Shri ShyamalaSahasranamastotram Lyrics in Bengali:
॥ শ্রী শ্যামলাসহস্রনামস্তোত্রম্ ॥
নামসারস্তবঃ
সর্বশৃঙ্গারশোভাঢ্যাং তুঙ্গপীনপয়োধরাম্ ।
গঙ্গাধরপ্রিয়াং দেবীং মাতঙ্গীং নৌমি সন্ততম্ ॥ ১ ॥
শ্রীমদ্বৈকুণ্ঠনিলয়ং শ্রীপতিং সিদ্ধসেবিতম্ ।
কদাচিত্স্বপ্রিয়ং লক্ষ্মীর্নারায়ণমপৃচ্ছত ॥ ২ ॥
লক্ষ্মীরুবাচ
কিং জপ্যং পরমং নৄণাং ভোগমোক্ষফলপ্রদম্ ।
সর্ববশ্যকরং চৈব সর্বৈশ্বর্যপ্রদায়কম্ ॥ ৩ ॥
সর্বরক্ষাকরং চৈব সর্বত্র বিজয়প্রদম্ ।
ব্রহ্মজ্ঞানপ্রদং পুংসাং তন্মে ব্রূহি জনার্দন ॥ ৪ ॥
ভগবানুবাচ
নামসারস্তবং পুণ্যং পঠেন্নিত্যং প্রয়ত্নতঃ ।
তেন প্রীতা শ্যামলাম্বা ত্বদ্বশং কুরুতে জগত্ ॥ ৫ ॥
তন্ত্রেষু ললিতাদীনাং শক্তীনাং নামকোশতঃ ।
সারমুদ্ধৃত্য রচিতো নামসারস্তবো হ্যয়ম্ ॥ ৬ ॥
নামসারস্তবং মহ্যং দত্তবান্ পরমেশ্বরঃ ।
তব নামসহস্রং তত্ শ্যামলায়া বদাম্যহম্ ॥ ৭ ॥
বিনিয়োগঃ ॥
অস্য শ্রীশ্যামলাপরমেশ্বরীনামসাহস্রস্তোত্রমালা মন্ত্রস্য,
সদাশিব ঋষিঃ । অনুষ্টুপ্ছন্দঃ ।
শ্রীরাজরাজেশ্বরী শ্যামলা পরমেশ্বরী দেবতা ।
চতুর্বিধপুরুষার্থসিদ্ধ্যর্থে নামপারায়ণে বিনিয়োগঃ ।
ধ্যানম্ ॥
ধ্যায়েঽহং রত্নপীঠে শুককলপঠিতং শৃণ্বতীং শ্যামগাত্রীং
ন্যস্তৈকাঙ্ঘ্রীং সরোজে শশিশকলধরাং বল্লকীং বাদয়ন্তীম্ ।
কল্হারাবদ্ধমৌলিং নিয়মিতলসচ্চূলিকাং রক্তবস্ত্রাং
মাতঙ্গীং ভূষিতাঙ্গীং মধুমদমুদিতাং চিত্রকোদ্ভাসিফালাম্ ॥
পঞ্চপূজা ।
অথ সহস্রনামস্তোত্রম্ ।
ওঁ ।
সৌভাগ্যলক্ষ্মীঃ সৌন্দর্যনিধিঃ সমরসপ্রিয়া ।
সর্বকল্যাণনিলয়া সর্বেশী সর্বমঙ্গলা ॥ ১ ॥
সর্ববশ্যকরী সর্বা সর্বমঙ্গলদায়িনী ।
সর্ববিদ্যাদানদক্ষা সঙ্গীতোপনিষত্প্রিয়া ॥ ২ ॥
সর্বভূতহৃদাবাসা সর্বগীর্বাণপূজিতা ।
সমৃদ্ধা সঙ্গমুদিতা সর্বলোকৈকসংশ্রয়া ॥ ৩ ॥
সপ্তকোটিমহামন্ত্রস্বরূপা সর্বসাক্ষিণী ।
সর্বাঙ্গসুন্দরী সর্বগতা সত্যস্বরূপিণী ॥ ৪ ॥
সমা সময়সংবেদ্যা সময়জ্ঞা সদাশিবা ।
সঙ্গীতরসিকা সর্বকলাময়শুকপ্রিয়া ॥ ৫ ॥
চন্দনালেপদিগ্ধাঙ্গী সচ্চিদানন্দরূপিণী ।
কদম্ববাটীনিলয়া কমলাকান্তসেবিতা ॥ ৬ ॥
কটাক্ষোত্পন্নকন্দর্পা কটাক্ষিতমহেশ্বরা ।
কল্যাণী কমলাসেব্যা কল্যাণাচলবাসিনী ॥ ৭ ॥
কান্তা কন্দর্পজননী করুণারসসাগরা ।
কলিদোষহরা কাম্যা কামদা কামবর্ধিনী ॥ ৮ ॥
কদম্বকলিকোত্তংসা কদম্বকুসুমাপ্রিয়া ।
কদম্বমূলরসিকা কামাক্ষী কমলাননা ॥ ৯ ॥
কম্বুকণ্ঠী কলালাপা কমলাসনপূজিতা ।
কাত্যায়নী কেলিপরা কমলাক্ষসহোদরী ॥ ১০ ॥
কমলাক্ষী কলারূপা কোকাকারকুচদ্বয়া ।
কোকিলা কোকিলারাবা কুমারজননী শিবা ॥ ১১ ॥
সর্বজ্ঞা সন্ততোন্মত্তা সর্বৈশ্বর্যপ্রদায়িনী ।
সুধাপ্রিয়া সুরারাধ্যা সুকেশী সুরসুন্দরী ॥ ১২ ॥
শোভনা শুভদা শুদ্ধা শুদ্ধচিত্তৈকবাসিনী ।
বেদবেদ্যা বেদময়ী বিদ্যাধরগণার্চিতা ॥ ১৩ ॥
বেদান্তসারা বিশ্বেশী বিশ্বরূপা বিরূপিণী ।
বিরূপাক্ষপ্রিয়া বিদ্যা বিন্ধ্যাচলনিবাসিনী ॥ ১৪ ॥
বীণাবাদবিনোদজ্ঞা বীণাগানবিশারদা ।
বীণাবতী বিন্দুরূপা ব্রহ্মাণী ব্রহ্মরূপিণী ॥ ১৫ ॥
পার্বতী পরমাঽচিন্ত্যা পরাশক্তিঃ পরাত্পরা ।
পরানন্দা পরেশানী পরবিদ্যা পরাপরা ॥ ১৬ ॥
ভক্তপ্রিয়া ভক্তিগম্যা ভক্তানাং পরমা গতিঃ ।
ভব্যা ভবপ্রিয়া ভীরুর্ভবসাগরতারিণী ॥ ১৭ ॥
ভয়ঘ্নী ভাবুকা ভব্যা ভামিনী ভক্তপালিনী ।
ভেদশূন্যা ভেদহন্ত্রী ভাবনা মুনিভাবিতা ॥ ১৮ ॥
মায়া মহেশ্বরী মান্যা মাতঙ্গী মলয়ালয়া ।
মহনীয়া মদোন্মত্তা মন্ত্রিণী মন্ত্রনায়িকা ॥ ১৯ ॥
মহানন্দা মনোগম্যা মতঙ্গকুলমণ্ডনা ।
মনোজ্ঞা মানিনী মাধ্বী সিন্ধুমধ্যকৃতালয়া ॥ ২০ ॥
মধুপ্রীতা নীলকচা মাধ্বীরসমদালসা ।
পূর্ণচন্দ্রাভবদনা পূর্ণা পুণ্যফলপ্রদা ॥ ২১ ॥
পুলোমজার্চিতা পূজ্যা পুরুষার্থপ্রদায়িনী ।
নারায়ণী নাদরূপা নাদব্রহ্মস্বরূপিণী ॥ ২২ ॥
নিত্যা নবনবাকারা নিত্যানন্দা নিরাকুলা ।
নিটিলাক্ষপ্রিয়া নেত্রী নীলেন্দীবরলোচনা ॥ ২৩ ॥
তমালকোমলাকারা তরুণী তনুমধ্যমা ।
তটিত্পিশঙ্গবসনা তটিত্কোটিসভদ্যুতিঃ ॥ ২৪ ॥
মধুরা মঙ্গলা মেধ্যা মধুপানপ্রিয়া সখী ।
চিত্কলা চারুবদনা সুখরূপা সুখপ্রদা ॥ ২৫ ॥
কূটস্থা কৌলিনী কূর্মপীঠস্থা কুটিলালকা ।
শান্তা শান্তিমতী শান্তিঃ শ্যামলা শ্যামলাকৃতিঃ ॥ ২৬ ॥
শঙ্খিনী শঙ্করী শৈবী শঙ্খকুণ্ডলমণ্ডিতা ।
কুন্দদন্তা কোমলাঙ্গী কুমারী কুলয়োগিনী ॥ ২৭ ॥
নির্গর্ভয়োগিনীসেব্যা নিরন্তররতিপ্রিয়া ।
শিবদূতী শিবকরী জটিলা জগদাশ্রয়া ॥ । ২৮ ॥
শাম্ভবী য়োগিনিলয়া পরচৈতন্যরূপিণী ।
দহরাকাশনিলয়া দণ্ডিনীপরিপূজিতা ॥ ২৯ ॥
সম্পত্করীগজারূঢা সান্দ্রানন্দা সুরেশ্বরী ।
চম্পকোদ্ভাসিতকচা চন্দ্রশেখরবল্লভা ॥ ৩০ ॥
চারুরূপা চারুদন্তী চন্দ্রিকা শম্ভুমোহিনী ।
বিমলা বিদুষী বাণী কমলা কমলাসনা ॥ ৩১ ॥
করুণাপূর্ণহৃদয়া কামেশী কম্বুকন্ধরা ।
রাজরাজেশ্বরী রাজমাতঙ্গী রাজবল্লভা ॥ ৩২ ॥
সচিবা সচিবেশানী সচিবত্বপ্রদায়িনী ।
পঞ্চবাণার্চিতা বালা পঞ্চমী পরদেবতা ॥ ৩৩ ॥
উমা মহেশ্বরী গৌরী সঙ্গীতজ্ঞা সরস্বতী ।
কবিপ্রিয়া কাব্যকলা কলৌ সিদ্ধিপ্রদায়িনী ॥ ৩৪ ॥
ললিতামন্ত্রিণী রম্যা ললিতারাজ্যপালিনী ।
ললিতাসেবনপরা ললিতাজ্ঞাবশংবদা ॥ ৩৫ ॥
ললিতাকার্যচতুরা ললিতাভক্তপালিনী ।
ললিতার্ধাসনারূঢা লাবণ্যরসশেবধিঃ ॥ ৩৬ ॥
রঞ্জনী লালিতশুকা লসচ্চূলীবরান্বিতা ।
রাগিণী রমণী রামা রতী রতিসুখপ্রদা ॥ ৩৭ ॥
ভোগদা ভোগ্যদা ভূমিপ্রদা ভূষণশালিনী ।
পুণ্যলভ্যা পুণ্যকীর্তিঃ পুরন্দরপুরেশ্বরী ॥ ৩৮ ॥
ভূমানন্দা ভূতিকরী ক্লীঙ্কারী ক্লিন্নরূপিণী ।
ভানুমণ্ডলমধ্যস্থা ভামিনী ভারতী ধৃতিঃ ॥ ৩৯ ॥
নারায়ণার্চিতা নাথা নাদিনী নাদরূপিণী ।
পঞ্চকোণাস্থিতা লক্ষ্মীঃ পুরাণী পুররূপিণী ॥ ৪০ ॥
চক্রস্থিতা চক্ররূপা চক্রিণী চক্রনায়িকা ।
ষট্চক্রমণ্ডলান্তঃস্থা ব্রহ্মচক্রনিবাসিনী ॥ ৪১ ॥
অন্তরভ্যর্চনপ্রীতা বহিরর্চনলোলুপা ।
পঞ্চাশত্পীঠমধ্যস্থা মাতৃকাবর্ণরূপিণী ॥ ৪২ ॥
মহাদেবী মহাশক্তিঃ মহামায়া মহামতিঃ ।
মহারূপা মহাদীপ্তিঃ মহালাবণ্যশালিনী ॥ ৪৩ ॥
মাহেন্দ্রী মদিরাদৃপ্তা মদিরাসিন্ধুবাসিনী ।
মদিরামোদবদনা মদিরাপানমন্থরা ॥ ৪৪ ॥
দুরিতঘ্নী দুঃখহন্ত্রী দূতী দূতরতিপ্রিয়া ।
বীরসেব্যা বিঘ্নহরা য়োগিনী গণসেবিতা ॥ ৪৫ ॥
নিজবীণারবানন্দনিমীলিতবিলোচনা ।
বজ্রেশ্বরী বশ্যকরী সর্বচিত্তবিমোহিনী ॥ ৪৬ ॥
শবরী শম্বরারাধ্যা শাম্বরী সামসংস্তুতা ।
ত্রিপুরামন্ত্রজপিনী ত্রিপুরার্চনতত্পরা ॥ ৪৭ ॥
ত্রিলোকেশী ত্রয়ীমাতা ত্রিমূর্তিস্ত্রিদিবেশ্বরী ।
ঐঙ্কারী সর্বজননী সৌঃকারী সংবিদীশ্বরী ॥ ৪৮ ॥
বোধা বোধকরী বোধ্যা বুধারাধ্যা পুরাতনী ।
ভণ্ডসোদরসংহর্ত্রী ভণ্ডসৈন্যবিনাশিনী ॥ ৪৯ ॥
গেয়চক্ররথারূঢা গুরুমূর্তিঃ কুলাঙ্গনা ।
গান্ধর্বশাস্ত্রমর্মজ্ঞা গন্ধর্বগণপূজিতা ॥ ৫০ ॥
জগন্মাতা জয়করী জননী জনদেবতা ।
শিবারাধ্যা শিবার্ধাঙ্গী শিঞ্জন্মঞ্জীরমণ্ডিতা ॥ ৫১ ॥
সর্বাত্মিকা ঋষীকেশী সর্বপাপবিনাশিনী ।
সর্বরোগহরা সাধ্যা ধর্মিণী ধর্মরূপিণী ॥ ৫২ ॥
আচারলভ্যা স্বাচারা খেচরী য়োনিরূপিণী ।
পতিব্রতা পাশহন্ত্রী পরমার্থস্বরূপিণী ॥ ৫৩ ॥
পণ্ডিতা পরিবারাঢ্যা পাষণ্ডমতভঞ্জনী ।
শ্রীকরী শ্রীমতী দেবী বিন্দুনাদস্বরূপিণী ॥ ৫৪ ॥
অপর্ণা হিমবত্পুত্রী দুর্গা দুর্গতিহারিণী ।
ব্যালোলশঙ্খাতাটঙ্কা বিলসদ্গণ্ডপালিকা ॥ ৫৫ ॥
সুধামধুরসালাপা সিন্দূরতিলকোজ্জ্বলা ।
অলক্তকারক্তপাদা নন্দনোদ্যানবাসিনী ॥ ৫৬ ॥
বাসন্তকুসুমাপীডা বসন্তসময়প্রিয়া ।
ধ্যাননিষ্ঠা ধ্যানগম্যা ধ্যেয়া ধ্যানস্বরূপিণী ॥ ৫৭ ॥
দারিদ্র্যহন্ত্রী দৌর্ভাগ্যশমনী দানবান্তকা ।
তীর্থরূপা ত্রিনয়না তুরীয়া দোষবর্জিতা ॥ ৫৮ ॥
মেধাপ্রদায়িনী মেধ্যা মেদিনী মদশালিনী ।
মধুকৈটভসংহর্ত্রী মাধবী মাধবপ্রিয়া ॥ ৫৯ ॥
মহিলা মহিমাসারা শর্বাণী শর্মদায়িনী ।
রুদ্রাণী রুচিরা রৌদ্রী রুক্মভূষণভূষিতা ॥ ৬০ ॥
অম্বিকা জগতাং ধাত্রী জটিনী ধূর্জটিপ্রিয়া ।
সুক্ষ্মস্বরূপিণী সৌম্যা সুরুচিঃ সুলভা শুভা ॥ ৬১ ॥
বিপঞ্চীকলনিক্কাণবিমোহিতজগত্ত্রয়া ।
ভৈরবপ্রেমনিলয়া ভৈরবী ভাসুরাকৃতিঃ ॥ ৬২ ॥
পুষ্পিণী পুণ্যনিলয়া পুণ্যশ্রবণকীর্তনা ।
কুরুকুল্লা কুণ্ডলিনী বাগীশী নকুলেশ্বরী ॥ ৬৩ ॥
বামকেশী গিরিসুতা বার্তালীপরিপূজিতা ।
বারুণীমদরক্তাক্ষী বন্দারুবরদায়িনী ॥ ৬৪ ॥
কটাক্ষস্যন্দিকরুণা কন্দর্পমদবর্ধিনী ।
দূর্বাশ্যামা দুষ্টহন্ত্রী দুষ্টগ্রহবিভেদিনী ॥ ৬৫ ॥
সর্বশত্রুক্ষয়করী সর্বসম্পত্প্রবর্ধিনী ।
কবরীশোভিকল্হারা কলশিঞ্জিতমেখলা ॥ ৬৬ ॥
মৃণালীতুল্বদোর্বল্লী মৃডানী মৃত্যুবর্জিতা ।
মৃদুলা মৃত্যুসংহর্ত্রী মঞ্জুলা মঞ্জুভাষিণী ॥ ৬৭ ॥
কর্পূরবীটীকবলা কমনীয়কপোলভূঃ ।
কর্পূরক্ষোদদিগ্ধাঙ্গী কর্ত্রী কারণবর্জিতা ॥ ৬৮ ॥
অনাদিনিধনা ধাত্রী ধাত্রীধরকুলোদ্ভবা ।
স্তোত্রপ্রিয়া স্তুতিময়ী মোহিনী মোহহারিণী ॥ ৬৯ ॥
জীবরূপা জীবকারী জীবন্মুক্তিপ্রদায়িনী ।
ভদ্রপীঠস্থিতা ভদ্রা ভদ্রদা ভর্গভামিনী ॥ ৭০ ॥
ভগানন্দা ভগময়ী ভগলিঙ্গা ভগেশ্বরী ।
মত্তমাতঙ্গগমনা মাতঙ্গকুলমঞ্জরী ॥ ৭১ ॥
রাজহংসগতী রাজ্ঞী রাজরাজ সমর্চিতা ।
ভবানী পাবনী কালী দক্ষিণা দক্ষকন্যকা ॥ ৭২ ॥
হব্যবাহা হবির্ভোক্ত্রী হারিণী দুঃখহারিণী ।
সংসারতারিণী সৌম্যা সর্বেশী সমরপ্রয়া ॥ ৭৩ ॥
স্বপ্নবতী জাগরিণী সুষুপ্তা বিশ্বরূপিণী ।
তৈজসী প্রাজ্ঞকলনা চেতনা চেতনাবতী ॥ ৭৪ ॥
চিন্মাত্রা চিদ্ঘনা চেত্যা চিচ্ছায়া চিত্স্বরূপিণী ।
নিবৃত্তিরূপিণী শান্তিঃ প্রতিষ্ঠা নিত্যরূপিণী ॥ ৭৫ ॥
বিদ্যারূপা শান্ত্যতীতা কলাপঞ্চকরূপিণী ।
হ্রীঙ্কারী হ্রীমতী হৃদ্যা হ্রীচ্ছায়া হরিবাহনা ॥ ৭৬ ॥
মূলপ্রকৃতিরব্যক্তা ব্যক্তাব্যক্তবিনোদিনী ।
য়জ্ঞরূপা য়জ্ঞভোক্ত্রী য়জ্ঞাঙ্গী য়জ্ঞরূপিণী ॥ ৭৭ ॥
দীক্ষিতা ক্ষমণা ক্ষামা ক্ষিতিঃ ক্ষান্তিঃ শ্রুতিঃ স্মৃতিঃ ।
একাঽনেকা কামকলা কল্পা কালস্বরূপিণী ॥ ৭৮ ॥
দক্ষা দাক্ষায়ণী দীক্ষা দক্ষয়জ্ঞবিনাশিনী ।
গায়ত্রী গগনাকারা গীর্দেবী গরুডাসনা ॥ ৭৯ ॥
সাবিত্রী সকলাধ্যক্ষা ব্রহ্মাণী ব্রাহ্মণপ্রিয়া ।
জগন্নাথা জগন্মূর্তিঃ জগন্মৃত্যুনিবারিণী ॥ ৮০ ॥
দৃগ্রূপা দৃশ্যনিলয়া দ্রষ্ট্রী মন্ত্রী চিরন্তনী ।
বিজ্ঞাত্রী বিপুলা বেদ্যা বৃদ্ধা বর্ষীয়সী মহী ॥ ৮১ ॥
আর্যা কুহরিণী গুহ্যা গৌরী গৌতমপূজিতা ।
নন্দিনী নলিনী নিত্যা নীতির্নয়বিশারদা ॥ ৮২ ॥
গতাগতজ্ঞা গন্ধর্বী গিরিজা গর্বনাশিনী ।
প্রিয়ব্রতা প্রমা প্রাণা প্রমাণজ্ঞা প্রিয়ংবদা ॥ ৮৩ ॥
অশরীরা শরীরস্থা নামরূপবিবর্জিতা ।
বর্ণাশ্রমবিভাগজ্ঞা বর্ণাশ্রমবিবর্জিতা ॥ ৮৪ ॥
নিত্যমুক্তা নিত্যতৃপ্তা নির্লেপা নিরবগ্রহা ।
ইচ্ছাজ্ঞানক্রিয়াশক্তিঃ ইন্দিরা বন্ধুরাকৃতিঃ ॥ ৮৫ ॥
মনোরথপ্রদা মুখ্যা মানিনী মানবর্জিতা ।
নীরাগা নিরহঙ্কারা নির্নাশা নিরুপপ্লবা ॥ ৮৬ ॥
বিচিত্রা চিত্রচারিত্রা নিষ্কলা নিগমালয়া ।
ব্রহ্মবিদ্যা ব্রহ্মনাডী বন্ধহন্ত্রী বলিপ্রিয়া ॥ ৮৭ ॥
সুলক্ষণা লক্ষণজ্ঞা সুন্দরভ্রূলতাঞ্চিতা ।
সুমিত্রা মালিনী সীমা মুদ্রিণী মুদ্রিকাঞ্চিতা ॥ ৮৮ ॥
রজস্বলা রম্যমূর্তির্জয়া জন্মবিবর্জিতা ।
পদ্মালয়া পদ্মপীঠা পদ্মিনী পদ্মবর্ণিনী ॥ ৮৯ ॥
বিশ্বম্ভরা বিশ্বগর্ভা বিশ্বেশী বিশ্বতোমুখী ।
অদ্বিতীয়া সহস্রাক্ষী বিরাড্রূপা বিমোচিনী ॥ ৯০ ॥
সূত্ররূপা শাস্ত্রকরী শাস্ত্রজ্ঞা শস্ত্রধারিণী ।
বেদবিদ্বেদকৃদ্বেদ্যা বিত্তজ্ঞা বিত্তশালিনী ॥ ৯১ ॥
বিশদা বৈষ্ণবী ব্রাহ্মী বৈরিঞ্চী বাক্প্রদায়িনী ।
ব্যাখ্যাত্রী বামনা বৃদ্ধিঃ বিশ্বনাথা বিশারদা ॥ ৯২ ॥
মুদ্রেশ্বরী মুণ্ডমালা কালী কঙ্কালরূপিণী ।
মহেশ্বরপ্রীতিকরী মহেশ্বর পতিব্রতা ॥ ৯৩ ॥
ব্রহ্মাণ্ডমালিনী বুধ্ন্যা মতঙ্গমুনিপূজিতা ।
ঈশ্বরী চণ্ডিকা চণ্ডী নিয়ন্ত্রী নিয়মস্থিতা ॥ ৯৪ ॥
সর্বান্তর্যামিণী সেব্যা সন্ততিঃ সন্ততিপ্রদা ।
তমালপল্লবশ্যামা তাম্রোষ্ঠী তাণ্ডবপ্রিয়া ॥ ৯৫ ॥
নাট্যলাস্যকরী রম্ভা নটরাজপ্রিয়াঙ্গনা ।
অনঙ্গরূপাঽনঙ্গশ্রীরনঙ্গেশী বসুন্ধরা ॥ ৯৯ ॥
সাম্রাজ্যদায়িনী সিদ্ধা সিদ্ধেশী সিদ্ধিদায়িনী ।
সিদ্ধমাতা সিদ্ধপূজ্যা সিদ্ধার্থা বসুদায়িনী ॥ ৯৭ ॥
ভক্তিমত্কল্পলতিকা ভক্তিদা ভক্তবত্সলা ।
পঞ্চশক্ত্যর্চিতপদা পরমাত্মস্বরূপিণী ॥ ৯৮ ॥
অজ্ঞানতিমিরজ্যোত্স্না নিত্যাহ্লাদা নিরঞ্জনা ।
মুগ্ধা মুগ্ধস্মিতা মৈত্রী মুগ্ধকেশী মধুপ্রিয়া ॥ ৯৯ ॥
কলাপিনী কামকলা কামকেলিঃ কলাবতী ।
অখণ্ডা নিরহঙ্কারা প্রধানপুরুষেশ্বরী ॥ ১০০ ॥
রহঃপূজ্যা রহঃকেলী রহঃস্তুত্যা হরপ্রিয়া ।
শরণ্যা গহনা গুহ্যা গুহান্তঃস্থা গুহপ্রসূ ॥ ১০১ ॥
স্বসংবেদ্যা স্বপ্রকাশা স্বাত্মস্থা স্বর্গদায়িনী ।
নিষ্প্রপঞ্চা নিরাধারা নিত্যানিত্যস্বরূপিণী ॥ ১০২ ॥
নর্মদা নর্তকী কীর্তিঃ নিষ্কামা নিষ্কলা কলা ।
অষ্টমূর্তিরমোঘোমা নন্দ্যাদিগণপূজিতা ॥ ১০৩ ॥
য়ন্ত্ররূপা তন্ত্ররূপা মন্ত্ররূপা মনোন্মনী ।
শিবকামেশ্বরী দেবী চিদ্রূপা চিত্তরঙ্গিণী ॥ ১০৪ ॥
চিত্স্বরূপা চিত্প্রকাশা চিন্মূর্তির্শ্চিন্ময়ী চিতিঃ ।
মূর্খদূরা মোহহন্ত্রী মুখ্যা ক্রোডমুখী সখী ॥ ১০৫ ॥
জ্ঞানজ্ঞাতৃজ্ঞেয়রূপা ব্যোমাকারা বিলাসিনী ।
বিমর্শরূপিণী বশ্যা বিধানজ্ঞা বিজৃম্ভিতা ॥ ১০৬ ॥
কেতকীকুসুমাপীডা কস্তূরীতিলকোজ্জ্বলা ।
মৃগ্যা মৃগাক্ষী রসিকা মৃগনাভিসুগন্ধিনী ॥ ১০৭ ॥
য়ক্ষকর্দমলিপ্তাঙ্গী য়ক্ষিণী য়ক্ষপূজিতা ।
লসন্মাণিক্যকটকা কেয়ূরোজ্জ্বলদোর্লতা ॥ ১০৮ ॥
সিন্দূররাজত্সীমন্তা সুভ্রূবল্লী সুনাসিকা ।
কৈবল্যদা কান্তিমতী কঠোরকুচমণ্ডলা ॥ ১০৯ ॥
তলোদরী তমোহন্ত্রী ত্রয়স্ত্রিংশত্সুরাত্মিকা ।
স্বয়ম্ভূঃ কুসুমামোদা স্বয়ম্ভুকুসুমপ্রিয়া ॥ ১১০ ॥
স্বাধ্যায়িনী সুখারাধ্যা বীরশ্রীর্বীরপূজিতা ।
দ্রাবিণী বিদ্রুমাভোষ্ঠী বেগিনী বিষ্ণুবল্লভা ॥ ১১১ ॥
হালামদা লসদ্বাণী লোলা লীলাবতী রতিঃ ।
লোপামুদ্রার্চিতা লক্ষ্মীরহল্যাপরিপূজিতা ॥ ১১২ ॥
আব্রহ্মকীটজননী কৈলাসগিরিবাসিনী ।
নিধীশ্বরী নিরাতঙ্কা নিষ্কলঙ্কা জগন্ময়ী ॥ ১১৩ ॥
আদিলক্ষ্মীরনন্তশ্রীরচ্যুতা তত্ত্বরূপিণী ।
নামজাত্যাদিরহিতা নরনারায়ণার্চিতা ॥ ১১৪ ॥
গুহ্যোপনিষদুদ্গীতা লক্ষ্মীবাণীনিষেবিতা ।
মতঙ্গবরদা সিদ্ধা মহায়োগীশ্বরী গুরুঃ ॥ ১১৫ ॥
গুরুপ্রিয়া কুলারাধ্যা কুলসঙ্কেতপালিনী ।
চিচ্চন্দ্রমণ্ডলান্তঃ স্থা চিদাকাশস্বরূপিণী ॥ ১১৬ ॥
অনঙ্গশাস্ত্রতত্ত্বজ্ঞা নানাবিধরসপ্রিয়া ।
নির্মলা নিরবদ্যাঙ্গী নীতিজ্ঞা নীতিরূপিণী ॥ ১১৭ ॥
ব্যাপিনী বিবুধশ্রেষ্ঠা কুলশৈলকুমারিকা ।
বিষ্ণুপ্রসূর্বীরমাতা নাসামণিবিরাজিতা ॥ ১১৮ ॥
নায়িকা নগরীসংস্থা নিত্যতুষ্টা নিতম্বিনী ।
পঞ্চব্রহ্মময়ী প্রাঞ্চী ব্রহ্মাত্মৈক্যস্বরূপিণী ॥ ১১৯ ॥
সর্বোপনিষদুদ্গীতা সর্বানুগ্রহকারিণী ।
পবিত্রা পাবনা পূতা পরমাত্মস্বরূপিণী ॥ ১২০ ॥
সূর্যেন্দুবহ্নিনয়না সূর্যমণ্ডলমধ্যগা ।
গায়ত্রী গাত্ররহিতা সুগুণা গুণবর্জিতা ॥ ১২১ ॥
রক্ষাকরী রম্যরুপা সাত্বিকা সত্ত্বদায়িনী ।
বিশ্বাতীতা ব্যোমরূপা সদাঽর্চনজপপ্রিয়া ॥ ১২২ ॥
আত্মভূরজিতা জিষ্ণুরজা স্বাহা স্বধা সুধা ।
নন্দিতাশেষভুবনা নামসঙ্কীর্তনপ্রিয়া ॥ ১২৩ ॥
গুরুমূর্তির্গুরুময়ী গুরুপাদার্চনপ্রিয়া ।
গোব্রাহ্মণাত্মিকা গুর্বী নীলকণ্ঠী নিরাময়া ॥ ১২৪ ॥
মানবী মন্ত্রজননী মহাভৈরবপূজিতা ।
নিত্যোত্সবা নিত্যপুষ্টা শ্যামা য়ৌবনশালিনী ॥ ১২৫ ॥
মহনীয়া মহামূর্তির্মহতী সৌখ্যসন্ততিঃ ।
পূর্ণোদরী হবির্ধাত্রী গণারাধ্যা গণেশ্বরী ॥ ১২৬ ॥
গায়না গর্বরহিতা স্বেদবিন্দূল্লসন্মুখী ।
তুঙ্গস্তনী তুলাশূন্যা কন্যা কমলবাসিনী ॥ ১২৭ ॥
শৃঙ্গারিণী শ্রীঃ শ্রীবিদ্যা শ্রীপ্রদা শ্রীনিবাসিনী ।
ত্রৈলোক্যসুন্দরী বালা ত্রৈলোক্যজননী সুধীঃ ॥ ১২৮ ॥
পঞ্চক্লেশহরা পাশধারিণী পশুমোচনী ।
পাষণ্ডহন্ত্রী পাপঘ্নী পার্থিবশ্রীকরী ধৃতিঃ ॥ ১২৯ ॥
নিরপায়া দুরাপা য়া সুলভা শোভনাকৃতিঃ ।
মহাবলা ভগবতী ভবরোগনিবারিণী ॥ ১৩০ ॥
ভৈরবাষ্টকসংসেব্যা ব্রাহ্ম্যাদিপরিবারিতা ।
বামাদিশক্তিসহিতা বারুণীমদবিহ্বলা ॥ ১৩১ ॥
বরিষ্ঠাবশ্যদা বশ্যা ভক্ত্তার্তিদমনা শিবা ।
বৈরাগ্যজননী জ্ঞানদায়িনী জ্ঞানবিগ্রহা ॥ ১৩২ ॥
সর্বদোষবিনির্মুক্তা শঙ্করার্ধশরীরিণী ।
সর্বেশ্বরপ্রিয়তমা স্বয়ংজ্যোতিস্স্বরূপিণী ॥ ১৩৩ ॥
ক্ষীরসাগরমধ্যস্থা মহাভুজগশায়িনী ।
কামধেনুর্বৃহদ্গর্ভা য়োগনিদ্রা য়ুগন্ধরা ॥ ১৩৪ ॥
মহেন্দ্রোপেন্দ্রজননী মাতঙ্গকুলসম্ভবা ।
মতঙ্গজাতিসম্পূজ্যা মতঙ্গকুলদেবতা ॥ ১৩৫ ॥
গুহ্যবিদ্যা বশ্যবিদ্যা সিদ্ধবিদ্যা শিবাঙ্গনা ।
সুমঙ্গলা রত্নগর্ভা সূর্যমাতা সুধাশনা ॥ ১৩৬ ॥
খড্গমণ্ডল সম্পূজ্যা সালগ্রামনিবাসিনী ।
দুর্জয়া দুষ্টদমনা দুর্নিরীক্ষ্যা দুরত্যয়া ॥ ১৩৭ ॥
শঙ্খচক্রগদাহস্তা বিষ্ণুশক্তির্বিমোহিনী ।
য়োগমাতা য়োগগম্যা য়োগনিষ্ঠা সুধাস্রবা ॥ ১৩৮ ॥
সমাধিনিষ্ঠৈঃ সংবেদ্যা সর্বভেদবিবর্জিতা ।
সাধারণা সরোজাক্ষী সর্বজ্ঞা সর্বসাক্ষিণী ॥ ১৩৯ ॥
মহাশক্তির্মহোদারা মহামঙ্গলদেবতা ।
কলৌ কৃতাবতরণা কলিকল্মষনাশিনী ॥ ১৪০ ॥
সর্বদা সর্বজননী নিরীশা সর্বতোমুখী ।
সুগূঢা সর্বতো ভদ্রা সুস্থিতা স্থাণুবল্লভা ॥ ১৪১ ॥
চরাচরজগদ্রূপা চেতনাচেতনাকৃতিঃ ।
মহেশ্বর প্রাণনাডী মহাভৈরবমোহিনী ॥ ১৪২ ॥
মঞ্জুলা য়ৌবনোন্মত্তা মহাপাতকনাশিনী ।
মহানুভাবা মাহেন্দ্রী মহামরকতপ্রভা ॥ ১৪৩ ॥
সর্বশক্ত্যাসনা শক্তির্নিরাভাসা নিরিন্দ্রিয়া ।
সমস্তদেবতামূর্তিঃ সমস্তসময়ার্চিতা ॥ ১৪৪ ॥
সুবর্চলা বিয়ন্মূর্তিঃ পুষ্কলা নিত্যপুষ্পিণী ।
নীলোত্পলদলশ্যামা মহাপ্রলয়সাক্ষিণী ॥ ১৪৫ ॥
সঙ্কল্পসিদ্ধা সঙ্গীতরসিকা রসদায়িনী ।
অভিন্না ব্রহ্মজননী কালক্রমবিবর্জিতা ॥ ১৪৬ ॥
অজপা জাড্যরহিতা প্রসন্না ভগবত্প্রিয়া ।
ইন্দিরা জগতীকন্দা সচ্চিদানন্দকন্দলী ॥
শ্রীচক্রনিলয়া দেবী শ্রীবিদ্যা শ্রীপ্রদায়িনী ॥ ১৪৭ ॥
ফলশ্রুতিঃ
ইতি তে কথিতো লক্ষ্মী নামসারস্তবো ময়া ।
শ্যামলায়া মহাদেব্যাঃ সর্ববশ্যপ্রদায়কঃ ॥ ১৪৮ ॥
য় ইমং পঠতে নিত্যং নামসারস্তবং পরম্ ।
তস্য নশ্যন্তি পাপানি মহান্ত্যপি ন সংশয়ঃ ॥ ১৪৯ ॥
ত্রিসন্ধ্যং য়ঃ পঠেন্নিত্যং বর্ষমেকমতন্দ্রিতঃ ।
সার্বভৌমো মহীপালস্তস্য বশ্যো ভবেদ্ধুবম্ ॥ ১৫০ ॥
মূলমন্ত্রজপান্তে য়ঃ পঠেন্নামসহস্রকম্ ।
মন্ত্রসিদ্ধির্ভবেত্তস্য শীঘ্রমেব বরাননে ॥ ১৫১ ॥
জগত্ত্রয়ং বশীকৃত্য সাক্ষাত্কামসমো ভবেত্ ।
দিনে দিনে দশাবৃত্ত্যা মণ্ডলং য়ো জপেন্নরঃ ॥ ১৫২ ॥
সচিবঃ স ভবেদ্দেবি সার্বভৌমস্য ভূপতেঃ ।
ষণ্মাসং য়ো জপেন্নিত্যং একবারং দৃঢব্রতঃ ॥ ১৫৩ ॥
ভবন্তি তস্য ধান্যানাং ধনানাং চ সমৃদ্ধয়ঃ ।
চন্দনং কুঙ্কুমং বাপি ভস্ম বা মৃগনাভিকম্ ॥ ১৫৪ ॥
অনেনৈব ত্রিরাবত্ত্যা নামসারেণ মন্ত্রিতম্ ।
য়ো ললাটে ধারয়তে তস্য বক্ত্রাবলোকনাত্ ॥ ১৫৫ ॥
হন্তুমুদ্যতখড্গোঽপি শত্রুর্বশ্যো ভবেদ্ধ্রুবম্ ।
অনেন নামসারেণ মন্ত্রিতং প্রাশয়েজ্জলম্ ॥ ১৫৬ ॥
মাসমাত্রং বরারোহে গান্ধর্বনিপুণো ভবেত্ ।
সঙ্গীতে কবিতায়াং চ নাস্তি তত্সদৃশো ভুবি ॥ ১৫৭ ॥
ব্রহ্মজ্ঞানমবাপ্নোতি মোক্ষং চাপ্যধিগচ্ছতি ।
প্রীয়তে শ্যামলা নিত্যং প্রীতাঽভীষ্টং প্রয়চ্ছতি ॥ ১৫৮ ॥
॥ ইতি সৌভাগ্যলক্ষ্মীকল্পতান্তর্গতে লক্ষ্মীনারায়ণসংবাদে
অষ্টসপ্তিতমে খণ্ডে শ্রীশ্যামলাসহস্রনামস্তোত্রং সম্পূর্ণম্ ॥
মাতঙ্গী মাতরীশে মধুমথনাসধিতে মহামায়ে ।
মোহিনি মোহপ্রমথিনি মন্মথমথনপ্রিয়ে বরাঙ্গি মাতঙ্গি ॥
য়তিজন হৃদয়নিবাসে বাসববরদে বরাঙ্গি মাতঙ্গি ।
বীণাবাদ বিনোদিনি নারদগীতে নমো দেবি ॥
Also Read 1000 Names of Sri Shyamala:
1000 Names of Sri Shyamala | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
