Shri ShyamalaSahasranamastotram Lyrics in Gujarati:
॥ શ્રી શ્યામલાસહસ્રનામસ્તોત્રમ્ ॥
નામસારસ્તવઃ
સર્વશૃઙ્ગારશોભાઢ્યાં તુઙ્ગપીનપયોધરામ્ ।
ગઙ્ગાધરપ્રિયાં દેવીં માતઙ્ગીં નૌમિ સન્તતમ્ ॥ ૧ ॥
શ્રીમદ્વૈકુણ્ઠનિલયં શ્રીપતિં સિદ્ધસેવિતમ્ ।
કદાચિત્સ્વપ્રિયં લક્ષ્મીર્નારાયણમપૃચ્છત ॥ ૨ ॥
લક્ષ્મીરુવાચ
કિં જપ્યં પરમં નૄણાં ભોગમોક્ષફલપ્રદમ્ ।
સર્વવશ્યકરં ચૈવ સર્વૈશ્વર્યપ્રદાયકમ્ ॥ ૩ ॥
સર્વરક્ષાકરં ચૈવ સર્વત્ર વિજયપ્રદમ્ ।
બ્રહ્મજ્ઞાનપ્રદં પુંસાં તન્મે બ્રૂહિ જનાર્દન ॥ ૪ ॥
ભગવાનુવાચ
નામસારસ્તવં પુણ્યં પઠેન્નિત્યં પ્રયત્નતઃ ।
તેન પ્રીતા શ્યામલામ્બા ત્વદ્વશં કુરુતે જગત્ ॥ ૫ ॥
તન્ત્રેષુ લલિતાદીનાં શક્તીનાં નામકોશતઃ ।
સારમુદ્ધૃત્ય રચિતો નામસારસ્તવો હ્યયમ્ ॥ ૬ ॥
નામસારસ્તવં મહ્યં દત્તવાન્ પરમેશ્વરઃ ।
તવ નામસહસ્રં તત્ શ્યામલાયા વદામ્યહમ્ ॥ ૭ ॥
વિનિયોગઃ ॥
અસ્ય શ્રીશ્યામલાપરમેશ્વરીનામસાહસ્રસ્તોત્રમાલા મન્ત્રસ્ય,
સદાશિવ ઋષિઃ । અનુષ્ટુપ્છન્દઃ ।
શ્રીરાજરાજેશ્વરી શ્યામલા પરમેશ્વરી દેવતા ।
ચતુર્વિધપુરુષાર્થસિદ્ધ્યર્થે નામપારાયણે વિનિયોગઃ ।
ધ્યાનમ્ ॥
ધ્યાયેઽહં રત્નપીઠે શુકકલપઠિતં શૃણ્વતીં શ્યામગાત્રીં
ન્યસ્તૈકાઙ્ઘ્રીં સરોજે શશિશકલધરાં વલ્લકીં વાદયન્તીમ્ ।
કલ્હારાબદ્ધમૌલિં નિયમિતલસચ્ચૂલિકાં રક્તવસ્ત્રાં
માતઙ્ગીં ભૂષિતાઙ્ગીં મધુમદમુદિતાં ચિત્રકોદ્ભાસિફાલામ્ ॥
પઞ્ચપૂજા ।
અથ સહસ્રનામસ્તોત્રમ્ ।
ૐ ।
સૌભાગ્યલક્ષ્મીઃ સૌન્દર્યનિધિઃ સમરસપ્રિયા ।
સર્વકલ્યાણનિલયા સર્વેશી સર્વમઙ્ગલા ॥ ૧ ॥
સર્વવશ્યકરી સર્વા સર્વમઙ્ગલદાયિની ।
સર્વવિદ્યાદાનદક્ષા સઙ્ગીતોપનિષત્પ્રિયા ॥ ૨ ॥
સર્વભૂતહૃદાવાસા સર્વગીર્વાણપૂજિતા ।
સમૃદ્ધા સઙ્ગમુદિતા સર્વલોકૈકસંશ્રયા ॥ ૩ ॥
સપ્તકોટિમહામન્ત્રસ્વરૂપા સર્વસાક્ષિણી ।
સર્વાઙ્ગસુન્દરી સર્વગતા સત્યસ્વરૂપિણી ॥ ૪ ॥
સમા સમયસંવેદ્યા સમયજ્ઞા સદાશિવા ।
સઙ્ગીતરસિકા સર્વકલામયશુકપ્રિયા ॥ ૫ ॥
ચન્દનાલેપદિગ્ધાઙ્ગી સચ્ચિદાનન્દરૂપિણી ।
કદમ્બવાટીનિલયા કમલાકાન્તસેવિતા ॥ ૬ ॥
કટાક્ષોત્પન્નકન્દર્પા કટાક્ષિતમહેશ્વરા ।
કલ્યાણી કમલાસેવ્યા કલ્યાણાચલવાસિની ॥ ૭ ॥
કાન્તા કન્દર્પજનની કરુણારસસાગરા ।
કલિદોષહરા કામ્યા કામદા કામવર્ધિની ॥ ૮ ॥
કદમ્બકલિકોત્તંસા કદમ્બકુસુમાપ્રિયા ।
કદમ્બમૂલરસિકા કામાક્ષી કમલાનના ॥ ૯ ॥
કમ્બુકણ્ઠી કલાલાપા કમલાસનપૂજિતા ।
કાત્યાયની કેલિપરા કમલાક્ષસહોદરી ॥ ૧૦ ॥
કમલાક્ષી કલારૂપા કોકાકારકુચદ્વયા ।
કોકિલા કોકિલારાવા કુમારજનની શિવા ॥ ૧૧ ॥
સર્વજ્ઞા સન્તતોન્મત્તા સર્વૈશ્વર્યપ્રદાયિની ।
સુધાપ્રિયા સુરારાધ્યા સુકેશી સુરસુન્દરી ॥ ૧૨ ॥
શોભના શુભદા શુદ્ધા શુદ્ધચિત્તૈકવાસિની ।
વેદવેદ્યા વેદમયી વિદ્યાધરગણાર્ચિતા ॥ ૧૩ ॥
વેદાન્તસારા વિશ્વેશી વિશ્વરૂપા વિરૂપિણી ।
વિરૂપાક્ષપ્રિયા વિદ્યા વિન્ધ્યાચલનિવાસિની ॥ ૧૪ ॥
વીણાવાદવિનોદજ્ઞા વીણાગાનવિશારદા ।
વીણાવતી બિન્દુરૂપા બ્રહ્માણી બ્રહ્મરૂપિણી ॥ ૧૫ ॥
પાર્વતી પરમાઽચિન્ત્યા પરાશક્તિઃ પરાત્પરા ।
પરાનન્દા પરેશાની પરવિદ્યા પરાપરા ॥ ૧૬ ॥
ભક્તપ્રિયા ભક્તિગમ્યા ભક્તાનાં પરમા ગતિઃ ।
ભવ્યા ભવપ્રિયા ભીરુર્ભવસાગરતારિણી ॥ ૧૭ ॥
ભયઘ્ની ભાવુકા ભવ્યા ભામિની ભક્તપાલિની ।
ભેદશૂન્યા ભેદહન્ત્રી ભાવના મુનિભાવિતા ॥ ૧૮ ॥
માયા મહેશ્વરી માન્યા માતઙ્ગી મલયાલયા ।
મહનીયા મદોન્મત્તા મન્ત્રિણી મન્ત્રનાયિકા ॥ ૧૯ ॥
મહાનન્દા મનોગમ્યા મતઙ્ગકુલમણ્ડના ।
મનોજ્ઞા માનિની માધ્વી સિન્ધુમધ્યકૃતાલયા ॥ ૨૦ ॥
મધુપ્રીતા નીલકચા માધ્વીરસમદાલસા ।
પૂર્ણચન્દ્રાભવદના પૂર્ણા પુણ્યફલપ્રદા ॥ ૨૧ ॥
પુલોમજાર્ચિતા પૂજ્યા પુરુષાર્થપ્રદાયિની ।
નારાયણી નાદરૂપા નાદબ્રહ્મસ્વરૂપિણી ॥ ૨૨ ॥
નિત્યા નવનવાકારા નિત્યાનન્દા નિરાકુલા ।
નિટિલાક્ષપ્રિયા નેત્રી નીલેન્દીવરલોચના ॥ ૨૩ ॥
તમાલકોમલાકારા તરુણી તનુમધ્યમા ।
તટિત્પિશઙ્ગવસના તટિત્કોટિસભદ્યુતિઃ ॥ ૨૪ ॥
મધુરા મઙ્ગલા મેધ્યા મધુપાનપ્રિયા સખી ।
ચિત્કલા ચારુવદના સુખરૂપા સુખપ્રદા ॥ ૨૫ ॥
કૂટસ્થા કૌલિની કૂર્મપીઠસ્થા કુટિલાલકા ।
શાન્તા શાન્તિમતી શાન્તિઃ શ્યામલા શ્યામલાકૃતિઃ ॥ ૨૬ ॥
શઙ્ખિની શઙ્કરી શૈવી શઙ્ખકુણ્ડલમણ્ડિતા ।
કુન્દદન્તા કોમલાઙ્ગી કુમારી કુલયોગિની ॥ ૨૭ ॥
નિર્ગર્ભયોગિનીસેવ્યા નિરન્તરરતિપ્રિયા ।
શિવદૂતી શિવકરી જટિલા જગદાશ્રયા ॥ । ૨૮ ॥
શામ્ભવી યોગિનિલયા પરચૈતન્યરૂપિણી ।
દહરાકાશનિલયા દણ્ડિનીપરિપૂજિતા ॥ ૨૯ ॥
સમ્પત્કરીગજારૂઢા સાન્દ્રાનન્દા સુરેશ્વરી ।
ચમ્પકોદ્ભાસિતકચા ચન્દ્રશેખરવલ્લભા ॥ ૩૦ ॥
ચારુરૂપા ચારુદન્તી ચન્દ્રિકા શમ્ભુમોહિની ।
વિમલા વિદુષી વાણી કમલા કમલાસના ॥ ૩૧ ॥
કરુણાપૂર્ણહૃદયા કામેશી કમ્બુકન્ધરા ।
રાજરાજેશ્વરી રાજમાતઙ્ગી રાજવલ્લભા ॥ ૩૨ ॥
સચિવા સચિવેશાની સચિવત્વપ્રદાયિની ।
પઞ્ચબાણાર્ચિતા બાલા પઞ્ચમી પરદેવતા ॥ ૩૩ ॥
ઉમા મહેશ્વરી ગૌરી સઙ્ગીતજ્ઞા સરસ્વતી ।
કવિપ્રિયા કાવ્યકલા કલૌ સિદ્ધિપ્રદાયિની ॥ ૩૪ ॥
લલિતામન્ત્રિણી રમ્યા લલિતારાજ્યપાલિની ।
લલિતાસેવનપરા લલિતાજ્ઞાવશંવદા ॥ ૩૫ ॥
લલિતાકાર્યચતુરા લલિતાભક્તપાલિની ।
લલિતાર્ધાસનારૂઢા લાવણ્યરસશેવધિઃ ॥ ૩૬ ॥
રઞ્જની લાલિતશુકા લસચ્ચૂલીવરાન્વિતા ।
રાગિણી રમણી રામા રતી રતિસુખપ્રદા ॥ ૩૭ ॥
ભોગદા ભોગ્યદા ભૂમિપ્રદા ભૂષણશાલિની ।
પુણ્યલભ્યા પુણ્યકીર્તિઃ પુરન્દરપુરેશ્વરી ॥ ૩૮ ॥
ભૂમાનન્દા ભૂતિકરી ક્લીઙ્કારી ક્લિન્નરૂપિણી ।
ભાનુમણ્ડલમધ્યસ્થા ભામિની ભારતી ધૃતિઃ ॥ ૩૯ ॥
નારાયણાર્ચિતા નાથા નાદિની નાદરૂપિણી ।
પઞ્ચકોણાસ્થિતા લક્ષ્મીઃ પુરાણી પુરરૂપિણી ॥ ૪૦ ॥
ચક્રસ્થિતા ચક્રરૂપા ચક્રિણી ચક્રનાયિકા ।
ષટ્ચક્રમણ્ડલાન્તઃસ્થા બ્રહ્મચક્રનિવાસિની ॥ ૪૧ ॥
અન્તરભ્યર્ચનપ્રીતા બહિરર્ચનલોલુપા ।
પઞ્ચાશત્પીઠમધ્યસ્થા માતૃકાવર્ણરૂપિણી ॥ ૪૨ ॥
મહાદેવી મહાશક્તિઃ મહામાયા મહામતિઃ ।
મહારૂપા મહાદીપ્તિઃ મહાલાવણ્યશાલિની ॥ ૪૩ ॥
માહેન્દ્રી મદિરાદૃપ્તા મદિરાસિન્ધુવાસિની ।
મદિરામોદવદના મદિરાપાનમન્થરા ॥ ૪૪ ॥
દુરિતઘ્ની દુઃખહન્ત્રી દૂતી દૂતરતિપ્રિયા ।
વીરસેવ્યા વિઘ્નહરા યોગિની ગણસેવિતા ॥ ૪૫ ॥
નિજવીણારવાનન્દનિમીલિતવિલોચના ।
વજ્રેશ્વરી વશ્યકરી સર્વચિત્તવિમોહિની ॥ ૪૬ ॥
શબરી શમ્બરારાધ્યા શામ્બરી સામસંસ્તુતા ।
ત્રિપુરામન્ત્રજપિની ત્રિપુરાર્ચનતત્પરા ॥ ૪૭ ॥
ત્રિલોકેશી ત્રયીમાતા ત્રિમૂર્તિસ્ત્રિદિવેશ્વરી ।
ઐઙ્કારી સર્વજનની સૌઃકારી સંવિદીશ્વરી ॥ ૪૮ ॥
બોધા બોધકરી બોધ્યા બુધારાધ્યા પુરાતની ।
ભણ્ડસોદરસંહર્ત્રી ભણ્ડસૈન્યવિનાશિની ॥ ૪૯ ॥
ગેયચક્રરથારૂઢા ગુરુમૂર્તિઃ કુલાઙ્ગના ।
ગાન્ધર્વશાસ્ત્રમર્મજ્ઞા ગન્ધર્વગણપૂજિતા ॥ ૫૦ ॥
જગન્માતા જયકરી જનની જનદેવતા ।
શિવારાધ્યા શિવાર્ધાઙ્ગી શિઞ્જન્મઞ્જીરમણ્ડિતા ॥ ૫૧ ॥
સર્વાત્મિકા ઋષીકેશી સર્વપાપવિનાશિની ।
સર્વરોગહરા સાધ્યા ધર્મિણી ધર્મરૂપિણી ॥ ૫૨ ॥
આચારલભ્યા સ્વાચારા ખેચરી યોનિરૂપિણી ।
પતિવ્રતા પાશહન્ત્રી પરમાર્થસ્વરૂપિણી ॥ ૫૩ ॥
પણ્ડિતા પરિવારાઢ્યા પાષણ્ડમતભઞ્જની ।
શ્રીકરી શ્રીમતી દેવી બિન્દુનાદસ્વરૂપિણી ॥ ૫૪ ॥
અપર્ણા હિમવત્પુત્રી દુર્ગા દુર્ગતિહારિણી ।
વ્યાલોલશઙ્ખાતાટઙ્કા વિલસદ્ગણ્ડપાલિકા ॥ ૫૫ ॥
સુધામધુરસાલાપા સિન્દૂરતિલકોજ્જ્વલા ।
અલક્તકારક્તપાદા નન્દનોદ્યાનવાસિની ॥ ૫૬ ॥
વાસન્તકુસુમાપીડા વસન્તસમયપ્રિયા ।
ધ્યાનનિષ્ઠા ધ્યાનગમ્યા ધ્યેયા ધ્યાનસ્વરૂપિણી ॥ ૫૭ ॥
દારિદ્ર્યહન્ત્રી દૌર્ભાગ્યશમની દાનવાન્તકા ।
તીર્થરૂપા ત્રિનયના તુરીયા દોષવર્જિતા ॥ ૫૮ ॥
મેધાપ્રદાયિની મેધ્યા મેદિની મદશાલિની ।
મધુકૈટભસંહર્ત્રી માધવી માધવપ્રિયા ॥ ૫૯ ॥
મહિલા મહિમાસારા શર્વાણી શર્મદાયિની ।
રુદ્રાણી રુચિરા રૌદ્રી રુક્મભૂષણભૂષિતા ॥ ૬૦ ॥
અમ્બિકા જગતાં ધાત્રી જટિની ધૂર્જટિપ્રિયા ।
સુક્ષ્મસ્વરૂપિણી સૌમ્યા સુરુચિઃ સુલભા શુભા ॥ ૬૧ ॥
વિપઞ્ચીકલનિક્કાણવિમોહિતજગત્ત્રયા ।
ભૈરવપ્રેમનિલયા ભૈરવી ભાસુરાકૃતિઃ ॥ ૬૨ ॥
પુષ્પિણી પુણ્યનિલયા પુણ્યશ્રવણકીર્તના ।
કુરુકુલ્લા કુણ્ડલિની વાગીશી નકુલેશ્વરી ॥ ૬૩ ॥
વામકેશી ગિરિસુતા વાર્તાલીપરિપૂજિતા ।
વારુણીમદરક્તાક્ષી વન્દારુવરદાયિની ॥ ૬૪ ॥
કટાક્ષસ્યન્દિકરુણા કન્દર્પમદવર્ધિની ।
દૂર્વાશ્યામા દુષ્ટહન્ત્રી દુષ્ટગ્રહવિભેદિની ॥ ૬૫ ॥
સર્વશત્રુક્ષયકરી સર્વસમ્પત્પ્રવર્ધિની ।
કબરીશોભિકલ્હારા કલશિઞ્જિતમેખલા ॥ ૬૬ ॥
મૃણાલીતુલ્વદોર્વલ્લી મૃડાની મૃત્યુવર્જિતા ।
મૃદુલા મૃત્યુસંહર્ત્રી મઞ્જુલા મઞ્જુભાષિણી ॥ ૬૭ ॥
કર્પૂરવીટીકબલા કમનીયકપોલભૂઃ ।
કર્પૂરક્ષોદદિગ્ધાઙ્ગી કર્ત્રી કારણવર્જિતા ॥ ૬૮ ॥
અનાદિનિધના ધાત્રી ધાત્રીધરકુલોદ્ભવા ।
સ્તોત્રપ્રિયા સ્તુતિમયી મોહિની મોહહારિણી ॥ ૬૯ ॥
જીવરૂપા જીવકારી જીવન્મુક્તિપ્રદાયિની ।
ભદ્રપીઠસ્થિતા ભદ્રા ભદ્રદા ભર્ગભામિની ॥ ૭૦ ॥
ભગાનન્દા ભગમયી ભગલિઙ્ગા ભગેશ્વરી ।
મત્તમાતઙ્ગગમના માતઙ્ગકુલમઞ્જરી ॥ ૭૧ ॥
રાજહંસગતી રાજ્ઞી રાજરાજ સમર્ચિતા ।
ભવાની પાવની કાલી દક્ષિણા દક્ષકન્યકા ॥ ૭૨ ॥
હવ્યવાહા હવિર્ભોક્ત્રી હારિણી દુઃખહારિણી ।
સંસારતારિણી સૌમ્યા સર્વેશી સમરપ્રયા ॥ ૭૩ ॥
સ્વપ્નવતી જાગરિણી સુષુપ્તા વિશ્વરૂપિણી ।
તૈજસી પ્રાજ્ઞકલના ચેતના ચેતનાવતી ॥ ૭૪ ॥
ચિન્માત્રા ચિદ્ઘના ચેત્યા ચિચ્છાયા ચિત્સ્વરૂપિણી ।
નિવૃત્તિરૂપિણી શાન્તિઃ પ્રતિષ્ઠા નિત્યરૂપિણી ॥ ૭૫ ॥
વિદ્યારૂપા શાન્ત્યતીતા કલાપઞ્ચકરૂપિણી ।
હ્રીઙ્કારી હ્રીમતી હૃદ્યા હ્રીચ્છાયા હરિવાહના ॥ ૭૬ ॥
મૂલપ્રકૃતિરવ્યક્તા વ્યક્તાવ્યક્તવિનોદિની ।
યજ્ઞરૂપા યજ્ઞભોક્ત્રી યજ્ઞાઙ્ગી યજ્ઞરૂપિણી ॥ ૭૭ ॥
દીક્ષિતા ક્ષમણા ક્ષામા ક્ષિતિઃ ક્ષાન્તિઃ શ્રુતિઃ સ્મૃતિઃ ।
એકાઽનેકા કામકલા કલ્પા કાલસ્વરૂપિણી ॥ ૭૮ ॥
દક્ષા દાક્ષાયણી દીક્ષા દક્ષયજ્ઞવિનાશિની ।
ગાયત્રી ગગનાકારા ગીર્દેવી ગરુડાસના ॥ ૭૯ ॥
સાવિત્રી સકલાધ્યક્ષા બ્રહ્માણી બ્રાહ્મણપ્રિયા ।
જગન્નાથા જગન્મૂર્તિઃ જગન્મૃત્યુનિવારિણી ॥ ૮૦ ॥
દૃગ્રૂપા દૃશ્યનિલયા દ્રષ્ટ્રી મન્ત્રી ચિરન્તની ।
વિજ્ઞાત્રી વિપુલા વેદ્યા વૃદ્ધા વર્ષીયસી મહી ॥ ૮૧ ॥
આર્યા કુહરિણી ગુહ્યા ગૌરી ગૌતમપૂજિતા ।
નન્દિની નલિની નિત્યા નીતિર્નયવિશારદા ॥ ૮૨ ॥
ગતાગતજ્ઞા ગન્ધર્વી ગિરિજા ગર્વનાશિની ।
પ્રિયવ્રતા પ્રમા પ્રાણા પ્રમાણજ્ઞા પ્રિયંવદા ॥ ૮૩ ॥
અશરીરા શરીરસ્થા નામરૂપવિવર્જિતા ।
વર્ણાશ્રમવિભાગજ્ઞા વર્ણાશ્રમવિવર્જિતા ॥ ૮૪ ॥
નિત્યમુક્તા નિત્યતૃપ્તા નિર્લેપા નિરવગ્રહા ।
ઇચ્છાજ્ઞાનક્રિયાશક્તિઃ ઇન્દિરા બન્ધુરાકૃતિઃ ॥ ૮૫ ॥
મનોરથપ્રદા મુખ્યા માનિની માનવર્જિતા ।
નીરાગા નિરહઙ્કારા નિર્નાશા નિરુપપ્લવા ॥ ૮૬ ॥
વિચિત્રા ચિત્રચારિત્રા નિષ્કલા નિગમાલયા ।
બ્રહ્મવિદ્યા બ્રહ્મનાડી બન્ધહન્ત્રી બલિપ્રિયા ॥ ૮૭ ॥
સુલક્ષણા લક્ષણજ્ઞા સુન્દરભ્રૂલતાઞ્ચિતા ।
સુમિત્રા માલિની સીમા મુદ્રિણી મુદ્રિકાઞ્ચિતા ॥ ૮૮ ॥
રજસ્વલા રમ્યમૂર્તિર્જયા જન્મવિવર્જિતા ।
પદ્માલયા પદ્મપીઠા પદ્મિની પદ્મવર્ણિની ॥ ૮૯ ॥
વિશ્વમ્ભરા વિશ્વગર્ભા વિશ્વેશી વિશ્વતોમુખી ।
અદ્વિતીયા સહસ્રાક્ષી વિરાડ્રૂપા વિમોચિની ॥ ૯૦ ॥
સૂત્રરૂપા શાસ્ત્રકરી શાસ્ત્રજ્ઞા શસ્ત્રધારિણી ।
વેદવિદ્વેદકૃદ્વેદ્યા વિત્તજ્ઞા વિત્તશાલિની ॥ ૯૧ ॥
વિશદા વૈષ્ણવી બ્રાહ્મી વૈરિઞ્ચી વાક્પ્રદાયિની ।
વ્યાખ્યાત્રી વામના વૃદ્ધિઃ વિશ્વનાથા વિશારદા ॥ ૯૨ ॥
મુદ્રેશ્વરી મુણ્ડમાલા કાલી કઙ્કાલરૂપિણી ।
મહેશ્વરપ્રીતિકરી મહેશ્વર પતિવ્રતા ॥ ૯૩ ॥
બ્રહ્માણ્ડમાલિની બુધ્ન્યા મતઙ્ગમુનિપૂજિતા ।
ઈશ્વરી ચણ્ડિકા ચણ્ડી નિયન્ત્રી નિયમસ્થિતા ॥ ૯૪ ॥
સર્વાન્તર્યામિણી સેવ્યા સન્તતિઃ સન્તતિપ્રદા ।
તમાલપલ્લવશ્યામા તામ્રોષ્ઠી તાણ્ડવપ્રિયા ॥ ૯૫ ॥
નાટ્યલાસ્યકરી રમ્ભા નટરાજપ્રિયાઙ્ગના ।
અનઙ્ગરૂપાઽનઙ્ગશ્રીરનઙ્ગેશી વસુન્ધરા ॥ ૯૯ ॥
સામ્રાજ્યદાયિની સિદ્ધા સિદ્ધેશી સિદ્ધિદાયિની ।
સિદ્ધમાતા સિદ્ધપૂજ્યા સિદ્ધાર્થા વસુદાયિની ॥ ૯૭ ॥
ભક્તિમત્કલ્પલતિકા ભક્તિદા ભક્તવત્સલા ।
પઞ્ચશક્ત્યર્ચિતપદા પરમાત્મસ્વરૂપિણી ॥ ૯૮ ॥
અજ્ઞાનતિમિરજ્યોત્સ્ના નિત્યાહ્લાદા નિરઞ્જના ।
મુગ્ધા મુગ્ધસ્મિતા મૈત્રી મુગ્ધકેશી મધુપ્રિયા ॥ ૯૯ ॥
કલાપિની કામકલા કામકેલિઃ કલાવતી ।
અખણ્ડા નિરહઙ્કારા પ્રધાનપુરુષેશ્વરી ॥ ૧૦૦ ॥
રહઃપૂજ્યા રહઃકેલી રહઃસ્તુત્યા હરપ્રિયા ।
શરણ્યા ગહના ગુહ્યા ગુહાન્તઃસ્થા ગુહપ્રસૂ ॥ ૧૦૧ ॥
સ્વસંવેદ્યા સ્વપ્રકાશા સ્વાત્મસ્થા સ્વર્ગદાયિની ।
નિષ્પ્રપઞ્ચા નિરાધારા નિત્યાનિત્યસ્વરૂપિણી ॥ ૧૦૨ ॥
નર્મદા નર્તકી કીર્તિઃ નિષ્કામા નિષ્કલા કલા ।
અષ્ટમૂર્તિરમોઘોમા નન્દ્યાદિગણપૂજિતા ॥ ૧૦૩ ॥
યન્ત્રરૂપા તન્ત્રરૂપા મન્ત્રરૂપા મનોન્મની ।
શિવકામેશ્વરી દેવી ચિદ્રૂપા ચિત્તરઙ્ગિણી ॥ ૧૦૪ ॥
ચિત્સ્વરૂપા ચિત્પ્રકાશા ચિન્મૂર્તિર્શ્ચિન્મયી ચિતિઃ ।
મૂર્ખદૂરા મોહહન્ત્રી મુખ્યા ક્રોડમુખી સખી ॥ ૧૦૫ ॥
જ્ઞાનજ્ઞાતૃજ્ઞેયરૂપા વ્યોમાકારા વિલાસિની ।
વિમર્શરૂપિણી વશ્યા વિધાનજ્ઞા વિજૃમ્ભિતા ॥ ૧૦૬ ॥
કેતકીકુસુમાપીડા કસ્તૂરીતિલકોજ્જ્વલા ।
મૃગ્યા મૃગાક્ષી રસિકા મૃગનાભિસુગન્ધિની ॥ ૧૦૭ ॥
યક્ષકર્દમલિપ્તાઙ્ગી યક્ષિણી યક્ષપૂજિતા ।
લસન્માણિક્યકટકા કેયૂરોજ્જ્વલદોર્લતા ॥ ૧૦૮ ॥
સિન્દૂરરાજત્સીમન્તા સુભ્રૂવલ્લી સુનાસિકા ।
કૈવલ્યદા કાન્તિમતી કઠોરકુચમણ્ડલા ॥ ૧૦૯ ॥
તલોદરી તમોહન્ત્રી ત્રયસ્ત્રિંશત્સુરાત્મિકા ।
સ્વયમ્ભૂઃ કુસુમામોદા સ્વયમ્ભુકુસુમપ્રિયા ॥ ૧૧૦ ॥
સ્વાધ્યાયિની સુખારાધ્યા વીરશ્રીર્વીરપૂજિતા ।
દ્રાવિણી વિદ્રુમાભોષ્ઠી વેગિની વિષ્ણુવલ્લભા ॥ ૧૧૧ ॥
હાલામદા લસદ્વાણી લોલા લીલાવતી રતિઃ ।
લોપામુદ્રાર્ચિતા લક્ષ્મીરહલ્યાપરિપૂજિતા ॥ ૧૧૨ ॥
આબ્રહ્મકીટજનની કૈલાસગિરિવાસિની ।
નિધીશ્વરી નિરાતઙ્કા નિષ્કલઙ્કા જગન્મયી ॥ ૧૧૩ ॥
આદિલક્ષ્મીરનન્તશ્રીરચ્યુતા તત્ત્વરૂપિણી ।
નામજાત્યાદિરહિતા નરનારાયણાર્ચિતા ॥ ૧૧૪ ॥
ગુહ્યોપનિષદુદ્ગીતા લક્ષ્મીવાણીનિષેવિતા ।
મતઙ્ગવરદા સિદ્ધા મહાયોગીશ્વરી ગુરુઃ ॥ ૧૧૫ ॥
ગુરુપ્રિયા કુલારાધ્યા કુલસઙ્કેતપાલિની ।
ચિચ્ચન્દ્રમણ્ડલાન્તઃ સ્થા ચિદાકાશસ્વરૂપિણી ॥ ૧૧૬ ॥
અનઙ્ગશાસ્ત્રતત્ત્વજ્ઞા નાનાવિધરસપ્રિયા ।
નિર્મલા નિરવદ્યાઙ્ગી નીતિજ્ઞા નીતિરૂપિણી ॥ ૧૧૭ ॥
વ્યાપિની વિબુધશ્રેષ્ઠા કુલશૈલકુમારિકા ।
વિષ્ણુપ્રસૂર્વીરમાતા નાસામણિવિરાજિતા ॥ ૧૧૮ ॥
નાયિકા નગરીસંસ્થા નિત્યતુષ્ટા નિતમ્બિની ।
પઞ્ચબ્રહ્મમયી પ્રાઞ્ચી બ્રહ્માત્મૈક્યસ્વરૂપિણી ॥ ૧૧૯ ॥
સર્વોપનિષદુદ્ગીતા સર્વાનુગ્રહકારિણી ।
પવિત્રા પાવના પૂતા પરમાત્મસ્વરૂપિણી ॥ ૧૨૦ ॥
સૂર્યેન્દુવહ્નિનયના સૂર્યમણ્ડલમધ્યગા ।
ગાયત્રી ગાત્રરહિતા સુગુણા ગુણવર્જિતા ॥ ૧૨૧ ॥
રક્ષાકરી રમ્યરુપા સાત્વિકા સત્ત્વદાયિની ।
વિશ્વાતીતા વ્યોમરૂપા સદાઽર્ચનજપપ્રિયા ॥ ૧૨૨ ॥
આત્મભૂરજિતા જિષ્ણુરજા સ્વાહા સ્વધા સુધા ।
નન્દિતાશેષભુવના નામસઙ્કીર્તનપ્રિયા ॥ ૧૨૩ ॥
ગુરુમૂર્તિર્ગુરુમયી ગુરુપાદાર્ચનપ્રિયા ।
ગોબ્રાહ્મણાત્મિકા ગુર્વી નીલકણ્ઠી નિરામયા ॥ ૧૨૪ ॥
માનવી મન્ત્રજનની મહાભૈરવપૂજિતા ।
નિત્યોત્સવા નિત્યપુષ્ટા શ્યામા યૌવનશાલિની ॥ ૧૨૫ ॥
મહનીયા મહામૂર્તિર્મહતી સૌખ્યસન્તતિઃ ।
પૂર્ણોદરી હવિર્ધાત્રી ગણારાધ્યા ગણેશ્વરી ॥ ૧૨૬ ॥
ગાયના ગર્વરહિતા સ્વેદબિન્દૂલ્લસન્મુખી ।
તુઙ્ગસ્તની તુલાશૂન્યા કન્યા કમલવાસિની ॥ ૧૨૭ ॥
શૃઙ્ગારિણી શ્રીઃ શ્રીવિદ્યા શ્રીપ્રદા શ્રીનિવાસિની ।
ત્રૈલોક્યસુન્દરી બાલા ત્રૈલોક્યજનની સુધીઃ ॥ ૧૨૮ ॥
પઞ્ચક્લેશહરા પાશધારિણી પશુમોચની ।
પાષણ્ડહન્ત્રી પાપઘ્ની પાર્થિવશ્રીકરી ધૃતિઃ ॥ ૧૨૯ ॥
નિરપાયા દુરાપા યા સુલભા શોભનાકૃતિઃ ।
મહાબલા ભગવતી ભવરોગનિવારિણી ॥ ૧૩૦ ॥
ભૈરવાષ્ટકસંસેવ્યા બ્રાહ્મ્યાદિપરિવારિતા ।
વામાદિશક્તિસહિતા વારુણીમદવિહ્વલા ॥ ૧૩૧ ॥
વરિષ્ઠાવશ્યદા વશ્યા ભક્ત્તાર્તિદમના શિવા ।
વૈરાગ્યજનની જ્ઞાનદાયિની જ્ઞાનવિગ્રહા ॥ ૧૩૨ ॥
સર્વદોષવિનિર્મુક્તા શઙ્કરાર્ધશરીરિણી ।
સર્વેશ્વરપ્રિયતમા સ્વયંજ્યોતિસ્સ્વરૂપિણી ॥ ૧૩૩ ॥
ક્ષીરસાગરમધ્યસ્થા મહાભુજગશાયિની ।
કામધેનુર્બૃહદ્ગર્ભા યોગનિદ્રા યુગન્ધરા ॥ ૧૩૪ ॥
મહેન્દ્રોપેન્દ્રજનની માતઙ્ગકુલસમ્ભવા ।
મતઙ્ગજાતિસમ્પૂજ્યા મતઙ્ગકુલદેવતા ॥ ૧૩૫ ॥
ગુહ્યવિદ્યા વશ્યવિદ્યા સિદ્ધવિદ્યા શિવાઙ્ગના ।
સુમઙ્ગલા રત્નગર્ભા સૂર્યમાતા સુધાશના ॥ ૧૩૬ ॥
ખડ્ગમણ્ડલ સમ્પૂજ્યા સાલગ્રામનિવાસિની ।
દુર્જયા દુષ્ટદમના દુર્નિરીક્ષ્યા દુરત્યયા ॥ ૧૩૭ ॥
શઙ્ખચક્રગદાહસ્તા વિષ્ણુશક્તિર્વિમોહિની ।
યોગમાતા યોગગમ્યા યોગનિષ્ઠા સુધાસ્રવા ॥ ૧૩૮ ॥
સમાધિનિષ્ઠૈઃ સંવેદ્યા સર્વભેદવિવર્જિતા ।
સાધારણા સરોજાક્ષી સર્વજ્ઞા સર્વસાક્ષિણી ॥ ૧૩૯ ॥
મહાશક્તિર્મહોદારા મહામઙ્ગલદેવતા ।
કલૌ કૃતાવતરણા કલિકલ્મષનાશિની ॥ ૧૪૦ ॥
સર્વદા સર્વજનની નિરીશા સર્વતોમુખી ।
સુગૂઢા સર્વતો ભદ્રા સુસ્થિતા સ્થાણુવલ્લભા ॥ ૧૪૧ ॥
ચરાચરજગદ્રૂપા ચેતનાચેતનાકૃતિઃ ।
મહેશ્વર પ્રાણનાડી મહાભૈરવમોહિની ॥ ૧૪૨ ॥
મઞ્જુલા યૌવનોન્મત્તા મહાપાતકનાશિની ।
મહાનુભાવા માહેન્દ્રી મહામરકતપ્રભા ॥ ૧૪૩ ॥
સર્વશક્ત્યાસના શક્તિર્નિરાભાસા નિરિન્દ્રિયા ।
સમસ્તદેવતામૂર્તિઃ સમસ્તસમયાર્ચિતા ॥ ૧૪૪ ॥
સુવર્ચલા વિયન્મૂર્તિઃ પુષ્કલા નિત્યપુષ્પિણી ।
નીલોત્પલદલશ્યામા મહાપ્રલયસાક્ષિણી ॥ ૧૪૫ ॥
સઙ્કલ્પસિદ્ધા સઙ્ગીતરસિકા રસદાયિની ।
અભિન્ના બ્રહ્મજનની કાલક્રમવિવર્જિતા ॥ ૧૪૬ ॥
અજપા જાડ્યરહિતા પ્રસન્ના ભગવત્પ્રિયા ।
ઇન્દિરા જગતીકન્દા સચ્ચિદાનન્દકન્દલી ॥
શ્રીચક્રનિલયા દેવી શ્રીવિદ્યા શ્રીપ્રદાયિની ॥ ૧૪૭ ॥
ફલશ્રુતિઃ
ઇતિ તે કથિતો લક્ષ્મી નામસારસ્તવો મયા ।
શ્યામલાયા મહાદેવ્યાઃ સર્વવશ્યપ્રદાયકઃ ॥ ૧૪૮ ॥
ય ઇમં પઠતે નિત્યં નામસારસ્તવં પરમ્ ।
તસ્ય નશ્યન્તિ પાપાનિ મહાન્ત્યપિ ન સંશયઃ ॥ ૧૪૯ ॥
ત્રિસન્ધ્યં યઃ પઠેન્નિત્યં વર્ષમેકમતન્દ્રિતઃ ।
સાર્વભૌમો મહીપાલસ્તસ્ય વશ્યો ભવેદ્ધુવમ્ ॥ ૧૫૦ ॥
મૂલમન્ત્રજપાન્તે યઃ પઠેન્નામસહસ્રકમ્ ।
મન્ત્રસિદ્ધિર્ભવેત્તસ્ય શીઘ્રમેવ વરાનને ॥ ૧૫૧ ॥
જગત્ત્રયં વશીકૃત્ય સાક્ષાત્કામસમો ભવેત્ ।
દિને દિને દશાવૃત્ત્યા મણ્ડલં યો જપેન્નરઃ ॥ ૧૫૨ ॥
સચિવઃ સ ભવેદ્દેવિ સાર્વભૌમસ્ય ભૂપતેઃ ।
ષણ્માસં યો જપેન્નિત્યં એકવારં દૃઢવ્રતઃ ॥ ૧૫૩ ॥
ભવન્તિ તસ્ય ધાન્યાનાં ધનાનાં ચ સમૃદ્ધયઃ ।
ચન્દનં કુઙ્કુમં વાપિ ભસ્મ વા મૃગનાભિકમ્ ॥ ૧૫૪ ॥
અનેનૈવ ત્રિરાવત્ત્યા નામસારેણ મન્ત્રિતમ્ ।
યો લલાટે ધારયતે તસ્ય વક્ત્રાવલોકનાત્ ॥ ૧૫૫ ॥
હન્તુમુદ્યતખડ્ગોઽપિ શત્રુર્વશ્યો ભવેદ્ધ્રુવમ્ ।
અનેન નામસારેણ મન્ત્રિતં પ્રાશયેજ્જલમ્ ॥ ૧૫૬ ॥
માસમાત્રં વરારોહે ગાન્ધર્વનિપુણો ભવેત્ ।
સઙ્ગીતે કવિતાયાં ચ નાસ્તિ તત્સદૃશો ભુવિ ॥ ૧૫૭ ॥
બ્રહ્મજ્ઞાનમવાપ્નોતિ મોક્ષં ચાપ્યધિગચ્છતિ ।
પ્રીયતે શ્યામલા નિત્યં પ્રીતાઽભીષ્ટં પ્રયચ્છતિ ॥ ૧૫૮ ॥
॥ ઇતિ સૌભાગ્યલક્ષ્મીકલ્પતાન્તર્ગતે લક્ષ્મીનારાયણસંવાદે
અષ્ટસપ્તિતમે ખણ્ડે શ્રીશ્યામલાસહસ્રનામસ્તોત્રં સમ્પૂર્ણમ્ ॥
માતઙ્ગી માતરીશે મધુમથનાસધિતે મહામાયે ।
મોહિનિ મોહપ્રમથિનિ મન્મથમથનપ્રિયે વરાઙ્ગિ માતઙ્ગિ ॥
યતિજન હૃદયનિવાસે વાસવવરદે વરાઙ્ગિ માતઙ્ગિ ।
વીણાવાદ વિનોદિનિ નારદગીતે નમો દેવિ ॥
Also Read 1000 Names of Sri Shyamala:
1000 Names of Sri Shyamala | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
