Shri Shakambhari Tatha Vanashankari Sahasranamastotram Lyrics in Telugu:
॥ శ్రీశాకమ్భరీ తథా వనశఙ్కరీసహస్రనామస్తోత్రమ్ ॥
శాన్తా శారదచన్ద్రసున్దరముఖీ శాల్యన్నభోజ్యప్రియా
శాకైః పాలితవిష్టపా శతదృశా శాకోల్లసద్విగ్రహా ।
శ్యామాఙ్గీ శరణాగతార్తిశమనీ శక్రాదిభిః శంసితా
శఙ్కర్యష్టఫలప్రదా భగవతీ శాకమ్భరీ పాతు మామ్ ॥
శూలం పాశకపాలచాపకులిశాన్బాణాన్సృణిం ఖేటకాంa
శఙ్కం చక్రగదాహిఖడ్గమభయం ఖట్వాఙ్గదణ్డాన్ధరామ్ ।
వర్షాభావవశాద్ధతాన్మునిగణాన్శాకేన యా రక్షతి
లోకానాం జననీం మహేశదయితాం తాం నౌమి శాకమ్భరీమ్ ॥ ౧ ॥
కైలాసశిఖరాసీనం స్కన్దం ముని గణాన్వితమ్ ।
ప్రణమ్య శక్రః పప్రచ్ఛ లోకానాం హితకామ్యయా ॥ ౨ ॥
శక్ర ఉవాచ –
స్కన్ద స్కన్ద మహాబాహో సర్వజ్ఞ శివనన్దన ।
నామ్నాం సహస్రమాచక్ష్వ శాకమ్భర్యాః సుసిద్ధిదమ్ ॥ ౩ ॥
స్కన్ద ఉవాచ –
యా దేవీ శతవార్షిక్యామనావృష్ట్యాం స్వదేహజైః ।
శాకైరబీభరత్సర్వానృషీన్ శక్ర శతం సమాః ॥ ౪ ॥
మహాసరస్వతీ సైవ జాతా శాకమ్భరీ శివా ।
నామ్నాం సహస్రం తస్యాస్తే వక్ష్యామి శ్రుణుభక్తితః ॥ ౫ ॥
ఓం అస్య శ్రీశాకమ్భరీసహస్రనామమాలామన్త్రస్య మహాదేవః ఋషిః ।
అనుష్టుప్ ఛన్దః । శాకమ్భరీ దేవతా । సౌః బీజం । క్లీం శక్తిః ।
హ్రీం కీలకం । మమ శ్రీ శాకమ్భరీప్రసాదసిద్ధ్యర్థే
తత్సహస్రనామపారాయణే వినియోగః ।
కరన్యాసః ॥
ఓం సౌః చాముణ్డాయై అఙ్గుష్ఠాభ్యాం నమః ।
ఓం క్లీం శతాక్ష్యై తర్జనీభ్యాం నమః ।
ఓం హ్రీం శాకమ్భర్యై మధ్యమాభ్యాం నమః ।
ఓం సౌః చాముణ్డాయై అనామికాభ్యాం నమః ।
ఓం క్లీం శతాక్ష్యే కనిష్ఠికాభ్యాం నమః ।
ఓం హ్రీం శాకమ్భర్యై కరతలకరపృష్ఠాభ్యాం నమః ।
ఏవం హృదయాదిన్యాసః ।
ఓం సౌః క్లీం హ్రీం ఓం మన్త్రేణ దిగ్బన్ధః । ఇతి ॥
॥ ధ్యానమ్ ॥
సౌవర్ణసింహాసనసంస్థితాం శివాం త్రిలోచనా చన్ద్రకలావతంసికామ్ ।
శూలం కపాలం నిజవామహస్తయోస్తదన్యయోః ఖడ్గమభీతిముద్రికామ్ ॥
పాణ్యోర్దధానాం మణిభూషణాజ్జ్వలాం సువాససం మాల్యవిలేపనాఞ్చితామ్ ।
ప్రసన్నావక్త్రాం పరదేవతా ముదా ధ్యాయామి భక్త్యా వనశఙ్కరీం హృది ॥
లమిత్యాదిపఞ్చపూజా –
ఓం సౌః క్లీం హ్రీం ఓం ।
ఓం శాకమ్భర్యై నమః ।
హ్రీం శాకమ్భర్యై నమః ।
ఓం హ్రీం శాకమ్భర్యై నమః ।
సౌః క్లీం హ్రీం శాకమ్భర్యై నమః ।
ఓం సౌః క్లీం హ్రీం శాకమ్భర్యై నమః ।
ఓం సౌః క్లీం హ్రీం శాకమ్భర్యై నమః ఓం ।
ఇత్యేషు గురూపదిష్టం మన్త్రం జపేత్ ।
॥ అథ సహస్రనామస్తోత్రమ్ ॥
ఓం శాకమ్భరీ శతాక్షీ చ చాముణ్డా రక్తదన్తికా ।
మహాకాలీ మహాశక్తిర్మధుకైటభనాశినీ ॥ ౧ ॥
బ్రహ్మాదితేజః సమ్భూతా మహాలక్ష్మీర్వరాననా ।
అష్టాదశభుజా సమ్రాణ్మహిషాసురమర్దినీ ॥ ౨ ॥
మహామాయా మహాదేవీ సృష్టిస్థిత్యన్తకారిణీ ।
కాన్తిః కామప్రదా కామ్యా కల్యాణీ కరుణానిధిః ॥
సింహస్థితా నారసింహీ వైష్ణవీ విష్ణువల్లభా ।
భ్రామరీ రక్తచాముణ్డా రక్తాక్షీ రక్తపాయినీ ॥ ౪ ॥
రక్తప్రియా సురక్తోష్ఠీ రక్తబీజవినాశినీ ।
సురక్తవసనా రక్తమాల్యా రక్తవిభూషణా ॥ ౫ ॥
రక్తపాణితలా రక్తనఖీ రక్తోత్పలాఙ్ఘ్రికా ।
రక్తచన్దనలిప్తాఙ్గీ రమణీ రతిదాయినీ ॥ ౬ ॥
సురభిః సున్దరీ బాలా బగలా భైరవీ సమిత్ ।
చన్ద్రలామ్బా సుమఙ్గల్యా భీమా భయనివారిణీ ॥ ౭ ॥
జాగృతిః స్వప్నరూపా చ సుషుప్తిసుఖరూపిణీ ।
తుర్యోంన్మనీ త్రిమాత్రా చ త్రయీ త్రేతా త్రిమూర్తికా ॥ ౮ ॥
విష్ణుమాయా విష్ణుశక్తిర్విష్ణుజిహ్వా వినోదినీ ।
ఛాయా శాన్తిః క్షమా క్షుత్తృట్తుష్టిః పుష్టిర్ధృతిర్భృతిః ॥ ౯ ॥
మతిర్మితిర్నతిర్నీతిః సంయతిర్నియతి కృతిః ।
స్ఫూర్తిః కీర్తిః స్తుతిర్జూతిః పూర్తిర్మూర్తిర్నిజప్రదా ॥ ౧౦ ॥
త్రిశూలధారిణీ తీక్ష్ణగదినీ ఖడ్గధారిణీ ।
పాశినీ త్రాసినీ వామా వామదేవీ వరాననా ॥ ౧౧ ॥
వామాక్షీ వారుణీమత్తా వామోరుర్వాసవస్తుతా ।
బ్రహ్మవిద్యా మహావిద్యా యోగినీ యోగపూజితా ॥ ౧౨ ॥
త్రికూటనిలయా నిత్యా కల్పాతీతా చ కల్పనా ।
కామేశ్వరీ కామదాత్రీ కామాన్తకకుటుమ్బినీ ॥ ౧౩ ॥
కాలరాత్రిర్మహారాత్రిర్మోహరాత్రిశ్చ దారుణా ।
నానాద్రుమలతాకీర్ణగిరిమధ్యనివాసినీ ॥ ౧౪ ॥
శాకపోషితసర్వర్షిః పాకశాసనపూజితా ।
క్లేదినీ భేదినీ భ్రాన్తిర్భీతిదా భ్రాన్తినాశినీ ॥ ౧౫ ॥
క్రాన్తిః సఙ్క్రాన్తిరుత్క్రాన్తిర్విక్రాన్తిః క్రాన్తివర్జితా ।
డిణ్డిమధ్వనిసంహృష్టా భేరీనాదవినోదినీ ॥ ౧౬ ॥
సుతన్త్రీవాదనరతా స్వరభేదవిచక్షణా ।
గాన్ధర్వశాస్త్రనిపూణా నాట్యశాస్త్రవిశారదా ॥ ౧౭ ॥
హావభావప్రమాణజ్ఞా చతుఃషష్టికలాన్వితా ।
పదవాక్యప్రమాణాబ్ధిపారీణా వాదిభఙ్గినీ ॥ ౧౮ ॥
సర్వతన్త్రస్వతన్త్రా చ మన్త్రశాస్త్రాబ్ధిపారగా ।
నానాయన్త్ర విధానజ్ఞా సౌగతాగమకోవిదా ॥ ౧౯ ॥
వైఖానసాద్యాగమజ్ఞా శైవాగమ విచక్షణా ।
వామదక్షిణమార్గజ్ఞా భైరవాగమభేదవిత్ ॥ ౨౦ ॥
పఞ్చాయతనతత్త్వజ్ఞా పఞ్చామ్నాయప్రపఞ్చవిత్ ।
రాజరాజేశ్వరీ భట్టారికా త్రిపురసున్దరీ ॥ ౨౧ ॥
మహాదక్షిణకాలీ చ మాతఙ్గీ మద్యమాంసభుక్ ।
లులాయబలిసన్తుష్టా మేషచ్ఛాగబలిప్రియా ॥ ౨౨ ॥
దీపికాక్రీడనరతా డమడ్డమరునాదినీ ।
మహాప్రదీపికాదేహలేహనాద్భుతశక్తిదా ॥ ౨౩ ॥
నిజావేశవదున్మత్తభక్తోక్త ఫలదాయినీ ।
ఉదోఉదోమహాధ్వాన శ్రవణాసక్తమానసా ॥ ౨౪ ॥
చౌడేశ్వరీ చౌడవాద్యప్రవాదనపరాయణా ।
కపర్దమాలాభరణా కపర్దిప్రాణవల్లభా ॥ ౨౫ ॥
నగ్రస్త్రీవీక్షణరతా నగ్నికోద్భిన్నయౌవనా ।
బాలా బదరవక్షోజా మధ్యా బిల్వఫలస్తనీ ॥ ౨౬ ॥
నారికేలస్తనీ ప్రౌఢా ప్రగల్భా చ ఘటస్తనీ ।
కాత్యాయనీ నమ్రకుచా ప్రౌఢాద్భుతపరాక్రమా ।
కదలీవనమధ్యస్థా కదమ్బవనవాసినీ ॥ ౨౭ ॥
నిజోపకణ్ఠసమ్ప్రాప్తనదీమాహాత్మ్యవర్ధినీ ।
కావేరీ తామ్రపర్ణీ చ కామాక్షీ కామితార్థదా ॥ ౨౮ ॥
మూకామ్బికా మహాశక్తిః శ్రీశైలభ్రమరామ్బికా ।
జోగలామ్బా జగన్మాతా మాతాపురనివాసినీ ॥ ౨౯ ॥
జమదగ్నిప్రియా సాధ్వీ తాపసీవేషధారిణీ ।
కార్తవీర్యముఖానేకక్షత్రవిధ్వంసకారిణీ ॥ ౩౦ ॥
నానావతారసమ్పన్నా నానావిధచరిత్రకృత్ ।
కరవీరమహాలక్ష్మీః కోల్హాసురవినాశినీ ॥ ౩౧ ॥
నాగలిఙ్గభగాఙ్కాఢ్యమౌలిః శక్రాదిసంస్తుతా ।
దుర్గమాసురసంహర్త్రీ దుర్గాఽనర్గలశాసనా ॥ ౩౨ ॥
నానావిధభయత్రాత్రీ సుత్రామాదిసుధాశనా ।
నాగపర్యంకశయనా నాగీ నాగాఙ్గనార్చితా ॥ ౩౩ ॥
హాటకాలఙ్కృతిమతీ హాటకేశసభాజితా ।
వాగ్దేవతాస్ఫూర్తిదాత్రీ త్రాతవాగ్బీజజాపకా ॥ ౩౪ ॥
జప్యా జపవిధిజ్ఞా చ జపసిద్ధిప్రదాయినీ ।
మన్త్రశక్తిర్మన్త్రవిద్యా సుమన్త్రా మాన్త్రికమ్ప్రియా ॥ ౩౫ ॥
ఇన్దుమణ్డలపీఠస్థా సూర్యమణ్డలపీఠగా ।
చన్ద్రశక్తిః సూర్యశక్తిర్గ్రహశక్తిర్గ్రహార్తిహా ॥ ౩౬ ॥
గ్రహపీడాహరీ సౌమ్యా శుభగ్రహఫలప్రదా ।
జ్యోతిర్మణ్డలసంస్థానా గ్రహతారాధిదేవతా ॥ ౩౭ ॥
సప్తవింశతియోగేశీ బవాదికరణేశ్వరీ ।
ప్రభవాద్యబ్దశక్తిశ్చ కాలచక్రప్రవర్తినీ ॥ ౩౮ ॥
సోహంమన్త్రజపాధారా ఊర్ధ్వషట్చక్రదేవతా ।
ఇడాఖ్యా పిఙ్గలాఖ్యా చ సుషుమ్నా బ్రహ్మరన్ధ్రగా ॥ ౩౯ ॥
శివశక్తిః కుణ్డలినీ నాభిమణ్డలనిద్రితా ।
యోగోద్బుద్ధా ముక్తిదాత్రీ సహస్రారాబ్జపీఠగా ॥ ౪౦ ॥
పీయూషవర్షిణీ జీవశివభేదతినాశినీ ।
నాభౌ పరా చ పశ్యన్తీ హృదయే మధ్యమా గలే ॥ ౪౧ ॥
జిహ్వాగ్రే వైఖరీవాణీ పఞ్చాశన్మాతృకాత్మికా ।
ఓఙ్కారరూపిణీ శబ్దసూష్టిరూపాఽర్థరూపిణీ ॥ ౪౨ ॥
మౌనశక్తిర్మునిధ్యేయా మునిమానససంస్థితా ।
వ్యష్టిః సమష్టిస్త్రిపుటీ తాపత్రయవినాశినీ ॥ ౪౩ ॥
గాయత్రీ వ్యాహృతిః సన్ధ్యా సావిత్రీ చ పితృప్రసూః ।
నన్దా భద్రా జయా రిక్తా పూర్ణా విష్టిశ్చ వైధృతిః ॥ ౪౪ ॥
శ్రుతిః స్మృతిశ్చ మీమాంసా విద్యాఽవిద్యా పరావరా ।
సుమేరుశృఙ్గనిలయా లోకాలోకనివాసినీ ॥ ౪౫ ॥
మానసోత్తరగోత్రస్థా పుష్కరద్వీపదేవతా ।
మన్దరాద్రికృతక్రీడా నీపోపవనవాసినీ ॥ ౪౬ ॥
మణిద్వీపకృతావాసా పీతవాసః సుపూజితా ।
ప్లక్షాదిద్వీపగోత్రస్థా తత్రత్యజనపూజితా ॥ ౪౭ ॥
సురాబ్ధి ద్వీపనిలయా సురాపానపరాయణ ।
ఏకపాదేకహస్తైకదృగేకశ్రుతిపార్శ్వికా ॥ ౪౮ ॥
అర్ధనారీశ్వరార్ధాఙ్గీ స్యూతాలోకోత్తరాకృతిః ।
భక్తైకభక్తి సంసాధ్యా ధ్యానాధారా పరార్హణా ॥ ౪౯ ॥
పఞ్చకోశాన్తరగతా పఞ్చకోశవివర్జితా ।
పఞ్చభూతాతరాలస్థా ప్రపఞ్చాతీతవైభవా ॥ ౫౦ ॥
పఞ్చీకృతమహాభూతనిర్మితానేకభౌతికా ।
సర్వాంతర్యామిణీ శమ్భుకామినీ సింహగామినీ ॥ ౫౧ ॥
యామినీకృతసఞ్చారా శాకిన్యాదిగణేశ్వరీ ।
ఖట్వాఙ్గినీ ఖేటకినీ కున్తినీ భిన్దిపాలినీ ॥ ౫౨ ॥
వర్మిణీ చర్మిణీ చణ్డీ చణ్డముణ్డప్రమాథినీ ।
అనీకినీ చ ధ్వజినీ మోహిన్యేజత్పతాకినీ ॥ ౫౩ ॥
అశ్వినీ గజినీ చాట్టహాసినీ దైత్యనాశినీ ।
శుమ్భఘ్నీ చ నిశుమ్భఘ్నీ ధూమ్రలోచననాశినీ ॥ ౫౪ ॥
బహుశీర్షా బహుకుక్షిర్వ్యాదితాస్యాఽశితాసురా ।
దంష్ట్రాసఙ్కటసంలగ్నదైత్యసాస్రాన్త్ర మాలినీ ॥ ౫౫ ॥
దైత్యాసృఙ్మాంససన్తృప్తా క్రవ్యాదకృతవన్దనా ।
లమ్బకేశీ ప్రలమ్బోష్ఠీ లమ్బకుక్షిర్మహాకటీ ॥ ౫౬ ॥
లమ్బస్తనీ లమ్బజిహ్వా లమ్బపాణ్యఙ్ఘ్రిజఙ్ఘికా ।
లమ్బోరుర్లమ్బజఘనా కాలికా కర్కశాత్కృతిః ॥ ౫౭ ॥
భిన్నభేరీఖరరవా వారణగ్రాసకారిణీ ।
ప్రేతదేహపరీధానా రుణ్డకుణ్డలమణ్డితా ॥ ౫౮ ॥
గణ్డశైలస్పర్ధిగణ్డా శైలకన్దుకధారిణీ ।
శివదూతీ ఘోరరూపా శివాశతనినాదినీ ॥ ౫౯ ॥
నారాయణీ జగద్ధాత్రీ జగత్పాత్రీ జగన్మయీ ।
అల్లాంమ్బాక్కా కామదుఘాఽనల్పదా కల్పవల్లికా ॥ ౬౦ ॥
మల్లీమతల్లికా గుఞ్జాలఙ్కృతిః శివమోహినీ ।
గాన్ధర్వగానరసికా కేకావాక్కీరపాలినీ ॥ ౬౧ ॥
సినీవాలీ కుహూ రాకాఽనుమతిః కౌముదీ కకుప్ ।
బ్రహ్మాణ్డమణ్డపస్థూణా బ్రహ్మాణ్డగృహదేవతా ॥ ౬౨ ॥
మహాగృహస్థమహిషీ పశుపాశవిమోచినీ ।
వీరస్థానగతా వీరా వీరాసనపరిగ్రహా ॥ ౬౩ ॥
దీపస్థానగతా దీప్తా దీపోత్సవకుతూహలా ।
తీర్థపాత్రప్రదా తీర్థకుమ్భపూజనసంభ్రమా ॥ ౬౪ ॥
మాహేశ్వరజనప్రీతా పశులోకపరాఙ్ముఖీ ।
చతుఃషష్టిమహాతన్త్రప్రతిపాద్యాగమాధ్వగా ॥ ౬౫ ॥
శుద్ధాచారా శుద్ధపూజ్యా శుద్ధపూజా జనాశ్రితా ।
అష్టాదశమహాపీఠా శ్రీచక్రపరదేవతా ॥ ౬౬ ॥
యోగినీపూజనప్రీతా యోగినీచక్రవన్దితా ।
రణత్కాఞ్చీక్షుద్రఘణ్టా ఘణ్టాధ్వనివినోదినీ ॥ ౬౭ ॥
తౌర్యత్రికకలాభిజ్ఞా మనోజ్ఞా మఞ్జుభాషిణీ ।
శివవామాఙ్కలసితా సుస్మితా లలితాలసా ॥ ౬౮ ॥
లావణ్యభూమిస్తల్లేశనిర్మితామరసున్దరీ ।
శ్రీర్ధీర్భీర్హ్రీర్నతిర్జాతిరీజ్యాజ్యా పూజ్యపాదుకా ॥ ౬౯ ॥
సురస్రవన్తీ యమునా తథా గుప్తసరస్వతీ ।
గోమతీ గణ్డకీ తాపీ శతద్రుశ్చ విపాశికా ॥ ౭౦ ॥
సరయూర్నర్మదా గోదా పయోష్ణీ చ పునః పునా ।
భీమా కృష్ణా తుఙ్గభద్రా నానాతీర్థస్వరూపిణీ ॥ ౭౧ ॥
ద్వారకా మధురా మాయా కాశ్యయోధ్యా త్వవన్తికా ।
గయా కాఞ్చీ విశాలా చ ముక్తిక్షేత్రస్వరూపిణీ ॥ ౭౨ ॥
మన్త్రదీక్షా యాగదీక్షా యోగదీక్షాఽక్షతవ్రతా ।
అక్షమాలావిభేదజ్ఞాఽఽసనభేదవిచక్షణా ॥ ౭౩ ॥
మాతృకాన్యాసకుశలా మన్త్రన్యాసవిశారదా ।
నానాముద్రాప్రభేదజ్ఞా పఞ్చోపాస్తిప్రభేదవిత్ ॥ ౭౪ ॥
సర్వమన్త్రోపదేష్ట్రీ చ వ్యాఖ్యాత్రీ దేశికోత్తరా ।
వాగ్వాదినీ దుర్వివాదిప్రౌఢవాక్స్తమ్భకారిణీ ॥ ౭౫ ॥
స్వతన్త్రయన్త్రణాశక్తిస్తద్యన్త్రితజగత్త్రయీ ।
బ్రహ్మాద్యాకర్షిణీ శమ్భుమోహిన్యుచ్చాటినీ ద్విషామ్ ॥ ౭౬ ॥
సురాసురాణాం ప్రద్వేషకారిణీ దైత్యమారిణీ ।
పూరిణీ భక్తకామానాం శ్రితప్రత్యూహవారిణీ ॥ ౭౭ ॥
సాధారణీ ధారిణీ చ ప్రౌఢవాగ్ధారిణీ ప్రధూః ।
ప్రభూర్విభూః స్వయమ్భూశ్చ నిగ్రహానుగ్రహక్షమా ॥ ౭౮ ॥
క్షమాఽక్షమా క్షమాధారా ధారాధరనిభద్యుతిః ।
కాదమ్బినీ కాలశక్తిః కర్షిణీ వర్షిణీర్షిణీ ॥ ౭౯ ॥
అదేవమాతృకా దేవమాతృకా చోర్వరా కృషిః ।
కృష్టపచ్యాఽకృష్టపచ్యాఽనూషరాఽధిత్యకా గుహా ॥ ౮౦ ॥
ఉపత్యకా దరీ వన్యాఽరణ్యానీ శైలనిమ్నగా ।
కేదారభూమిర్వ్రీహిలా కమలర్ధిర్మహాఫలా ॥ ౮౧ ॥
ఇక్షుమత్యూర్జితా జమ్బూపనసామ్రాదిశాలినీ ।
అష్టాపదఖనీ రౌప్యఖనీ రత్నఖనిః ఖనిః ॥ ౮౨ ॥
రుచాం భావఖనిర్జీవఖనిః సౌభాగ్యసత్ఖనిః ।
లావణ్యస్య ఖనిర్ధైర్యఖనిః శౌర్యఖనిః ఖనిః ॥ ౮౩ ॥
గామ్భీర్యస్య విలాసస్య ఖనిః సాహిత్యసత్ఖనిః ।
పక్షమాసర్తువర్షాణాం ఖనిః ఖనిరనేహసామ్ ॥ ౮౪ ॥
ఖనిశ్చ యుగకల్పానాం సూర్యచన్ద్రమసోః ఖనిః ।
ఖనిర్మనూనామిన్ద్రాణాం ఖనిః కౌతుకసత్ఖనిః ॥ ౮౫ ॥
మషీ లేఖనికా పాత్రీ వర్ణపఙ్క్తిర్లిపిః కథా ।
కవితా కావ్యకర్త్రీ చ దేశభాషా జనశ్రుతిః ॥ ౮౬ ॥
రచనా కల్పనాఽఽచారభటీ ధాటీ పటీయసీ ।
అపసవ్యలిపిర్దేవలిపీ రక్షోలిపిర్లిపిః ॥ ౮౭ ॥
తులజా రామవరదా శబరీ బర్బరాలకా ।
జ్యోతిర్లిఙ్గమయీ లిఙ్గమస్తకా లిఙ్గధారిణీ ॥ ౮౮ ॥
రుద్రాక్షధారిణీ భూతిధారిణీ లైఙ్గికవ్రతా ।
విష్ణువ్రతపరా విష్ణుముద్రికా ప్రియవైష్ణవీ ॥ ౮౯ ॥
జైనీ దైగమ్బరీ నానావిధవైదిక మార్గగా ।
పఞ్చద్రవిడసంసేవ్యా పఞ్చగౌడసమర్చితా ॥ ౯౦ ॥
హిఙ్గులా శారదా జ్వాలాముఖీ గఞ్జాధిదేవతా ।
మన్దురాదేవతాఽఽలానదేవతా గోష్ఠదేవతా ॥ ౯౧ ॥
గృహాదిదేవతాసౌధదేవతోద్యానదేవతా ।
శృఙ్గారదేవతా గ్రామదేవతా చైత్యదేవతా ॥ ౯౨ ॥
పూర్దేవతా రాజసభాదేవతాఽశోకదేవతా ।
చతుర్దశానాం లోకానాం దేవతా పరదేవతా ॥ ౯౩ ॥
వాపీకూపతడాగాదిదేవతా వనదేవతా ।
సృష్టిఖేలా క్షేమఖేలా ప్రతిసంహారఖేలనా ॥ ౯౪ ॥
పుష్పపర్యఙ్కశయనా పుష్పవత్కుణ్డలద్వయీ ।
తామ్బూలచర్వణప్రీతా గౌరీ ప్రథమపుష్పిణీ ॥ ౯౫ ॥
కల్యాణీయుగసమ్పన్నా కామసఞ్జీవనీ కలా ।
కలాకలాపకుశలా కలాతీతా కలాత్మికా ॥ ౯౬ ॥
మహాజాఙ్గలకీ కాలభుజఙ్గవిషనాశినీ ।
చికిత్సా వైద్యవిద్యా చ నానామయనిదానవిత్ ॥ ౯౭ ॥
పిత్తప్రకోపశమనీ వాతఘ్నీ కఫనాశినీ ।
ఆమజ్వరప్రకోపఘ్నీ నవజ్వరనివారిణీ ॥ ౯౮ ॥
అర్శోఘ్నీ శూలశమనీ గుల్మవ్యాధినివారిణీ ।
గ్రహణీనిగ్రహకరీ రాజయక్ష్మవినాశినీ ॥ ౯౯ ॥
మేహఘ్నీ పాణ్డురోగఘ్నీ క్షయాపస్మారనాశినీ ।
ఉపదంశహరీ శ్వాసకాసచ్ఛర్దినివారిణీ ॥ ౧౦౦ ॥
ప్లీహప్రకోపసంహర్త్రీ పామాకణ్డూవినాశినీ ।
దద్రుకుష్ఠాదిరోగఘ్నీ నానారోగవినాశినీ ॥ ౧౦౧ ॥
యక్షరాక్షసవేతాలకూష్మాడగ్రహభేదినీ ।
బాలగ్రహఘ్నీ చణ్డాలగ్రహచణ్డగ్రహార్దినీ ॥ ౧౦౨ ॥
భూతప్రేతపిశాచఘ్నీ నానాగ్రహవిమర్దినీ ।
శాకినీడాకినీలామదస్త్రీగ్రహనిషూదినీ ॥ ౧౦౩ ॥
అభిచారకదుర్బాధోన్మథిన్యున్మాదనాశినీ ।
నానావిషార్తిసంహర్త్రీ దుష్టదృష్ట్యార్తినాశినీ ॥ ౧౦౪ ॥
దుష్టస్థానస్థితార్కాదిగ్రహపీడావినాశినీ ।
యోగక్షేమకరీ పుష్టికరీ తుష్టికరీష్టదా ॥ ౧౦౫ ॥
ధనదా ధాన్యదా గోదా వాసోదా బహుమానదా ।
కామితార్థప్రదా శన్దా చతుర్విధతుమర్థదా ॥ ౧౦౬ ॥
బ్రహ్మమాన్యా విష్ణుమాన్యా శివమాన్యేన్ద్రమానితా ।
దేవర్షిమాన్యా బ్రహ్మర్షిమాన్యా రాజర్షిమానితా ॥ ౧౦౭ ॥
జగన్మాన్యా జగద్ధాత్రీ త్ర్యమ్బకా త్ర్యమ్బకాఙ్గనా ।
గుహేభవక్త్రజననీ భద్రకాల్యమయఙ్కరీ ॥ ౧౦౮ ॥
సతీ దాక్షాయణీ దక్షా దక్షాధ్వరనిషూదినీ ।
ఉమా హిమాద్రిజాఽపర్ణా కర్ణపూరాఞ్చితాననా ॥ ౧౦౯ ॥
క్షోణీధరనితమ్బామ్బా బిమ్బాభరదనచ్ఛదా ।
కున్దకోరకనీకాశరదపఙ్క్తిః సునాసికా ॥ ౧౧౦ ॥
నాసికామౌక్తికమణిప్రభామలరదచ్ఛదా ।
సుమన్దహసితాలోకవిముహ్యచ్ఛమ్భు మానసా ॥ ౧౧౧ ॥
మానసౌకోగతిః సిఞ్జన్మఞ్జీరాదివిభూషణా ।
కాఞ్చీక్కణత్క్షుద్రఘణ్టా కలధౌతఘటస్తనీ ॥ ౧౧౨ ॥
ముక్తావిద్రుమహారశ్రీరాజన్కుచతటస్థలీ ।
తాటఙ్కయుగసత్కాన్తివిలసద్గణ్డదర్పణా ॥ ౧౧౩ ॥
ధమ్మిల్లప్రోత సౌవర్ణకేతకీదలమణ్డితా ।
శివార్పితస్వలావణ్యతారుణ్యకిలికిఞ్చితా ॥ ౧౧౪ ॥
సగ్రైవేయకచిన్తాకవిభ్రాజత్కమ్బుకన్ధరా ।
సఖీస్కన్ధాసక్తబాహులతాసులలితాఙ్గికా ॥ ౧౧౫ ॥
నితమ్బకుచభారార్తకృశమధ్యసుమధ్యమా ।
నాభీసరోవరోద్భూతరోమావలివిరాజితా ॥ ౧౧౬ ॥
త్రివలీరాజలలితగౌరవర్ణతలోదరీ ।
చామరగ్రాహిణీవీజ్యమానేన్దుద్యుతిచామరా ॥ ౧౧౭ ॥
మహాకురబకాశోకపుష్పవచయలాలసా ।
స్వతపఃసుఫలీభూతవరోత్తమమహేశ్వరీ ॥ ౧౧౮ ॥
హిమాచలతపఃపుణ్యఫలభూతసుతాకృతిః ।
త్రైలోక్యరమణీరత్నా శివచిచ్చన్ద్రచన్ద్రికా ॥ ౧౧౯ ॥
కీర్తిజ్యోత్స్నాధవలితానేకబ్రహ్మాణ్డగోలికా ।
శివజీవాతుగులికాలసదఙ్గులిముద్రికా ॥ ౧౨౦ ॥
ప్రీతిలాలితసత్పుత్రగజాననషడాననా ।
గఙ్గాసాపత్న్యజనితేర్యాయతేక్షణశోణిమా ॥ ౧౨౧ ॥
శివవామాఙ్కపర్యంఙ్కకృతాసనపరిగ్రహా ।
శివదృష్టిచకోరీష్టముఖపూర్ణేన్దుమణ్డలా ॥ ౧౨౨ ॥
ఉరోజశైలయుగలభ్రమచ్ఛివమనోమృగా ।
బ్రహ్మవిష్ణుముఖాశేషవృన్దారకనభస్కృతా ॥ ౧౨౩ ॥
అపాఙ్గాఙ్గణసన్తిష్ఠన్నిగ్రహానుగ్రహద్వయీ ।
సనత్కుమారదుర్వాసః ప్రముఖోపాసకార్థితా ॥ ౧౨౪ ॥
హాదికూటత్రయోపాస్యా కాదికూటత్రయార్చితా ।
మృద్వీకమధుపానాద్యుద్బోధధూర్ణితలోచనా ॥ ౧౨౫ ॥
అవ్యక్తభాషణా చేటీదత్తవీటీగ్రహాలసా ।
గాయన్తీ విలసన్తీ చ లిఖన్తీ ప్రియలేఖనా ॥ ౧౨౬ ॥
ఉల్లసన్తీ లసన్తీ చ దోలాన్దోలనతుష్టిభాక్ ।
విపఞ్చీవాదనరతా సప్తస్వరవిభేదవిత్ ॥ ౧౨౭ ॥
గన్ధర్వీకిన్నరీవిద్యాధరీయక్షసురీనుతా ।
అమరీకబరీభృఙ్గీస్థగితాఙ్ఘ్రిసరోరుహా ॥ ౧౨౮ ॥
గన్ధర్వగానశ్రవణానన్దాన్దోలితమస్తకా ।
తిలోత్తమోర్వశీరమ్భానృత్యదర్శనజాతముత్ ॥ ౧౨౯ ॥
అచిన్త్యమహిమాఽచిన్త్యగరిమాఽచిన్త్యలాధవా ।
అచిన్త్యవిభవాఽచిన్త్యవిక్రమాఽచిన్త్యసద్గుణా ॥ ౧౩౦ ॥
స్తుతిః స్తవ్యా నతిర్నమ్యా గతిర్గమ్యా మహాసతీ ।
అనసూయాఽరున్ధతీ చ లోపాముద్రాఽదితిర్దితిః ॥ ౧౩౧ ॥
సప్తసంస్థాస్వరూపా చారణిః స్రుగ్వేదికా ధ్రువా ।
ఇడా ప్రణీతా పాత్రీ చ స్వధాస్వాహాఽఽహుతిర్వపా ॥ ౧౩౨ ॥
కవ్యరూపా హవ్యరూపా యజ్ఞపాత్రస్వరూపిణీ ।
శఙ్కరాహోపురుషికా గాయత్రీగర్భవల్లభా ॥ ౧౩౩ ॥
చతుర్వింశత్యక్షరాత్మపరోరజసిసావదోమ్ ।
వేదప్రసూర్వేదగర్భా విశ్వామిత్రర్షిపూజితా ॥ ౧౩౪ ॥
ఋగ్యజుః సామత్రిపదా మహాసవితృదేవతా ।
ద్విజత్వసిద్ధిదాత్రీ చ సాఙ్ఖ్యాయనసగోత్రికా ॥ ౧౩౫ ॥
గాతృదుర్గతిసంహర్త్రీ చ గాతృస్వర్గాపవర్గదా ।
భృగువల్లీ బ్రహ్మవల్లీ కఠవల్లీ పరాత్పరా ॥ ౧౩౬ ॥
కైవల్పోపనిషద్బ్రహ్మోపనిషన్ముణ్డకోపనిషత్ ।
ఛాన్దోగ్యోపనిషచ్చైవ సర్వోపనిషదాత్మికా ॥ ౧౩౭ ॥
తత్త్వమాదిమహావాక్యరూపాఖణ్డార్థబోధకృత్ ।
ఉపక్రమాదిషడ్లిఙ్గమహాతాత్పర్యబోధినీ ॥ ౧౩౮ ॥
జహత్స్వార్థాజహత్స్వార్థభాగత్యాగాఖ్యలక్షణా ।
అసత్ఖ్యాతిశ్చ సత్ఖ్యాతిర్మిథ్యాఖ్యాతిః ప్రభాఽప్రభా ॥ ౧౩౯ ॥
అస్తిభాతిప్రియాత్మా చ నామరూపస్వరూపిణీ ।
షణ్మతస్థాపనాచార్యమహాదేవకుటుమ్బినీ ॥ ౧౪౦ ॥
భ్రాన్తిర్భాన్తిహరీ భ్రాన్తిదాయినీ భ్రాన్తికారిణీ ।
వికృతిర్నికృతిశ్చాపి కృతిశ్చోపకృతిస్తథా ॥ ౧౪౧ ॥
సకృతిః సత్కృతిః పాపకృతిః సుకృతిరుత్కృతిః ।
ఆకృతిర్వ్యాకృతిః ప్రాయశ్చిత్తిర్విత్తిః స్థితిర్గతిః ॥ ౧౪౨ ॥
నవకుణ్డీ పఞ్చకుణ్డీ చతుష్కుణ్డ్యేకకుణ్డికా ।
దేవసేనాదైత్యసేనారక్షః సేనాదిభేదభాక్ ॥ ౧౪౩ ॥
మహిషాస్యోద్గతోద్దణ్డదైత్యవేతణ్డరుణ్డహృత్ ।
దైత్యసేనాతృణారణ్యజ్వాలా జ్యోతిఃస్వరూపిణీ ॥ ౧౪౪ ॥
చణ్డముణ్డ మహాదైత్యరుణ్డడకన్దుకఖేలకృత్ ।
పశుదేహాసృక్పలలతృప్తా దక్షిణకాలికా ॥ ౧౪౫ ॥
తదఞ్చత్ప్రేతతద్రుణ్డమాలా వ్యాలవిభూషణా ।
హలదంష్ట్రా శఙ్కురదా పీతానేకసురాఘటా ॥ ౧౪౬ ॥
నేత్రభ్రమిపరాభూతరథచక్రద్వయభ్రమిః ।
వ్యాయామాగ్రాహ్యవక్షోజన్యక్కృతేభేన్ద్రకుమ్భికా ॥ ౧౪౭ ॥
మాతృమణ్డలమధ్యస్థా మాతృమణ్డలపూజితా ।
ఘణ్టాఘణఘణధ్వానప్రీతా ప్రేతాసనస్థితా ॥ ౧౪౮ ॥
మహాలసా చ మార్తణ్డభైరవప్రాణవల్లభా ।
రాజవిద్యా రాజసతీ రాజస్త్రీ రాజసున్దరీ ॥ ౧౪౯ ॥
గజరాజాదిరలకాపురీస్థా యక్షదేవతా ।
మత్స్యమూర్తిః కూర్మమూర్తిః స్వీకృతక్రోడవిగ్రహా ॥ ౧౫౦ ॥
నృసింహమూర్తిర్రత్యుగ్రా ధృతవామనవిగ్రహా ।
శ్రీజామదగ్న్యమూర్తిశ్చ శ్రీరామమూర్తిర్హతాస్రపా ॥ ౧౫౧ ॥
కృష్ణమూర్తిర్బుద్ధమూర్తిః కల్కిమూర్తిరమూర్తికా ।
విరాణ్మూర్తిర్జగన్మూర్తిర్జగజ్జన్మాదికారిణీ ॥ ౧౫౨ ॥
ఆధారాధేయసమ్బన్ధహీనా తదుభయాత్మికా ।
నిర్గుణా నిష్క్రియాఽసఙ్గా ధర్మాధర్మవివర్జితా ॥ ౧౫౩ ॥
మాయాసమ్బన్ధరహితాసచ్చిదానన్దవిగ్రహా ।
జగత్తరఙ్గజలధిరూపా చీత్కృతిభేదభాక్ ॥ ౧౫౪ ॥
మహాతత్త్వాత్మికా వైకారాహఙ్కారస్వరూపిణీ ।
రజోహఙ్కారరూపా చ తమోహఙ్కారరూపిణీ ॥ ౧౫౫ ॥
ఆకాశరూపిణీ వాయురూపిణ్యగ్నిస్వరూపిణీ ।
అమ్బాత్మికా భూస్వరూపా పఞ్చజ్ఞానేన్ద్రియాత్మికా ॥ ౧౫౬ ॥
కర్మేన్ద్రియాత్మికా ప్రాణాపానవ్యానాదిరూపిణీ ।
నాగకూర్మాదిరూపా చ సర్వనాడీవిహారిణీ ॥ ౧౫౭ ॥
ఆధారచక్రాధిష్ఠాత్రీ స్వాధిష్ఠానప్రతిష్ఠితా ।
మణిపూరకసంస్థానాఽనాహతాబ్జాధిదేవతా ॥ ౧౫౮ ॥
విశుద్ధచక్రపీఠస్థాఽఽజ్ఞాచక్రపరమేశ్వరీ ।
ద్విపత్రీ షోడశదలీ తథా ద్వాదశపత్రికా ॥ ౧౫౯ ॥
ప్రదలద్దశపత్రీ చ షడ్దలీ చ చతుర్దలీ ।
వాసాన్తమాతృకా బాదిలాన్తవర్ణాధిదేవతా ॥ ౧౬౦ ॥
డాదిఫాన్తాక్షరవతీ కాదిఠాన్తాక్షరేశ్వరీ ।
షోడశస్వరబీజేశీ స్పర్శోష్మాన్తఃస్థదేవతా ॥ ౧౬౧ ॥
హక్షాక్షరద్వయీరూపా పఞ్చాశన్మాతృకేశ్వరీ ।
సహస్రారాబ్జపీఠస్థా శివశక్తిర్విముక్తిదా ॥ ౧౬౨ ॥
పఞ్చామ్నాయశివప్రోక్తా మన్త్రబీజాధిదేవతా ।
సౌఃక్లీంహ్రీంబీజఫలదా మహాప్లక్షసరస్వతీ ॥ ౧౬౩ ॥
నవార్ణవా సప్తశతీ మాలామన్త్రస్వరూపిణీ ।
అర్గలేశీ కీలకేశీ కవచేశీ త్రిమూర్తికా ॥ ౧౬౪ ॥
సకారాదిహకారాన్తమహమన్త్రాధిదేవతా ।
సకృత్సప్తశతీపాఠప్రీతా ప్రోక్తఫలప్రదా ॥ ౧౬౫ ॥
కుమారీపూజనోద్యన్ముచ్చిరణ్టీపూజనోత్సుకా ।
విప్రపూజనసన్తుష్టా నిత్యశ్రీర్నిత్యమఙ్గలా ॥ ౧౬౬ ॥
జయదాదిమచారిత్రా శ్రీద మధ్యచరిత్రికా ।
విద్యాదోత్తమచారిత్రా కామితార్థప్రదాయికా ॥ ౧౬౭ ॥
ఇష్టకృష్ణాష్టమీ చేష్టనవమీ భూతపూర్ణిమా ।
ఇష్టశుక్రారదివసా ధూతదీపద్వయోత్సుకా ॥ ౧౬౮ ॥
నవరాత్రోత్సవాసక్తా పూజాహోమబలిప్రియా ।
ఇష్టేక్షుకూష్మాణ్డఫలాహూతిరిష్టఫలాహుతిః ॥ ౧౬౯ ॥
ప్రతిమాసూత్కృష్టపుణ్యా చ మహాయన్త్రార్చనావిధిః ।
కాత్యాయనీ కామదోగ్ధ్రీ ఖేచరీ ఖడ్గచర్మధృక్ ॥ ౧౭౦ ॥
గజాస్యమాతా ఘటికా చణ్డికా చక్రధారిణీ ।
ఛాయా ఛవిమయీ ఛన్నా జరామృత్యువివర్జితా ॥ ౧౭౧ ॥
ఝల్లీఝఙ్కారముదితా ఝఞ్ఝావాతఝణత్కృతిః ।
టఙ్కహస్తా టణచ్చాపఠద్వయీ పల్లవోన్మనుః ॥ ౧౭౨ ॥
డమరుధ్వానముదితా డాకినీశాకినీశ్వరీ ।
ఢుణ్ఢిరాజస్య జననీ ఢకావాద్యవిలాసినీ ॥ ౧౭౩ ॥
తరికా తారికా తారా తన్వఙ్గీ తనుమధ్యమా ।
ధూపీకృతాసురా దీర్ఘవేణీ దృప్తా సురార్తిహృత్ ॥ ౧౭౪ ॥
ధూమ్రవర్ణా ధూమ్రకేశీ ధూమ్రాక్షప్రాణహారిణీ ।
నగేశతనయా నారీ మతల్లీ పట్టిహేతికా ॥ ౧౭౫ ॥
పాతాలలోకాధిష్ఠాత్రీ ఫేరూకృతమహాసురా ।
ఫణీన్ద్రశయనా బోధదాయినీ బహురూపిణీ ॥ ౧౭౬ ॥
భామినీ భాసినీ భ్రాన్తికరీ భ్రాన్తివినాశినీ ।
మాతఙ్గీ మదిరామత్తా మాధవీ మాధవప్రియా ॥ ౧౭౭ ॥
యాయజూకార్చితా యోగిధ్యేయా యోగీశవల్లభా ।
రాకాచన్ద్రముఖీ రామా రేణుకా రేణుకాత్మజా ॥ ౧౭౮ ॥
లోకాక్షీ లోహితా లజ్జా వామాక్షీ వాస్తుశాన్తిదా ।
శాతోదరీ శాశ్వతికా శాతకుమ్భవిభూషణా ॥ ౧౭౯ ॥
షడాస్యమాతా షట్చక్రవాసినీ సర్వమఙ్గలా ।
స్మేరాననా సుప్రసన్నా హరవామాఙ్కసంస్థితా ॥ ౧౮౦ ॥
హారివన్దితపాదాబ్జా హ్రీంబీజభువనేశ్వరీ ।
క్షౌమామ్బరేన్దుగోక్షీరధవలా వనశఙ్కరీ ॥ ౧౮౧ ॥
( ॥ షడఙ్గన్యాసధ్యాన మానసోపచార పూజనమ్ ॥)
అథ ఫలశ్రుతిః ।
ఇతీదం వనశఙ్కర్యాః ప్రోక్తం నామసహస్రకమ్ ।
శాన్తిదం పుష్టిదం పుణ్యం మహావిపత్తినాశనమ్ ॥ ౧ ॥
దారిద్ర్యదుఃఖశమనం నానారోగనివారణమ్ ।
ఇదం స్తోత్రం పఠేద్భక్త్యా యస్త్రిసన్ధ్యం నరః శుచిః ॥ ౨ ॥
నారీ వా నియతా భక్త్యా సర్వాన్కామానవాప్నుయాత్ ।
అస్య స్తోత్రస్య సతతం యత్ర పాఠః ప్రవర్తతే ॥ ౩ ॥
తస్మిన్నగృహే మహాలక్ష్మీః స్వభర్త్రా సహ మోదతే ।
నానేన సదృశం స్తోత్రం భుక్తిముక్తిప్రదాయకమ్ ॥ ౪ ॥
విద్యతేఽన్యసత్యమేతత్ శక్ర వచ్మి పునః పునః ।
బకవన్ధ్యా కాకవన్ధ్యా నారీస్తోత్రమిదం పఠేత్ ॥ ౫ ॥
వషేణైకేన సా పుత్రం లభేన్నాత్రాస్తి సంశయః ।
సామాన్యకార్యసిద్ధిస్తు శతావర్తనతో భవేత్ ॥ ౬ ॥
మహాకార్యస్య సిద్ధిస్తు సహస్రావర్తనాద్ధ్రువమ్ ।
న తత్ర పీడా జాయేత భూతప్రేతగ్రహోద్భవా ॥ ౭ ॥
లోకవశ్యం రాజవశ్యం స్తోత్రస్య పఠనాద్భవేత్ ।
శత్రవః సంక్షయం యాన్తి దస్యవః పిశునాస్తథా ॥ ౮ ॥
నైవ శాకమ్భరీభక్తాః సీదన్తి బలసూదన ।
శాకమ్భరీ స్వభక్తానామవిత్రీ జననీ యథా ॥ ౯ ॥
యద్యత్కార్యం సముద్దిశ్య ధ్యాయన్ శాకమ్భరీం హృది ।
స్తోత్రమేతత్పఠేత్తస్య తత్కార్యం చ ప్రసిద్ధ్యతి ॥ ౧౦ ॥
ముచ్యతే బన్ధనాద్బద్ధో రోగీ ముచ్యేత రోగతః ।
ఋణవానృణతో ముచ్యేన్నాత్ర కార్యా విచారణా ॥ ౧౧ ॥
పౌషే మాసి సితే పక్షే ప్రారభ్య తిథిమష్టమీమ్ ।
దేవ్యాః ఆరాధనం కుర్యాదన్వహం పూర్ణిమావధి ॥ ౧౨ ॥
సశాకైరుత్తమాన్నైశ్చ బ్రాహ్మణాంశ్చ సువాసినీః ।
సన్తర్పయేద్యథాశక్తి దేవీం సమ్పూజ్య భక్తితః ॥ ౧౩ ॥
విత్తశాఠ్యం న కుర్వీత శాకమ్భర్యాః సమర్చనే ।
తస్మై ప్రసన్నా భక్తాయ దద్యాత్కామానభీప్సితాన్ ॥ ౧౪ ॥
విద్యార్థీ ప్రాప్నుయాద్విద్యాం ధనార్థీ చాప్నుయాద్ధనమ్ ।
దారార్థీ ప్రాప్నుయాద్దారానపత్యార్థీ తదాప్నుయాత్ ॥ ౧౫ ॥
ఆప్నుయాన్మన్దబుద్ధిస్తు గ్రన్థధారణపాటవమ్ ।
అస్య స్తోత్రస్య పాఠేన ప్రాప్నుయాద్యద్యదీప్సితమ్ ॥ ౧౬ ॥
అయుతావర్తనాదస్య స్తోత్రస్య బలసూదన ।
పశ్యేచ్ఛాకమ్భరీం సాక్షాత్తద్భక్తో నాత్ర సంశయః ॥ ౧౭ ॥
హోమం చ కుర్యాద్విధివత్పాయసేన ససర్పిషా ।
సౌభాగ్యద్రవ్యయుక్తేన సేక్షుకూష్మాణ్డకేన చ ॥ ౧౮ ॥
సువాసినీః కుమారీశ్చ బ్రాహ్మణాంశ్చ దినే దినే ।
సమ్భోజయేత్సదన్నేన ససితామధుసర్పిషా ॥ ౧౯ ॥
దద్యాత్తేభ్యశ్చ తాభ్యశ్చ వస్త్రాలఙ్కారదక్షిణాః ।
తస్మై శాకమ్భరీ దద్యాత్పురుషార్థచతుష్టయమ్ ॥ ౨౦ ॥
ఆచన్ద్రార్కం తస్య వశః స్థాస్యత్యత్ర గుణీ సుఖీ ।
శాకమ్భర్యై నమ ఇతి యస్తు మన్త్రం షడక్షరమ్ ॥ ౨౧ ॥
భక్త్యా జపేన్నరస్తస్య సర్వత్ర జయమఙ్గలమ్ ।
శాకమ్భర్యా ఇదం శక్ర దివ్యం నామసహస్రకమ్ ॥ ౨౨ ॥
గురుభక్తాయ శాన్తాయ దేయం శ్రద్ధాలవే త్వయా ।
త్వమప్యాఖణ్డల సదా పఠేదం స్తోత్రముత్తమమ్ ॥ ౨౩ ॥
శత్రూన్ జేష్యసి సఙ్గ్రామే సర్వాన్కామానవాప్స్యసి ।
ఇతి శ్రుత్వా స్కన్దవాక్యం శక్రః సన్తుష్టమానసః ॥ ౨౪ ॥
ప్రణమ్య గుహమాపృష్ట్వా సగణః స్వదివం యయౌ ॥ ౨౫ ॥
సూత ఉవాచ –
దుర్భిక్షే ఋషిపోషిణ్యాః శాకమ్భర్యాః ప్రకీర్తితమ్ ।
ఇదం నామసహస్రం వః కిం భూయః శ్రోతుమిచ్ఛథ ॥ ౨౬ ॥
॥ ఇతి శ్రీస్కన్దపురాణే శాకమ్భరీ తథా వనశఙ్కరీ సహస్రనామస్తోత్రం సమ్పూర్ణమ్ ॥
Also Read 1000 Names of Shakambhari Tatha Vanashankari:
1000 Names of Sri Shakambhari Tatha Vanashankari | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
