Shri Sharika Sahasranamastotram Lyrics in Bengali:
॥ শ্রীশারিকাসহস্রনামস্তোত্রম্ ॥
শ্রীভৈরব উবাচ –
য়া সা দেবী পুরাখ্যাতা শারিকারূপধারিণী ।
জালন্ধররাক্ষসঘ্নী প্রদ্যুম্নশিখরে স্থিতা ॥ ১ ॥
তস্যা নামসহস্রং তে মন্ত্রগর্ভং জয়াবহম্ ।
কথয়ামি পরাং বিদ্যাং সহস্রাখ্যাভিধাং শিবে ॥ ২ ॥
শিলায়াঃ শারিকাখ্যায়াঃ পরসর্বস্বরূপিণীম্ ।
বিনা নিত্যক্রিয়াং দেবি বিনা ন্যাসং বিনাঽর্চনম্ ॥ ৩ ॥
বিনা পুরস্ক্রিয়াং জাপ্যং বিনা হোমং চ তর্পণম্ ।
বিনা শ্মশানগমনং বিনা সময়পূজনম্ ॥ ৪ ॥
য়য়া লভেত্ ফলং সর্বং তাং বিদ্যা শৃণু পার্বতি ।
য়া দেবী চেতনা লোকে শিলারূপাস্তি শারিকা ॥
সৃজত্যবতি বিশ্বং তু সংহরিষ্যতি তামসী ।
সৈব সংসারিণাং দেবি পরমৈশ্বর্যদায়িনী ॥ ৬ ॥
পরং পদং প্রদাপ্যান্তে মহাবিদ্যাত্মিকা শিলা ।
তস্যা নামসহস্রং তে বর্ণয়ামি রহস্যকম্ ॥ ৭ ॥
রহস্যং মম সর্বস্বং সকলাচারবল্লভম্ ।
য়ো জপেত্ পরমাং বিদ্যাং পঠেদাখ্যাসহস্রকম্ ॥ ৮ ॥
ধারয়েত্ কবচং দিব্যং পঠেত স্তোত্রেশ্বরং পরম্ ।
কিং তস্য দুর্লভং লোকে নাপ্নুয়াদ্ য়দ্যদীশ্বরি ॥ ৯ ॥
অস্য নাম্নাং সহস্রস্য মহাদেব ঋষিঃ স্মৃতঃ ।
ছন্দোঽনুষ্টুপ্ দেবতা চ শারিকা পরিকীর্তিতা ॥ ১০ ॥
শর্ম বীজং রমা শক্তিঃ সিন্ধুরঃ কীলকং স্মৃতম্ ।
ধর্মার্থকামমোক্ষার্থে বিনিয়োগঃ প্রকীর্তিতঃ ॥ ১১ ॥
ধ্যানমস্যাঃ প্রবক্ষ্যামি শৃণু পর্বতনন্দিনি ।
॥ বিনিয়োগঃ ॥
অস্য শ্রীশারিকাভগবতীসহস্রনামস্তোত্রস্য, শ্রীমহাদেব ঋষিঃ,
অনুষ্টুপ্ ছন্দঃ, শ্রীশারিকা ভগবতী দেবতা, শাং বীজং,
শ্রীং শক্তিঃ, ফ্রাং কীলকং, ধর্মার্থকামমোক্ষার্থে বিনিয়োগঃ
ঋষ্যাদিন্যাসং কৃত্বা, হ্রাংশ্রামিত্যাদিনা করাঙ্গন্যাসৌ ॥
॥ ঋষ্যাদিন্যাসঃ ॥
ওঁ শ্রীমহাদেবঋষয়ে নমঃ শিরসি ।
অনুষ্টুপ্ছন্দসে নমঃ মুখে ।
শ্রীশারিকাভগবতী দেবতায়ৈ নমঃ হৃদয়ে ॥
শাং বীজায় নমঃ দক্ষস্তনে ॥
শ্রীং শক্তয়ে নমঃ বামস্তনে ॥
ফ্রাং কীলকায় নমঃ নাভৌ ॥
শ্রীশারিকাভগবতী প্রসাদসিদ্ধ্যর্থে পাঠে বিনিয়োগায় নমঃ পাদয়োঃ ॥
॥ ষডঙ্গন্যাসঃ ॥
॥ করন্যাসঃ ॥
হ্রাং শ্রাং অঙ্গুষ্ঠাভ্যাং নমঃ । হ্রীং শ্রীং তর্জনীভ্যাং নমঃ ।
হ্রূং শ্রূং মধ্যমাভ্যাং নমঃ । হৈং শ্রৈং অনামিকাভ্যাং নমঃ ।
হ্রৌং শ্রৌং কনিষ্ঠাভ্যাং নমঃ । হ্রঃ শ্রঃ করতলকরপুষ্ঠাভ্যাং নমঃ ।
॥ অঙ্গন্যাসঃ ॥
হ্রাং শ্রাং হৃদয়ায় নমঃ । হ্রীং শ্রীং শিরসে স্বাহা ।
হ্রূং শ্রূং শিখায়ৈ বষট্ । হৈং শ্রৈং কবচায় হুম্ ।
হ্রৌং শ্রৌং নেত্রত্রয়ায় বৌষট্ । হ্রঃ শ্রঃ অস্ত্রায় ফট্ ।
॥ ধ্যানম্ ॥
বালার্ককোটিসদৃশীমিন্দুচূডাং করাম্বুজৈঃ ।
বরচক্রাভয়াসীংশ্চ ধারয়ন্তীং হসন্মুখীম্ ॥ ১ ॥
সিংহারূঢাং রক্তবস্ত্রাং রক্তাভরণভূষিতাম্ ।
বামদেবাঙ্কনিলয়া হৃত্পদ্মে শারিকাং ভজে ॥ ২ ॥
বালার্ককোটিদ্যুতিমিন্দুচূডাং বরাসিচক্রাভয়বাহুমাদ্যাম্ ।
সিংহাধিরূঢাং শিববামদেহলীনাং ভজে চেতসি শারিকেশীম্ ॥ ৩ ॥
॥ স্তোত্রম্ ॥
ওঁ হ্রীং শ্রীং হূং ফ্রাং আং শাং শ্রীশারিকা শ্যামসুন্দরী ।
শিলা শারী শুকী শান্তা শান্তমানসগোচরা ॥ ১ ॥
শান্তিস্থা শান্তিদা শান্তিঃ শ্যামা শ্যামপয়োধরা ।
দেবী শশাঙ্কবিম্বাভা শশাঙ্ককৃতশেখরা ॥ ২ ॥
শশাঙ্কশোভিলাবণ্যা শশাঙ্কমধ্যবাসিনী ।
শার্দূরলবাহা দেবেশী শার্দূলস্থিতিরুত্তমা ॥ ৩ ॥
শাদূলচর্মবসনা শক্তিঃ শার্দূলবাহনা ।
গৌরী পদ্মাবতী পীনা পীনবক্ষোজকুট্মলা ॥ ৪ ॥
পীতাম্বরা রক্তদন্তা দাডিমীকুসুমোপমা ।
স্ফুরদ্রত্নাংশুখচিতা রত্নমণ্ডলবিগ্রহা ॥ ৫ ॥
রক্তাম্বরধরা দেবী রত্নমালাবিভূষণা ।
রত্নসংমূর্ছিতাত্মা চ দীপ্তা দীপ্তশিখা দয়া ॥ ৬ ॥
দয়াবতী কল্পলতা কল্পান্তদহনোপমা ।
ভৈরবী ভীমনাদা চ ভয়ানকমুখী ভগা ॥ ৭ ॥
কারা কারুণ্যরূপা চ ভগমালাবিভূষণা ।
ভগেশ্বরী ভগস্থা চ কুরুকুল্লা কৃশোদরী ॥ ৮ ॥
কাদম্বরী পটোত্কৃষ্টা পরমা পরমেশ্বরী ।
সতী সরস্বতী সত্যা সত্যাসত্যস্বরূপিণী ॥ ৯ ॥
পরম্পরা পটাকারা পাটলা পাটলপ্রভা ।
পদ্মিনী পদ্মবদনা পদ্মা পদ্মাকরা শিবা ॥ ১০ ॥
শিবাশ্রয়া শরচ্ছান্তা শচী রম্ভা বিভাবরী ।
দ্যুমণিস্তরণা পাঠা পীঠেশী পীবরাকৃতিঃ ॥ ১১ ॥
অচিন্ত্যা মুসলাধারা মাতঙ্গী মধুরস্বনা ।
বীণাগীতপ্রিয়া গাথা গারুডী গরুডধ্বজা ॥ ১২ ॥
অতীব সুন্দরাকারা সুন্দরী সুন্দরালকা ।
অলকা নাকমধ্যস্থা নাকিনী নাকিপূজিতা ॥ ১৩ ॥
পাতালেশ্বরপূজ্যা চ পাতালতলচারিণী ।
অনন্তাঽনন্তরূপা চ হ্যজ্ঞাতা (১০০) জ্ঞানবর্ধিনী ॥ ১৪ ॥
অমেয়া হ্যপ্রমেয়া চ হ্যনন্তাদিত্যরূপিণী ।
দ্বাদশাদিত্যসম্পূজ্যা শমী শ্যামাকবীজিনী ॥ ১৫ ॥
বিভাসা ভাসুরবর্ণা সমস্তাসুরঘাতিনী ।
সুধাময়ী সুধামূর্তিঃ সুধা সর্বপ্রিয়ঙ্করী ॥ ১৬ ॥
সুখদা চ সুরেশানী কৃশানুবল্লভা হবিঃ ।
স্বাহা স্বাহেশনেত্রা চ হ্যগ্নিবক্ত্রাঽগ্নিতর্পিতা ॥ ১৭ ॥
সোমসূর্যাগ্নিনেত্রা চ ভূর্ভুবঃস্বঃস্বরূপিণী ।
ভূমির্ভূদেবপূজ্যা চ স্বয়ম্ভূঃ স্বাত্মপূজকা ॥ ১৮ ॥
স্বয়ম্ভূ পুষ্পমালাঢ্যা স্বয়ম্ভূ পুষ্পবল্লভা ।
আনন্দকন্দলী কন্দা স্কন্দমাতা শিলালয়া ॥ ১৯ ॥
চেতনা চিদ্ভবাকারা ভবপত্নী ভয়াপহা ।
বিঘ্নেশ্বরী গণেশানী বিঘ্নবিধ্বংসিনী নিশা ॥ ২০ ॥
বশ্যা বশিজনস্তুত্যা স্তুতিঃ শ্রুতিধরা শ্রুতিঃ ।
শাস্ত্রবিধানবিজ্ঞা চ বেদশাস্ত্রার্থকোবিদা ॥ ২১ ॥
বেদ্যা বিদ্যাময়ী বিদ্যা বিধাতৃবরদা বধূঃ ।
বধূরূপা বধূপূজ্যা বধূপানপ্রতর্পিতা ॥ ২২ ॥
বধূপূজনসন্তুষ্টা বধূমালাবিভূষণা ।
বামা বামেশ্বরী বাম্যা কুলাকুলবিচারিণী ॥ ২৩ ॥
বিতর্কতর্কনিলয়া প্রলয়ানলসন্নিভা ।
য়জ্ঞেশ্বরী য়জ্ঞমুখা য়াজকা য়জ্ঞপাত্রকা ॥ ২৪ ॥
য়ক্ষেশ্বরী য়ক্ষধাত্রী পার্বতী পর্বতাশ্রয়া ।
পিলম্পিলা পদস্থানা পদদা নরকান্তকা ॥ ২৫ ॥
নারী নর্মপ্রিয়া শ্রীদা শ্রীদশ্রীদা (২০০) শরায়ুধা ।
কামেশ্বরী রতির্হূতিরাহুতির্হব্যবাহনা ॥ ২৬ ॥
হরেশ্বরী হরিবধূর্হাটকাঙ্গদমণ্ডিতা ।
হপুষা স্বর্গতির্বৈদ্যা সুমুখা চ মহৌষধিঃ ॥ ২৭ ॥
সর্বরোগহরা মাধ্বী মধুপানপরায়ণা ।
মধুস্থিতা মধুময়ী মধুদানবিশারদা ॥ ২৮ ॥
মধুতৃপ্তা মধুরূপা মধূককুসুমপ্রভা ।
মাধবী মাধবীবল্লী মধুমত্তা মদালসা ॥ ২৯ ॥
মারপ্রিয়া মারপূজ্যা মারদেবপ্রিয়ঙ্করী ।
মারেশী চ মৃত্যুহরা হরিকান্তা মনোন্মনা ॥ ৩০ ॥
মহাবৈদ্যপ্রিয়া বৈদ্যা বৈদ্যাচারা সুরার্চিতা ।
সামন্তা পীনবপুষী গুটী গুর্বী গরীয়সী ॥ ৩১ ॥
কালান্তকা কালমুখী কঠোরা করুণাময়ী ।
নীলা নাভী চ বাগীশী দূর্বা নীলসরস্বতী ॥ ৩২ ॥
অপারা পারগা গম্যা গতিঃ প্রীতিঃ পয়োধরা ।
পয়োদসদৃশচ্ছায়া পারদাকৃতিলালসা ॥ ৩৩ ॥
সরোজনিলয়া নীতিঃ কীর্তিঃ কীর্তিকরী কথা ।
কাশী কাম্যা কপর্দীশা কাশপুষ্পোপমা রমা ॥ ৩৪ ॥
রামা রামপ্রিয়া রামভদ্রদেবসমর্চিতা ।
রামসম্পূজিতা রামসিদ্ধিদা রামরাজ্যদা ॥ ৩৫ ॥
রামভদ্রার্চিতা রেবা দেবকী দেববত্সলা ।
দেবপূজ্যা দেববন্দ্যা দেবদাবনচর্চিতা ॥ ৩৬ ॥
দূতী দ্রুতগতির্দম্ভা দামিনী বিজয়া জয়া ।
অশেষসুরসম্পূজ্যা নিঃশেষাসুরসূদিনী ॥ ৩৭ ॥
বটিনী বটমূলস্থা লাস্যহাস্যৈকবল্লভা ।
অরূপা নির্গুণা সত্যা সদাসন্তোষবর্ধিনী ॥ ৩৮ ॥
সোম্যা য়জুর্বহা য়াম্যা ( ৩০০) য়মুনা য়ামিনী য়মী ।
দাক্ষী দয়া চ বরদা দাল্ভ্যসেব্যা পুরন্দরী ॥ ৩৯ ॥
পৌরন্দরী পুলোমেশী পৌলোমী পুলকাঙ্কুরা ।
পুরস্থা বনভূর্বন্যা বানরী বনচারিণী ॥ ৪০ ॥
সমস্তবর্ণনিলয়া সমস্তবর্ণপূজিতা ।
সমস্তবর্ণবর্ণাঢ্যা সমস্তগুরুবল্লভা ॥ ৪১ ॥
সমস্তমুণ্ডমালাঢ্যা মালিনী মধুপস্বনা ।
কোশপ্রদা কোশবাসা চমত্কৃতিরলম্বুসা ॥ ৪২ ॥
হাসদা সদসদ্রূপা সর্ববর্ণময়ী স্মৃতিঃ ।
সর্বাক্ষরময়ী বিদ্যা মূলবিদ্যেশ্বরীশ্বরী ॥ ৪৩ ॥
অকারা ষোডশাকারা কারাবন্ধবিমোচিনী ।
ককারব্যঞ্জনা ক্রান্তা সর্বমন্ত্রাক্ষরালয়া ॥ ৪৪ ॥
অণুরূপাঽপ্যমলা চ ত্রৈগুণ্যাঽপ্যপরাজিতা ।
অম্বিকাঽম্বালিকা চাম্বা অনন্তগুণমেখলা ॥ ৪৫ ॥
অপর্ণা পর্ণশালা চ সাট্টহাসা হসন্তিকা ।
অদ্রিকন্যাঽপ্যট্টহাসাঽপ্যজরাঽস্বাঽপ্যরুন্ধতী ॥ ৪৬ ॥
অব্জাক্ষী চাব্জিনী দেবী হ্যম্বুজাসনপূজিতা ।
অব্জহস্তা হ্যব্জপাদা চাব্জপূজনতোষিতা ॥ ৪৭ ॥
অকারমাতৃকা দেবী সর্বানন্দকরী কলা ।
আনন্দসুন্দরী আদ্যা আঘূর্ণারুণলোচনা ॥ ৪৮ ॥
আদিদেবান্তকাঽক্রূরা আদিত্যকুলভূষণা ।
আম্বীজমণ্ডনা দেবী চাকারমাতৃকাবলিঃ ॥ ৪৯ ॥
ইন্দুস্তুতেন্দুবিম্বাস্যা ইনকোটিসমপ্রভা ।
ইন্দিরা মন্দুরাশালা চেতিহাসকথাস্মৃতিঃ ॥ ৫০ ॥
ইলা চেক্ষুরসাস্বাদা ইকারাক্ষরভূষিতা ।
ইন্দ্রস্তুতা চেন্দ্রপূজ্যা ইনভদ্রা ইনেশ্বরী ॥ ৫১ ॥
ইভগতিরিভগীতিরিকারাক্ষরমাতৃকা ।
ঈশ্বরী বৈভবপ্রখ্যা চেশানীশ্বরবল্লভা ॥ ৫২ ॥
ঈশা কামকলাদেবী ঈকারাশ্রিতমাতৃকা 400 ।
উগ্রপ্রভোগ্রচিত্তা চ উগ্রবামাঙ্গবাসিনী ॥ ৫৩ ॥
উষা বৈষ্ণবপূজ্যা চ উগ্রতারোল্মুকাননা ।
উমেশ্বরীশ্বরী শ্রেষ্ঠা উদকস্থা হ্যুদেশ্বরী ॥ ৫৪ ॥
উদকাঽচ্ছোদকদা চ উকারোদ্ভাসমাতৃকা ।
ঊষ্মা প্যূষা ঊষণা চ তথোচিতবরপ্রদা ॥ ৫৫ ॥
ঋণহর্ত্রী ঋকারেশী ঋঌবর্ণা ঌবর্ণভাক্ ।
ৡকারভ্রুকুটির্বালা বালাদিত্যসমপ্রভা ॥ ৫৬ ॥
এণাঙ্কমুকুটা চৈহা একারাক্ষরবীজিতা ।
এণপ্রিয়া এণমধ্যবাসিনী এণবত্সলা ॥ ৫৭ ॥
এণাঙ্কমধ্যসংস্থা চ ঐকারোদ্ভাসকূটিনী ।
ওঙ্কারশেখরা দেবী ঔচিত্যপদমণ্ডিতা ॥ ৫৮ ॥
অম্ভোজনিলয়স্থানা অঃস্বরূপা চ স্বর্গতিঃ ।
ষোডশস্বররূপা চ ষোডশস্বরগায়িনী ॥ ৫৯ ॥
ষোডশী ষোডশাকারা কমলা কমলোদ্ভবা ।
কামেশ্বরী কলাভিজ্ঞা কুমারী কুটিলালকা ॥ ৬০ ॥
কুটিলা কুটিলাকারা কুটুম্বসংয়ুতা শিবা ।
কুলা কুলপদেশানী কুলেশী কুব্জিকা কলা ॥ ৬১ ॥
কামা কামপ্রিয়া কীরা কমনীয়া কপর্দিনী ।
কালিকা ভদ্রকালী চ কালকামান্তকারিণী ॥ ৬২ ॥
কপালিনী কপালেশী কর্পূরচয়চর্চিতা ।
কাদম্বরী কোমলাঙ্গী কাশ্মীরী কুঙ্কুমদ্যুতিঃ ॥ ৬৩ ॥
কুন্তা কূর্চার্ণবীজাঢ্যা কমনীয়া কুলাঽকুলা ।
করালাস্যা করালাক্ষী বিকরালস্বরূপিণী ॥ ৬৪ ॥
কাম্যালকা কামদুঘা কামিনী কামপালিনী ।
কন্থাধরা কৃপাকর্ত্রী ককারাক্ষরমাতৃকা ॥ ৬৫ ॥
খড্গহস্তা খর্পরেশী খেচরী খগগামিনী ।
খেচরীমুদ্রয়া য়ুক্তা খেচরত্বপ্রদায়িনী ॥ ৬৬ ॥
খগাসনা খলোলাক্ষী খেটেশী খলনাশিনী ।
খেবটকায়ুধহস্তা (৫০০) চ খরাংশুদ্যুতিসন্নিভা ॥ ৬৭ ॥
খান্তা খবীজনিলয়া খকারোল্লাসমাতৃকা ।
বৈখরী বীজনিলয়া খরা খেচরবল্লভা ॥ ৬৮ ॥
গুণ্যা গজাস্যজননী গণেশবরদা গয়া ।
গোদাবরী গদাহস্তা গঙ্গাধরবরপ্রদা ॥ ৬৯ ॥
গোধা গোবাহনেশানী গরলাশনবল্লভা ।
গাম্ভীর্যভূষণা গঙ্গা গকারার্ণবিভূষণা ॥ ৭০ ॥
ঘৃণা ঘোণাকরস্তুত্যা ঘুর্ঘুরা ঘোরনাদিনী ।
ঘটস্থা ঘটজাসেব্যা ঘনরূপা ঘুণেশ্বরী ॥ ৭১ ॥
ঘনবাহনসেব্যা চ ঘকারাক্ষরমাতৃকা ।
ঙান্তা ঙবর্ণনিলয়া ঙাণুরূপা ঙণালয়া ॥ ৭২ ॥
ঙেশা ঙেন্তা ঙনাজাপ্যা ঙবর্ণাক্ষরভূষণা ।
চামীকররুচিশ্চান্দ্রী চন্দ্রিকা চন্দ্ররাগিণী ॥ ৭৩ ॥
চলা চলঞ্চলা চেলা চন্দ্রা চন্দ্রকরা চলী ।
চঞ্চুরীকস্বনালাপা চমত্কারস্বরূপিণী ॥ ৭৪ ॥
চটুলী চাটুকী চার্বী চম্পা চম্পকসন্নিভা ।
চীনাংশুকধরা চাট্বী চকারার্ণবিভূষণা ॥ ৭৫ ॥
ছত্রী চ্ছত্রধরা চ্ছিন্না চ্ছিন্নমস্তা ছটচ্ছবিঃ ।
ছায়াসুতপ্রিয়া চ্ছায়া ছবর্ণামলমাতৃকা ॥ ৭৬ ॥
জগদম্বা জগজ্জ্যোতির্জ্যোতীরূপা জটাধরা ।
জয়দা জয়কর্ত্রী চ জয়স্থা জয়হাসিনী ॥ ৭৭ ॥
জগত্প্রিয়া জগত্পূজ্যা জগত্কর্ত্রী জরাতুরা ।
জ্বরঘ্নী জম্ভদমনী জগত্প্রাণা জয়াবহা ॥ ৭৮ ॥
জম্ভারবরদা জৈত্রী জীবনা জীববাক্প্রদা ।
জাগ্রতী চ জগন্নিদ্রা জগদ্যোনির্জলন্ধরা ॥ ৭৯ ॥
জালন্ধরধরা জায়া জকারাক্ষরমাতৃকা ।
ঝম্পা ঝিঞ্ঝেশ্বরী ঝান্তা ঝকারাক্ষরমাতৃকা ॥ ৮০ ॥
ঞাণুরূপা ঞিণাবাসা (৬০০) ঞকোরেশী ঞণায়ুধা ।
ঞবর্গবীজভূষাঢ্যা ঞকারাক্ষরমাতৃকা ॥ ৮১ ॥
টঙ্কায়ুধা টকারাঢ্যা টোটাক্ষী টসুকুন্তলা ।
টঙ্কায়ুধা টলীরূপা টকারাক্ষরমাতৃকা ॥ ৮২ ॥
ঠক্কুরা ঠক্কুরেশানী ঠকারত্রিতয়েশ্বরী ।
ঠঃস্বরূপা ঠবর্ণাঢ্যা ঠকারাক্ষরমাতৃকা ॥ ৮৩ ॥
ডকা ডক্কেশ্বরী ডিম্ভা ডবর্ণাক্ষরমাতৃকা ।
ঢিণী ঢেহা ঢিল্লহস্তা ঢকারাক্ষরমাতৃকা ॥ ৮৪ ॥
ণেশা ণান্তা ণবর্গান্তা ণকারাক্ষরভূষণা ।
তুরী তুর্যা তুলারূপা ত্রিপুরা তামসপ্রিয়া ॥ ৮৫ ॥
তোতুলা তারিণী তারা সপ্তবিংশতিরূপিণী ।
ত্রিপুরা ত্রিগুণা ধ্যেয়া ত্র্যম্বকেশী ত্রিলোকধৃত্ ॥ ৮৬ ॥
ত্রিবর্গেশী ত্রয়ী ত্র্যক্ষী ত্রিপদা বেদরূপিণী ।
ত্রিলোকজননী ত্রাতা ত্রিপুরেশ্বরপূজিতা ॥ ৮৭ ॥
ত্রিকোণস্থা ত্রিকোণেশী কোণত্রয়নিবাসিনী ।
ত্রিকোণপূজনতুষ্টা ত্রিকোণপূজনশ্রিতা ॥ ৮৮ ॥
ত্রিকোণদানসংলগ্না সর্বকোণশুভার্থদা ।
বসুকোণস্থিতা দেবী বসুকোণার্থবাদিনী ॥ ৮৯ ॥
বসুকোণপূজিতা চ ষট্চক্রক্রমবাসিনী ।
নাগপত্রস্থিতা শারী ত্রিবৃত্তপূজনার্থদা ॥ ৯০ ॥
চতুর্দ্বারাগ্রগা চক্রবাহ্যান্তরনিবাসিনী ।
তামসী তোমরপ্রখ্যা তুম্বুরুস্বননাদিনী ॥ ৯১ ॥
তুলাকোটিস্বনা তাপী তপসাং ফলবর্ধিনী ।
তরলাক্ষী তমোহর্ত্রী তারকাসুরঘাতিনী ॥ ৯২ ॥
তরী তরণিরূপা চ তকারাক্ষরমাতৃকা ।
স্থলী স্থবিররূপা চ স্থূলা স্থালী স্থলাব্জিনী ॥
স্থাবরেশা স্থূলমূখী থকারাক্ষরমাতৃকা ।
দূতিকা শিবদূতী চ দণ্ডায়ুধধরা দ্যুতিঃ ॥ ৯৪ ॥
দয়া দীনানুকম্পা চ দম্ভোলিধরবল্লভা ।
দেশানুচারিণী দ্রেক্কা দ্রাবিডেশী দবীয়সী ॥ ৯৫ ॥
দাক্ষায়ণী দ্রুমলতা (৭০০) দেবমাতাঽধিদেবতা ।
দধিজা দুর্লভাদেবী দেবতা পরমাক্ষরা ॥ ৯৬ ॥
দামোদরসুপূজ্যা চ দামোদরবরপ্রদা ।
দনুপুত্রীবিনাশা চ দনুপুত্রকুলার্চিতা ॥ ৯৭ ॥
দণ্ডহস্তা দণ্ডিপূজ্যা দমদা চ দমস্থিতা ।
দশধেনুসুরূপা চ দকারাক্ষরমাতৃকা ॥ ৯৮ ॥
ধর্ম্যা ধর্মপ্রসূর্ধন্যা ধনদা ধনবর্ধিনী ।
ধৃতির্ধূতী ধন্যবধূর্ধকারাক্ষরমাতৃকা ॥ ৯৯ ॥
নলিনী নালিকা নাপ্যা নারাচায়ুধধারিণী ।
নীপোপবনমধ্যস্থা নাগরেশী নরোত্তমা ॥ ১০০ ॥
নরেশ্বরী নৃপারাধ্যা নৃপপূজ্যা নৃপার্থদা ।
নৃপসেব্যা নৃপবন্দ্যা নরনারায়ণপ্রসূঃ ॥ ১০১ ॥
নর্তকী নীরজাক্ষী চ নবর্ণাক্ষরভূষণা ।
পদ্মেশ্বরী পদ্মমুখী পত্রয়ানা পরাপরা ॥ ১০২ ॥
পারাবারসুতা পাঠা পরবর্গবিমর্দিনী ।
পূঃ পুরারিবধূঃ পম্পা পত্নী পত্রীশবাহনা ॥ ১০৩
পীবরাংসা পতিপ্রাণা পীতলাক্ষী পতিব্রতা ॥
পীঠা পীঠস্থিতাঽপীঠা পীতালঙ্কারভূষণা ॥ ১০৪ ॥
পুরূরবঃস্তুতা পাত্রী পুত্রিকা পুত্রদা প্রজা ।
পুষ্পোত্তংসা পুষ্পবতী পুষ্পমালাবিভূষণা ॥ ১০৫ ॥
পুষ্পমালাতিশোভাঢ্যা পকারাক্ষরমাতৃকা ।
ফলদা স্ফীতবস্ত্রা চ ফেরবারাবভীষণা ॥ ১০৬ ॥
ফল্গুনী ফল্গুতীর্থস্থা ফবর্ণাকৃতমণ্ডলা ।
বলদা বালখিল্যা চ বালা বলরিপুপ্রিয়া ॥ ১০৭ ॥
বাল্যাবস্থা বর্বরেশী বকারাকৃতিমাতৃকা ।
ভদ্রিকা ভীমপত্নী চ ভীমা ভর্গশিখা ভয়া ॥ ১০৮
ভয়ঘ্নী ভীমনাদা চ ভয়ানকমুখেক্ষণা ।
ভিল্লীশ্বরী ভীতিহরা ভদ্রদা ভদ্রকারিণী ॥ ১০৯ ॥
ভদ্রেশ্বরী ভদ্রধরা ভদ্রাখ্যা ভাগ্যবর্ধিনী (৮০০) ।
ভগমালা ভগাবাসা ভবানী ভবতারিণী ॥ ১১০ ॥
ভগয়োনির্ভগাকারা ভগস্থা ভগরূপিণী ।
ভগলিঙ্গামৃতপ্রীতা ভকারাক্ষরমাতৃকা ॥ ১১১ ॥
মান্যা মানপ্রদা মীনা মীনকেতনলালসা ।
মদোদ্ধতা মনোন্মান্যা মেনা মৈনাকবত্সলা ॥ ১১২ ॥
মধুমত্তা মধুপূজ্যা মধুদা মধু মাধবী ।
মাংসাহারা মাংসপ্রীতা মাংসভক্ষ্যা চ মাংসদা ॥ ১১৩
মারার্তা মত্স্যরূপা চ মত্স্যধাতা মহত্তরা ।
মেরুশৃঙ্গাগ্রতুঙ্গাস্যা মোদকাহারপূজিতা ॥ ১১৪ ॥
মাতঙ্গিনী মধুমত্তা মদমত্তা মদেশ্বরী ।
মঞ্জা মুগ্ধাননা মুগ্ধা মকারাক্ষরভূষণা ॥ ১১৫ ॥
য়শস্বিনী য়তীশানী য়ত্নকর্ত্রী য়জুঃপ্রিয়া ।
য়জ্ঞধাত্রী য়জ্ঞফলা য়জুর্বেদঋচাম্ফলা ॥ ১১৬ ॥
য়শোদা য়তিসেব্যা চ য়াত্রা য়াত্রিকবত্সলা ।
য়োগেশ্বরী য়োগগম্যা য়োগেন্দ্রজনবত্সলা ॥ ১১৭ ॥
য়দুপুত্রী য়মঘ্নী চ য়কারাক্ষরমাতৃকা ।
রত্নেশ্বরী রমানাথসেব্যা রথ্যা রজস্বলা ॥ ১১৮ ॥
রাজ্যদা রাজরাজেশী রোগহর্ত্রী রজোবতী ।
রত্নাকরসুতা রম্যা রাত্রী রাত্রিপতিপ্রভা ॥ ১১৯ ॥
রক্ষোঘ্নী রাক্ষসেশানী রক্ষোনাথসমর্চিতা ।
রতিপ্রিয়া রতিমুখ্যা রকারাকৃতিশেখরা ॥ ১২০ ॥
লম্বোদরী ললজ্জিহ্বা লাস্যতত্পরমানসা ।
লূতাতন্তুবিতানাস্যা লক্ষ্মীর্লজ্জা লয়ালিনী ॥ ১২১ ॥
লোকেশ্বরী লোকধাত্রী লাটস্থা লক্ষণাকৃতিঃ ।
লম্বা লম্বকচোল্লাসা লকারাকারবর্ধিনী ॥ ১২২ ॥
লিঙ্গেশ্বরী লিঙ্গলিঙ্গা লিঙ্গমালা লসদ্দ্যুতিঃ ।
লক্ষ্মীরূপা রসোল্লাসা রামা রেবা রজস্বলা ॥ ১২৩ ॥
লয়দা লক্ষণা (৯০০) লোলা লকারাক্ষরমাতৃকা ।
বারাহী বরদাত্রী চ বীরসূর্বীরদায়িনী ॥ ১২৪ ॥
বীরেশ্বরী বীরজন্যা বীরচর্বণচর্চিতা ।
বরায়ুধা বরাকা চ বামনা বামনাকৃতিঃ ॥ ১২৪ ॥
বধূতা বধকা বধ্যা বধ্যভূর্বাণিজপ্রিয়া ।
বসন্তলক্ষ্মীর্বটুকী বটুকা বটুকেশ্বরী ॥ ১২৬ ॥
বটুপ্রিয়া বামনেত্রা বামাচারৈকলালসা ।
বার্তা বাম্যা বরারোহা বেদমাতা বসুন্ধরা ॥ ১২৭
বয়োয়ানা বয়স্যা চ বকারাক্ষরমাতৃকা ।
শম্ভুপ্রিয়া শরচ্চর্যা শাদ্বলা শশিবত্সলা ॥ ১২৮ ॥
শীতদ্যুতিঃ শীতরসা শোণোষ্ঠী শীকরপ্রদা ।
শ্রীবত্সলাঞ্ছনা শর্বা শর্ববামাঙ্গবাসিনী ॥ ১২৯ ॥
শশাঙ্কামললক্ষ্মীশ্চ শার্দূলতনুরদ্রিজা ।
শোষহর্ত্রী শমীমূলা শকারাকৃতিশেখরা ॥ ১৩০ ॥
ষোডশী ষোডশীরূপা ষঢা ষোঢা ষডাননা ।
ষট্কূটা ষড্রসাস্বাদা ষডশীতিমুখাম্বুজা ॥ ১৩১ ॥
ষডাস্যজননী ষণ্ঠা ষবর্ণাক্ষরমাতৃকা ।
সারস্বতপ্রসূঃ সর্বা সর্বগা সর্বতোমুখা ॥ ১৩২ ॥
সমা সীতা সতীমাতা সাগরাভয়দায়িনী ।
সমস্তশাপশমনী সালভঞ্জী সুদক্ষিণা ॥ ১৩৩ ॥
সুষুপ্তিঃ সুরসা সাধ্বী সামগা সামবেদজা ।
সত্যপ্রিয়া সোমমুখী সূত্রস্থা সূতবল্লভা ॥ ১৩৪ ॥
সনকেশী সুনন্দা চ স্ববর্গস্থা সনাতনী ।
সেতুভূতা সমস্তাশা সকারাক্ষরবল্লভা ॥ ১৩৪ ॥
হালাহলপ্রিয়া হেলা হাহারাববিভূষণা ।
হাহাহূহূস্বরূপা চ হলধাত্রী হলিপ্রিয়া ॥ ১৩৬ ॥
হরিনেত্রা ঘোররূপা হবিষ্যা হূতিবল্লভা ।
হং ক্ষং লং ক্ষঃ স্বরূপা চ সর্বমাতৃকপূজিতা ॥ ১৩৭ ॥
ওঁ ঐং সৌঃ হ্রীং মহাবিদ্যা আং শাং ফ্রাং হূংস্বরূপিণী । (১০০০)
ইতি শ্রীশারিকাদেব্যা মন্ত্রনামসহস্রকম্ ॥ ১৩৮ ॥
॥ ফল শ্রুতি ॥
পুণ্যং পুণ্যজনস্তুত্যং নুত্যং বৈষ্ণবপূজিতম্ ।
ইদং য়ঃ পঠতে দেবি শ্রাবয়েদ্যঃ শৃণোতি চ ॥ ১৩৯
স এব ভগবান্ দেবঃ সত্যং সত্যং সুরেশ্বরি ।
এককালং দ্বিকালং বা ত্রিকালং পঠতে নরঃ ॥ ১৪০
বামাচারপরো দেবি তস্য পুণ্যফলং শৃণু ।
মূকত্বং বধিরত্বং চ কুষ্ঠং হন্যাচ্চ শ্বিত্রিকাম্ ॥ ১৪১ ॥
বাতপিত্তকফান্ গুল্মান্ রক্তস্রাবং বিষূচিকাম্ ।
সদ্যঃ শময়তে দেবি শ্রদ্ধয়া য়ঃ পঠেন্নিশি ॥ ১৪২ ॥
অপস্মারং কর্ণপীডাং শূলং রৌদ্রং ভগন্দরম্ ।
মাসমাত্রং পঠেদ্যস্তু স রোগৈর্মুচ্যতে ধ্রুবম্ ॥ ১৪৩ ॥
ভৌমে শনিদিনে বাপি চক্রমধ্যে পঠেদ্যদি ।
সদ্যস্তস্য মহেশানি শারিকা বরদা ভবেত্ ॥ ১৪৪ ॥
চতুষ্পথে পঠেদ্যস্তু ত্রিরাত্রং রাত্রিব্যত্যয়ে ।
দত্ত্বা বলিং সুরাং মুদ্রাং মত্স্যং মাংসং সভক্তকম্ ॥ ১৪৫
বব্বোলত্বগ্রসাকীর্ণং শারী প্রাদুর্ভবিপ্যতি ।
য়ঃ পঠেদ্ দেবি লোলায়াং চিতায়াং শবসন্নিধৌ ॥ ১৪৬ ॥
পায়ম্পায়ং ত্রিবারং তু তস্য পুণ্যফলং শৃণু ।
ব্রহ্মহত্যাং গুরোর্হত্যাং মদ্যপানং চ গোবধম্ ॥ ১৪৭ ॥
মহাপাতকসঙ্ঘাতং গুরুতল্পগতোদ্ভবম্ ।
স্তেয়ং বা ভ্রূণহত্যাং বা নাশয়েন্নাত্র সংশয়ঃ ॥ ১৪৮ ॥
স এব হি রমাপুত্রো য়শস্বী লোকপূজিতঃ ।
বরদানক্ষমো দেবি বীরেশো ভূতবল্লভঃ ॥ ১৪৯ ॥
চক্রার্চনে পঠেদ্যস্তু সাধকঃ শক্তিসন্নিধৌ ।
ত্রিবারং শ্রদ্ধয়া য়ুক্তঃ স ভবেদ্ভৈরবেশ্বরঃ ॥ ১৫০ ॥
কিঙ্কিং ন লভতে দেবি সাধকো বীরসাধকঃ ।
পুত্রবান্ ধনবাংশ্চৈব সত্যাচারপরঃ শিবে ॥ ১৫১ ॥
শক্তিং সম্পূজ্য দেবেশি পঠেত্ স্তোত্রং পরাময়ম্ ।
ইহ লোকে সুখং ভুক্ত্বা পরত্র ত্রিদিবং ব্রজেত্ ॥ ১৫২ ॥
ইতি নামসহস্রং তু শারিকায়া মনোরমম্ ।
গুহ্যাদ্গুহ্যতমং লোকে গোপনীয়ং স্বয়োনিবত্ ॥ ১৫৩ ॥
॥ ইতি শ্রীরুদ্রয়ামলে তন্ত্রে দশবিদ্যারহস্যে
শ্রীশারিকায়াঃ সহস্রনামস্তোত্রং সম্পূর্ণম্ ॥
Also Read 1000 Names of Shri Sharikam:
1000 Names of Sri Sharika | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
