Shri ShyamalaSahasranamastotram Lyrics in Oriya:
॥ ଶ୍ରୀ ଶ୍ୟାମଲାସହସ୍ରନାମସ୍ତୋତ୍ରମ୍ ॥
ନାମସାରସ୍ତଵଃ
ସର୍ଵଶୃଙ୍ଗାରଶୋଭାଢ୍ୟାଂ ତୁଙ୍ଗପୀନପୟୋଧରାମ୍ ।
ଗଙ୍ଗାଧରପ୍ରିୟାଂ ଦେଵୀଂ ମାତଙ୍ଗୀଂ ନୌମି ସନ୍ତତମ୍ ॥ ୧ ॥
ଶ୍ରୀମଦ୍ଵୈକୁଣ୍ଠନିଲୟଂ ଶ୍ରୀପତିଂ ସିଦ୍ଧସେଵିତମ୍ ।
କଦାଚିତ୍ସ୍ଵପ୍ରିୟଂ ଲକ୍ଷ୍ମୀର୍ନାରାୟଣମପୃଚ୍ଛତ ॥ ୨ ॥
ଲକ୍ଷ୍ମୀରୁଵାଚ
କିଂ ଜପ୍ୟଂ ପରମଂ ନୄଣାଂ ଭୋଗମୋକ୍ଷଫଲପ୍ରଦମ୍ ।
ସର୍ଵଵଶ୍ୟକରଂ ଚୈଵ ସର୍ଵୈଶ୍ଵର୍ୟପ୍ରଦାୟକମ୍ ॥ ୩ ॥
ସର୍ଵରକ୍ଷାକରଂ ଚୈଵ ସର୍ଵତ୍ର ଵିଜୟପ୍ରଦମ୍ ।
ବ୍ରହ୍ମଜ୍ଞାନପ୍ରଦଂ ପୁଂସାଂ ତନ୍ମେ ବ୍ରୂହି ଜନାର୍ଦନ ॥ ୪ ॥
ଭଗଵାନୁଵାଚ
ନାମସାରସ୍ତଵଂ ପୁଣ୍ୟଂ ପଠେନ୍ନିତ୍ୟଂ ପ୍ରୟତ୍ନତଃ ।
ତେନ ପ୍ରୀତା ଶ୍ୟାମଲାମ୍ବା ତ୍ଵଦ୍ଵଶଂ କୁରୁତେ ଜଗତ୍ ॥ ୫ ॥
ତନ୍ତ୍ରେଷୁ ଲଲିତାଦୀନାଂ ଶକ୍ତୀନାଂ ନାମକୋଶତଃ ।
ସାରମୁଦ୍ଧୃତ୍ୟ ରଚିତୋ ନାମସାରସ୍ତଵୋ ହ୍ୟୟମ୍ ॥ ୬ ॥
ନାମସାରସ୍ତଵଂ ମହ୍ୟଂ ଦତ୍ତଵାନ୍ ପରମେଶ୍ଵରଃ ।
ତଵ ନାମସହସ୍ରଂ ତତ୍ ଶ୍ୟାମଲାୟା ଵଦାମ୍ୟହମ୍ ॥ ୭ ॥
ଵିନିୟୋଗଃ ॥
ଅସ୍ୟ ଶ୍ରୀଶ୍ୟାମଲାପରମେଶ୍ଵରୀନାମସାହସ୍ରସ୍ତୋତ୍ରମାଲା ମନ୍ତ୍ରସ୍ୟ,
ସଦାଶିଵ ଋଷିଃ । ଅନୁଷ୍ଟୁପ୍ଛନ୍ଦଃ ।
ଶ୍ରୀରାଜରାଜେଶ୍ଵରୀ ଶ୍ୟାମଲା ପରମେଶ୍ଵରୀ ଦେଵତା ।
ଚତୁର୍ଵିଧପୁରୁଷାର୍ଥସିଦ୍ଧ୍ୟର୍ଥେ ନାମପାରାୟଣେ ଵିନିୟୋଗଃ ।
ଧ୍ୟାନମ୍ ॥
ଧ୍ୟାୟେଽହଂ ରତ୍ନପୀଠେ ଶୁକକଲପଠିତଂ ଶୃଣ୍ଵତୀଂ ଶ୍ୟାମଗାତ୍ରୀଂ
ନ୍ୟସ୍ତୈକାଙ୍ଘ୍ରୀଂ ସରୋଜେ ଶଶିଶକଲଧରାଂ ଵଲ୍ଲକୀଂ ଵାଦୟନ୍ତୀମ୍ ।
କଲ୍ହାରାବଦ୍ଧମୌଲିଂ ନିୟମିତଲସଚ୍ଚୂଲିକାଂ ରକ୍ତଵସ୍ତ୍ରାଂ
ମାତଙ୍ଗୀଂ ଭୂଷିତାଙ୍ଗୀଂ ମଧୁମଦମୁଦିତାଂ ଚିତ୍ରକୋଦ୍ଭାସିଫାଲାମ୍ ॥
ପଞ୍ଚପୂଜା ।
ଅଥ ସହସ୍ରନାମସ୍ତୋତ୍ରମ୍ ।
ଓଂ ।
ସୌଭାଗ୍ୟଲକ୍ଷ୍ମୀଃ ସୌନ୍ଦର୍ୟନିଧିଃ ସମରସପ୍ରିୟା ।
ସର୍ଵକଲ୍ୟାଣନିଲୟା ସର୍ଵେଶୀ ସର୍ଵମଙ୍ଗଲା ॥ ୧ ॥
ସର୍ଵଵଶ୍ୟକରୀ ସର୍ଵା ସର୍ଵମଙ୍ଗଲଦାୟିନୀ ।
ସର୍ଵଵିଦ୍ୟାଦାନଦକ୍ଷା ସଙ୍ଗୀତୋପନିଷତ୍ପ୍ରିୟା ॥ ୨ ॥
ସର୍ଵଭୂତହୃଦାଵାସା ସର୍ଵଗୀର୍ଵାଣପୂଜିତା ।
ସମୃଦ୍ଧା ସଙ୍ଗମୁଦିତା ସର୍ଵଲୋକୈକସଂଶ୍ରୟା ॥ ୩ ॥
ସପ୍ତକୋଟିମହାମନ୍ତ୍ରସ୍ଵରୂପା ସର୍ଵସାକ୍ଷିଣୀ ।
ସର୍ଵାଙ୍ଗସୁନ୍ଦରୀ ସର୍ଵଗତା ସତ୍ୟସ୍ଵରୂପିଣୀ ॥ ୪ ॥
ସମା ସମୟସଂଵେଦ୍ୟା ସମୟଜ୍ଞା ସଦାଶିଵା ।
ସଙ୍ଗୀତରସିକା ସର୍ଵକଲାମୟଶୁକପ୍ରିୟା ॥ ୫ ॥
ଚନ୍ଦନାଲେପଦିଗ୍ଧାଙ୍ଗୀ ସଚ୍ଚିଦାନନ୍ଦରୂପିଣୀ ।
କଦମ୍ବଵାଟୀନିଲୟା କମଲାକାନ୍ତସେଵିତା ॥ ୬ ॥
କଟାକ୍ଷୋତ୍ପନ୍ନକନ୍ଦର୍ପା କଟାକ୍ଷିତମହେଶ୍ଵରା ।
କଲ୍ୟାଣୀ କମଲାସେଵ୍ୟା କଲ୍ୟାଣାଚଲଵାସିନୀ ॥ ୭ ॥
କାନ୍ତା କନ୍ଦର୍ପଜନନୀ କରୁଣାରସସାଗରା ।
କଲିଦୋଷହରା କାମ୍ୟା କାମଦା କାମଵର୍ଧିନୀ ॥ ୮ ॥
କଦମ୍ବକଲିକୋତ୍ତଂସା କଦମ୍ବକୁସୁମାପ୍ରିୟା ।
କଦମ୍ବମୂଲରସିକା କାମାକ୍ଷୀ କମଲାନନା ॥ ୯ ॥
କମ୍ବୁକଣ୍ଠୀ କଲାଲାପା କମଲାସନପୂଜିତା ।
କାତ୍ୟାୟନୀ କେଲିପରା କମଲାକ୍ଷସହୋଦରୀ ॥ ୧୦ ॥
କମଲାକ୍ଷୀ କଲାରୂପା କୋକାକାରକୁଚଦ୍ଵୟା ।
କୋକିଲା କୋକିଲାରାଵା କୁମାରଜନନୀ ଶିଵା ॥ ୧୧ ॥
ସର୍ଵଜ୍ଞା ସନ୍ତତୋନ୍ମତ୍ତା ସର୍ଵୈଶ୍ଵର୍ୟପ୍ରଦାୟିନୀ ।
ସୁଧାପ୍ରିୟା ସୁରାରାଧ୍ୟା ସୁକେଶୀ ସୁରସୁନ୍ଦରୀ ॥ ୧୨ ॥
ଶୋଭନା ଶୁଭଦା ଶୁଦ୍ଧା ଶୁଦ୍ଧଚିତ୍ତୈକଵାସିନୀ ।
ଵେଦଵେଦ୍ୟା ଵେଦମୟୀ ଵିଦ୍ୟାଧରଗଣାର୍ଚିତା ॥ ୧୩ ॥
ଵେଦାନ୍ତସାରା ଵିଶ୍ଵେଶୀ ଵିଶ୍ଵରୂପା ଵିରୂପିଣୀ ।
ଵିରୂପାକ୍ଷପ୍ରିୟା ଵିଦ୍ୟା ଵିନ୍ଧ୍ୟାଚଲନିଵାସିନୀ ॥ ୧୪ ॥
ଵୀଣାଵାଦଵିନୋଦଜ୍ଞା ଵୀଣାଗାନଵିଶାରଦା ।
ଵୀଣାଵତୀ ବିନ୍ଦୁରୂପା ବ୍ରହ୍ମାଣୀ ବ୍ରହ୍ମରୂପିଣୀ ॥ ୧୫ ॥
ପାର୍ଵତୀ ପରମାଽଚିନ୍ତ୍ୟା ପରାଶକ୍ତିଃ ପରାତ୍ପରା ।
ପରାନନ୍ଦା ପରେଶାନୀ ପରଵିଦ୍ୟା ପରାପରା ॥ ୧୬ ॥
ଭକ୍ତପ୍ରିୟା ଭକ୍ତିଗମ୍ୟା ଭକ୍ତାନାଂ ପରମା ଗତିଃ ।
ଭଵ୍ୟା ଭଵପ୍ରିୟା ଭୀରୁର୍ଭଵସାଗରତାରିଣୀ ॥ ୧୭ ॥
ଭୟଘ୍ନୀ ଭାଵୁକା ଭଵ୍ୟା ଭାମିନୀ ଭକ୍ତପାଲିନୀ ।
ଭେଦଶୂନ୍ୟା ଭେଦହନ୍ତ୍ରୀ ଭାଵନା ମୁନିଭାଵିତା ॥ ୧୮ ॥
ମାୟା ମହେଶ୍ଵରୀ ମାନ୍ୟା ମାତଙ୍ଗୀ ମଲୟାଲୟା ।
ମହନୀୟା ମଦୋନ୍ମତ୍ତା ମନ୍ତ୍ରିଣୀ ମନ୍ତ୍ରନାୟିକା ॥ ୧୯ ॥
ମହାନନ୍ଦା ମନୋଗମ୍ୟା ମତଙ୍ଗକୁଲମଣ୍ଡନା ।
ମନୋଜ୍ଞା ମାନିନୀ ମାଧ୍ଵୀ ସିନ୍ଧୁମଧ୍ୟକୃତାଲୟା ॥ ୨୦ ॥
ମଧୁପ୍ରୀତା ନୀଲକଚା ମାଧ୍ଵୀରସମଦାଲସା ।
ପୂର୍ଣଚନ୍ଦ୍ରାଭଵଦନା ପୂର୍ଣା ପୁଣ୍ୟଫଲପ୍ରଦା ॥ ୨୧ ॥
ପୁଲୋମଜାର୍ଚିତା ପୂଜ୍ୟା ପୁରୁଷାର୍ଥପ୍ରଦାୟିନୀ ।
ନାରାୟଣୀ ନାଦରୂପା ନାଦବ୍ରହ୍ମସ୍ଵରୂପିଣୀ ॥ ୨୨ ॥
ନିତ୍ୟା ନଵନଵାକାରା ନିତ୍ୟାନନ୍ଦା ନିରାକୁଲା ।
ନିଟିଲାକ୍ଷପ୍ରିୟା ନେତ୍ରୀ ନୀଲେନ୍ଦୀଵରଲୋଚନା ॥ ୨୩ ॥
ତମାଲକୋମଲାକାରା ତରୁଣୀ ତନୁମଧ୍ୟମା ।
ତଟିତ୍ପିଶଙ୍ଗଵସନା ତଟିତ୍କୋଟିସଭଦ୍ୟୁତିଃ ॥ ୨୪ ॥
ମଧୁରା ମଙ୍ଗଲା ମେଧ୍ୟା ମଧୁପାନପ୍ରିୟା ସଖୀ ।
ଚିତ୍କଲା ଚାରୁଵଦନା ସୁଖରୂପା ସୁଖପ୍ରଦା ॥ ୨୫ ॥
କୂଟସ୍ଥା କୌଲିନୀ କୂର୍ମପୀଠସ୍ଥା କୁଟିଲାଲକା ।
ଶାନ୍ତା ଶାନ୍ତିମତୀ ଶାନ୍ତିଃ ଶ୍ୟାମଲା ଶ୍ୟାମଲାକୃତିଃ ॥ ୨୬ ॥
ଶଙ୍ଖିନୀ ଶଙ୍କରୀ ଶୈଵୀ ଶଙ୍ଖକୁଣ୍ଡଲମଣ୍ଡିତା ।
କୁନ୍ଦଦନ୍ତା କୋମଲାଙ୍ଗୀ କୁମାରୀ କୁଲୟୋଗିନୀ ॥ ୨୭ ॥
ନିର୍ଗର୍ଭୟୋଗିନୀସେଵ୍ୟା ନିରନ୍ତରରତିପ୍ରିୟା ।
ଶିଵଦୂତୀ ଶିଵକରୀ ଜଟିଲା ଜଗଦାଶ୍ରୟା ॥ । ୨୮ ॥
ଶାମ୍ଭଵୀ ୟୋଗିନିଲୟା ପରଚୈତନ୍ୟରୂପିଣୀ ।
ଦହରାକାଶନିଲୟା ଦଣ୍ଡିନୀପରିପୂଜିତା ॥ ୨୯ ॥
ସମ୍ପତ୍କରୀଗଜାରୂଢା ସାନ୍ଦ୍ରାନନ୍ଦା ସୁରେଶ୍ଵରୀ ।
ଚମ୍ପକୋଦ୍ଭାସିତକଚା ଚନ୍ଦ୍ରଶେଖରଵଲ୍ଲଭା ॥ ୩୦ ॥
ଚାରୁରୂପା ଚାରୁଦନ୍ତୀ ଚନ୍ଦ୍ରିକା ଶମ୍ଭୁମୋହିନୀ ।
ଵିମଲା ଵିଦୁଷୀ ଵାଣୀ କମଲା କମଲାସନା ॥ ୩୧ ॥
କରୁଣାପୂର୍ଣହୃଦୟା କାମେଶୀ କମ୍ବୁକନ୍ଧରା ।
ରାଜରାଜେଶ୍ଵରୀ ରାଜମାତଙ୍ଗୀ ରାଜଵଲ୍ଲଭା ॥ ୩୨ ॥
ସଚିଵା ସଚିଵେଶାନୀ ସଚିଵତ୍ଵପ୍ରଦାୟିନୀ ।
ପଞ୍ଚବାଣାର୍ଚିତା ବାଲା ପଞ୍ଚମୀ ପରଦେଵତା ॥ ୩୩ ॥
ଉମା ମହେଶ୍ଵରୀ ଗୌରୀ ସଙ୍ଗୀତଜ୍ଞା ସରସ୍ଵତୀ ।
କଵିପ୍ରିୟା କାଵ୍ୟକଲା କଲୌ ସିଦ୍ଧିପ୍ରଦାୟିନୀ ॥ ୩୪ ॥
ଲଲିତାମନ୍ତ୍ରିଣୀ ରମ୍ୟା ଲଲିତାରାଜ୍ୟପାଲିନୀ ।
ଲଲିତାସେଵନପରା ଲଲିତାଜ୍ଞାଵଶଂଵଦା ॥ ୩୫ ॥
ଲଲିତାକାର୍ୟଚତୁରା ଲଲିତାଭକ୍ତପାଲିନୀ ।
ଲଲିତାର୍ଧାସନାରୂଢା ଲାଵଣ୍ୟରସଶେଵଧିଃ ॥ ୩୬ ॥
ରଞ୍ଜନୀ ଲାଲିତଶୁକା ଲସଚ୍ଚୂଲୀଵରାନ୍ଵିତା ।
ରାଗିଣୀ ରମଣୀ ରାମା ରତୀ ରତିସୁଖପ୍ରଦା ॥ ୩୭ ॥
ଭୋଗଦା ଭୋଗ୍ୟଦା ଭୂମିପ୍ରଦା ଭୂଷଣଶାଲିନୀ ।
ପୁଣ୍ୟଲଭ୍ୟା ପୁଣ୍ୟକୀର୍ତିଃ ପୁରନ୍ଦରପୁରେଶ୍ଵରୀ ॥ ୩୮ ॥
ଭୂମାନନ୍ଦା ଭୂତିକରୀ କ୍ଲୀଙ୍କାରୀ କ୍ଲିନ୍ନରୂପିଣୀ ।
ଭାନୁମଣ୍ଡଲମଧ୍ୟସ୍ଥା ଭାମିନୀ ଭାରତୀ ଧୃତିଃ ॥ ୩୯ ॥
ନାରାୟଣାର୍ଚିତା ନାଥା ନାଦିନୀ ନାଦରୂପିଣୀ ।
ପଞ୍ଚକୋଣାସ୍ଥିତା ଲକ୍ଷ୍ମୀଃ ପୁରାଣୀ ପୁରରୂପିଣୀ ॥ ୪୦ ॥
ଚକ୍ରସ୍ଥିତା ଚକ୍ରରୂପା ଚକ୍ରିଣୀ ଚକ୍ରନାୟିକା ।
ଷଟ୍ଚକ୍ରମଣ୍ଡଲାନ୍ତଃସ୍ଥା ବ୍ରହ୍ମଚକ୍ରନିଵାସିନୀ ॥ ୪୧ ॥
ଅନ୍ତରଭ୍ୟର୍ଚନପ୍ରୀତା ବହିରର୍ଚନଲୋଲୁପା ।
ପଞ୍ଚାଶତ୍ପୀଠମଧ୍ୟସ୍ଥା ମାତୃକାଵର୍ଣରୂପିଣୀ ॥ ୪୨ ॥
ମହାଦେଵୀ ମହାଶକ୍ତିଃ ମହାମାୟା ମହାମତିଃ ।
ମହାରୂପା ମହାଦୀପ୍ତିଃ ମହାଲାଵଣ୍ୟଶାଲିନୀ ॥ ୪୩ ॥
ମାହେନ୍ଦ୍ରୀ ମଦିରାଦୃପ୍ତା ମଦିରାସିନ୍ଧୁଵାସିନୀ ।
ମଦିରାମୋଦଵଦନା ମଦିରାପାନମନ୍ଥରା ॥ ୪୪ ॥
ଦୁରିତଘ୍ନୀ ଦୁଃଖହନ୍ତ୍ରୀ ଦୂତୀ ଦୂତରତିପ୍ରିୟା ।
ଵୀରସେଵ୍ୟା ଵିଘ୍ନହରା ୟୋଗିନୀ ଗଣସେଵିତା ॥ ୪୫ ॥
ନିଜଵୀଣାରଵାନନ୍ଦନିମୀଲିତଵିଲୋଚନା ।
ଵଜ୍ରେଶ୍ଵରୀ ଵଶ୍ୟକରୀ ସର୍ଵଚିତ୍ତଵିମୋହିନୀ ॥ ୪୬ ॥
ଶବରୀ ଶମ୍ବରାରାଧ୍ୟା ଶାମ୍ବରୀ ସାମସଂସ୍ତୁତା ।
ତ୍ରିପୁରାମନ୍ତ୍ରଜପିନୀ ତ୍ରିପୁରାର୍ଚନତତ୍ପରା ॥ ୪୭ ॥
ତ୍ରିଲୋକେଶୀ ତ୍ରୟୀମାତା ତ୍ରିମୂର୍ତିସ୍ତ୍ରିଦିଵେଶ୍ଵରୀ ।
ଐଙ୍କାରୀ ସର୍ଵଜନନୀ ସୌଃକାରୀ ସଂଵିଦୀଶ୍ଵରୀ ॥ ୪୮ ॥
ବୋଧା ବୋଧକରୀ ବୋଧ୍ୟା ବୁଧାରାଧ୍ୟା ପୁରାତନୀ ।
ଭଣ୍ଡସୋଦରସଂହର୍ତ୍ରୀ ଭଣ୍ଡସୈନ୍ୟଵିନାଶିନୀ ॥ ୪୯ ॥
ଗେୟଚକ୍ରରଥାରୂଢା ଗୁରୁମୂର୍ତିଃ କୁଲାଙ୍ଗନା ।
ଗାନ୍ଧର୍ଵଶାସ୍ତ୍ରମର୍ମଜ୍ଞା ଗନ୍ଧର୍ଵଗଣପୂଜିତା ॥ ୫୦ ॥
ଜଗନ୍ମାତା ଜୟକରୀ ଜନନୀ ଜନଦେଵତା ।
ଶିଵାରାଧ୍ୟା ଶିଵାର୍ଧାଙ୍ଗୀ ଶିଞ୍ଜନ୍ମଞ୍ଜୀରମଣ୍ଡିତା ॥ ୫୧ ॥
ସର୍ଵାତ୍ମିକା ଋଷୀକେଶୀ ସର୍ଵପାପଵିନାଶିନୀ ।
ସର୍ଵରୋଗହରା ସାଧ୍ୟା ଧର୍ମିଣୀ ଧର୍ମରୂପିଣୀ ॥ ୫୨ ॥
ଆଚାରଲଭ୍ୟା ସ୍ଵାଚାରା ଖେଚରୀ ୟୋନିରୂପିଣୀ ।
ପତିଵ୍ରତା ପାଶହନ୍ତ୍ରୀ ପରମାର୍ଥସ୍ଵରୂପିଣୀ ॥ ୫୩ ॥
ପଣ୍ଡିତା ପରିଵାରାଢ୍ୟା ପାଷଣ୍ଡମତଭଞ୍ଜନୀ ।
ଶ୍ରୀକରୀ ଶ୍ରୀମତୀ ଦେଵୀ ବିନ୍ଦୁନାଦସ୍ଵରୂପିଣୀ ॥ ୫୪ ॥
ଅପର୍ଣା ହିମଵତ୍ପୁତ୍ରୀ ଦୁର୍ଗା ଦୁର୍ଗତିହାରିଣୀ ।
ଵ୍ୟାଲୋଲଶଙ୍ଖାତାଟଙ୍କା ଵିଲସଦ୍ଗଣ୍ଡପାଲିକା ॥ ୫୫ ॥
ସୁଧାମଧୁରସାଲାପା ସିନ୍ଦୂରତିଲକୋଜ୍ଜ୍ଵଲା ।
ଅଲକ୍ତକାରକ୍ତପାଦା ନନ୍ଦନୋଦ୍ୟାନଵାସିନୀ ॥ ୫୬ ॥
ଵାସନ୍ତକୁସୁମାପୀଡା ଵସନ୍ତସମୟପ୍ରିୟା ।
ଧ୍ୟାନନିଷ୍ଠା ଧ୍ୟାନଗମ୍ୟା ଧ୍ୟେୟା ଧ୍ୟାନସ୍ଵରୂପିଣୀ ॥ ୫୭ ॥
ଦାରିଦ୍ର୍ୟହନ୍ତ୍ରୀ ଦୌର୍ଭାଗ୍ୟଶମନୀ ଦାନଵାନ୍ତକା ।
ତୀର୍ଥରୂପା ତ୍ରିନୟନା ତୁରୀୟା ଦୋଷଵର୍ଜିତା ॥ ୫୮ ॥
ମେଧାପ୍ରଦାୟିନୀ ମେଧ୍ୟା ମେଦିନୀ ମଦଶାଲିନୀ ।
ମଧୁକୈଟଭସଂହର୍ତ୍ରୀ ମାଧଵୀ ମାଧଵପ୍ରିୟା ॥ ୫୯ ॥
ମହିଲା ମହିମାସାରା ଶର୍ଵାଣୀ ଶର୍ମଦାୟିନୀ ।
ରୁଦ୍ରାଣୀ ରୁଚିରା ରୌଦ୍ରୀ ରୁକ୍ମଭୂଷଣଭୂଷିତା ॥ ୬୦ ॥
ଅମ୍ବିକା ଜଗତାଂ ଧାତ୍ରୀ ଜଟିନୀ ଧୂର୍ଜଟିପ୍ରିୟା ।
ସୁକ୍ଷ୍ମସ୍ଵରୂପିଣୀ ସୌମ୍ୟା ସୁରୁଚିଃ ସୁଲଭା ଶୁଭା ॥ ୬୧ ॥
ଵିପଞ୍ଚୀକଲନିକ୍କାଣଵିମୋହିତଜଗତ୍ତ୍ରୟା ।
ଭୈରଵପ୍ରେମନିଲୟା ଭୈରଵୀ ଭାସୁରାକୃତିଃ ॥ ୬୨ ॥
ପୁଷ୍ପିଣୀ ପୁଣ୍ୟନିଲୟା ପୁଣ୍ୟଶ୍ରଵଣକୀର୍ତନା ।
କୁରୁକୁଲ୍ଲା କୁଣ୍ଡଲିନୀ ଵାଗୀଶୀ ନକୁଲେଶ୍ଵରୀ ॥ ୬୩ ॥
ଵାମକେଶୀ ଗିରିସୁତା ଵାର୍ତାଲୀପରିପୂଜିତା ।
ଵାରୁଣୀମଦରକ୍ତାକ୍ଷୀ ଵନ୍ଦାରୁଵରଦାୟିନୀ ॥ ୬୪ ॥
କଟାକ୍ଷସ୍ୟନ୍ଦିକରୁଣା କନ୍ଦର୍ପମଦଵର୍ଧିନୀ ।
ଦୂର୍ଵାଶ୍ୟାମା ଦୁଷ୍ଟହନ୍ତ୍ରୀ ଦୁଷ୍ଟଗ୍ରହଵିଭେଦିନୀ ॥ ୬୫ ॥
ସର୍ଵଶତ୍ରୁକ୍ଷୟକରୀ ସର୍ଵସମ୍ପତ୍ପ୍ରଵର୍ଧିନୀ ।
କବରୀଶୋଭିକଲ୍ହାରା କଲଶିଞ୍ଜିତମେଖଲା ॥ ୬୬ ॥
ମୃଣାଲୀତୁଲ୍ଵଦୋର୍ଵଲ୍ଲୀ ମୃଡାନୀ ମୃତ୍ୟୁଵର୍ଜିତା ।
ମୃଦୁଲା ମୃତ୍ୟୁସଂହର୍ତ୍ରୀ ମଞ୍ଜୁଲା ମଞ୍ଜୁଭାଷିଣୀ ॥ ୬୭ ॥
କର୍ପୂରଵୀଟୀକବଲା କମନୀୟକପୋଲଭୂଃ ।
କର୍ପୂରକ୍ଷୋଦଦିଗ୍ଧାଙ୍ଗୀ କର୍ତ୍ରୀ କାରଣଵର୍ଜିତା ॥ ୬୮ ॥
ଅନାଦିନିଧନା ଧାତ୍ରୀ ଧାତ୍ରୀଧରକୁଲୋଦ୍ଭଵା ।
ସ୍ତୋତ୍ରପ୍ରିୟା ସ୍ତୁତିମୟୀ ମୋହିନୀ ମୋହହାରିଣୀ ॥ ୬୯ ॥
ଜୀଵରୂପା ଜୀଵକାରୀ ଜୀଵନ୍ମୁକ୍ତିପ୍ରଦାୟିନୀ ।
ଭଦ୍ରପୀଠସ୍ଥିତା ଭଦ୍ରା ଭଦ୍ରଦା ଭର୍ଗଭାମିନୀ ॥ ୭୦ ॥
ଭଗାନନ୍ଦା ଭଗମୟୀ ଭଗଲିଙ୍ଗା ଭଗେଶ୍ଵରୀ ।
ମତ୍ତମାତଙ୍ଗଗମନା ମାତଙ୍ଗକୁଲମଞ୍ଜରୀ ॥ ୭୧ ॥
ରାଜହଂସଗତୀ ରାଜ୍ଞୀ ରାଜରାଜ ସମର୍ଚିତା ।
ଭଵାନୀ ପାଵନୀ କାଲୀ ଦକ୍ଷିଣା ଦକ୍ଷକନ୍ୟକା ॥ ୭୨ ॥
ହଵ୍ୟଵାହା ହଵିର୍ଭୋକ୍ତ୍ରୀ ହାରିଣୀ ଦୁଃଖହାରିଣୀ ।
ସଂସାରତାରିଣୀ ସୌମ୍ୟା ସର୍ଵେଶୀ ସମରପ୍ରୟା ॥ ୭୩ ॥
ସ୍ଵପ୍ନଵତୀ ଜାଗରିଣୀ ସୁଷୁପ୍ତା ଵିଶ୍ଵରୂପିଣୀ ।
ତୈଜସୀ ପ୍ରାଜ୍ଞକଲନା ଚେତନା ଚେତନାଵତୀ ॥ ୭୪ ॥
ଚିନ୍ମାତ୍ରା ଚିଦ୍ଘନା ଚେତ୍ୟା ଚିଚ୍ଛାୟା ଚିତ୍ସ୍ଵରୂପିଣୀ ।
ନିଵୃତ୍ତିରୂପିଣୀ ଶାନ୍ତିଃ ପ୍ରତିଷ୍ଠା ନିତ୍ୟରୂପିଣୀ ॥ ୭୫ ॥
ଵିଦ୍ୟାରୂପା ଶାନ୍ତ୍ୟତୀତା କଲାପଞ୍ଚକରୂପିଣୀ ।
ହ୍ରୀଙ୍କାରୀ ହ୍ରୀମତୀ ହୃଦ୍ୟା ହ୍ରୀଚ୍ଛାୟା ହରିଵାହନା ॥ ୭୬ ॥
ମୂଲପ୍ରକୃତିରଵ୍ୟକ୍ତା ଵ୍ୟକ୍ତାଵ୍ୟକ୍ତଵିନୋଦିନୀ ।
ୟଜ୍ଞରୂପା ୟଜ୍ଞଭୋକ୍ତ୍ରୀ ୟଜ୍ଞାଙ୍ଗୀ ୟଜ୍ଞରୂପିଣୀ ॥ ୭୭ ॥
ଦୀକ୍ଷିତା କ୍ଷମଣା କ୍ଷାମା କ୍ଷିତିଃ କ୍ଷାନ୍ତିଃ ଶ୍ରୁତିଃ ସ୍ମୃତିଃ ।
ଏକାଽନେକା କାମକଲା କଲ୍ପା କାଲସ୍ଵରୂପିଣୀ ॥ ୭୮ ॥
ଦକ୍ଷା ଦାକ୍ଷାୟଣୀ ଦୀକ୍ଷା ଦକ୍ଷୟଜ୍ଞଵିନାଶିନୀ ।
ଗାୟତ୍ରୀ ଗଗନାକାରା ଗୀର୍ଦେଵୀ ଗରୁଡାସନା ॥ ୭୯ ॥
ସାଵିତ୍ରୀ ସକଲାଧ୍ୟକ୍ଷା ବ୍ରହ୍ମାଣୀ ବ୍ରାହ୍ମଣପ୍ରିୟା ।
ଜଗନ୍ନାଥା ଜଗନ୍ମୂର୍ତିଃ ଜଗନ୍ମୃତ୍ୟୁନିଵାରିଣୀ ॥ ୮୦ ॥
ଦୃଗ୍ରୂପା ଦୃଶ୍ୟନିଲୟା ଦ୍ରଷ୍ଟ୍ରୀ ମନ୍ତ୍ରୀ ଚିରନ୍ତନୀ ।
ଵିଜ୍ଞାତ୍ରୀ ଵିପୁଲା ଵେଦ୍ୟା ଵୃଦ୍ଧା ଵର୍ଷୀୟସୀ ମହୀ ॥ ୮୧ ॥
ଆର୍ୟା କୁହରିଣୀ ଗୁହ୍ୟା ଗୌରୀ ଗୌତମପୂଜିତା ।
ନନ୍ଦିନୀ ନଲିନୀ ନିତ୍ୟା ନୀତିର୍ନୟଵିଶାରଦା ॥ ୮୨ ॥
ଗତାଗତଜ୍ଞା ଗନ୍ଧର୍ଵୀ ଗିରିଜା ଗର୍ଵନାଶିନୀ ।
ପ୍ରିୟଵ୍ରତା ପ୍ରମା ପ୍ରାଣା ପ୍ରମାଣଜ୍ଞା ପ୍ରିୟଂଵଦା ॥ ୮୩ ॥
ଅଶରୀରା ଶରୀରସ୍ଥା ନାମରୂପଵିଵର୍ଜିତା ।
ଵର୍ଣାଶ୍ରମଵିଭାଗଜ୍ଞା ଵର୍ଣାଶ୍ରମଵିଵର୍ଜିତା ॥ ୮୪ ॥
ନିତ୍ୟମୁକ୍ତା ନିତ୍ୟତୃପ୍ତା ନିର୍ଲେପା ନିରଵଗ୍ରହା ।
ଇଚ୍ଛାଜ୍ଞାନକ୍ରିୟାଶକ୍ତିଃ ଇନ୍ଦିରା ବନ୍ଧୁରାକୃତିଃ ॥ ୮୫ ॥
ମନୋରଥପ୍ରଦା ମୁଖ୍ୟା ମାନିନୀ ମାନଵର୍ଜିତା ।
ନୀରାଗା ନିରହଙ୍କାରା ନିର୍ନାଶା ନିରୁପପ୍ଲଵା ॥ ୮୬ ॥
ଵିଚିତ୍ରା ଚିତ୍ରଚାରିତ୍ରା ନିଷ୍କଲା ନିଗମାଲୟା ।
ବ୍ରହ୍ମଵିଦ୍ୟା ବ୍ରହ୍ମନାଡୀ ବନ୍ଧହନ୍ତ୍ରୀ ବଲିପ୍ରିୟା ॥ ୮୭ ॥
ସୁଲକ୍ଷଣା ଲକ୍ଷଣଜ୍ଞା ସୁନ୍ଦରଭ୍ରୂଲତାଞ୍ଚିତା ।
ସୁମିତ୍ରା ମାଲିନୀ ସୀମା ମୁଦ୍ରିଣୀ ମୁଦ୍ରିକାଞ୍ଚିତା ॥ ୮୮ ॥
ରଜସ୍ଵଲା ରମ୍ୟମୂର୍ତିର୍ଜୟା ଜନ୍ମଵିଵର୍ଜିତା ।
ପଦ୍ମାଲୟା ପଦ୍ମପୀଠା ପଦ୍ମିନୀ ପଦ୍ମଵର୍ଣିନୀ ॥ ୮୯ ॥
ଵିଶ୍ଵମ୍ଭରା ଵିଶ୍ଵଗର୍ଭା ଵିଶ୍ଵେଶୀ ଵିଶ୍ଵତୋମୁଖୀ ।
ଅଦ୍ଵିତୀୟା ସହସ୍ରାକ୍ଷୀ ଵିରାଡ୍ରୂପା ଵିମୋଚିନୀ ॥ ୯୦ ॥
ସୂତ୍ରରୂପା ଶାସ୍ତ୍ରକରୀ ଶାସ୍ତ୍ରଜ୍ଞା ଶସ୍ତ୍ରଧାରିଣୀ ।
ଵେଦଵିଦ୍ଵେଦକୃଦ୍ଵେଦ୍ୟା ଵିତ୍ତଜ୍ଞା ଵିତ୍ତଶାଲିନୀ ॥ ୯୧ ॥
ଵିଶଦା ଵୈଷ୍ଣଵୀ ବ୍ରାହ୍ମୀ ଵୈରିଞ୍ଚୀ ଵାକ୍ପ୍ରଦାୟିନୀ ।
ଵ୍ୟାଖ୍ୟାତ୍ରୀ ଵାମନା ଵୃଦ୍ଧିଃ ଵିଶ୍ଵନାଥା ଵିଶାରଦା ॥ ୯୨ ॥
ମୁଦ୍ରେଶ୍ଵରୀ ମୁଣ୍ଡମାଲା କାଲୀ କଙ୍କାଲରୂପିଣୀ ।
ମହେଶ୍ଵରପ୍ରୀତିକରୀ ମହେଶ୍ଵର ପତିଵ୍ରତା ॥ ୯୩ ॥
ବ୍ରହ୍ମାଣ୍ଡମାଲିନୀ ବୁଧ୍ନ୍ୟା ମତଙ୍ଗମୁନିପୂଜିତା ।
ଈଶ୍ଵରୀ ଚଣ୍ଡିକା ଚଣ୍ଡୀ ନିୟନ୍ତ୍ରୀ ନିୟମସ୍ଥିତା ॥ ୯୪ ॥
ସର୍ଵାନ୍ତର୍ୟାମିଣୀ ସେଵ୍ୟା ସନ୍ତତିଃ ସନ୍ତତିପ୍ରଦା ।
ତମାଲପଲ୍ଲଵଶ୍ୟାମା ତାମ୍ରୋଷ୍ଠୀ ତାଣ୍ଡଵପ୍ରିୟା ॥ ୯୫ ॥
ନାଟ୍ୟଲାସ୍ୟକରୀ ରମ୍ଭା ନଟରାଜପ୍ରିୟାଙ୍ଗନା ।
ଅନଙ୍ଗରୂପାଽନଙ୍ଗଶ୍ରୀରନଙ୍ଗେଶୀ ଵସୁନ୍ଧରା ॥ ୯୯ ॥
ସାମ୍ରାଜ୍ୟଦାୟିନୀ ସିଦ୍ଧା ସିଦ୍ଧେଶୀ ସିଦ୍ଧିଦାୟିନୀ ।
ସିଦ୍ଧମାତା ସିଦ୍ଧପୂଜ୍ୟା ସିଦ୍ଧାର୍ଥା ଵସୁଦାୟିନୀ ॥ ୯୭ ॥
ଭକ୍ତିମତ୍କଲ୍ପଲତିକା ଭକ୍ତିଦା ଭକ୍ତଵତ୍ସଲା ।
ପଞ୍ଚଶକ୍ତ୍ୟର୍ଚିତପଦା ପରମାତ୍ମସ୍ଵରୂପିଣୀ ॥ ୯୮ ॥
ଅଜ୍ଞାନତିମିରଜ୍ୟୋତ୍ସ୍ନା ନିତ୍ୟାହ୍ଲାଦା ନିରଞ୍ଜନା ।
ମୁଗ୍ଧା ମୁଗ୍ଧସ୍ମିତା ମୈତ୍ରୀ ମୁଗ୍ଧକେଶୀ ମଧୁପ୍ରିୟା ॥ ୯୯ ॥
କଲାପିନୀ କାମକଲା କାମକେଲିଃ କଲାଵତୀ ।
ଅଖଣ୍ଡା ନିରହଙ୍କାରା ପ୍ରଧାନପୁରୁଷେଶ୍ଵରୀ ॥ ୧୦୦ ॥
ରହଃପୂଜ୍ୟା ରହଃକେଲୀ ରହଃସ୍ତୁତ୍ୟା ହରପ୍ରିୟା ।
ଶରଣ୍ୟା ଗହନା ଗୁହ୍ୟା ଗୁହାନ୍ତଃସ୍ଥା ଗୁହପ୍ରସୂ ॥ ୧୦୧ ॥
ସ୍ଵସଂଵେଦ୍ୟା ସ୍ଵପ୍ରକାଶା ସ୍ଵାତ୍ମସ୍ଥା ସ୍ଵର୍ଗଦାୟିନୀ ।
ନିଷ୍ପ୍ରପଞ୍ଚା ନିରାଧାରା ନିତ୍ୟାନିତ୍ୟସ୍ଵରୂପିଣୀ ॥ ୧୦୨ ॥
ନର୍ମଦା ନର୍ତକୀ କୀର୍ତିଃ ନିଷ୍କାମା ନିଷ୍କଲା କଲା ।
ଅଷ୍ଟମୂର୍ତିରମୋଘୋମା ନନ୍ଦ୍ୟାଦିଗଣପୂଜିତା ॥ ୧୦୩ ॥
ୟନ୍ତ୍ରରୂପା ତନ୍ତ୍ରରୂପା ମନ୍ତ୍ରରୂପା ମନୋନ୍ମନୀ ।
ଶିଵକାମେଶ୍ଵରୀ ଦେଵୀ ଚିଦ୍ରୂପା ଚିତ୍ତରଙ୍ଗିଣୀ ॥ ୧୦୪ ॥
ଚିତ୍ସ୍ଵରୂପା ଚିତ୍ପ୍ରକାଶା ଚିନ୍ମୂର୍ତିର୍ଶ୍ଚିନ୍ମୟୀ ଚିତିଃ ।
ମୂର୍ଖଦୂରା ମୋହହନ୍ତ୍ରୀ ମୁଖ୍ୟା କ୍ରୋଡମୁଖୀ ସଖୀ ॥ ୧୦୫ ॥
ଜ୍ଞାନଜ୍ଞାତୃଜ୍ଞେୟରୂପା ଵ୍ୟୋମାକାରା ଵିଲାସିନୀ ।
ଵିମର୍ଶରୂପିଣୀ ଵଶ୍ୟା ଵିଧାନଜ୍ଞା ଵିଜୃମ୍ଭିତା ॥ ୧୦୬ ॥
କେତକୀକୁସୁମାପୀଡା କସ୍ତୂରୀତିଲକୋଜ୍ଜ୍ଵଲା ।
ମୃଗ୍ୟା ମୃଗାକ୍ଷୀ ରସିକା ମୃଗନାଭିସୁଗନ୍ଧିନୀ ॥ ୧୦୭ ॥
ୟକ୍ଷକର୍ଦମଲିପ୍ତାଙ୍ଗୀ ୟକ୍ଷିଣୀ ୟକ୍ଷପୂଜିତା ।
ଲସନ୍ମାଣିକ୍ୟକଟକା କେୟୂରୋଜ୍ଜ୍ଵଲଦୋର୍ଲତା ॥ ୧୦୮ ॥
ସିନ୍ଦୂରରାଜତ୍ସୀମନ୍ତା ସୁଭ୍ରୂଵଲ୍ଲୀ ସୁନାସିକା ।
କୈଵଲ୍ୟଦା କାନ୍ତିମତୀ କଠୋରକୁଚମଣ୍ଡଲା ॥ ୧୦୯ ॥
ତଲୋଦରୀ ତମୋହନ୍ତ୍ରୀ ତ୍ରୟସ୍ତ୍ରିଂଶତ୍ସୁରାତ୍ମିକା ।
ସ୍ଵୟମ୍ଭୂଃ କୁସୁମାମୋଦା ସ୍ଵୟମ୍ଭୁକୁସୁମପ୍ରିୟା ॥ ୧୧୦ ॥
ସ୍ଵାଧ୍ୟାୟିନୀ ସୁଖାରାଧ୍ୟା ଵୀରଶ୍ରୀର୍ଵୀରପୂଜିତା ।
ଦ୍ରାଵିଣୀ ଵିଦ୍ରୁମାଭୋଷ୍ଠୀ ଵେଗିନୀ ଵିଷ୍ଣୁଵଲ୍ଲଭା ॥ ୧୧୧ ॥
ହାଲାମଦା ଲସଦ୍ଵାଣୀ ଲୋଲା ଲୀଲାଵତୀ ରତିଃ ।
ଲୋପାମୁଦ୍ରାର୍ଚିତା ଲକ୍ଷ୍ମୀରହଲ୍ୟାପରିପୂଜିତା ॥ ୧୧୨ ॥
ଆବ୍ରହ୍ମକୀଟଜନନୀ କୈଲାସଗିରିଵାସିନୀ ।
ନିଧୀଶ୍ଵରୀ ନିରାତଙ୍କା ନିଷ୍କଲଙ୍କା ଜଗନ୍ମୟୀ ॥ ୧୧୩ ॥
ଆଦିଲକ୍ଷ୍ମୀରନନ୍ତଶ୍ରୀରଚ୍ୟୁତା ତତ୍ତ୍ଵରୂପିଣୀ ।
ନାମଜାତ୍ୟାଦିରହିତା ନରନାରାୟଣାର୍ଚିତା ॥ ୧୧୪ ॥
ଗୁହ୍ୟୋପନିଷଦୁଦ୍ଗୀତା ଲକ୍ଷ୍ମୀଵାଣୀନିଷେଵିତା ।
ମତଙ୍ଗଵରଦା ସିଦ୍ଧା ମହାୟୋଗୀଶ୍ଵରୀ ଗୁରୁଃ ॥ ୧୧୫ ॥
ଗୁରୁପ୍ରିୟା କୁଲାରାଧ୍ୟା କୁଲସଙ୍କେତପାଲିନୀ ।
ଚିଚ୍ଚନ୍ଦ୍ରମଣ୍ଡଲାନ୍ତଃ ସ୍ଥା ଚିଦାକାଶସ୍ଵରୂପିଣୀ ॥ ୧୧୬ ॥
ଅନଙ୍ଗଶାସ୍ତ୍ରତତ୍ତ୍ଵଜ୍ଞା ନାନାଵିଧରସପ୍ରିୟା ।
ନିର୍ମଲା ନିରଵଦ୍ୟାଙ୍ଗୀ ନୀତିଜ୍ଞା ନୀତିରୂପିଣୀ ॥ ୧୧୭ ॥
ଵ୍ୟାପିନୀ ଵିବୁଧଶ୍ରେଷ୍ଠା କୁଲଶୈଲକୁମାରିକା ।
ଵିଷ୍ଣୁପ୍ରସୂର୍ଵୀରମାତା ନାସାମଣିଵିରାଜିତା ॥ ୧୧୮ ॥
ନାୟିକା ନଗରୀସଂସ୍ଥା ନିତ୍ୟତୁଷ୍ଟା ନିତମ୍ବିନୀ ।
ପଞ୍ଚବ୍ରହ୍ମମୟୀ ପ୍ରାଞ୍ଚୀ ବ୍ରହ୍ମାତ୍ମୈକ୍ୟସ୍ଵରୂପିଣୀ ॥ ୧୧୯ ॥
ସର୍ଵୋପନିଷଦୁଦ୍ଗୀତା ସର୍ଵାନୁଗ୍ରହକାରିଣୀ ।
ପଵିତ୍ରା ପାଵନା ପୂତା ପରମାତ୍ମସ୍ଵରୂପିଣୀ ॥ ୧୨୦ ॥
ସୂର୍ୟେନ୍ଦୁଵହ୍ନିନୟନା ସୂର୍ୟମଣ୍ଡଲମଧ୍ୟଗା ।
ଗାୟତ୍ରୀ ଗାତ୍ରରହିତା ସୁଗୁଣା ଗୁଣଵର୍ଜିତା ॥ ୧୨୧ ॥
ରକ୍ଷାକରୀ ରମ୍ୟରୁପା ସାତ୍ଵିକା ସତ୍ତ୍ଵଦାୟିନୀ ।
ଵିଶ୍ଵାତୀତା ଵ୍ୟୋମରୂପା ସଦାଽର୍ଚନଜପପ୍ରିୟା ॥ ୧୨୨ ॥
ଆତ୍ମଭୂରଜିତା ଜିଷ୍ଣୁରଜା ସ୍ଵାହା ସ୍ଵଧା ସୁଧା ।
ନନ୍ଦିତାଶେଷଭୁଵନା ନାମସଙ୍କୀର୍ତନପ୍ରିୟା ॥ ୧୨୩ ॥
ଗୁରୁମୂର୍ତିର୍ଗୁରୁମୟୀ ଗୁରୁପାଦାର୍ଚନପ୍ରିୟା ।
ଗୋବ୍ରାହ୍ମଣାତ୍ମିକା ଗୁର୍ଵୀ ନୀଲକଣ୍ଠୀ ନିରାମୟା ॥ ୧୨୪ ॥
ମାନଵୀ ମନ୍ତ୍ରଜନନୀ ମହାଭୈରଵପୂଜିତା ।
ନିତ୍ୟୋତ୍ସଵା ନିତ୍ୟପୁଷ୍ଟା ଶ୍ୟାମା ୟୌଵନଶାଲିନୀ ॥ ୧୨୫ ॥
ମହନୀୟା ମହାମୂର୍ତିର୍ମହତୀ ସୌଖ୍ୟସନ୍ତତିଃ ।
ପୂର୍ଣୋଦରୀ ହଵିର୍ଧାତ୍ରୀ ଗଣାରାଧ୍ୟା ଗଣେଶ୍ଵରୀ ॥ ୧୨୬ ॥
ଗାୟନା ଗର୍ଵରହିତା ସ୍ଵେଦବିନ୍ଦୂଲ୍ଲସନ୍ମୁଖୀ ।
ତୁଙ୍ଗସ୍ତନୀ ତୁଲାଶୂନ୍ୟା କନ୍ୟା କମଲଵାସିନୀ ॥ ୧୨୭ ॥
ଶୃଙ୍ଗାରିଣୀ ଶ୍ରୀଃ ଶ୍ରୀଵିଦ୍ୟା ଶ୍ରୀପ୍ରଦା ଶ୍ରୀନିଵାସିନୀ ।
ତ୍ରୈଲୋକ୍ୟସୁନ୍ଦରୀ ବାଲା ତ୍ରୈଲୋକ୍ୟଜନନୀ ସୁଧୀଃ ॥ ୧୨୮ ॥
ପଞ୍ଚକ୍ଲେଶହରା ପାଶଧାରିଣୀ ପଶୁମୋଚନୀ ।
ପାଷଣ୍ଡହନ୍ତ୍ରୀ ପାପଘ୍ନୀ ପାର୍ଥିଵଶ୍ରୀକରୀ ଧୃତିଃ ॥ ୧୨୯ ॥
ନିରପାୟା ଦୁରାପା ୟା ସୁଲଭା ଶୋଭନାକୃତିଃ ।
ମହାବଲା ଭଗଵତୀ ଭଵରୋଗନିଵାରିଣୀ ॥ ୧୩୦ ॥
ଭୈରଵାଷ୍ଟକସଂସେଵ୍ୟା ବ୍ରାହ୍ମ୍ୟାଦିପରିଵାରିତା ।
ଵାମାଦିଶକ୍ତିସହିତା ଵାରୁଣୀମଦଵିହ୍ଵଲା ॥ ୧୩୧ ॥
ଵରିଷ୍ଠାଵଶ୍ୟଦା ଵଶ୍ୟା ଭକ୍ତ୍ତାର୍ତିଦମନା ଶିଵା ।
ଵୈରାଗ୍ୟଜନନୀ ଜ୍ଞାନଦାୟିନୀ ଜ୍ଞାନଵିଗ୍ରହା ॥ ୧୩୨ ॥
ସର୍ଵଦୋଷଵିନିର୍ମୁକ୍ତା ଶଙ୍କରାର୍ଧଶରୀରିଣୀ ।
ସର୍ଵେଶ୍ଵରପ୍ରିୟତମା ସ୍ଵୟଂଜ୍ୟୋତିସ୍ସ୍ଵରୂପିଣୀ ॥ ୧୩୩ ॥
କ୍ଷୀରସାଗରମଧ୍ୟସ୍ଥା ମହାଭୁଜଗଶାୟିନୀ ।
କାମଧେନୁର୍ବୃହଦ୍ଗର୍ଭା ୟୋଗନିଦ୍ରା ୟୁଗନ୍ଧରା ॥ ୧୩୪ ॥
ମହେନ୍ଦ୍ରୋପେନ୍ଦ୍ରଜନନୀ ମାତଙ୍ଗକୁଲସମ୍ଭଵା ।
ମତଙ୍ଗଜାତିସମ୍ପୂଜ୍ୟା ମତଙ୍ଗକୁଲଦେଵତା ॥ ୧୩୫ ॥
ଗୁହ୍ୟଵିଦ୍ୟା ଵଶ୍ୟଵିଦ୍ୟା ସିଦ୍ଧଵିଦ୍ୟା ଶିଵାଙ୍ଗନା ।
ସୁମଙ୍ଗଲା ରତ୍ନଗର୍ଭା ସୂର୍ୟମାତା ସୁଧାଶନା ॥ ୧୩୬ ॥
ଖଡ୍ଗମଣ୍ଡଲ ସମ୍ପୂଜ୍ୟା ସାଲଗ୍ରାମନିଵାସିନୀ ।
ଦୁର୍ଜୟା ଦୁଷ୍ଟଦମନା ଦୁର୍ନିରୀକ୍ଷ୍ୟା ଦୁରତ୍ୟୟା ॥ ୧୩୭ ॥
ଶଙ୍ଖଚକ୍ରଗଦାହସ୍ତା ଵିଷ୍ଣୁଶକ୍ତିର୍ଵିମୋହିନୀ ।
ୟୋଗମାତା ୟୋଗଗମ୍ୟା ୟୋଗନିଷ୍ଠା ସୁଧାସ୍ରଵା ॥ ୧୩୮ ॥
ସମାଧିନିଷ୍ଠୈଃ ସଂଵେଦ୍ୟା ସର୍ଵଭେଦଵିଵର୍ଜିତା ।
ସାଧାରଣା ସରୋଜାକ୍ଷୀ ସର୍ଵଜ୍ଞା ସର୍ଵସାକ୍ଷିଣୀ ॥ ୧୩୯ ॥
ମହାଶକ୍ତିର୍ମହୋଦାରା ମହାମଙ୍ଗଲଦେଵତା ।
କଲୌ କୃତାଵତରଣା କଲିକଲ୍ମଷନାଶିନୀ ॥ ୧୪୦ ॥
ସର୍ଵଦା ସର୍ଵଜନନୀ ନିରୀଶା ସର୍ଵତୋମୁଖୀ ।
ସୁଗୂଢା ସର୍ଵତୋ ଭଦ୍ରା ସୁସ୍ଥିତା ସ୍ଥାଣୁଵଲ୍ଲଭା ॥ ୧୪୧ ॥
ଚରାଚରଜଗଦ୍ରୂପା ଚେତନାଚେତନାକୃତିଃ ।
ମହେଶ୍ଵର ପ୍ରାଣନାଡୀ ମହାଭୈରଵମୋହିନୀ ॥ ୧୪୨ ॥
ମଞ୍ଜୁଲା ୟୌଵନୋନ୍ମତ୍ତା ମହାପାତକନାଶିନୀ ।
ମହାନୁଭାଵା ମାହେନ୍ଦ୍ରୀ ମହାମରକତପ୍ରଭା ॥ ୧୪୩ ॥
ସର୍ଵଶକ୍ତ୍ୟାସନା ଶକ୍ତିର୍ନିରାଭାସା ନିରିନ୍ଦ୍ରିୟା ।
ସମସ୍ତଦେଵତାମୂର୍ତିଃ ସମସ୍ତସମୟାର୍ଚିତା ॥ ୧୪୪ ॥
ସୁଵର୍ଚଲା ଵିୟନ୍ମୂର୍ତିଃ ପୁଷ୍କଲା ନିତ୍ୟପୁଷ୍ପିଣୀ ।
ନୀଲୋତ୍ପଲଦଲଶ୍ୟାମା ମହାପ୍ରଲୟସାକ୍ଷିଣୀ ॥ ୧୪୫ ॥
ସଙ୍କଲ୍ପସିଦ୍ଧା ସଙ୍ଗୀତରସିକା ରସଦାୟିନୀ ।
ଅଭିନ୍ନା ବ୍ରହ୍ମଜନନୀ କାଲକ୍ରମଵିଵର୍ଜିତା ॥ ୧୪୬ ॥
ଅଜପା ଜାଡ୍ୟରହିତା ପ୍ରସନ୍ନା ଭଗଵତ୍ପ୍ରିୟା ।
ଇନ୍ଦିରା ଜଗତୀକନ୍ଦା ସଚ୍ଚିଦାନନ୍ଦକନ୍ଦଲୀ ॥
ଶ୍ରୀଚକ୍ରନିଲୟା ଦେଵୀ ଶ୍ରୀଵିଦ୍ୟା ଶ୍ରୀପ୍ରଦାୟିନୀ ॥ ୧୪୭ ॥
ଫଲଶ୍ରୁତିଃ
ଇତି ତେ କଥିତୋ ଲକ୍ଷ୍ମୀ ନାମସାରସ୍ତଵୋ ମୟା ।
ଶ୍ୟାମଲାୟା ମହାଦେଵ୍ୟାଃ ସର୍ଵଵଶ୍ୟପ୍ରଦାୟକଃ ॥ ୧୪୮ ॥
ୟ ଇମଂ ପଠତେ ନିତ୍ୟଂ ନାମସାରସ୍ତଵଂ ପରମ୍ ।
ତସ୍ୟ ନଶ୍ୟନ୍ତି ପାପାନି ମହାନ୍ତ୍ୟପି ନ ସଂଶୟଃ ॥ ୧୪୯ ॥
ତ୍ରିସନ୍ଧ୍ୟଂ ୟଃ ପଠେନ୍ନିତ୍ୟଂ ଵର୍ଷମେକମତନ୍ଦ୍ରିତଃ ।
ସାର୍ଵଭୌମୋ ମହୀପାଲସ୍ତସ୍ୟ ଵଶ୍ୟୋ ଭଵେଦ୍ଧୁଵମ୍ ॥ ୧୫୦ ॥
ମୂଲମନ୍ତ୍ରଜପାନ୍ତେ ୟଃ ପଠେନ୍ନାମସହସ୍ରକମ୍ ।
ମନ୍ତ୍ରସିଦ୍ଧିର୍ଭଵେତ୍ତସ୍ୟ ଶୀଘ୍ରମେଵ ଵରାନନେ ॥ ୧୫୧ ॥
ଜଗତ୍ତ୍ରୟଂ ଵଶୀକୃତ୍ୟ ସାକ୍ଷାତ୍କାମସମୋ ଭଵେତ୍ ।
ଦିନେ ଦିନେ ଦଶାଵୃତ୍ତ୍ୟା ମଣ୍ଡଲଂ ୟୋ ଜପେନ୍ନରଃ ॥ ୧୫୨ ॥
ସଚିଵଃ ସ ଭଵେଦ୍ଦେଵି ସାର୍ଵଭୌମସ୍ୟ ଭୂପତେଃ ।
ଷଣ୍ମାସଂ ୟୋ ଜପେନ୍ନିତ୍ୟଂ ଏକଵାରଂ ଦୃଢଵ୍ରତଃ ॥ ୧୫୩ ॥
ଭଵନ୍ତି ତସ୍ୟ ଧାନ୍ୟାନାଂ ଧନାନାଂ ଚ ସମୃଦ୍ଧୟଃ ।
ଚନ୍ଦନଂ କୁଙ୍କୁମଂ ଵାପି ଭସ୍ମ ଵା ମୃଗନାଭିକମ୍ ॥ ୧୫୪ ॥
ଅନେନୈଵ ତ୍ରିରାଵତ୍ତ୍ୟା ନାମସାରେଣ ମନ୍ତ୍ରିତମ୍ ।
ୟୋ ଲଲାଟେ ଧାରୟତେ ତସ୍ୟ ଵକ୍ତ୍ରାଵଲୋକନାତ୍ ॥ ୧୫୫ ॥
ହନ୍ତୁମୁଦ୍ୟତଖଡ୍ଗୋଽପି ଶତ୍ରୁର୍ଵଶ୍ୟୋ ଭଵେଦ୍ଧ୍ରୁଵମ୍ ।
ଅନେନ ନାମସାରେଣ ମନ୍ତ୍ରିତଂ ପ୍ରାଶୟେଜ୍ଜଲମ୍ ॥ ୧୫୬ ॥
ମାସମାତ୍ରଂ ଵରାରୋହେ ଗାନ୍ଧର୍ଵନିପୁଣୋ ଭଵେତ୍ ।
ସଙ୍ଗୀତେ କଵିତାୟାଂ ଚ ନାସ୍ତି ତତ୍ସଦୃଶୋ ଭୁଵି ॥ ୧୫୭ ॥
ବ୍ରହ୍ମଜ୍ଞାନମଵାପ୍ନୋତି ମୋକ୍ଷଂ ଚାପ୍ୟଧିଗଚ୍ଛତି ।
ପ୍ରୀୟତେ ଶ୍ୟାମଲା ନିତ୍ୟଂ ପ୍ରୀତାଽଭୀଷ୍ଟଂ ପ୍ରୟଚ୍ଛତି ॥ ୧୫୮ ॥
॥ ଇତି ସୌଭାଗ୍ୟଲକ୍ଷ୍ମୀକଲ୍ପତାନ୍ତର୍ଗତେ ଲକ୍ଷ୍ମୀନାରାୟଣସଂଵାଦେ
ଅଷ୍ଟସପ୍ତିତମେ ଖଣ୍ଡେ ଶ୍ରୀଶ୍ୟାମଲାସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
ମାତଙ୍ଗୀ ମାତରୀଶେ ମଧୁମଥନାସଧିତେ ମହାମାୟେ ।
ମୋହିନି ମୋହପ୍ରମଥିନି ମନ୍ମଥମଥନପ୍ରିୟେ ଵରାଙ୍ଗି ମାତଙ୍ଗି ॥
ୟତିଜନ ହୃଦୟନିଵାସେ ଵାସଵଵରଦେ ଵରାଙ୍ଗି ମାତଙ୍ଗି ।
ଵୀଣାଵାଦ ଵିନୋଦିନି ନାରଦଗୀତେ ନମୋ ଦେଵି ॥
Also Read 1000 Names of Sri Shyamala:
1000 Names of Sri Shyamala | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil