Shri Shakambhari Tatha Vanashankari Sahasranamastotram Lyrics in Malayalam:
॥ ശ്രീശാകംഭരീ തഥാ വനശങ്കരീസഹസ്രനാമസ്തോത്രം ॥
ശാന്താ ശാരദചന്ദ്രസുന്ദരമുഖീ ശാല്യന്നഭോജ്യപ്രിയാ
ശാകൈഃ പാലിതവിഷ്ടപാ ശതദൃശാ ശാകോല്ലസദ്വിഗ്രഹാ ।
ശ്യാമാങ്ഗീ ശരണാഗതാര്‍തിശമനീ ശക്രാദിഭിഃ ശംസിതാ
ശങ്കര്യഷ്ടഫലപ്രദാ ഭഗവതീ ശാകംഭരീ പാതു മാം ॥
ശൂലം പാശകപാലചാപകുലിശാന്‍ബാണാന്‍സൃണിം ഖേടകാം
ശങ്കം ചക്രഗദാഹിഖഡ്ഗമഭയം ഖട്വാങ്ഗദണ്ഡാന്ധരാം ।
വര്‍ഷാഭാവവശാദ്ധതാന്‍മുനിഗണാന്‍ശാകേന യാ രക്ഷതി
ലോകാനാം ജനനീം മഹേശദയിതാം താം നൌമി ശാകംഭരീം ॥ 1 ॥
കൈലാസശിഖരാസീനം സ്കന്ദം മുനി ഗണാന്വിതം ।
പ്രണംയ ശക്രഃ പപ്രച്ഛ ലോകാനാം ഹിതകാംയയാ ॥ 2 ॥
ശക്ര ഉവാച –
സ്കന്ദ സ്കന്ദ മഹാബാഹോ സര്‍വജ്ഞ ശിവനന്ദന ।
നാംനാം സഹസ്രമാചക്ഷ്വ ശാകംഭര്യാഃ സുസിദ്ധിദം ॥ 3 ॥
സ്കന്ദ ഉവാച –
യാ ദേവീ ശതവാര്‍ഷിക്യാമനാവൃഷ്ട്യാം സ്വദേഹജൈഃ ।
ശാകൈരബീഭരത്സര്‍വാനൃഷീന്‍ ശക്ര ശതം സമാഃ ॥ 4 ॥
മഹാസരസ്വതീ സൈവ ജാതാ ശാകംഭരീ ശിവാ ।
നാംനാം സഹസ്രം തസ്യാസ്തേ വക്ഷ്യാമി ശ്രുണുഭക്തിതഃ ॥ 5 ॥
ഓം അസ്യ ശ്രീശാകംഭരീസഹസ്രനാമമാലാമന്ത്രസ്യ മഹാദേവഃ ഋഷിഃ ।
അനുഷ്ടുപ് ഛന്ദഃ । ശാകംഭരീ ദേവതാ । സൌഃ ബീജം । ക്ലീം ശക്തിഃ ।
ഹ്രീം കീലകം । മമ ശ്രീ ശാകംഭരീപ്രസാദസിദ്ധ്യര്‍ഥേ
തത്സഹസ്രനാമപാരായണേ വിനിയോഗഃ ।
കരന്യാസഃ ॥
ഓം സൌഃ ചാമുണ്ഡായൈ അങ്ഗുഷ്ഠാഭ്യാം നമഃ ।
ഓം ക്ലീം ശതാക്ഷ്യൈ തര്‍ജനീഭ്യാം നമഃ ।
ഓം ഹ്രീം ശാകംഭര്യൈ മധ്യമാഭ്യാം നമഃ ।
ഓം സൌഃ ചാമുണ്ഡായൈ അനാമികാഭ്യാം നമഃ ।
ഓം ക്ലീം ശതാക്ഷ്യേ കനിഷ്ഠികാഭ്യാം നമഃ ।
ഓം ഹ്രീം ശാകംഭര്യൈ കരതലകരപൃഷ്ഠാഭ്യാം നമഃ ।
ഏവം ഹൃദയാദിന്യാസഃ ।
ഓം സൌഃ ക്ലീം ഹ്രീം ഓം മന്ത്രേണ ദിഗ്ബന്ധഃ । ഇതി ॥
॥ ധ്യാനം ॥
സൌവര്‍ണസിംഹാസനസംസ്ഥിതാം ശിവാം ത്രിലോചനാ ചന്ദ്രകലാവതംസികാം ।
ശൂലം കപാലം നിജവാമഹസ്തയോസ്തദന്യയോഃ ഖഡ്ഗമഭീതിമുദ്രികാം ॥
പാണ്യോര്‍ദധാനാം മണിഭൂഷണാജ്ജ്വലാം സുവാസസം മാല്യവിലേപനാഞ്ചിതാം ।
പ്രസന്നാവക്ത്രാം പരദേവതാ മുദാ ധ്യായാമി ഭക്ത്യാ വനശങ്കരീം ഹൃദി ॥
ലമിത്യാദിപഞ്ചപൂജാ –
ഓം സൌഃ ക്ലീം ഹ്രീം ഓം ।
ഓം ശാകംഭര്യൈ നമഃ ।
ഹ്രീം ശാകംഭര്യൈ നമഃ ।
ഓം ഹ്രീം ശാകംഭര്യൈ നമഃ ।
സൌഃ ക്ലീം ഹ്രീം ശാകംഭര്യൈ നമഃ ।
ഓം സൌഃ ക്ലീം ഹ്രീം ശാകംഭര്യൈ നമഃ ।
ഓം സൌഃ ക്ലീം ഹ്രീം ശാകംഭര്യൈ നമഃ ഓം ।
ഇത്യേഷു ഗുരൂപദിഷ്ടം മന്ത്രം ജപേത് ।
॥ അഥ സഹസ്രനാമസ്തോത്രം ॥
ഓം ശാകംഭരീ ശതാക്ഷീ ച ചാമുണ്ഡാ രക്തദന്തികാ ।
മഹാകാലീ മഹാശക്തിര്‍മധുകൈടഭനാശിനീ ॥ 1 ॥
ബ്രഹ്മാദിതേജഃ സംഭൂതാ മഹാലക്ഷ്മീര്‍വരാനനാ ।
അഷ്ടാദശഭുജാ സംരാണ്‍മഹിഷാസുരമര്‍ദിനീ ॥ 2 ॥
മഹാമായാ മഹാദേവീ സൃഷ്ടിസ്ഥിത്യന്തകാരിണീ ।
കാന്തിഃ കാമപ്രദാ കാംയാ കല്യാണീ കരുണാനിധിഃ ॥
സിംഹസ്ഥിതാ നാരസിംഹീ വൈഷ്ണവീ വിഷ്ണുവല്ലഭാ ।
ഭ്രാമരീ രക്തചാമുണ്ഡാ രക്താക്ഷീ രക്തപായിനീ ॥ 4 ॥
രക്തപ്രിയാ സുരക്തോഷ്ഠീ രക്തബീജവിനാശിനീ ।
സുരക്തവസനാ രക്തമാല്യാ രക്തവിഭൂഷണാ ॥ 5 ॥
രക്തപാണിതലാ രക്തനഖീ രക്തോത്പലാങ്ഘ്രികാ ।
രക്തചന്ദനലിപ്താങ്ഗീ രമണീ രതിദായിനീ ॥ 6 ॥
സുരഭിഃ സുന്ദരീ ബാലാ ബഗലാ ഭൈരവീ സമിത് ।
ചന്ദ്രലാംബാ സുമങ്ഗല്യാ ഭീമാ ഭയനിവാരിണീ ॥ 7 ॥
ജാഗൃതിഃ സ്വപ്നരൂപാ ച സുഷുപ്തിസുഖരൂപിണീ ।
തുര്യോംന്‍മനീ ത്രിമാത്രാ ച ത്രയീ ത്രേതാ ത്രിമൂര്‍തികാ ॥ 8 ॥
വിഷ്ണുമായാ വിഷ്ണുശക്തിര്‍വിഷ്ണുജിഹ്വാ വിനോദിനീ ।
ഛായാ ശാന്തിഃ ക്ഷമാ ക്ഷുത്തൃട്തുഷ്ടിഃ പുഷ്ടിര്‍ധൃതിര്‍ഭൃതിഃ ॥ 9 ॥
മതിര്‍മിതിര്‍നതിര്‍നീതിഃ സംയതിര്‍നിയതി കൃതിഃ ।
സ്ഫൂര്‍തിഃ കീര്‍തിഃ സ്തുതിര്‍ജൂതിഃ പൂര്‍തിര്‍മൂര്‍തിര്‍നിജപ്രദാ ॥ 10 ॥
ത്രിശൂലധാരിണീ തീക്ഷ്ണഗദിനീ ഖഡ്ഗധാരിണീ ।
പാശിനീ ത്രാസിനീ വാമാ വാമദേവീ വരാനനാ ॥ 11 ॥
വാമാക്ഷീ വാരുണീമത്താ വാമോരുര്‍വാസവസ്തുതാ ।
ബ്രഹ്മവിദ്യാ മഹാവിദ്യാ യോഗിനീ യോഗപൂജിതാ ॥ 12 ॥
ത്രികൂടനിലയാ നിത്യാ കല്‍പാതീതാ ച കല്‍പനാ ।
കാമേശ്വരീ കാമദാത്രീ കാമാന്തകകുടുംബിനീ ॥ 13 ॥
കാലരാത്രിര്‍മഹാരാത്രിര്‍മോഹരാത്രിശ്ച ദാരുണാ ।
നാനാദ്രുമലതാകീര്‍ണഗിരിമധ്യനിവാസിനീ ॥ 14 ॥
ശാകപോഷിതസര്‍വര്‍ഷിഃ പാകശാസനപൂജിതാ ।
ക്ലേദിനീ ഭേദിനീ ഭ്രാന്തിര്‍ഭീതിദാ ഭ്രാന്തിനാശിനീ ॥ 15 ॥
ക്രാന്തിഃ സങ്ക്രാന്തിരുത്ക്രാന്തിര്‍വിക്രാന്തിഃ ക്രാന്തിവര്‍ജിതാ ।
ഡിണ്ഡിമധ്വനിസംഹൃഷ്ടാ ഭേരീനാദവിനോദിനീ ॥ 16 ॥
സുതന്ത്രീവാദനരതാ സ്വരഭേദവിചക്ഷണാ ।
ഗാന്ധര്‍വശാസ്ത്രനിപൂണാ നാട്യശാസ്ത്രവിശാരദാ ॥ 17 ॥
ഹാവഭാവപ്രമാണജ്ഞാ ചതുഃഷഷ്ടികലാന്വിതാ ।
പദവാക്യപ്രമാണാബ്ധിപാരീണാ വാദിഭങ്ഗിനീ ॥ 18 ॥
സര്‍വതന്ത്രസ്വതന്ത്രാ ച മന്ത്രശാസ്ത്രാബ്ധിപാരഗാ ।
നാനായന്ത്ര വിധാനജ്ഞാ സൌഗതാഗമകോവിദാ ॥ 19 ॥
വൈഖാനസാദ്യാഗമജ്ഞാ ശൈവാഗമ വിചക്ഷണാ ।
വാമദക്ഷിണമാര്‍ഗജ്ഞാ ഭൈരവാഗമഭേദവിത് ॥ 20 ॥
പഞ്ചായതനതത്ത്വജ്ഞാ പഞ്ചാംനായപ്രപഞ്ചവിത് ।
രാജരാജേശ്വരീ ഭട്ടാരികാ ത്രിപുരസുന്ദരീ ॥ 21 ॥
മഹാദക്ഷിണകാലീ ച മാതങ്ഗീ മദ്യമാംസഭുക് ।
ലുലായബലിസന്തുഷ്ടാ മേഷച്ഛാഗബലിപ്രിയാ ॥ 22 ॥
ദീപികാക്രീഡനരതാ ഡമഡ്ഡമരുനാദിനീ ।
മഹാപ്രദീപികാദേഹലേഹനാദ്ഭുതശക്തിദാ ॥ 23 ॥
നിജാവേശവദുന്‍മത്തഭക്തോക്ത ഫലദായിനീ ।
ഉദോഉദോമഹാധ്വാന ശ്രവണാസക്തമാനസാ ॥ 24 ॥
ചൌഡേശ്വരീ ചൌഡവാദ്യപ്രവാദനപരായണാ ।
കപര്‍ദമാലാഭരണാ കപര്‍ദിപ്രാണവല്ലഭാ ॥ 25 ॥
നഗ്രസ്ത്രീവീക്ഷണരതാ നഗ്നികോദ്ഭിന്നയൌവനാ ।
ബാലാ ബദരവക്ഷോജാ മധ്യാ ബില്വഫലസ്തനീ ॥ 26 ॥
നാരികേലസ്തനീ പ്രൌഢാ പ്രഗല്‍ഭാ ച ഘടസ്തനീ ।
കാത്യായനീ നംരകുചാ പ്രൌഢാദ്ഭുതപരാക്രമാ ।
കദലീവനമധ്യസ്ഥാ കദംബവനവാസിനീ ॥ 27 ॥
നിജോപകണ്ഠസമ്പ്രാപ്തനദീമാഹാത്മ്യവര്‍ധിനീ ।
കാവേരീ താംരപര്‍ണീ ച കാമാക്ഷീ കാമിതാര്‍ഥദാ ॥ 28 ॥
മൂകാംബികാ മഹാശക്തിഃ ശ്രീശൈലഭ്രമരാംബികാ ।
ജോഗലാംബാ ജഗന്‍മാതാ മാതാപുരനിവാസിനീ ॥ 29 ॥
ജമദഗ്നിപ്രിയാ സാധ്വീ താപസീവേഷധാരിണീ ।
കാര്‍തവീര്യമുഖാനേകക്ഷത്രവിധ്വംസകാരിണീ ॥ 30 ॥
നാനാവതാരസമ്പന്നാ നാനാവിധചരിത്രകൃത് ।
കരവീരമഹാലക്ഷ്മീഃ കോല്‍ഹാസുരവിനാശിനീ ॥ 31 ॥
നാഗലിങ്ഗഭഗാങ്കാഢ്യമൌലിഃ ശക്രാദിസംസ്തുതാ ।
ദുര്‍ഗമാസുരസംഹര്‍ത്രീ ദുര്‍ഗാഽനര്‍ഗലശാസനാ ॥ 32 ॥
നാനാവിധഭയത്രാത്രീ സുത്രാമാദിസുധാശനാ ।
നാഗപര്യംകശയനാ നാഗീ നാഗാങ്ഗനാര്‍ചിതാ ॥ 33 ॥
ഹാടകാലങ്കൃതിമതീ ഹാടകേശസഭാജിതാ ।
വാഗ്ദേവതാസ്ഫൂര്‍തിദാത്രീ ത്രാതവാഗ്ബീജജാപകാ ॥ 34 ॥
ജപ്യാ ജപവിധിജ്ഞാ ച ജപസിദ്ധിപ്രദായിനീ ।
മന്ത്രശക്തിര്‍മന്ത്രവിദ്യാ സുമന്ത്രാ മാന്ത്രികമ്പ്രിയാ ॥ 35 ॥
ഇന്ദുമണ്ഡലപീഠസ്ഥാ സൂര്യമണ്ഡലപീഠഗാ ।
ചന്ദ്രശക്തിഃ സൂര്യശക്തിര്‍ഗ്രഹശക്തിര്‍ഗ്രഹാര്‍തിഹാ ॥ 36 ॥
ഗ്രഹപീഡാഹരീ സൌംയാ ശുഭഗ്രഹഫലപ്രദാ ।
ജ്യോതിര്‍മണ്ഡലസംസ്ഥാനാ ഗ്രഹതാരാധിദേവതാ ॥ 37 ॥
സപ്തവിംശതിയോഗേശീ ബവാദികരണേശ്വരീ ।
പ്രഭവാദ്യബ്ദശക്തിശ്ച കാലചക്രപ്രവര്‍തിനീ ॥ 38 ॥
സോഹമ്മന്ത്രജപാധാരാ ഊര്‍ധ്വഷട്ചക്രദേവതാ ।
ഇഡാഖ്യാ പിങ്ഗലാഖ്യാ ച സുഷുംനാ ബ്രഹ്മരന്ധ്രഗാ ॥ 39 ॥
ശിവശക്തിഃ കുണ്ഡലിനീ നാഭിമണ്ഡലനിദ്രിതാ ।
യോഗോദ്ബുദ്ധാ മുക്തിദാത്രീ സഹസ്രാരാബ്ജപീഠഗാ ॥ 40 ॥
പീയൂഷവര്‍ഷിണീ ജീവശിവഭേദതിനാശിനീ ।
നാഭൌ പരാ ച പശ്യന്തീ ഹൃദയേ മധ്യമാ ഗലേ ॥ 41 ॥
ജിഹ്വാഗ്രേ വൈഖരീവാണീ പഞ്ചാശന്‍മാതൃകാത്മികാ ।
ഓങ്കാരരൂപിണീ ശബ്ദസൂഷ്ടിരൂപാഽര്‍ഥരൂപിണീ ॥ 42 ॥
മൌനശക്തിര്‍മുനിധ്യേയാ മുനിമാനസസംസ്ഥിതാ ।
വ്യഷ്ടിഃ സമഷ്ടിസ്ത്രിപുടീ താപത്രയവിനാശിനീ ॥ 43 ॥
ഗായത്രീ വ്യാഹൃതിഃ സന്ധ്യാ സാവിത്രീ ച പിതൃപ്രസൂഃ ।
നന്ദാ ഭദ്രാ ജയാ രിക്താ പൂര്‍ണാ വിഷ്ടിശ്ച വൈധൃതിഃ ॥ 44 ॥
ശ്രുതിഃ സ്മൃതിശ്ച മീമാംസാ വിദ്യാഽവിദ്യാ പരാവരാ ।
സുമേരുശൃങ്ഗനിലയാ ലോകാലോകനിവാസിനീ ॥ 45 ॥
മാനസോത്തരഗോത്രസ്ഥാ പുഷ്കരദ്വീപദേവതാ ।
മന്ദരാദ്രികൃതക്രീഡാ നീപോപവനവാസിനീ ॥ 46 ॥
മണിദ്വീപകൃതാവാസാ പീതവാസഃ സുപൂജിതാ ।
പ്ലക്ഷാദിദ്വീപഗോത്രസ്ഥാ തത്രത്യജനപൂജിതാ ॥ 47 ॥
സുരാബ്ധി ദ്വീപനിലയാ സുരാപാനപരായണ ।
ഏകപാദേകഹസ്തൈകദൃഗേകശ്രുതിപാര്‍ശ്വികാ ॥ 48 ॥
അര്‍ധനാരീശ്വരാര്‍ധാങ്ഗീ സ്യൂതാലോകോത്തരാകൃതിഃ ।
ഭക്തൈകഭക്തി സംസാധ്യാ ധ്യാനാധാരാ പരാര്‍ഹണാ ॥ 49 ॥
പഞ്ചകോശാന്തരഗതാ പഞ്ചകോശവിവര്‍ജിതാ ।
പഞ്ചഭൂതാതരാലസ്ഥാ പ്രപഞ്ചാതീതവൈഭവാ ॥ 50 ॥
പഞ്ചീകൃതമഹാഭൂതനിര്‍മിതാനേകഭൌതികാ ।
സര്‍വാംതര്യാമിണീ ശംഭുകാമിനീ സിംഹഗാമിനീ ॥ 51 ॥
യാമിനീകൃതസഞ്ചാരാ ശാകിന്യാദിഗണേശ്വരീ ।
ഖട്വാങ്ഗിനീ ഖേടകിനീ കുന്തിനീ ഭിന്ദിപാലിനീ ॥ 52 ॥
വര്‍മിണീ ചര്‍മിണീ ചണ്ഡീ ചണ്ഡമുണ്ഡപ്രമാഥിനീ ।
അനീകിനീ ച ധ്വജിനീ മോഹിന്യേജത്പതാകിനീ ॥ 53 ॥
അശ്വിനീ ഗജിനീ ചാട്ടഹാസിനീ ദൈത്യനാശിനീ ।
ശുംഭഘ്നീ ച നിശുംഭഘ്നീ ധൂംരലോചനനാശിനീ ॥ 54 ॥
ബഹുശീര്‍ഷാ ബഹുകുക്ഷിര്‍വ്യാദിതാസ്യാഽശിതാസുരാ ।
ദംഷ്ട്രാസങ്കടസംലഗ്നദൈത്യസാസ്രാന്ത്ര മാലിനീ ॥ 55 ॥
ദൈത്യാസൃങ്മാംസസന്തൃപ്താ ക്രവ്യാദകൃതവന്ദനാ ।
ലംബകേശീ പ്രലംബോഷ്ഠീ ലംബകുക്ഷിര്‍മഹാകടീ ॥ 56 ॥
ലംബസ്തനീ ലംബജിഹ്വാ ലംബപാണ്യങ്ഘ്രിജങ്ഘികാ ।
ലംബോരുര്ലംബജഘനാ കാലികാ കര്‍കശാത്കൃതിഃ ॥ 57 ॥
ഭിന്നഭേരീഖരരവാ വാരണഗ്രാസകാരിണീ ।
പ്രേതദേഹപരീധാനാ രുണ്ഡകുണ്ഡലമണ്ഡിതാ ॥ 58 ॥
ഗണ്ഡശൈലസ്പര്‍ധിഗണ്ഡാ ശൈലകന്ദുകധാരിണീ ।
ശിവദൂതീ ഘോരരൂപാ ശിവാശതനിനാദിനീ ॥ 59 ॥
നാരായണീ ജഗദ്ധാത്രീ ജഗത്പാത്രീ ജഗന്‍മയീ ।
അല്ലാമ്മ്ബാക്കാ കാമദുഘാഽനല്‍പദാ കല്‍പവല്ലികാ ॥ 60 ॥
മല്ലീമതല്ലികാ ഗുഞ്ജാലങ്കൃതിഃ ശിവമോഹിനീ ।
ഗാന്ധര്‍വഗാനരസികാ കേകാവാക്കീരപാലിനീ ॥ 61 ॥
സിനീവാലീ കുഹൂ രാകാഽനുമതിഃ കൌമുദീ കകുപ് ।
ബ്രഹ്മാണ്ഡമണ്ഡപസ്ഥൂണാ ബ്രഹ്മാണ്ഡഗൃഹദേവതാ ॥ 62 ॥
മഹാഗൃഹസ്ഥമഹിഷീ പശുപാശവിമോചിനീ ।
വീരസ്ഥാനഗതാ വീരാ വീരാസനപരിഗ്രഹാ ॥ 63 ॥
ദീപസ്ഥാനഗതാ ദീപ്താ ദീപോത്സവകുതൂഹലാ ।
തീര്‍ഥപാത്രപ്രദാ തീര്‍ഥകുംഭപൂജനസംഭ്രമാ ॥ 64 ॥
മാഹേശ്വരജനപ്രീതാ പശുലോകപരാങ്മുഖീ ।
ചതുഃഷഷ്ടിമഹാതന്ത്രപ്രതിപാദ്യാഗമാധ്വഗാ ॥ 65 ॥
ശുദ്ധാചാരാ ശുദ്ധപൂജ്യാ ശുദ്ധപൂജാ ജനാശ്രിതാ ।
അഷ്ടാദശമഹാപീഠാ ശ്രീചക്രപരദേവതാ ॥ 66 ॥
യോഗിനീപൂജനപ്രീതാ യോഗിനീചക്രവന്ദിതാ ।
രണത്കാഞ്ചീക്ഷുദ്രഘണ്ടാ ഘണ്ടാധ്വനിവിനോദിനീ ॥ 67 ॥
തൌര്യത്രികകലാഭിജ്ഞാ മനോജ്ഞാ മഞ്ജുഭാഷിണീ ।
ശിവവാമാങ്കലസിതാ സുസ്മിതാ ലലിതാലസാ ॥ 68 ॥
ലാവണ്യഭൂമിസ്തല്ലേശനിര്‍മിതാമരസുന്ദരീ ।
ശ്രീര്‍ധീര്‍ഭീര്‍ഹ്രീര്‍നതിര്‍ജാതിരീജ്യാജ്യാ പൂജ്യപാദുകാ ॥ 69 ॥
സുരസ്രവന്തീ യമുനാ തഥാ ഗുപ്തസരസ്വതീ ।
ഗോമതീ ഗണ്ഡകീ താപീ ശതദ്രുശ്ച വിപാശികാ ॥ 70 ॥
സരയൂര്‍നര്‍മദാ ഗോദാ പയോഷ്ണീ ച പുനഃ പുനാ ।
ഭീമാ കൃഷ്ണാ തുങ്ഗഭദ്രാ നാനാതീര്‍ഥസ്വരൂപിണീ ॥ 71 ॥
ദ്വാരകാ മധുരാ മായാ കാശ്യയോധ്യാ ത്വവന്തികാ ।
ഗയാ കാഞ്ചീ വിശാലാ ച മുക്തിക്ഷേത്രസ്വരൂപിണീ ॥ 72 ॥
മന്ത്രദീക്ഷാ യാഗദീക്ഷാ യോഗദീക്ഷാഽക്ഷതവ്രതാ ।
അക്ഷമാലാവിഭേദജ്ഞാഽഽസനഭേദവിചക്ഷണാ ॥ 73 ॥
മാതൃകാന്യാസകുശലാ മന്ത്രന്യാസവിശാരദാ ।
നാനാമുദ്രാപ്രഭേദജ്ഞാ പഞ്ചോപാസ്തിപ്രഭേദവിത് ॥ 74 ॥
സര്‍വമന്ത്രോപദേഷ്ട്രീ ച വ്യാഖ്യാത്രീ ദേശികോത്തരാ ।
വാഗ്വാദിനീ ദുര്‍വിവാദിപ്രൌഢവാക്സ്തംഭകാരിണീ ॥ 75 ॥
സ്വതന്ത്രയന്ത്രണാശക്തിസ്തദ്യന്ത്രിതജഗത്ത്രയീ ।
ബ്രഹ്മാദ്യാകര്‍ഷിണീ ശംഭുമോഹിന്യുച്ചാടിനീ ദ്വിഷാം ॥ 76 ॥
സുരാസുരാണാം പ്രദ്വേഷകാരിണീ ദൈത്യമാരിണീ ।
പൂരിണീ ഭക്തകാമാനാം ശ്രിതപ്രത്യൂഹവാരിണീ ॥ 77 ॥
സാധാരണീ ധാരിണീ ച പ്രൌഢവാഗ്ധാരിണീ പ്രധൂഃ ।
പ്രഭൂര്‍വിഭൂഃ സ്വയംഭൂശ്ച നിഗ്രഹാനുഗ്രഹക്ഷമാ ॥ 78 ॥
ക്ഷമാഽക്ഷമാ ക്ഷമാധാരാ ധാരാധരനിഭദ്യുതിഃ ।
കാദംബിനീ കാലശക്തിഃ കര്‍ഷിണീ വര്‍ഷിണീര്‍ഷിണീ ॥ 79 ॥
അദേവമാതൃകാ ദേവമാതൃകാ ചോര്‍വരാ കൃഷിഃ ।
കൃഷ്ടപച്യാഽകൃഷ്ടപച്യാഽനൂഷരാഽധിത്യകാ ഗുഹാ ॥ 80 ॥
ഉപത്യകാ ദരീ വന്യാഽരണ്യാനീ ശൈലനിംനഗാ ।
കേദാരഭൂമിര്‍വ്രീഹിലാ കമലര്‍ധിര്‍മഹാഫലാ ॥ 81 ॥
ഇക്ഷുമത്യൂര്‍ജിതാ ജംബൂപനസാംരാദിശാലിനീ ।
അഷ്ടാപദഖനീ രൌപ്യഖനീ രത്നഖനിഃ ഖനിഃ ॥ 82 ॥
രുചാം ഭാവഖനിര്‍ജീവഖനിഃ സൌഭാഗ്യസത്ഖനിഃ ।
ലാവണ്യസ്യ ഖനിര്‍ധൈര്യഖനിഃ ശൌര്യഖനിഃ ഖനിഃ ॥ 83 ॥
ഗാംഭീര്യസ്യ വിലാസസ്യ ഖനിഃ സാഹിത്യസത്ഖനിഃ ।
പക്ഷമാസര്‍തുവര്‍ഷാണാം ഖനിഃ ഖനിരനേഹസാം ॥ 84 ॥
ഖനിശ്ച യുഗകല്‍പാനാം സൂര്യചന്ദ്രമസോഃ ഖനിഃ ।
ഖനിര്‍മനൂനാമിന്ദ്രാണാം ഖനിഃ കൌതുകസത്ഖനിഃ ॥ 85 ॥
മഷീ ലേഖനികാ പാത്രീ വര്‍ണപങ്ക്തിര്ലിപിഃ കഥാ ।
കവിതാ കാവ്യകര്‍ത്രീ ച ദേശഭാഷാ ജനശ്രുതിഃ ॥ 86 ॥
രചനാ കല്‍പനാഽഽചാരഭടീ ധാടീ പടീയസീ ।
അപസവ്യലിപിര്‍ദേവലിപീ രക്ഷോലിപിര്ലിപിഃ ॥ 87 ॥
തുലജാ രാമവരദാ ശബരീ ബര്‍ബരാലകാ ।
ജ്യോതിര്ലിങ്ഗമയീ ലിങ്ഗമസ്തകാ ലിങ്ഗധാരിണീ ॥ 88 ॥
രുദ്രാക്ഷധാരിണീ ഭൂതിധാരിണീ ലൈങ്ഗികവ്രതാ ।
വിഷ്ണുവ്രതപരാ വിഷ്ണുമുദ്രികാ പ്രിയവൈഷ്ണവീ ॥ 89 ॥
ജൈനീ ദൈഗംബരീ നാനാവിധവൈദിക മാര്‍ഗഗാ ।
പഞ്ചദ്രവിഡസംസേവ്യാ പഞ്ചഗൌഡസമര്‍ചിതാ ॥ 90 ॥
ഹിങ്ഗുലാ ശാരദാ ജ്വാലാമുഖീ ഗഞ്ജാധിദേവതാ ।
മന്ദുരാദേവതാഽഽലാനദേവതാ ഗോഷ്ഠദേവതാ ॥ 91 ॥
ഗൃഹാദിദേവതാസൌധദേവതോദ്യാനദേവതാ ।
ശൃങ്ഗാരദേവതാ ഗ്രാമദേവതാ ചൈത്യദേവതാ ॥ 92 ॥
പൂര്‍ദേവതാ രാജസഭാദേവതാഽശോകദേവതാ ।
ചതുര്‍ദശാനാം ലോകാനാം ദേവതാ പരദേവതാ ॥ 93 ॥
വാപീകൂപതഡാഗാദിദേവതാ വനദേവതാ ।
സൃഷ്ടിഖേലാ ക്ഷേമഖേലാ പ്രതിസംഹാരഖേലനാ ॥ 94 ॥
പുഷ്പപര്യങ്കശയനാ പുഷ്പവത്കുണ്ഡലദ്വയീ ।
താംബൂലചര്‍വണപ്രീതാ ഗൌരീ പ്രഥമപുഷ്പിണീ ॥ 95 ॥
കല്യാണീയുഗസമ്പന്നാ കാമസഞ്ജീവനീ കലാ ।
കലാകലാപകുശലാ കലാതീതാ കലാത്മികാ ॥ 96 ॥
മഹാജാങ്ഗലകീ കാലഭുജങ്ഗവിഷനാശിനീ ।
ചികിത്സാ വൈദ്യവിദ്യാ ച നാനാമയനിദാനവിത് ॥ 97 ॥
പിത്തപ്രകോപശമനീ വാതഘ്നീ കഫനാശിനീ ।
ആമജ്വരപ്രകോപഘ്നീ നവജ്വരനിവാരിണീ ॥ 98 ॥
അര്‍ശോഘ്നീ ശൂലശമനീ ഗുല്‍മവ്യാധിനിവാരിണീ ।
ഗ്രഹണീനിഗ്രഹകരീ രാജയക്ഷ്മവിനാശിനീ ॥ 99 ॥
മേഹഘ്നീ പാണ്ഡുരോഗഘ്നീ ക്ഷയാപസ്മാരനാശിനീ ।
ഉപദംശഹരീ ശ്വാസകാസച്ഛര്‍ദിനിവാരിണീ ॥ 100 ॥
പ്ലീഹപ്രകോപസംഹര്‍ത്രീ പാമാകണ്ഡൂവിനാശിനീ ।
ദദ്രുകുഷ്ഠാദിരോഗഘ്നീ നാനാരോഗവിനാശിനീ ॥ 101 ॥
യക്ഷരാക്ഷസവേതാലകൂഷ്മാഡഗ്രഹഭേദിനീ ।
ബാലഗ്രഹഘ്നീ ചണ്ഡാലഗ്രഹചണ്ഡഗ്രഹാര്‍ദിനീ ॥ 102 ॥
ഭൂതപ്രേതപിശാചഘ്നീ നാനാഗ്രഹവിമര്‍ദിനീ ।
ശാകിനീഡാകിനീലാമദസ്ത്രീഗ്രഹനിഷൂദിനീ ॥ 103 ॥
അഭിചാരകദുര്‍ബാധോന്‍മഥിന്യുന്‍മാദനാശിനീ ।
നാനാവിഷാര്‍തിസംഹര്‍ത്രീ ദുഷ്ടദൃഷ്ട്യാര്‍തിനാശിനീ ॥ 104 ॥
ദുഷ്ടസ്ഥാനസ്ഥിതാര്‍കാദിഗ്രഹപീഡാവിനാശിനീ ।
യോഗക്ഷേമകരീ പുഷ്ടികരീ തുഷ്ടികരീഷ്ടദാ ॥ 105 ॥
ധനദാ ധാന്യദാ ഗോദാ വാസോദാ ബഹുമാനദാ ।
കാമിതാര്‍ഥപ്രദാ ശന്ദാ ചതുര്‍വിധതുമര്‍ഥദാ ॥ 106 ॥
ബ്രഹ്മമാന്യാ വിഷ്ണുമാന്യാ ശിവമാന്യേന്ദ്രമാനിതാ ।
ദേവര്‍ഷിമാന്യാ ബ്രഹ്മര്‍ഷിമാന്യാ രാജര്‍ഷിമാനിതാ ॥ 107 ॥
ജഗന്‍മാന്യാ ജഗദ്ധാത്രീ ത്ര്യംബകാ ത്ര്യംബകാങ്ഗനാ ।
ഗുഹേഭവക്ത്രജനനീ ഭദ്രകാല്യമയങ്കരീ ॥ 108 ॥
സതീ ദാക്ഷായണീ ദക്ഷാ ദക്ഷാധ്വരനിഷൂദിനീ ।
ഉമാ ഹിമാദ്രിജാഽപര്‍ണാ കര്‍ണപൂരാഞ്ചിതാനനാ ॥ 109 ॥
ക്ഷോണീധരനിതംബാംബാ ബിംബാഭരദനച്ഛദാ ।
കുന്ദകോരകനീകാശരദപങ്ക്തിഃ സുനാസികാ ॥ 110 ॥
നാസികാമൌക്തികമണിപ്രഭാമലരദച്ഛദാ ।
സുമന്ദഹസിതാലോകവിമുഹ്യച്ഛംഭു മാനസാ ॥ 111 ॥
മാനസൌകോഗതിഃ സിഞ്ജന്‍മഞ്ജീരാദിവിഭൂഷണാ ।
കാഞ്ചീക്കണത്ക്ഷുദ്രഘണ്ടാ കലധൌതഘടസ്തനീ ॥ 112 ॥
മുക്താവിദ്രുമഹാരശ്രീരാജന്‍കുചതടസ്ഥലീ ।
താടങ്കയുഗസത്കാന്തിവിലസദ്ഗണ്ഡദര്‍പണാ ॥ 113 ॥
ധമ്മില്ലപ്രോത സൌവര്‍ണകേതകീദലമണ്ഡിതാ ।
ശിവാര്‍പിതസ്വലാവണ്യതാരുണ്യകിലികിഞ്ചിതാ ॥ 114 ॥
സഗ്രൈവേയകചിന്താകവിഭ്രാജത്കംബുകന്ധരാ ।
സഖീസ്കന്ധാസക്തബാഹുലതാസുലലിതാങ്ഗികാ ॥ 115 ॥
നിതംബകുചഭാരാര്‍തകൃശമധ്യസുമധ്യമാ ।
നാഭീസരോവരോദ്ഭൂതരോമാവലിവിരാജിതാ ॥ 116 ॥
ത്രിവലീരാജലലിതഗൌരവര്‍ണതലോദരീ ।
ചാമരഗ്രാഹിണീവീജ്യമാനേന്ദുദ്യുതിചാമരാ ॥ 117 ॥
മഹാകുരബകാശോകപുഷ്പവചയലാലസാ ।
സ്വതപഃസുഫലീഭൂതവരോത്തമമഹേശ്വരീ ॥ 118 ॥
ഹിമാചലതപഃപുണ്യഫലഭൂതസുതാകൃതിഃ ।
ത്രൈലോക്യരമണീരത്നാ ശിവചിച്ചന്ദ്രചന്ദ്രികാ ॥ 119 ॥
കീര്‍തിജ്യോത്സ്നാധവലിതാനേകബ്രഹ്മാണ്ഡഗോലികാ ।
ശിവജീവാതുഗുലികാലസദങ്ഗുലിമുദ്രികാ ॥ 120 ॥
പ്രീതിലാലിതസത്പുത്രഗജാനനഷഡാനനാ ।
ഗങ്ഗാസാപത്ന്യജനിതേര്യായതേക്ഷണശോണിമാ ॥ 121 ॥
ശിവവാമാങ്കപര്യംങ്കകൃതാസനപരിഗ്രഹാ ।
ശിവദൃഷ്ടിചകോരീഷ്ടമുഖപൂര്‍ണേന്ദുമണ്ഡലാ ॥ 122 ॥
ഉരോജശൈലയുഗലഭ്രമച്ഛിവമനോമൃഗാ ।
ബ്രഹ്മവിഷ്ണുമുഖാശേഷവൃന്ദാരകനഭസ്കൃതാ ॥ 123 ॥
അപാങ്ഗാങ്ഗണസന്തിഷ്ഠന്നിഗ്രഹാനുഗ്രഹദ്വയീ ।
സനത്കുമാരദുര്‍വാസഃ പ്രമുഖോപാസകാര്‍ഥിതാ ॥ 124 ॥
ഹാദികൂടത്രയോപാസ്യാ കാദികൂടത്രയാര്‍ചിതാ ।
മൃദ്വീകമധുപാനാദ്യുദ്ബോധധൂര്‍ണിതലോചനാ ॥ 125 ॥
അവ്യക്തഭാഷണാ ചേടീദത്തവീടീഗ്രഹാലസാ ।
ഗായന്തീ വിലസന്തീ ച ലിഖന്തീ പ്രിയലേഖനാ ॥ 126 ॥
ഉല്ലസന്തീ ലസന്തീ ച ദോലാന്ദോലനതുഷ്ടിഭാക് ।
വിപഞ്ചീവാദനരതാ സപ്തസ്വരവിഭേദവിത് ॥ 127 ॥
ഗന്ധര്‍വീകിന്നരീവിദ്യാധരീയക്ഷസുരീനുതാ ।
അമരീകബരീഭൃങ്ഗീസ്ഥഗിതാങ്ഘ്രിസരോരുഹാ ॥ 128 ॥
ഗന്ധര്‍വഗാനശ്രവണാനന്ദാന്ദോലിതമസ്തകാ ।
തിലോത്തമോര്‍വശീരംഭാനൃത്യദര്‍ശനജാതമുത് ॥ 129 ॥
അചിന്ത്യമഹിമാഽചിന്ത്യഗരിമാഽചിന്ത്യലാധവാ ।
അചിന്ത്യവിഭവാഽചിന്ത്യവിക്രമാഽചിന്ത്യസദ്ഗുണാ ॥ 130 ॥
സ്തുതിഃ സ്തവ്യാ നതിര്‍നംയാ ഗതിര്‍ഗംയാ മഹാസതീ ।
അനസൂയാഽരുന്ധതീ ച ലോപാമുദ്രാഽദിതിര്‍ദിതിഃ ॥ 131 ॥
സപ്തസംസ്ഥാസ്വരൂപാ ചാരണിഃ സ്രുഗ്വേദികാ ധ്രുവാ ।
ഇഡാ പ്രണീതാ പാത്രീ ച സ്വധാസ്വാഹാഽഽഹുതിര്‍വപാ ॥ 132 ॥
കവ്യരൂപാ ഹവ്യരൂപാ യജ്ഞപാത്രസ്വരൂപിണീ ।
ശങ്കരാഹോപുരുഷികാ ഗായത്രീഗര്‍ഭവല്ലഭാ ॥ 133 ॥
ചതുര്‍വിംശത്യക്ഷരാത്മപരോരജസിസാവദോം ।
വേദപ്രസൂര്‍വേദഗര്‍ഭാ വിശ്വാമിത്രര്‍ഷിപൂജിതാ ॥ 134 ॥
ഋഗ്യജുഃ സാമത്രിപദാ മഹാസവിതൃദേവതാ ।
ദ്വിജത്വസിദ്ധിദാത്രീ ച സാങ്ഖ്യായനസഗോത്രികാ ॥ 135 ॥
ഗാതൃദുര്‍ഗതിസംഹര്‍ത്രീ ച ഗാതൃസ്വര്‍ഗാപവര്‍ഗദാ ।
ഭൃഗുവല്ലീ ബ്രഹ്മവല്ലീ കഠവല്ലീ പരാത്പരാ ॥ 136 ॥
കൈവല്‍പോപനിഷദ്ബ്രഹ്മോപനിഷന്‍മുണ്ഡകോപനിഷത് ।
ഛാന്ദോഗ്യോപനിഷച്ചൈവ സര്‍വോപനിഷദാത്മികാ ॥ 137 ॥
തത്ത്വമാദിമഹാവാക്യരൂപാഖണ്ഡാര്‍ഥബോധകൃത് ।
ഉപക്രമാദിഷഡ്ലിങ്ഗമഹാതാത്പര്യബോധിനീ ॥ 138 ॥
ജഹത്സ്വാര്‍ഥാജഹത്സ്വാര്‍ഥഭാഗത്യാഗാഖ്യലക്ഷണാ ।
അസത്ഖ്യാതിശ്ച സത്ഖ്യാതിര്‍മിഥ്യാഖ്യാതിഃ പ്രഭാഽപ്രഭാ ॥ 139 ॥
അസ്തിഭാതിപ്രിയാത്മാ ച നാമരൂപസ്വരൂപിണീ ।
ഷണ്‍മതസ്ഥാപനാചാര്യമഹാദേവകുടുംബിനീ ॥ 140 ॥
ഭ്രാന്തിര്‍ഭാന്തിഹരീ ഭ്രാന്തിദായിനീ ഭ്രാന്തികാരിണീ ।
വികൃതിര്‍നികൃതിശ്ചാപി കൃതിശ്ചോപകൃതിസ്തഥാ ॥ 141 ॥
സകൃതിഃ സത്കൃതിഃ പാപകൃതിഃ സുകൃതിരുത്കൃതിഃ ।
ആകൃതിര്‍വ്യാകൃതിഃ പ്രായശ്ചിത്തിര്‍വിത്തിഃ സ്ഥിതിര്‍ഗതിഃ ॥ 142 ॥
നവകുണ്ഡീ പഞ്ചകുണ്ഡീ ചതുഷ്കുണ്ഡ്യേകകുണ്ഡികാ ।
ദേവസേനാദൈത്യസേനാരക്ഷഃ സേനാദിഭേദഭാക് ॥ 143 ॥
മഹിഷാസ്യോദ്ഗതോദ്ദണ്ഡദൈത്യവേതണ്ഡരുണ്ഡഹൃത് ।
ദൈത്യസേനാതൃണാരണ്യജ്വാലാ ജ്യോതിഃസ്വരൂപിണീ ॥ 144 ॥
ചണ്ഡമുണ്ഡ മഹാദൈത്യരുണ്ഡഡകന്ദുകഖേലകൃത് ।
പശുദേഹാസൃക്പലലതൃപ്താ ദക്ഷിണകാലികാ ॥ 145 ॥
തദഞ്ചത്പ്രേതതദ്രുണ്ഡമാലാ വ്യാലവിഭൂഷണാ ।
ഹലദംഷ്ട്രാ ശങ്കുരദാ പീതാനേകസുരാഘടാ ॥ 146 ॥
നേത്രഭ്രമിപരാഭൂതരഥചക്രദ്വയഭ്രമിഃ ।
വ്യായാമാഗ്രാഹ്യവക്ഷോജന്യക്കൃതേഭേന്ദ്രകുംഭികാ ॥ 147 ॥
മാതൃമണ്ഡലമധ്യസ്ഥാ മാതൃമണ്ഡലപൂജിതാ ।
ഘണ്ടാഘണഘണധ്വാനപ്രീതാ പ്രേതാസനസ്ഥിതാ ॥ 148 ॥
മഹാലസാ ച മാര്‍തണ്ഡഭൈരവപ്രാണവല്ലഭാ ।
രാജവിദ്യാ രാജസതീ രാജസ്ത്രീ രാജസുന്ദരീ ॥ 149 ॥
ഗജരാജാദിരലകാപുരീസ്ഥാ യക്ഷദേവതാ ।
മത്സ്യമൂര്‍തിഃ കൂര്‍മമൂര്‍തിഃ സ്വീകൃതക്രോഡവിഗ്രഹാ ॥ 150 ॥
നൃസിംഹമൂര്‍തിര്‍രത്യുഗ്രാ ധൃതവാമനവിഗ്രഹാ ।
ശ്രീജാമദഗ്ന്യമൂര്‍തിശ്ച ശ്രീരാമമൂര്‍തിര്‍ഹതാസ്രപാ ॥ 151 ॥
കൃഷ്ണമൂര്‍തിര്‍ബുദ്ധമൂര്‍തിഃ കല്‍കിമൂര്‍തിരമൂര്‍തികാ ।
വിരാണ്‍മൂര്‍തിര്‍ജഗന്‍മൂര്‍തിര്‍ജഗജ്ജന്‍മാദികാരിണീ ॥ 152 ॥
ആധാരാധേയസംബന്ധഹീനാ തദുഭയാത്മികാ ।
നിര്‍ഗുണാ നിഷ്ക്രിയാഽസങ്ഗാ ധര്‍മാധര്‍മവിവര്‍ജിതാ ॥ 153 ॥
മായാസംബന്ധരഹിതാസച്ചിദാനന്ദവിഗ്രഹാ ।
ജഗത്തരങ്ഗജലധിരൂപാ ചീത്കൃതിഭേദഭാക് ॥ 154 ॥
മഹാതത്ത്വാത്മികാ വൈകാരാഹങ്കാരസ്വരൂപിണീ ।
രജോഹങ്കാരരൂപാ ച തമോഹങ്കാരരൂപിണീ ॥ 155 ॥
ആകാശരൂപിണീ വായുരൂപിണ്യഗ്നിസ്വരൂപിണീ ।
അംബാത്മികാ ഭൂസ്വരൂപാ പഞ്ചജ്ഞാനേന്ദ്രിയാത്മികാ ॥ 156 ॥
കര്‍മേന്ദ്രിയാത്മികാ പ്രാണാപാനവ്യാനാദിരൂപിണീ ।
നാഗകൂര്‍മാദിരൂപാ ച സര്‍വനാഡീവിഹാരിണീ ॥ 157 ॥
ആധാരചക്രാധിഷ്ഠാത്രീ സ്വാധിഷ്ഠാനപ്രതിഷ്ഠിതാ ।
മണിപൂരകസംസ്ഥാനാഽനാഹതാബ്ജാധിദേവതാ ॥ 158 ॥
വിശുദ്ധചക്രപീഠസ്ഥാഽഽജ്ഞാചക്രപരമേശ്വരീ ।
ദ്വിപത്രീ ഷോഡശദലീ തഥാ ദ്വാദശപത്രികാ ॥ 159 ॥
പ്രദലദ്ദശപത്രീ ച ഷഡ്ദലീ ച ചതുര്‍ദലീ ।
വാസാന്തമാതൃകാ ബാദിലാന്തവര്‍ണാധിദേവതാ ॥ 160 ॥
ഡാദിഫാന്താക്ഷരവതീ കാദിഠാന്താക്ഷരേശ്വരീ ।
ഷോഡശസ്വരബീജേശീ സ്പര്‍ശോഷ്മാന്തഃസ്ഥദേവതാ ॥ 161 ॥
ഹക്ഷാക്ഷരദ്വയീരൂപാ പഞ്ചാശന്‍മാതൃകേശ്വരീ ।
സഹസ്രാരാബ്ജപീഠസ്ഥാ ശിവശക്തിര്‍വിമുക്തിദാ ॥ 162 ॥
പഞ്ചാംനായശിവപ്രോക്താ മന്ത്രബീജാധിദേവതാ ।
സൌഃക്ലീംഹ്രീംബീജഫലദാ മഹാപ്ലക്ഷസരസ്വതീ ॥ 163 ॥
നവാര്‍ണവാ സപ്തശതീ മാലാമന്ത്രസ്വരൂപിണീ ।
അര്‍ഗലേശീ കീലകേശീ കവചേശീ ത്രിമൂര്‍തികാ ॥ 164 ॥
സകാരാദിഹകാരാന്തമഹമന്ത്രാധിദേവതാ ।
സകൃത്സപ്തശതീപാഠപ്രീതാ പ്രോക്തഫലപ്രദാ ॥ 165 ॥
കുമാരീപൂജനോദ്യന്‍മുച്ചിരണ്ടീപൂജനോത്സുകാ ।
വിപ്രപൂജനസന്തുഷ്ടാ നിത്യശ്രീര്‍നിത്യമങ്ഗലാ ॥ 166 ॥
ജയദാദിമചാരിത്രാ ശ്രീദ മധ്യചരിത്രികാ ।
വിദ്യാദോത്തമചാരിത്രാ കാമിതാര്‍ഥപ്രദായികാ ॥ 167 ॥
ഇഷ്ടകൃഷ്ണാഷ്ടമീ ചേഷ്ടനവമീ ഭൂതപൂര്‍ണിമാ ।
ഇഷ്ടശുക്രാരദിവസാ ധൂതദീപദ്വയോത്സുകാ ॥ 168 ॥
നവരാത്രോത്സവാസക്താ പൂജാഹോമബലിപ്രിയാ ।
ഇഷ്ടേക്ഷുകൂഷ്മാണ്ഡഫലാഹൂതിരിഷ്ടഫലാഹുതിഃ ॥ 169 ॥
പ്രതിമാസൂത്കൃഷ്ടപുണ്യാ ച മഹായന്ത്രാര്‍ചനാവിധിഃ ।
കാത്യായനീ കാമദോഗ്ധ്രീ ഖേചരീ ഖഡ്ഗചര്‍മധൃക് ॥ 170 ॥
ഗജാസ്യമാതാ ഘടികാ ചണ്ഡികാ ചക്രധാരിണീ ।
ഛായാ ഛവിമയീ ഛന്നാ ജരാമൃത്യുവിവര്‍ജിതാ ॥ 171 ॥
ഝല്ലീഝങ്കാരമുദിതാ ഝഞ്ഝാവാതഝണത്കൃതിഃ ।
ടങ്കഹസ്താ ടണച്ചാപഠദ്വയീ പല്ലവോന്‍മനുഃ ॥ 172 ॥
ഡമരുധ്വാനമുദിതാ ഡാകിനീശാകിനീശ്വരീ ।
ഢുണ്ഢിരാജസ്യ ജനനീ ഢകാവാദ്യവിലാസിനീ ॥ 173 ॥
തരികാ താരികാ താരാ തന്വങ്ഗീ തനുമധ്യമാ ।
ധൂപീകൃതാസുരാ ദീര്‍ഘവേണീ ദൃപ്താ സുരാര്‍തിഹൃത് ॥ 174 ॥
ധൂംരവര്‍ണാ ധൂംരകേശീ ധൂംരാക്ഷപ്രാണഹാരിണീ ।
നഗേശതനയാ നാരീ മതല്ലീ പട്ടിഹേതികാ ॥ 175 ॥
പാതാലലോകാധിഷ്ഠാത്രീ ഫേരൂകൃതമഹാസുരാ ।
ഫണീന്ദ്രശയനാ ബോധദായിനീ ബഹുരൂപിണീ ॥ 176 ॥
ഭാമിനീ ഭാസിനീ ഭ്രാന്തികരീ ഭ്രാന്തിവിനാശിനീ ।
മാതങ്ഗീ മദിരാമത്താ മാധവീ മാധവപ്രിയാ ॥ 177 ॥
യായജൂകാര്‍ചിതാ യോഗിധ്യേയാ യോഗീശവല്ലഭാ ।
രാകാചന്ദ്രമുഖീ രാമാ രേണുകാ രേണുകാത്മജാ ॥ 178 ॥
ലോകാക്ഷീ ലോഹിതാ ലജ്ജാ വാമാക്ഷീ വാസ്തുശാന്തിദാ ।
ശാതോദരീ ശാശ്വതികാ ശാതകുംഭവിഭൂഷണാ ॥ 179 ॥
ഷഡാസ്യമാതാ ഷട്ചക്രവാസിനീ സര്‍വമങ്ഗലാ ।
സ്മേരാനനാ സുപ്രസന്നാ ഹരവാമാങ്കസംസ്ഥിതാ ॥ 180 ॥
ഹാരിവന്ദിതപാദാബ്ജാ ഹ്രീംബീജഭുവനേശ്വരീ ।
ക്ഷൌമാംബരേന്ദുഗോക്ഷീരധവലാ വനശങ്കരീ ॥ 181 ॥
( ॥ ഷഡങ്ഗന്യാസധ്യാന മാനസോപചാര പൂജനം ॥)
അഥ ഫലശ്രുതിഃ ।
ഇതീദം വനശങ്കര്യാഃ പ്രോക്തം നാമസഹസ്രകം ।
ശാന്തിദം പുഷ്ടിദം പുണ്യം മഹാവിപത്തിനാശനം ॥ 1 ॥
ദാരിദ്ര്യദുഃഖശമനം നാനാരോഗനിവാരണം ।
ഇദം സ്തോത്രം പഠേദ്ഭക്ത്യാ യസ്ത്രിസന്ധ്യം നരഃ ശുചിഃ ॥ 2 ॥
നാരീ വാ നിയതാ ഭക്ത്യാ സര്‍വാന്‍കാമാനവാപ്നുയാത് ।
അസ്യ സ്തോത്രസ്യ സതതം യത്ര പാഠഃ പ്രവര്‍തതേ ॥ 3 ॥
തസ്മിന്നഗൃഹേ മഹാലക്ഷ്മീഃ സ്വഭര്‍ത്രാ സഹ മോദതേ ।
നാനേന സദൃശം സ്തോത്രം ഭുക്തിമുക്തിപ്രദായകം ॥ 4 ॥
വിദ്യതേഽന്യസത്യമേതത് ശക്ര വച്മി പുനഃ പുനഃ ।
ബകവന്ധ്യാ കാകവന്ധ്യാ നാരീസ്തോത്രമിദം പഠേത് ॥ 5 ॥
വഷേണൈകേന സാ പുത്രം ലഭേന്നാത്രാസ്തി സംശയഃ ।
സാമാന്യകാര്യസിദ്ധിസ്തു ശതാവര്‍തനതോ ഭവേത് ॥ 6 ॥
മഹാകാര്യസ്യ സിദ്ധിസ്തു സഹസ്രാവര്‍തനാദ്ധ്രുവം ।
ന തത്ര പീഡാ ജായേത ഭൂതപ്രേതഗ്രഹോദ്ഭവാ ॥ 7 ॥
ലോകവശ്യം രാജവശ്യം സ്തോത്രസ്യ പഠനാദ്ഭവേത് ।
ശത്രവഃ സംക്ഷയം യാന്തി ദസ്യവഃ പിശുനാസ്തഥാ ॥ 8 ॥
നൈവ ശാകംഭരീഭക്താഃ സീദന്തി ബലസൂദന ।
ശാകംഭരീ സ്വഭക്താനാമവിത്രീ ജനനീ യഥാ ॥ 9 ॥
യദ്യത്കാര്യം സമുദ്ദിശ്യ ധ്യായന്‍ ശാകംഭരീം ഹൃദി ।
സ്തോത്രമേതത്പഠേത്തസ്യ തത്കാര്യം ച പ്രസിദ്ധ്യതി ॥ 10 ॥
മുച്യതേ ബന്ധനാദ്ബദ്ധോ രോഗീ മുച്യേത രോഗതഃ ।
ഋണവാനൃണതോ മുച്യേന്നാത്ര കാര്യാ വിചാരണാ ॥ 11 ॥
പൌഷേ മാസി സിതേ പക്ഷേ പ്രാരഭ്യ തിഥിമഷ്ടമീം ।
ദേവ്യാഃ ആരാധനം കുര്യാദന്വഹം പൂര്‍ണിമാവധി ॥ 12 ॥
സശാകൈരുത്തമാന്നൈശ്ച ബ്രാഹ്മണാംശ്ച സുവാസിനീഃ ।
സന്തര്‍പയേദ്യഥാശക്തി ദേവീം സമ്പൂജ്യ ഭക്തിതഃ ॥ 13 ॥
വിത്തശാഠ്യം ന കുര്‍വീത ശാകംഭര്യാഃ സമര്‍ചനേ ।
തസ്മൈ പ്രസന്നാ ഭക്തായ ദദ്യാത്കാമാനഭീപ്സിതാന്‍ ॥ 14 ॥
വിദ്യാര്‍ഥീ പ്രാപ്നുയാദ്വിദ്യാം ധനാര്‍ഥീ ചാപ്നുയാദ്ധനം ।
ദാരാര്‍ഥീ പ്രാപ്നുയാദ്ദാരാനപത്യാര്‍ഥീ തദാപ്നുയാത് ॥ 15 ॥
ആപ്നുയാന്‍മന്ദബുദ്ധിസ്തു ഗ്രന്ഥധാരണപാടവം ।
അസ്യ സ്തോത്രസ്യ പാഠേന പ്രാപ്നുയാദ്യദ്യദീപ്സിതം ॥ 16 ॥
അയുതാവര്‍തനാദസ്യ സ്തോത്രസ്യ ബലസൂദന ।
പശ്യേച്ഛാകംഭരീം സാക്ഷാത്തദ്ഭക്തോ നാത്ര സംശയഃ ॥ 17 ॥
ഹോമം ച കുര്യാദ്വിധിവത്പായസേന സസര്‍പിഷാ ।
സൌഭാഗ്യദ്രവ്യയുക്തേന സേക്ഷുകൂഷ്മാണ്ഡകേന ച ॥ 18 ॥
സുവാസിനീഃ കുമാരീശ്ച ബ്രാഹ്മണാംശ്ച ദിനേ ദിനേ ।
സംഭോജയേത്സദന്നേന സസിതാമധുസര്‍പിഷാ ॥ 19 ॥
ദദ്യാത്തേഭ്യശ്ച താഭ്യശ്ച വസ്ത്രാലങ്കാരദക്ഷിണാഃ ।
തസ്മൈ ശാകംഭരീ ദദ്യാത്പുരുഷാര്‍ഥചതുഷ്ടയം ॥ 20 ॥
ആചന്ദ്രാര്‍കം തസ്യ വശഃ സ്ഥാസ്യത്യത്ര ഗുണീ സുഖീ ।
ശാകംഭര്യൈ നമ ഇതി യസ്തു മന്ത്രം ഷഡക്ഷരം ॥ 21 ॥
ഭക്ത്യാ ജപേന്നരസ്തസ്യ സര്‍വത്ര ജയമങ്ഗലം ।
ശാകംഭര്യാ ഇദം ശക്ര ദിവ്യം നാമസഹസ്രകം ॥ 22 ॥
ഗുരുഭക്തായ ശാന്തായ ദേയം ശ്രദ്ധാലവേ ത്വയാ ।
ത്വമപ്യാഖണ്ഡല സദാ പഠേദം സ്തോത്രമുത്തമം ॥ 23 ॥
ശത്രൂന്‍ ജേഷ്യസി സങ്ഗ്രാമേ സര്‍വാന്‍കാമാനവാപ്സ്യസി ।
ഇതി ശ്രുത്വാ സ്കന്ദവാക്യം ശക്രഃ സന്തുഷ്ടമാനസഃ ॥ 24 ॥
പ്രണംയ ഗുഹമാപൃഷ്ട്വാ സഗണഃ സ്വദിവം യയൌ ॥ 25 ॥
സൂത ഉവാച –
ദുര്‍ഭിക്ഷേ ഋഷിപോഷിണ്യാഃ ശാകംഭര്യാഃ പ്രകീര്‍തിതം ।
ഇദം നാമസഹസ്രം വഃ കിം ഭൂയഃ ശ്രോതുമിച്ഛഥ ॥ 26 ॥
॥ ഇതി ശ്രീസ്കന്ദപുരാണേ ശാകംഭരീ തഥാ വനശങ്കരീ സഹസ്രനാമസ്തോത്രം സമ്പൂര്‍ണം ॥
Also Read 1000 Names of Shakambhari Tatha Vanashankari:
1000 Names of Sri Shakambhari Tatha Vanashankari | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
