഗൃഹാത്മികാ ഗൃഹാരാധ്യാ ഗൃഹബാധാവിനാശിനീ ॥ 13 ॥
ഗങ്ഗാ ഗിരിസുതാ ഗംയാ ഗജയാനാ ഗുഹസ്തുതാ ।
ഗരുഡാസനസംസേവ്യാ ഗോമതീ ഗുണശാലിനീ ॥ 14 ॥
ശാരദാ ശാശ്വതീ ശൈവീ ശാംകരീ ശംകരാത്മികാ ।
ശ്രീഃ ശര്‍വാണീ ശതഘ്നീ ച ശരച്ചന്ദ്രനിഭാനനാ ॥ 15 ॥
ശര്‍മിഷ്ഠാ ശമനഘ്നീ ച ശതസാഹസ്രരൂപിണീ ।
ശിവാ ശംഭുപ്രിയാ ശ്രദ്ധാ ശ്രുതിരൂപാ ശ്രുതിപ്രിയാ ॥ 16 ॥
ശുചിഷ്മതീ ശര്‍മകരീ ശുദ്ധിദാ ശുദ്ധിരൂപിണീ ।
ശിവാ ശിവംകരീ ശുദ്ധാ ശിവാരാധ്യാ ശിവാത്മികാ ॥ 17 ॥
ശ്രീമതീ ശ്രീമയീ ശ്രാവ്യാ ശ്രുതിഃ ശ്രവണഗോചരാ ।
ശാന്തിഃ ശാന്തികരീ ശാന്താ ശാന്താചാരപ്രിയംകരീ ॥ 18 ॥
ശീലലഭ്യാ ശീലവതീ ശ്രീമാതാ ശുഭകാരിണീ ।
ശുഭവാണീ ശുദ്ധവിദ്യാ ശുദ്ധചിത്തപ്രപൂജിതാ ॥ 19 ॥
ശ്രീകരീ ശ്രുതപാപഘ്നീ ശുഭാക്ഷീ ശുചിവല്ലഭാ ।
ശിവേതരഘ്നീ ശബരീ ശ്രവണീയഗുണാന്വിതാ ॥ 20 ॥
ശാരീ ശിരീഷപുഷ്പാഭാ ശമനിഷ്ഠാ ശമാത്മികാ ।
ശമാന്വിതാ ശമാരാധ്യാ ശിതികണ്ഠപ്രപൂജിതാ ॥ 21 ॥
ശുദ്ധിഃ ശുദ്ധികരീ ശ്രേഷ്ഠാ ശ്രുതാനന്താ ശുഭാവഹാ ।
സരസ്വതീ ച സര്‍വജ്ഞാ സര്‍വസിദ്ധിപ്രദായിനീ ॥ 22 ॥
സരസ്വതീ ച സാവിത്രീ സംധ്യാ സര്‍വേപ്സിതപ്രദാ ।
സര്‍വാര്‍തിഘ്നീ സര്‍വമയീ സര്‍വവിദ്യാപ്രദായിനീ ॥ 23 ॥
സര്‍വേശ്വരീ സര്‍വപുണ്യാ സര്‍ഗസ്ഥിത്യന്തകാരിണീ ।
സര്‍വാരാധ്യാ സര്‍വമാതാ സര്‍വദേവനിഷേവിതാ ॥ 24 ॥
സര്‍വൈശ്വര്യപ്രദാ സത്യാ സതീ സത്വഗുണാശ്രയാ ।
സ്വരക്രമപദാകാരാ സര്‍വദോഷനിഷൂദിനീ ॥ 25 ॥
സഹസ്രാക്ഷീ സഹസ്രാസ്യാ സഹസ്രപദസംയുതാ ।
സഹസ്രഹസ്താ സാഹസ്രഗുണാലംകൃതവിഗ്രഹാ ॥ 26 ॥
സഹസ്രശീര്‍ഷാ സദ്രൂപാ സ്വധാ സ്വാഹാ സുധാമയീ ।
ഷഡ്ഗ്രന്ഥിഭേദിനീ സേവ്യാ സര്‍വലോകൈകപൂജിതാ ॥ 27 ॥
സ്തുത്യാ സ്തുതിമയീ സാധ്യാ സവിതൃപ്രിയകാരിണീ ।
സംശയച്ഛേദിനീ സാംഖ്യവേദ്യാ സംഖ്യാ സദീശ്വരീ ॥ 28 ॥
സിദ്ധിദാ സിദ്ധസമ്പൂജ്യാ സര്‍വസിദ്ധിപ്രദായിനീ ।
സര്‍വജ്ഞാ സര്‍വശക്തിശ്ച സര്‍വസമ്പത്പ്രദായിനീ ॥ 29 ॥
സര്‍വാശുഭഘ്നീ സുഖദാ സുഖാ സംവിത്സ്വരൂപിണീ ।
സര്‍വസംഭീഷണീ സര്‍വജഗത്സമ്മോഹിനീ തഥാ ॥ 30 ॥
സര്‍വപ്രിയംകരീ സര്‍വശുഭദാ സര്‍വമങ്ഗളാ ।
സര്‍വമന്ത്രമയീ സര്‍വതീര്‍ഥപുണ്യഫലപ്രദാ ॥ 31 ॥
സര്‍വപുണ്യമയീ സര്‍വവ്യാധിഘ്നീ സര്‍വകാമദാ ।
സര്‍വവിഘ്നഹരീ സര്‍വവന്ദിതാ സര്‍വമങ്ഗളാ ॥ 32 ॥
സര്‍വമന്ത്രകരീ സര്‍വലക്ഷ്മീഃ സര്‍വഗുണാന്വിതാ ।
സര്‍വാനന്ദമയീ സര്‍വജ്ഞാനദാ സത്യനായികാ ॥ 33 ॥
സര്‍വജ്ഞാനമയീ സര്‍വരാജ്യദാ സര്‍വമുക്തിദാ ।
സുപ്രഭാ സര്‍വദാ സര്‍വാ സര്‍വലോകവശംകരീ ॥ 34 ॥
സുഭഗാ സുന്ദരീ സിദ്ധാ സിദ്ധാംബാ സിദ്ധമാതൃകാ ।
സിദ്ധമാതാ സിദ്ധവിദ്യാ സിദ്ധേശീ സിദ്ധരൂപിണീ ॥ 35 ॥
സുരൂപിണീ സുഖമയീ സേവകപ്രിയകാരിണീ ।
സ്വാമിനീ സര്‍വദാ സേവ്യാ സ്ഥൂലസൂക്ഷ്മാപരാംബികാ ॥ 36 ॥
സാരരൂപാ സരോരൂപാ സത്യഭൂതാ സമാശ്രയാ ।
സിതാസിതാ സരോജാക്ഷീ സരോജാസനവല്ലഭാ ॥ 37 ॥
സരോരുഹാഭാ സര്‍വാങ്ഗീ സുരേന്ദ്രാദിപ്രപൂജിതാ ।
മഹാദേവീ മഹേശാനീ മഹാസാരസ്വതപ്രദാ ॥ 38 ॥
മഹാസരസ്വതീ മുക്താ മുക്തിദാ മലനാശിനീ ।
മഹേശ്വരീ മഹാനന്ദാ മഹാമന്ത്രമയീ മഹീ ॥ 39 ॥
മഹാലക്ഷ്മീര്‍മഹാവിദ്യാ മാതാ മന്ദരവാസിനീ ।
മന്ത്രഗംയാ മന്ത്രമാതാ മഹാമന്ത്രഫലപ്രദാ ॥ 40 ॥
മഹാമുക്തിര്‍മഹാനിത്യാ മഹാസിദ്ധിപ്രദായിനീ ।
മഹാസിദ്ധാ മഹാമാതാ മഹദാകാരസംയുതാ ॥ 41 ॥
മഹാ മഹേശ്വരീ മൂര്‍തിര്‍മോക്ഷദാ മണിഭൂഷണാ ।
മേനകാ മാനിനീ മാന്യാ മൃത്യുഘ്നീ മേരുരൂപിണീ ॥ 42 ॥
മദിരാക്ഷീ മദാവാസാ മഖരൂപാ മഖേശ്വരീ ।
മഹാമോഹാ മഹാമായാ മാതൄണാം മൂര്‍ധ്നിസംസ്ഥിതാ ॥ 43 ॥
മഹാപുണ്യാ മുദാവാസാ മഹാസമ്പത്പ്രദായിനീ ।
മണിപൂരൈകനിലയാ മധുരൂപാ മഹോത്കടാ ॥ 44 ॥
മഹാസൂക്ഷ്മാ മഹാശാന്താ മഹാശാന്തിപ്രദായിനീ ।
മുനിസ്തുതാ മോഹഹന്ത്രീ മാധവീ മാധവപ്രിയാ ॥ 45 ॥
മാ മഹാദേവസംസ്തുത്യാ മഹിഷീഗണപൂജിതാ ।
മൃഷ്ടാന്നദാ ച മാഹേന്ദ്രീ മഹേന്ദ്രപദദായിനീ ॥ 46 ॥
മതിര്‍മതിപ്രദാ മേധാ മര്‍ത്യലോകനിവാസിനീ ।
മുഖ്യാ മഹാനിവാസാ ച മഹാഭാഗ്യജനാശ്രിതാ ॥ 47 ॥
മഹിളാ മഹിമാ മൃത്യുഹാരീ മേധാപ്രദായിനീ ।
മേധ്യാ മഹാവേഗവതീ മഹാമോക്ഷഫലപ്രദാ ॥ 48 ॥
മഹാപ്രഭാഭാ മഹതീ മഹാദേവപ്രിയംകരീ ।
മഹാപോഷാ മഹര്‍ദ്ധിശ്ച മുക്താഹാരവിഭൂഷണാ ॥ 49 ॥
മാണിക്യഭൂഷണാ മന്ത്രാ മുഖ്യചന്ദ്രാര്‍ധശേഖരാ ।
മനോരൂപാ മനഃശുദ്ധിഃ മനഃശുദ്ധിപ്രദായിനീ ॥ 50 ॥
മഹാകാരുണ്യസമ്പൂര്‍ണാ മനോനമനവന്ദിതാ ।
മഹാപാതകജാലഘ്നീ മുക്തിദാ മുക്തഭൂഷണാ ॥ 51 ॥
മനോന്‍മനീ മഹാസ്ഥൂലാ മഹാക്രതുഫലപ്രദാ ।
മഹാപുണ്യഫലപ്രാപ്യാ മായാത്രിപുരനാശിനീ ॥ 52 ॥
മഹാനസാ മഹാമേധാ മഹാമോദാ മഹേശ്വരീ ।
മാലാധരീ മഹോപായാ മഹാതീര്‍ഥഫലപ്രദാ ॥ 53 ॥
മഹാമങ്ഗളസമ്പൂര്‍ണാ മഹാദാരിദ്ര്യനാശിനീ ।
മഹാമഖാ മഹാമേഘാ മഹാകാളീ മഹാപ്രിയാ ॥ 54 ॥
മഹാഭൂഷാ മഹാദേഹാ മഹാരാജ്ഞീ മുദാലയാ ।
ഭൂരിദാ ഭാഗ്യദാ ഭോഗ്യാ ഭോഗ്യദാ ഭോഗദായിനീ ॥ 55 ॥
ഭവാനീ ഭൂതിദാ ഭൂതിഃ ഭൂമിര്‍ഭൂമിസുനായികാ ।
ഭൂതധാത്രീ ഭയഹരീ ഭക്തസാരസ്വതപ്രദാ ॥ 56 ॥
ഭുക്തിര്‍ഭുക്തിപ്രദാ ഭേകീ ഭക്തിര്‍ഭക്തിപ്രദായിനീ ।
ഭക്തസായുജ്യദാ ഭക്തസ്വര്‍ഗദാ ഭക്തരാജ്യദാ ॥ 57 ॥
ഭാഗീരഥീ ഭവാരാധ്യാ ഭാഗ്യാസജ്ജനപൂജിതാ ।
ഭവസ്തുത്യാ ഭാനുമതീ ഭവസാഗരതാരണീ ॥ 58 ॥
ഭൂതിര്‍ഭൂഷാ ച ഭൂതേശീ ഫാലലോചനപൂജിതാ ।
ഭൂതാ ഭവ്യാ ഭവിഷ്യാ ച ഭവവിദ്യാ ഭവാത്മികാ ॥ 59 ॥
ബാധാപഹാരിണീ ബന്ധുരൂപാ ഭുവനപൂജിതാ ।
ഭവഘ്നീ ഭക്തിലഭ്യാ ച ഭക്തരക്ഷണതത്പരാ ॥ 60 ॥
ഭക്താര്‍തിശമനീ ഭാഗ്യാ ഭോഗദാനകൃതോദ്യമാ ।
ഭുജങ്ഗഭൂഷണാ ഭീമാ ഭീമാക്ഷീ ഭീമരൂപിണീ ॥ 61 ॥
ഭാവിനീ ഭ്രാതൃരൂപാ ച ഭാരതീ ഭവനായികാ ।
ഭാഷാ ഭാഷാവതീ ഭീഷ്മാ ഭൈരവീ ഭൈരവപ്രിയാ ॥ 62 ॥
ഭൂതിര്‍ഭാസിതസര്‍വാങ്ഗീ ഭൂതിദാ ഭൂതിനായികാ ।
ഭാസ്വതീ ഭഗമാലാ ച ഭിക്ഷാദാനകൃതോദ്യമാ ॥ 63 ॥
ഭിക്ഷുരൂപാ ഭക്തികരീ ഭക്തലക്ഷ്മീപ്രദായിനീ ।
ഭ്രാന്തിഘ്നാ ഭ്രാന്തിരൂപാ ച ഭൂതിദാ ഭൂതികാരിണീ ॥ 64 ॥
ഭിക്ഷണീയാ ഭിക്ഷുമാതാ ഭാഗ്യവദ്ദൃഷ്ടിഗോചരാ ।
ഭോഗവതീ ഭോഗരൂപാ ഭോഗമോക്ഷഫലപ്രദാ ॥ 65 ॥
ഭോഗശ്രാന്താ ഭാഗ്യവതീ ഭക്താഘൌഘവിനാശിനീ ।
ബ്രാഹ്മീ ബ്രഹ്മസ്വരൂപാ ച ബൃഹതീ ബ്രഹ്മവല്ലഭാ ॥ 66 ॥
ബ്രഹ്മദാ ബ്രഹ്മമാതാ ച ബ്രഹ്മാണീ ബ്രഹ്മദായിനീ ।
ബ്രഹ്മേശീ ബ്രഹ്മസംസ്തുത്യാ ബ്രഹ്മവേദ്യാ ബുധപ്രിയാ ॥ 67 ॥
ബാലേന്ദുശേഖരാ ബാലാ ബലിപൂജാകരപ്രിയാ ।
ബലദാ ബിന്ദുരൂപാ ച ബാലസൂര്യസമപ്രഭാ ॥ 68 ॥
ബ്രഹ്മരൂപാ ബ്രഹ്മമയീ ബ്രധ്നമണ്ഡലമധ്യഗാ ।
ബ്രഹ്മാണീ ബുദ്ധിദാ ബുദ്ധിര്‍ബുദ്ധിരൂപാ ബുധേശ്വരീ ॥ 69 ॥
ബന്ധക്ഷയകരീ ബാധനാശനീ ബന്ധുരൂപിണീ ।
ബിന്ദ്വാലയാ ബിന്ദുഭൂഷാ ബിന്ദുനാദസമന്വിതാ ॥ 70 ॥
ബീജരൂപാ ബീജമാതാ ബ്രഹ്മണ്യാ ബ്രഹ്മകാരിണീ ।
ബഹുരൂപാ ബലവതീ ബ്രഹ്മജാ ബ്രഹ്മചാരിണീ ॥ 71 ॥
ബ്രഹ്മസ്തുത്യാ ബ്രഹ്മവിദ്യാ ബ്രഹ്മാണ്ഡാധിപവല്ലഭാ ।
ബ്രഹ്മേശവിഷ്ണുരൂപാ ച ബ്രഹ്മവിഷ്ണ്വീശസംസ്ഥിതാ ॥ 72 ॥
ബുദ്ധിരൂപാ ബുധേശാനീ ബന്ധീ ബന്ധവിമോചനീ ।
അക്ഷമാലാക്ഷരാകാരാക്ഷരാക്ഷരഫലപ്രദാ ॥ 73 ॥
അനന്താനന്ദസുഖദാനന്തചന്ദ്രനിഭാനനാ ।
അനന്തമഹിമാഘോരാനന്തഗംഭീരസമ്മിതാ ॥ 74 ॥
അദൃഷ്ടാദൃഷ്ടദാനന്താദൃഷ്ടഭാഗ്യഫലപ്രദാ ।
അരുന്ധത്യവ്യയീനാഥാനേകസദ്ഗുണസംയുതാ ॥ 75 ॥
അനേകഭൂഷണാദൃശ്യാനേകലേഖനിഷേവിതാ ।
അനന്താനന്തസുഖദാഘോരാഘോരസ്വരൂപിണീ ॥ 76 ॥
അശേഷദേവതാരൂപാമൃതരൂപാമൃതേശ്വരീ ।
അനവദ്യാനേകഹസ്താനേകമാണിക്യഭൂഷണാ ॥ 77 ॥
അനേകവിഘ്നസംഹര്‍ത്രീ ഹ്യനേകാഭരണാന്വിതാ ।
അവിദ്യാജ്ഞാനസംഹര്‍ത്രീ ഹ്യവിദ്യാജാലനാശിനീ ॥ 78 ॥
അഭിരൂപാനവദ്യാങ്ഗീ ഹ്യപ്രതര്‍ക്യഗതിപ്രദാ ।
അകളംകാരൂപിണീ ച ഹ്യനുഗ്രഹപരായണാ ॥ 79 ॥
അംബരസ്ഥാംബരമയാംബരമാലാംബുജേക്ഷണാ ।
അംബികാബ്ജകരാബ്ജസ്ഥാംശുമത്യംശുശതാന്വിതാ ॥ 80 ॥
അംബുജാനവരാഖണ്ഡാംബുജാസനമഹാപ്രിയാ ।
അജരാമരസംസേവ്യാജരസേവിതപദ്യുഗാ ॥ 81 ॥
അതുലാര്‍ഥപ്രദാര്‍ഥൈക്യാത്യുദാരാത്വഭയാന്വിതാ ।
അനാഥവത്സലാനന്തപ്രിയാനന്തേപ്സിതപ്രദാ ॥ 82 ॥
അംബുജാക്ഷ്യംബുരൂപാംബുജാതോദ്ഭവമഹാപ്രിയാ ।
അഖണ്ഡാത്വമരസ്തുത്യാമരനായകപൂജിതാ ॥ 83 ॥
അജേയാത്വജസംകാശാജ്ഞാനനാശിന്യഭീഷ്ടദാ ।
അക്താഘനേനാ ചാസ്ത്രേശീ ഹ്യലക്ഷ്മീനാശിനീ തഥാ ॥ 84 ॥
അനന്തസാരാനന്തശ്രീരനന്തവിധിപൂജിതാ ।
അഭീഷ്ടാമര്‍ത്യസമ്പൂജ്യാ ഹ്യസ്തോദയവിവര്‍ജിതാ ॥ 85 ॥
ആസ്തികസ്വാന്തനിലയാസ്ത്രരൂപാസ്ത്രവതീ തഥാ ।
അസ്ഖലത്യസ്ഖലദ്രൂപാസ്ഖലദ്വിദ്യാപ്രദായിനീ ॥ 86 ॥
അസ്ഖലത്സിദ്ധിദാനന്ദാംബുജാതാമരനായികാ ।
അമേയാശേഷപാപഘ്ന്യക്ഷയസാരസ്വതപ്രദാ ॥ 87 ॥
ജയാ ജയന്തീ ജയദാ ജന്‍മകര്‍മവിവര്‍ജിതാ ।
ജഗത്പ്രിയാ ജഗന്‍മാതാ ജഗദീശ്വരവല്ലഭാ ॥ 88 ॥
ജാതിര്‍ജയാ ജിതാമിത്രാ ജപ്യാ ജപനകാരിണീ ।
ജീവനീ ജീവനിലയാ ജീവാഖ്യാ ജീവധാരിണീ ॥ 89 ॥
ജാഹ്നവീ ജ്യാ ജപവതീ ജാതിരൂപാ ജയപ്രദാ ।
ജനാര്‍ദനപ്രിയകരീ ജോഷനീയാ ജഗത്സ്ഥിതാ ॥ 90 ॥
ജഗജ്ജ്യേഷ്ഠാ ജഗന്‍മായാ ജീവനത്രാണകാരിണീ ।
ജീവാതുലതികാ ജീവജന്‍മീ ജന്‍മനിബര്‍ഹണീ ॥ 91 ॥
ജാഡ്യവിധ്വംസനകരീ ജഗദ്യോനിര്‍ജയാത്മികാ ।
ജഗദാനന്ദജനനീ ജംബൂശ്ച ജലജേക്ഷണാ ॥ 92 ॥
ജയന്തീ ജങ്ഗപൂഗഘ്നീ ജനിതജ്ഞാനവിഗ്രഹാ ।
ജടാ ജടാവതീ ജപ്യാ ജപകര്‍തൃപ്രിയംകരീ ॥ 93 ॥
ജപകൃത്പാപസംഹര്‍ത്രീ ജപകൃത്ഫലദായിനീ ।
ജപാപുഷ്പസമപ്രഖ്യാ ജപാകുസുമധാരിണീ ॥ 94 ॥
ജനനീ ജന്‍മരഹിതാ ജ്യോതിര്‍വൃത്യഭിദായിനീ ।
ജടാജൂടനചന്ദ്രാര്‍ധാ ജഗത്സൃഷ്ടികരീ തഥാ ॥ 95 ॥
ജഗത്ത്രാണകരീ ജാഡ്യധ്വംസകര്‍ത്രീ ജയേശ്വരീ ।
ജഗദ്ബീജാ ജയാവാസാ ജന്‍മഭൂര്‍ജന്‍മനാശിനീ ॥ 96 ॥
ജന്‍മാന്ത്യരഹിതാ ജൈത്രീ ജഗദ്യോനിര്‍ജപാത്മികാ ।
ജയലക്ഷണസമ്പൂര്‍ണാ ജയദാനകൃതോദ്യമാ ॥ 97 ॥
ജംഭരാദ്യാദിസംസ്തുത്യാ ജംഭാരിഫലദായിനീ ।
ജഗത്ത്രയഹിതാ ജ്യേഷ്ഠാ ജഗത്ത്രയവശംകരീ ॥ 98 ॥
ജഗത്ത്രയാംബാ ജഗതീ ജ്വാലാ ജ്വാലിതലോചനാ ।
ജ്വാലിനീ ജ്വലനാഭാസാ ജ്വലന്തീ ജ്വലനാത്മികാ ॥ 99 ॥
ജിതാരാതിസുരസ്തുത്യാ ജിതക്രോധാ ജിതേന്ദ്രിയാ ।
ജരാമരണശൂന്യാ ച ജനിത്രീ ജന്‍മനാശിനീ ॥ 100 ॥
ജലജാഭാ ജലമയീ ജലജാസനവല്ലഭാ ।
ജലജസ്ഥാ ജപാരാധ്യാ ജനമങ്ഗളകാരിണീ ॥ 101 ॥
കാമിനീ കാമരൂപാ ച കാംയാ കാമപ്രദായിനീ ।
കമൌളീ കാമദാ കര്‍ത്രീ ക്രതുകര്‍മഫലപ്രദാ ॥ 102 ॥
കൃതഘ്നഘ്നീ ക്രിയാരൂപാ കാര്യകാരണരൂപിണീ ।
കഞ്ജാക്ഷീ കരുണാരൂപാ കേവലാമരസേവിതാ ॥ 103 ॥
കല്യാണകാരിണീ കാന്താ കാന്തിദാ കാന്തിരൂപിണീ ।
കമലാ കമലാവാസാ കമലോത്പലമാലിനീ ॥ 104 ॥
കുമുദ്വതീ ച കല്യാണീ കാന്തിഃ കാമേശവല്ലഭാ ।
കാമേശ്വരീ കമലിനീ കാമദാ കാമബന്ധിനീ ॥ 105 ॥
കാമധേനുഃ കാഞ്ചനാക്ഷീ കാഞ്ചനാഭാ കളാനിധിഃ ।
ക്രിയാ കീര്‍തികരീ കീര്‍തിഃ ക്രതുശ്രേഷ്ഠാ കൃതേശ്വരീ ॥ 106 ॥
ക്രതുസര്‍വക്രിയാസ്തുത്യാ ക്രതുകൃത്പ്രിയകാരിണീ ।
ക്ലേശനാശകരീ കര്‍ത്രീ കര്‍മദാ കര്‍മബന്ധിനീ ॥ 107 ॥
കര്‍മബന്ധഹരീ കൃഷ്ടാ ക്ലമഘ്നീ കഞ്ജലോചനാ ।
കന്ദര്‍പജനനീ കാന്താ കരുണാ കരുണാവതീ ॥ 108 ॥
ക്ലീംകാരിണീ കൃപാകാരാ കൃപാസിന്ധുഃ കൃപാവതീ ।
കരുണാര്‍ദ്രാ കീര്‍തികരീ കല്‍മഷഘ്നീ ക്രിയാകരീ ॥ 109 ॥
ക്രിയാശക്തിഃ കാമരൂപാ കമലോത്പലഗന്ധിനീ ।
കളാ കളാവതീ കൂര്‍മീ കൂടസ്ഥാ കഞ്ജസംസ്ഥിതാ ॥ 110 ॥
കാളികാ കല്‍മഷഘ്നീ ച കമനീയജടാന്വിതാ ।
കരപദ്മാ കരാഭീഷ്ടപ്രദാ ക്രതുഫലപ്രദാ ॥ 111 ॥
കൌശികീ കോശദാ കാവ്യാ കര്‍ത്രീ കോശേശ്വരീ കൃശാ ।
കൂര്‍മയാനാ കല്‍പലതാ കാലകൂടവിനാശിനീ ॥ 112 ॥
കല്‍പോദ്യാനവതീ കല്‍പവനസ്ഥാ കല്‍പകാരിണീ ।
കദംബകുസുമാഭാസാ കദംബകുസുമപ്രിയാ ॥ 113 ॥
കദംബോദ്യാനമധ്യസ്ഥാ കീര്‍തിദാ കീര്‍തിഭൂഷണാ ।
കുലമാതാ കുലാവാസാ കുലാചാരപ്രിയംകരീ ॥ 114 ॥
കുലാനാഥാ കാമകളാ കളാനാഥാ കളേശ്വരീ ।
കുന്ദമന്ദാരപുഷ്പാഭാ കപര്‍ദസ്ഥിതചന്ദ്രികാ ॥ 115 ॥
കവിത്വദാ കാവ്യമാതാ കവിമാതാ കളാപ്രദാ ।
തരുണീ തരുണീതാതാ താരാധിപസമാനനാ ॥ 116 ॥
തൃപ്തിസ്തൃപ്തിപ്രദാ തര്‍ക്യാ തപനീ താപിനീ തഥാ ।
തര്‍പണീ തീര്‍ഥരൂപാ ച ത്രിദശാ ത്രിദശേശ്വരീ ॥ 117 ॥
ത്രിദിവേശീ ത്രിജനനീ ത്രിമാതാ ത്ര്യംബകേശ്വരീ ।
ത്രിപുരാ ത്രിപുരേശാനീ ത്ര്യംബകാ ത്രിപുരാംബികാ ॥ 118 ॥
ത്രിപുരശ്രീസ്ത്രയീരൂപാ ത്രയീവേദ്യാ ത്രയീശ്വരീ ।
ത്രയ്യന്തവേദിനീ താംരാ താപത്രിതയഹാരിണീ ॥ 119 ॥
തമാലസദൃശീ ത്രാതാ തരുണാദിത്യസന്നിഭാ ।
ത്രൈലോക്യവ്യാപിനീ തൃപ്താ തൃപ്തികൃത്തത്വരൂപിണീ ॥ 120 ॥
തുര്യാ ത്രൈലോക്യസംസ്തുത്യാ ത്രിഗുണാ ത്രിഗുണേശ്വരീ ।
ത്രിപുരഘ്നീ ത്രിമാതാ ച ത്ര്യംബകാ ത്രിഗുണാന്വിതാ ॥ 121 ॥
തൃഷ്ണാച്ഛേദകരീ തൃപ്താ തീക്ഷ്ണാ തീക്ഷ്ണസ്വരൂപിണീ ।
തുലാ തുലാദിരഹിതാ തത്തദ്ബ്രഹ്മസ്വരൂപിണീ ॥ 122 ॥
ത്രാണകര്‍ത്രീ ത്രിപാപഘ്നീ ത്രിപദാ ത്രിദശാന്വിതാ ।
തഥ്യാ ത്രിശക്തിസ്ത്രിപദാ തുര്യാ ത്രൈലോക്യസുന്ദരീ ॥ 123 ॥
തേജസ്കരീ ത്രിമൂര്‍ത്യാദ്യാ തേജോരൂപാ ത്രിധാമതാ ।
ത്രിചക്രകര്‍ത്രീ ത്രിഭഗാ തുര്യാതീതഫലപ്രദാ ॥ 124 ॥
തേജസ്വിനീ താപഹാരീ താപോപപ്ലവനാശിനീ ।
തേജോഗര്‍ഭാ തപഃസാരാ ത്രിപുരാരിപ്രിയംകരീ ॥ 125 ॥
തന്വീ താപസസംതുഷ്ടാ തപനാങ്ഗജഭീതിനുത് ।
ത്രിലോചനാ ത്രിമാര്‍ഗാ ച തൃതീയാ ത്രിദശസ്തുതാ ॥ 126 ॥
ത്രിസുന്ദരീ ത്രിപഥഗാ തുരീയപദദായിനീ ।
ശുഭാ ശുഭാവതീ ശാന്താ ശാന്തിദാ ശുഭദായിനീ ॥ 127 ॥
ശീതളാ ശൂലിനീ ശീതാ ശ്രീമതീ ച ശുഭാന്വിതാ ।
യോഗസിദ്ധിപ്രദാ യോഗ്യാ യജ്ഞേനപരിപൂരിതാ ॥ 128 ॥
യജ്യാ യജ്ഞമയീ യക്ഷീ യക്ഷിണീ യക്ഷിവല്ലഭാ ।
യജ്ഞപ്രിയാ യജ്ഞപൂജ്യാ യജ്ഞതുഷ്ടാ യമസ്തുതാ ॥ 129 ॥
യാമിനീയപ്രഭാ യാംയാ യജനീയാ യശസ്കരീ ।
യജ്ഞകര്‍ത്രീ യജ്ഞരൂപാ യശോദാ യജ്ഞസംസ്തുതാ ॥ 130 ॥
യജ്ഞേശീ യജ്ഞഫലദാ യോഗയോനിര്യജുസ്തുതാ ।
യമിസേവ്യാ യമാരാധ്യാ യമിപൂജ്യാ യമീശ്വരീ ॥ 131 ॥
യോഗിനീ യോഗരൂപാ ച യോഗകര്‍തൃപ്രിയംകരീ ।
യോഗയുക്താ യോഗമയീ യോഗയോഗീശ്വരാംബികാ ॥ 132 ॥
യോഗജ്ഞാനമയീ യോനിര്യമാദ്യഷ്ടാങ്ഗയോഗതാ ।
യന്ത്രിതാഘൌഘസംഹാരാ യമലോകനിവാരിണീ ॥ 133 ॥
യഷ്ടിവ്യഷ്ടീശസംസ്തുത്യാ യമാദ്യഷ്ടാങ്ഗയോഗയുക് ।
യോഗീശ്വരീ യോഗമാതാ യോഗസിദ്ധാ ച യോഗദാ ॥ 134 ॥
യോഗാരൂഢാ യോഗമയീ യോഗരൂപാ യവീയസീ ।
യന്ത്രരൂപാ ച യന്ത്രസ്ഥാ യന്ത്രപൂജ്യാ ച യന്ത്രിതാ ॥ 135 ॥
യുഗകര്‍ത്രീ യുഗമയീ യുഗധര്‍മവിവര്‍ജിതാ ।
യമുനാ യമിനീ യാംയാ യമുനാജലമധ്യഗാ ॥ 136 ॥
യാതായാതപ്രശമനീ യാതനാനാന്നികൃന്തനീ ।
യോഗാവാസാ യോഗിവന്ദ്യാ യത്തച്ഛബ്ദസ്വരൂപിണീ ॥ 137 ॥
യോഗക്ഷേമമയീ യന്ത്രാ യാവദക്ഷരമാതൃകാ ।
യാവത്പദമയീ യാവച്ഛബ്ദരൂപാ യഥേശ്വരീ ॥ 138 ॥
യത്തദീയാ യക്ഷവന്ദ്യാ യദ്വിദ്യാ യതിസംസ്തുതാ ।
യാവദ്വിദ്യാമയീ യാവദ്വിദ്യാബൃന്ദസുവന്ദിതാ ॥ 139 ॥
യോഗിഹൃത്പദ്മനിലയാ യോഗിവര്യപ്രിയംകരീ ।
യോഗിവന്ദ്യാ യോഗിമാതാ യോഗീശഫലദായിനീ ॥ 140 ॥
യക്ഷവന്ദ്യാ യക്ഷപൂജ്യാ യക്ഷരാജസുപൂജിതാ ।
യജ്ഞരൂപാ യജ്ഞതുഷ്ടാ യായജൂകസ്വരൂപിണീ ॥ 141 ॥
യന്ത്രാരാധ്യാ യന്ത്രമധ്യാ യന്ത്രകര്‍തൃപ്രിയംകരീ ।
യന്ത്രാരൂഢാ യന്ത്രപൂജ്യാ യോഗിധ്യാനപരായണാ ॥ 142 ॥
യജനീയാ യമസ്തുത്യാ യോഗയുക്താ യശസ്കരീ ।
യോഗബദ്ധാ യതിസ്തുത്യാ യോഗജ്ഞാ യോഗനായകീ ॥ 143 ॥
യോഗിജ്ഞാനപ്രദാ യക്ഷീ യമബാധാവിനാശിനീ ।
യോഗികാംയപ്രദാത്രീ ച യോഗിമോക്ഷപ്രദായിനീ ॥ 144 ॥
ഇതി നാംനാം സരസ്വത്യാഃ സഹസ്രം സമുദീരിതം ।
മന്ത്രാത്മകം മഹാഗോപ്യം മഹാസാരസ്വതപ്രദം ॥ 1 ॥
യഃ പഠേച്ഛൃണുയാദ്ഭക്ത്യാ ത്രികാലം സാധകഃ പുമാന്‍ ।
സര്‍വവിദ്യാനിധിഃ സാക്ഷാത് സ ഏവ ഭവതി ധ്രുവം ॥ 2 ॥
ലഭതേ സമ്പദഃ സര്‍വാഃ പുത്രപൌത്രാദിസംയുതാഃ ।
മൂകോപി സര്‍വവിദ്യാസു ചതുര്‍മുഖ ഇവാപരഃ ॥ 3 ॥
ഭൂത്വാ പ്രാപ്നോതി സാന്നിധ്യം അന്തേ ധാതുര്‍മുനീശ്വര ।
സര്‍വമന്ത്രമയം സര്‍വവിദ്യാമാനഫലപ്രദം ॥ 4 ॥
മഹാകവിത്വദം പുംസാം മഹാസിദ്ധിപ്രദായകം ।
കസ്മൈചിന്ന പ്രദാതവ്യം പ്രാണൈഃ കണ്ഠഗതൈരപി ॥ 5 ॥
മഹാരഹസ്യം സതതം വാണീനാമസഹസ്രകം ।
സുസിദ്ധമസ്മദാദീനാം സ്തോത്രം തേ സമുദീരിതം ॥ 6 ॥
॥ ഇതി ശ്രീസ്കാന്ദപുരാണാന്തര്‍ഗത
സനത്കുമാര സംഹിതായാം നാരദ സനത്കുമാര സംവാദേ
സരസ്വതീസഹസ്രനാമസ്തോത്രം സമ്പൂര്‍ണം ॥
Also Read 1000 Names of Sri Mahasarasvati:
1000 Names of Sri Mahasaraswati | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
