Shri SudarshanaSahasranamastotram 2 Lyrics in Kannada:
॥ ಶ್ರೀಸುದರ್ಶನಸಹಸ್ರನಾಮಸ್ತೋತ್ರಮ್ 2 ॥
ಅಹಿರ್ಬುಧ್ನ್ಯಸಂಹಿತಾಪರಿಶಿಷ್ಟತಃ
ಪ್ರಣಮ್ಯ ಶಿರಸಾ ದೇವಂ ನಾರಾಯಣಮಶೇಷಗಮ್ ।
ರಮಾವಕ್ಷೋಜಕಸ್ತೂರೀಪಂಕಮುದ್ರಿತವಕ್ಷಸಮ್ ॥ 1 ॥
ಸರ್ವಶಾಸ್ತ್ರಾರ್ಥತತ್ತ್ವಜ್ಞಃ ಪಾರಾಶರ್ಯಸ್ತಪೋಧನಃ ।
ಹಿತಾಯ ಸರ್ವಜಗತಾಂ ನಾರದಂ ಮುನಿಮಬ್ರವೀತ್ ॥ 2 ॥
ಜ್ಞಾನವಿದ್ಯಾವಿಶೇಷಜ್ಞಂ ಕರ್ಪೂರಧವಲಾಕೃತಿಮ್ ।
ವೀಣಾವಾದನಸನ್ತುಷ್ಟಮಾನಸಂ ಮರುತಾಂ ಪರಮ್ ॥ 3 ॥
ಹಿರಣ್ಯಗರ್ಭಸಮ್ಭೂತಂ ಹಿರಣ್ಯಾಕ್ಷಾದಿಸೇವಿತಮ್ ।
ಪುಣ್ಯರಾಶಿಂ ಪುರಾಣಜ್ಞಂ ಪಾವನೀಕೃತದಿಕ್ತಟಮ್ ॥ 4 ॥
ವ್ಯಾಸ ಉವಾಚ –
ದೇವರ್ಷೇ ನಾರದ ಶ್ರೀಮನ್ ಸಾಕ್ಷಾದ್ ಬ್ರಹ್ಮಾಂಗಸಮ್ಭವ ।
ಭವಾನಶೇಷವಿದ್ಯಾನಾಂ ಪಾರಗಸ್ತಪಸಾಂ ನಿಧಿಃ ॥ 5 ॥
ವೇದಾನ್ತಪಾರಗಃ ಸರ್ವಶಾಸ್ತ್ರಾರ್ಥಪ್ರತಿಭೋಜ್ಜ್ವಲಃ ।
ಪರಬ್ರಹ್ಮಣಿ ನಿಷ್ಣಾತಃ ಸಚ್ಚಿದಾನನ್ದವಿಗ್ರಹಃ ॥ 6 ॥
ಜಗದ್ಧಿತಾಯ ಜನಿತಃ ಸಾಕ್ಷಾದೇವ ಚತುರ್ಮುಖಾತ್ ।
ಹನ್ಯನ್ತೇ ಭವತಾ ದೈತ್ಯಾ ದೈತ್ಯಾರಿಭುಜವಿಕ್ರಮೈಃ ॥ 7 ॥
ಕಾಲೋಽನುಗ್ರಹಕರ್ತಾ ತ್ವಂ ತ್ರೈಲೋಕ್ಯಂ ತ್ವದ್ವಶೇಽನಘ ।
ಮನುಷ್ಯಾ ಋಷಯೋ ದೇವಾಸ್ತ್ವಯಾ ಜೀವನ್ತಿ ಸತ್ತಮ ॥ 8 ॥
ಕರ್ತೃತ್ವೇ ಲೋಕಕಾರ್ಯಾಣಾಂ ವರತ್ವೇ ಪರಿನಿಷ್ಠಿತ ।
ಪೃಚ್ಛಾಮಿ ತ್ವಾಮಶೇಷಜ್ಞಂ ನಿದಾನಂ ಸರ್ವಸಮ್ಪದಾಮ್ ॥ 9 ॥
ಸರ್ವಸಂಸಾರನಿರ್ಮುಕ್ತಂ ಚಿದ್ಘನಂ ಶಾನ್ತಮಾನಸಮ್ ।
ಯಃ ಸರ್ವಲೋಕಹಿತಕೃದ್ಯಂ ಪ್ರಶಂಸನ್ತಿ ಯೋಗಿನಃ ॥ 10 ॥
ಇದಂ ಚರಾಚರಂ ವಿಶ್ವಂ ಧೃತಂ ಯೇನ ಮಹಾಮುನೇ ।
ಸ್ಪೃಹಯನ್ತಿ ಚ ಯತ್ಪ್ರೀತ್ಯಾ ಯಸ್ಮೈ ಬ್ರಹ್ಮಾದಿದೇವತಾಃ ॥ 11 ॥
ನಿರ್ಮಾಣಸ್ಥಿತಿಸಂಹಾರಾ ಯತೋ ವಿಶ್ವಸ್ಯ ಸತ್ತಮ ।
ಯಸ್ಯ ಪ್ರಸಾದಾದ್ ಬ್ರಹ್ಮಾದ್ಯಾ ಲಭನ್ತೇ ವಾಂಛಿತಂ ಫಲಮ್ ॥ 12 ॥
ದಾರಿದ್ರ್ಯನಾಶೋ ಜಾಯೇತ ಯಸ್ಮಿನ್ ಶ್ರುತಿಪಥಂ ಗತೇ ।
ವಿವಕ್ಷಿತಾರ್ಥನಿರ್ವಾಹಾ ಮುಖಾನ್ನಿಃಸರತೀಹ ಗೀಃ ॥ 13 ॥
ನೃಪಾಣಾಂ ರಾಜ್ಯಹೀನಾನಾಂ ಯೇನ ರಾಜ್ಯಂ ಭವಿಷ್ಯತಿ ।
ಅಪುತ್ರಃ ಪುತ್ರವಾನ್ ಯೇನ ವನ್ಧ್ಯಾ ಪುತ್ರವತೀ ಭವೇತ್ ॥ 14 ॥
ಶತ್ರೂಣಾಮಚಿರಾನ್ನಾಶೋ ಜ್ಞಾನಂ ಜ್ಞಾನೈಷಿಣಾಮಪಿ ।
ಚಾತುರ್ವರ್ಗಫಲಂ ಯಸ್ಯ ಕ್ಷಣಾದ್ ಭವತಿ ಸುವ್ರತ ॥ 15 ॥
ಭೂತಪ್ರೇತಪಿಶಾಚಾದ್ಯಾ ಯಕ್ಷರಾಕ್ಷಸಪನ್ನಗಾಃ ।
ಭೂತಜ್ವರಾದಿರೋಗಾಶ್ಚ ಯಸ್ಯ ಸ್ಮರಣಮಾತ್ರತಃ ॥ 16 ॥
ಮುಚ್ಯನ್ತೇ ಮುನಿಶಾರ್ದೂಲ ಯೇನಾಖಿಲಜಗದ್ಧೃತಮ್ ।
ತದೇತದಿತಿ ನಿಶ್ಚಿತ್ಯ ಸರ್ವಶಾಸ್ತ್ರವಿಶಾರದ ॥ 17 ॥
ಸರ್ವಲೋಕಹಿತಾರ್ಥಾಯ ಬ್ರೂಹಿ ಮೇ ಸಕಲಂ ಗುರೋ ।
ಇತ್ಯುಕ್ತಸ್ತೇನ ಮುನಿನಾ ವ್ಯಾಸೇನಾಮಿತತೇಜಸಾ ॥ 18 ॥
ಬದ್ಧಾಂಜಲಿಪುಟೋ ಭೂತ್ವಾ ಸಾದರಂ ನಾರದೋ ಮುನಿಃ ।
ನಮಸ್ಕೃತ್ಯ ಜಗನ್ಮೂಲಂ ಲಕ್ಷ್ಮೀಕಾನ್ತಂ ಪರಾತ್ ಪರಮ್ ॥ 19 ॥
ಉವಾಚ ಪರಮಪ್ರೀತಃ ಕರುಣಾಮೃತಧಾರಯಾ ।
ಆಪ್ಯಾಯಯನ್ ಮುನೀನ್ ಸರ್ವಾನ್ ವ್ಯಾಸಾದೀನ್ ಬ್ರಹ್ಮತತ್ಪರಾನ್ ॥ 20 ॥
ನಾರದಃ ಉವಾಚ –
ಬಹಿರನ್ತಸ್ತಮಶ್ಛೇದಿ ಜ್ಯೋತಿರ್ವನ್ದೇ ಸುದರ್ಶನಮ್ ।
ಯೇನಾವ್ಯಾಹತಸಂಕಲ್ಪಂ ವಸ್ತು ಲಕ್ಷ್ಮೀಧರಂ ವಿದುಃ ॥ 21 ॥
ಓಂ ಅಸ್ಯ ಶ್ರೀಸುದರ್ಶನಸಹಸ್ರನಾಮಸ್ತೋತ್ರಮಹಾಮನ್ತ್ರಸ್ಯ ಅಹಿರ್ಬುಧ್ನ್ಯೋ
ಭಗವಾನೃಷಿಃ, ಅನುಷ್ಟುಪ್ ಛನ್ದಃ, ಶ್ರೀಸುದರ್ಶನಮಹಾವಿಷ್ಣುರ್ದೇವತಾ,
ರಂ ಬೀಜಮ್, ಹುಂ ಶಕ್ತಿಃ, ಫಟ್ ಕೀಲಕಮ್, ರಾಂ ರೀಂ ರೂಂ ರೈಂ ರೌಂ ರಃ ಇತಿ ಮನ್ತ್ರಃ,
ಶ್ರೀಸುದರ್ಶನಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥
ಓಂ ರಾಂ ಅಂಗುಷ್ಠಾಭ್ಯಾಂ ನಮಃ,
ಓಂ ರೀಂ ತರ್ಜನೀಭ್ಯಾಂ ನಮಃ,
ಓಂ ರೂಂ ಮಧ್ಯಮಾಭ್ಯಾಂ ನಮಃ,
ಓಂ ರೈಂ ಅನಾಮಿಕಾಭ್ಯಾಂ ನಮಃ,
ಓಂ ರೌಂ ಕನಿಷ್ಠಿಕಾಭ್ಯಾಂ,
ಓಂ ರಃ ಕರತಲಕರಪೃಷ್ಠಾಭ್ಯಾಂ ನಮಃ ॥
ಏವಂ ಹೃದಯಾದಿನ್ಯಾಸಃ
ಓಂ ರಾಂ ಜ್ಞಾನಾಯ ಹೃದಯಾಯ ನಮಃ,
ಓಂ ರೀಂ ಐಶ್ವರ್ಯಾಯ ಶಿರಸೇ ಸ್ವಾಹಾ,
ಓಂ ರೂಂ ಶಕ್ತ್ಯೈ ಶಿಖಾಯೈ ವಷಟ್,
ಓಂ ರೈಂ ಬಲಾಯ ಕವಚಾಯ ಹುಂ,
ಓಂ ರೌಂ ವೀರ್ಯಾಯಾಸ್ತ್ರಾಯ ಫಟ್,
ಓಂ ರಃ ತೇಜಸೇ ನೇತ್ರಾಭ್ಯಾಂ ವೌಷಟ್ ॥
ಅಥ ದಿಗ್ಬನ್ಧಃ
ಓಂ ಠಂ ಠಂ ಪೂರ್ವಾಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ,
ಓಂ ಠಂ ಠಂ ಆಗ್ನೇಯೀಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ,
ಓಂ ಠಂ ಠಂ ಯಾಮ್ಯಾಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ,
ಓಂ ಠಂ ಠಂ ನೈರೃತೀಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ,
ಓಂ ಠಂ ಠಂ ವಾರುಣೀಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ,
ಓಂ ಠಂ ಠಂ ವಾಯವೀಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ,
ಓಂ ಠಂ ಠಂ ಕೌಬೇರೀಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ,
ಓಂ ಠಂ ಠಂ ಐಶಾನೀಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ,
ಓಂ ಠಂ ಠಂ ಊರ್ಧ್ವಾಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ,
ಓಂ ಠಂ ಠಂ ಅಧರಾಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ,
ಓಂ ಠಂ ಠಂ ಸರ್ವಾಂ ದಿಶಂ ಚಕ್ರೇಣ ಬಧ್ನಾಮಿ ನಮಶ್ಚಕ್ರಾಯ ಹುಂ ಫಟ್ ಸ್ವಾಹಾ ।
ಇತಿ ದಿಗ್ಬನ್ಧಃ ।
॥ ಧ್ಯಾನಮ್ ॥
ಕಲ್ಪಾನ್ತಾರ್ಕಪ್ರಕಾಶಂ ತ್ರಿಭುವನಮಖಿಲಂ ತೇಜಸಾ ಪೂರಯನ್ತಂ
ರಕ್ತಾಕ್ಷಂ ಪಿಂಗಕೇಶಂ ರಿಪುಕುಲಭಯದಂ ಭೀಮದಂಷ್ಟ್ರಾಟ್ಟಹಾಸಮ್ ।
ಶಂಖಂ ಚಕ್ರಂ ಗದಾಬ್ಜಂ ಪೃಥುತರಮುಸಲಂ ಚಾಪಪಾಶಾಂಕುಶಾದೀನ್
ಬಿಭ್ರಾಣಂ ದೋರ್ಭಿರಾದ್ಯಂ ಮನಸಿ ಮುರರಿಪೋರ್ಭಾವಯೇ ಚಕ್ರರಾಜಮ್ ॥
ಶಂಖಂ ಚಕ್ರಂ ಗದಾಬ್ಜಂ ಶರಮಸಿಮಿಷುಧಿಂ ಚಾಪಪಾಶಾಂಕುಶಾದೀನ್
ಬಿಭ್ರಾಣಂ ವಜ್ರಖೇಟಂ ಹಲಮುಸಲಲಸತ್ಕುನ್ತಮತ್ಯುಗ್ರದಂಷ್ಟ್ರಮ್ ।
ಜ್ವಾಲಾಕೇಶಂ ತ್ರಿನೇತ್ರಂ ಜ್ವಲದನಲನಿಭಂ ಹಾರಕೇಯೂರಭೂಷಂ
ಧ್ಯಾಯೇತ್ ಷಟ್ಕೋಣಸಂಸ್ಥಂ ಸಕಲರಿಪುಜನಪ್ರಾಣಸಂಹಾರಚಕ್ರಮ್ ॥
ಕಕಾರಾದೀನಿ ಷೋಡಶ ನಾಮಾನಿ
ಕಲ್ಯಾಣಗುಣಸಮ್ಪನ್ನಃ ಕಲ್ಯಾಣವಸನೋಜ್ಜ್ವಲಃ ।
ಕಲ್ಯಾಣಾಚಲಗಮ್ಭೀರಃ ಕಲ್ಯಾಣಜನರಂಜಕಃ ॥ 1 ॥
ಕಲ್ಯಾಣದೋಷನಾಶಶ್ಚ ಕಲ್ಯಾಣರುಚಿರಾಂಗಕಃ ।
ಕಲ್ಯಾಣಾಂಗದಸಮ್ಪನ್ನಃ ಕಲ್ಯಾಣಾಕಾರಸನ್ನಿಭಃ ॥ 2 ॥
ಕರಾಲವದನೋಽತ್ರಾಸೀ ಕರಾಲಾಂಗೋಽಭಯಂಕರಃ ।
ಕರಾಲತನುಜೋದ್ದಾಮಃ ಕರಾಲತನುಭೇದಕಃ ॥ 3 ॥
ಕರಂಜವನಮಧ್ಯಸ್ಥಃ ಕರಂಜದಧಿಭೋಜನಃ ।
ಕರಂಜಾಸುರಸಂಹರ್ತಾ ಕರಂಜಮಧುರಾಂಗಕಃ ॥ 4 ॥
ಖಕಾರಾದೀನಿ ದಶ
ಖಂಜನಾನನ್ದಜನಕಃ ಖಂಜನಾಹಾರಜೂಷಿತಃ ।
ಖಂಜನಾಯುಧಭೃದ್ ದಿವ್ಯಖಂಜನಾಖಂಡಗರ್ವಹೃತ್ ॥ 5 ॥
ಖರಾನ್ತಕಃ ಖರರುಚಿಃ ಖರದುಃಖೈರಸೇವಿತಃ ।
ಖರಾನ್ತಕಃ ಖರೋದಾರಃ ಖರಾಸುರವಿಭಂಜನಃ ॥ 6 ॥
ಗಕಾರಾದೀನಿ ದ್ವಾದಶ
ಗೋಪಾಲೋ ಗೋಪತಿರ್ಗೋಪ್ತಾ ಗೋಪಸ್ತ್ರೀನಾಥರಂಜಕಃ ।
ಗೋಜಾರುಣತನುರ್ಗೋಜೋ ಗೋಜಾರತಿಕೃತೋತ್ಸವಃ ॥ 7 ॥
ಗಮ್ಭೀರನಾಭಿರ್ಗಮ್ಭೀರೋ ಗಮ್ಭೀರಾರ್ಥಸಮನ್ವಿತಃ ।
ಗಮ್ಭೀರವೈದ್ಯಮರುತೋ ಗಮ್ಭೀರಗುಣಭೂಷಿತಃ ॥ 8 ॥
ಘಕಾರಾದೀನ್ಯೇಕಾದಶ
ಘನರಾವೋ ಘನರುಚಿರ್ಘನಗಮ್ಭೀರನಿಸ್ವನಃ ।
ಘನಾಘನೌಘನಾಶೀ ಚ ಘನಸನ್ತಾನದಾಯಕಃ ॥ 9 ॥
ಘನರೋಚಿರ್ಘನಚರೋ ಘನಚನ್ದನಚರ್ಚಿತಃ ।
ಘನಹೇತಿರ್ಘನಭುಜೋ ಘನೋಽಖಿಲಸುರಾರ್ಚಿತಃ ॥ 10 ॥
ಙಕಾರಾದೀನಿ ಚತ್ವಾರಿ
ಙಕಾರಾವಧಿವಿಭವೋ ಙಕಾರೋ ಮುನಿಸಮ್ಮತಃ ।
ಙಕಾರವೀತಸಹಿತೋ ಙಕಾರಾಕಾರಭೂಷಿತಃ ॥ 11 ॥
ಚಕಾರಾದೀನಿ ಷಟ್ಪಂಚಾಶತ್
ಚಕ್ರರಾಜಶ್ಚಕ್ರಪತಿಶ್ಚಕ್ರಾಧೀಶಃ ಸುಚಕ್ರಭೂಃ ।
ಚಕ್ರಸೇವ್ಯಶ್ಚಕ್ರಧರಶ್ಚಕ್ರಭೂಷಣಭೂಷಿತಃ ॥ 12 ॥
ಚಕ್ರರಾಜರುಚಿಶ್ಚಕ್ರಶ್ಚಕ್ರಪಾಲನತತ್ಪರಃ ।
ಚಕ್ರಧೃಚ್ಚಕ್ರವರದಶ್ಚಕ್ರಭೂಷಣಭೂಷಿತಃ ॥ 13 ॥
ಸುಚಕ್ರಧೀಃ ಸುಚಕ್ರಾಖ್ಯಃ ಸುಚಕ್ರಗುಣಭುಷಿತಃ ।
ವಿಚಕ್ರಶ್ಚಕ್ರನಿರತಶ್ಚಕ್ರಸಮ್ಪನ್ನವೈಭವಃ ॥ 14 ॥
ಚಕ್ರದೋಶ್ಚಕ್ರದಶ್ಚಕ್ರಶ್ಚಕ್ರರಾಜಪರಾಕ್ರಮಃ ।
ಚಕ್ರನಾದಶ್ಚಕ್ರಚರಶ್ಚಕ್ರಗಶ್ಚಕ್ರಪಾಶಕೃತ್ ॥ 15 ॥
ಚಕ್ರವ್ಯಾಪೀ ಚಕ್ರಗುರುಶ್ಚಕ್ರಹಾರೀ ವಿಚಕ್ರಭೃತ್ ।
ಚಕ್ರಾಂಗಶ್ಚಕ್ರಮಹಿತಶ್ಚಕ್ರವಾಕಗುಣಾಕರಃ ॥ 16 ॥
ಆಚಕ್ರಶ್ಚಕ್ರಧರ್ಮಜ್ಞಶ್ಚಕ್ರಕಶ್ಚಕ್ರಮರ್ದನಃ ।
ಆಚಕ್ರನಿಯಮಶ್ಚಕ್ರಃ ಸರ್ವಪಾಪವಿಧೂನನಃ ॥ 17 ॥
ಚಕ್ರಜ್ವಾಲಶ್ಚಕ್ರಧರಶ್ಚಕ್ರಪಾಲಿತವಿಗ್ರಹಃ ।
ಚಕ್ರವರ್ತೀ ಚಕ್ರದಾಯೀ ಚಕ್ರಕಾರೀ ಮದಾಪಹಃ ॥ 18 ॥
ಚಕ್ರಕೋಟಿಮಹಾನಾದಶ್ಚಕ್ರಕೋಟಿಸಮಪ್ರಭಃ ।
ಚಕ್ರರಾಜಾವನಚರಶ್ಚಕ್ರರಾಜಾನ್ತರೋಜ್ಜ್ವಲಃ ॥ 19 ॥
ಚಂಚಲಾರಾತಿದಮನಶ್ಚಂಚಲಸ್ವಾನ್ತರೋಮಕೃತ್ ।
ಚಂಚಲೋ ಮಾನಸೋಲ್ಲಾಸೀ ಚಂಚಲಾಚಲಭಾಸುರಃ ॥ 20 ॥
ಚಂಚಲಾರಾತಿನಿರತಶ್ಚಂಚಲಾಧಿಕಚಂಚಲಃ ।
ಛಕಾರಾದೀನಿ ನವ
ಛಾಯಯಾಖಿಲತಾಪಘ್ನಶ್ಛಾಯಾಮದವಿಭಂಜನಃ ॥ 21 ॥
ಛಾಯಾಪ್ರಿಯೋಽಧಿಕರುಚಿಶ್ಛಾಯಾವೃಕ್ಷಸಮಾಶ್ರಯಃ ।
ಛಾಯಾನ್ವಿತಶ್ಛಾಯಯಾರ್ಚ್ಯಶ್ಛಾಯಾಧಿಕಸುಖಪ್ರದಃ ॥ 22 ॥
ಛಾಯಾಮ್ಬರಪರೀಧಾನಶ್ಛಾಯಾತ್ಮಜನಮುಂಚಿತಃ ।
ಜಕಾರಾದೀನಿ ಷೋಡಶ
ಜಲಜಾಕ್ಷೀಪ್ರಿಯಕರೋ ಜಲಜಾನನ್ದದಾಯಕಃ ॥ 23 ॥
ಜಲಜಾಸಿದ್ಧಿರುಚಿರೋ ಜಲಜಾಲಸಮೋ ಭರಃ ।
ಜಲಜಾಲಾಪಸಂಸ್ತುತ್ಯೋ ಜಲಜಾತಾಯ ಮೋದಕೃತ್ ॥ 24 ॥
ಜಲಜಾಹಾರಚತುರೋ ಜಲಜಾರಾಧನೋತ್ಸುಕಃ ।
ಜನಕಸ್ತುತಿಸನ್ತುಷ್ಟೋ ಜನಕಾರಾಧಿತಾಧಿಕಃ ॥ 25 ॥
ಜನಕಾಮೋದನಪರೋ ಜನಕಾನನ್ದದಾಯಕಃ ।
ಜನಕಾಧ್ಯಾನಸನ್ತುಷ್ಟಹೃದಯೋ ಜನಕಾರ್ಚಿತಃ ॥ 26 ॥
ಜನಕಾನನ್ದಜನನೋ ಜನಕೃದ್ಧೃದಯಾಮ್ಬುಜಃ ।
ಝಕಾರಾದೀನಿ ಚತ್ವಾರಿ
ಝಂಝಾಮಾರುತವೇಗಾಢ್ಯೋ ಝಂಝಾಮಾರುತಸಂಗರಃ ॥ 27 ॥
ಝಂಝಾಮಾರುತಸಂರಾವೋ ಝಂಝಾಮಾರುತವಿಕ್ರಮಃ ।
ಞಕಾರಾದಿನೀ ದ್ವೇ
ಞಕಾರಾಮ್ಬುಜಮಧ್ಯಸ್ಥೋ ಞಕಾರಕೃತಸನ್ನಿಧಿಃ ॥ 28 ॥
ಟಕಾರಾದೀನಿ ನವ
ಟಂಕಧಾರೀ ಟಂಕವಪುಷ್ಟಂಕಸಂಹಾರಕಾರಕಃ ।
ಟಂಕಚ್ಛಿನ್ನಸುವರ್ಣಾಭಷ್ಟಂಕಾರಧನುರುಜ್ಜ್ವಲಃ ॥ 29 ॥
ಟಂಕಾರಾಗ್ನಿಸಮಾಕಾರಷ್ಟಂಕಾರರವಮೇದುರಃ ।
ಟಂಕಾರಕೀರ್ತಿಭರಿತಷ್ಟಂಕಾರಾನನ್ದವರ್ಧನಃ ॥ 30 ॥
ಡಕಾರಾದೀನ್ಯೇಕೋನವಿಂಶತಿಃ
ಡಮ್ಭಸಂಹತಿಸಂಹರ್ತಾ ಡಮ್ಭಸನ್ತತಿವರ್ಧನಃ ।
ಡಮ್ಭಧೃಗ್ ಡಮ್ಭಹೃದಯೋ ಡಮ್ಭದಂಡನತತ್ಪರಃ ॥ 31 ॥
ಡಿಮ್ಭಧೃಗ್ ಡಿಮ್ಭಕೃಡ್ಡಿಮ್ಭೋ ಡಿಮ್ಭಸೂದನತತ್ಪರಃ ।
ಡಿಮ್ಭಪಾಪಹರೋ ಡಿಮ್ಭಸಮ್ಭಾವಿತಪದಾಮ್ಬುಜಃ ॥ 32 ॥
ಡಿಮ್ಭರೋದ್ಯತ್ಕಟಮ್ಬಾಜೋ ಡಮರುಧ್ಯಾನತತ್ಪರಃ ।
ಡಮರೂದ್ಭವಸಂಹರ್ತಾ ಡಮರೂದ್ಭವನನ್ದನಃ ॥ 33 ॥
ಡಾಡಿಮೀವನಮಧ್ಯಸ್ಥೋ ಡಾಡಿಮೀಕುಸುಮಪ್ರಿಯಃ ।
ಡಾಡಿಮೀಫಲಸನ್ತುಷ್ಟೋ ಡಾಡಿಮೀಫಲವರ್ಜಿತಃ ॥ 34 ॥
ಢಕಾರಾದೀನ್ಯಷ್ಟೌ
ಢಕ್ಕಾಮನೋಹರವಪುರ್ಢಕ್ಕಾರವವಿರಾಜಿತಃ ।
ಢಕ್ಕಾವಾದ್ಯೇಷು ನಿರತೋ ಢಕ್ಕಾಧಾರಣತತ್ಪರಃ ॥ 35 ॥
ಢಕಾರಬೀಜಸಮ್ಪನ್ನೋ ಢಕಾರಾಕ್ಷರಮೇದುರಃ ।
ಢಕಾರಮಧ್ಯಸದನೋ ಢಕಾರವಿಹಿತಾನ್ತ್ರಕಃ ॥ 36 ॥
ಣಕಾರಾದೀನಿ ಚತ್ವಾರಿ
ಣಕಾರಬೀಜವಸತಿರ್ಣಕಾರವಸನೋಜ್ಜ್ವಲಃ ।
ಣಕಾರಾತಿಗಭೀರಾಂಗೋ ಣಕಾರಾರಾಧನಪ್ರಿಯಃ ॥ 37 ॥
ತಕಾರಾದೀನಿ ಚತುರ್ದಶ
ತರಲಾಕ್ಷೀಮಹಾಹರ್ತಾ ತಾರಕಾಸುರಹೃತ್ತರಿಃ ।
ತರಲೋಜ್ಜ್ವಲಹಾರಾಢ್ಯಸ್ತರಲಸ್ವಾನ್ತರಂಜಕಃ ॥ 38 ॥
ತಾರಕಾಸುರಸಂಸೇವ್ಯಸ್ತಾರಕಾಸುರಮಾನಿತಃ ।
ತುರಂಗವದನಸ್ತೋತ್ರಸನ್ತುಷ್ಟಹೃದಯಾಮ್ಬುಜಃ ॥ 39 ॥
ತುರಂಗವದನಃ ಶ್ರೀಮಾಂಸ್ತುರಂಗವದನಸ್ತುತಃ ।
ತಮಃ ಪಟಲಸಂಛನ್ನಸ್ತಮಃ ಸನ್ತತಿಮರ್ದನಃ ॥ 40 ॥
ತಮೋನುದೋ ಜಲಶಯಸ್ತಮಃಸಂವರ್ಧನೋ ಹರಃ ।
ಥಕಾರಾದೀನಿ ಚತ್ವಾರಿ
ಥವರ್ಣಮಧ್ಯಸಂವಾಸೀ ಥವರ್ಣವರಭೂಷಿತಃ ॥ 41 ॥
ಥವರ್ಣಬೀಜಸಮ್ಪನ್ನಸ್ಥವರ್ಣರುಚಿರಾಲಯಃ ।
ದಕಾರಾದೀನಿ ದಶ
ದರಭೃದ್ ದರಸಾರಾಕ್ಷೋ ದರಹೃದ್ ದರವಂಚಕಃ ॥ 42 ॥
ದರಫುಲ್ಲಾಮ್ಬುಜರುಚಿರ್ದರಚಕ್ರವಿರಾಜಿತಃ ।
ದಧಿಸಂಗ್ರಹಣವ್ಯಗ್ರೋ ದಧಿಪಾಂಡರಕೀರ್ತಿಭೃತ್ ॥ 43 ॥
ದಧ್ಯನ್ನಪೂಜನರತೋ ದಧಿವಾಮನಮೋದಕೃತ್ ।
ಧಕಾರಾದೀನಿ ಚತುರ್ವಿಂಶತಿಃ
ಧನ್ವೀ ಧನಪ್ರಿಯೋ ಧನ್ಯೋ ಧನಾಧಿಪಸಮಂಚಿತಃ ॥ 44 ॥
ಧರೋ ಧರಾವನರತೋ ಧನಧಾನ್ಯಸಮೃದ್ಧಿದಃ ।
ಧನಂಜಯೋ ಧಾನಾಧ್ಯಕ್ಷೋ ಧನದೋ ಧನವರ್ಜಿತಃ ॥ 45 ॥
ಧನಗ್ರಹಣಸಮ್ಪನ್ನೋ ಧನಸಮ್ಮತಮಾನಸಃ ।
ಧನರಾಜವನಾಸಕ್ತೋ ಧನರಾಜಯಶೋಭರಃ ॥ 46 ॥
ಧನರಾಜಮದಾಹರ್ತಾ ಧನರಾಜಸಮೀಡಿತಃ ।
ಧರ್ಮಕೃದ್ಧರ್ಮಘೃದ್ಧರ್ಮೀ ಧರ್ಮನನ್ದನಸನ್ನುತಃ ॥ 47 ॥
ಧರ್ಮರಾಜೋ ಧನಾಸಕ್ತೋ ಧರ್ಮಜ್ಞಾಕಲ್ಪಿತಸ್ತುತಿಃ ।
ನಕಾರಾದೀನಿ ಷೋಡಶ
ನರರಾಜವನಾಯತ್ತೋ ನರರಾಜಾಯ ನಿರ್ಭರಃ ॥ 48 ॥
ನರರಾಜಸ್ತುತಗುಣೋ ನರರಾಜಸಮುಜ್ಜ್ವಲಃ ।
ನವತಾಮರಸೋದಾರೋ ನವತಾಮರಸೇಕ್ಷಣಃ ॥ 49 ॥
ನವತಾಮರಸಾಹಾರೋ ನವತಾಮರಸಾರುಣಃ ।
ನವಸೌವರ್ಣವಸನೋ ನವನಾಥದಯಾಪರಃ ॥ 50 ॥
ನವನಾಥಸ್ತುತನದೋ ನವನಾಥಸಮಾಕೃತಿಃ ।
ನಾಲಿಕಾನೇತ್ರಮಹಿತೋ ನಾಲಿಕಾವಲಿರಾಜಿತಃ ॥ 51 ॥
ನಾಲಿಕಾಗತಿಮಧ್ಯಸ್ಥೋ ನಾಲಿಕಾಸನಸೇವಿತಃ ।
ಪಕಾರಾದೀನಿನ್ಯಷ್ಟಾದಶ
ಪುಂಡರೀಕಾಕ್ಷರುಚಿತಃ ಪುಂಡರೀಕಮದಾಪಹಃ ॥ 52 ॥
ಪುಂಡರೀಕಮುನಿಸ್ತುತ್ಯಃ ಪುಂಡರೀಕಸುಹೃದ್ಯುತಿಃ ।
ಪುಂಡರೀಕಪ್ರಭಾರಮ್ಯಃ ಪುಂಡರೀಕನಿಭಾನನಃ ॥ 53 ॥
ಪುಂಡರೀಕಾಕ್ಷಸನ್ಮಾನಃ ಪುಂಡರೀಕದಯಾಪರಃ ।
ಪರಃ ಪರಾಗತಿವಪುಃ ಪರಾನನ್ದಃ ಪರಾತ್ ಪರಃ ॥ 54 ॥
ಪರಮಾನನ್ದಜನಕಃ ಪರಮಾನ್ನಾಧಿಕಪ್ರಿಯಃ ।
ಪುಷ್ಕರಾಕ್ಷಕರೋದಾರಃ ಪುಷ್ಕರಾಕ್ಷಃ ಶಿವಂಕರಃ ॥ 55 ॥
ಪುಷ್ಕರವ್ರಾತಸಹಿತಃ ಪುಷ್ಕರಾರವಸಂಯುತಃ ।
ಅಥ ಫಕಾರಾದೀನಿ ನವ
ಫಟ್ಕಾರತಃ ಸ್ತೂಯಮಾನಃ ಫಟ್ಕಾರಾಕ್ಷರಮಧ್ಯಗಃ ॥ 56 ॥
ಫಟ್ಕಾರಧ್ವಸ್ತದನುಜಃ ಫಟ್ಕಾರಾಸನಸಂಗತಃ ।
ಫಲಹಾರಃ ಸ್ತುತಫಲಃ ಫಲಪೂಜಾಕೃತೋತ್ಸವಃ ॥ 57 ॥
ಫಲದಾನರತೋಽತ್ಯನ್ತಫಲಸಮ್ಪೂರ್ಣಮಾನಸಃ ।
ಬಕಾರಾದೀನಿ ಷೋಡಶ
ಬಲಸ್ತುತಿರ್ಬಲಾಧಾರೋ ಬಲಭದ್ರಪ್ರಿಯಂಕರಃ ॥ 58 ॥
ಬಲವಾನ್ ಬಲಹಾರೀ ಚ ಬಲಯುಗ್ವೈರಿಭಂಜನಃ ।
ಬಲದಾತಾ ಬಲಧರೋ ಬಲರಾಜಿತವಿಗ್ರಹಃ ॥ 59 ॥
ಬಲಾದ್ಬಲೋ ಬಲಕರೋ ಬಲಾಸುರನಿಷೂದನಃ ।
ಬಲರಕ್ಷಣನಿಷ್ಣಾತೋ ಬಲಸಮ್ಮೋದದಾಯಕಃ ॥ 60 ॥
ಬಲಸಮ್ಪೂರ್ಣಹೃದಯೋ ಬಲಸಂಹಾರದೀಕ್ಷಿತಃ ।
ಭಕಾರಾದೀನಿ ಚತುರ್ವಿಂಶತಿಃ
ಬಹ್ವಸ್ತುತೋ ಭವಪತಿರ್ಭವಸನ್ತಾನದಾಯಕಃ ॥ 61 ॥
ಭವಧ್ವಂಸೀ ಭವಹರೋ ಭವಸ್ತಮ್ಭನತತ್ಪರಃ ।
ಭವರಕ್ಷಣನಿಷ್ಣಾತೋ ಭವಸನ್ತೋಷಕಾರಕಃ ॥ 62 ॥
ಭವಸಾಗರಸಂಛೇತ್ತಾ ಭವಸಿನ್ಧುಸುಖಪ್ರದಃ ।
ಭದ್ರದೋ ಭದ್ರಹೃದಯೋ ಭದ್ರಕಾರ್ಯಸಮಾಶ್ರಿತಃ ॥ 63 ॥
ಭದ್ರಶ್ರೀಚರ್ಚಿತತನುರ್ಭದ್ರಶ್ರೀದಾನದೀಕ್ಷಿತಃ ।
ಭದ್ರಪಾದಪ್ರಿಯೋ ಭದ್ರೋ ಹ್ಯಭದ್ರವನಭಂಜನಃ ॥ 64 ॥
ಭದ್ರಶ್ರೀಗಾನಸರಸೋ ಭದ್ರಮಂಡಲಮಂಡಿತಃ ।
ಭರದ್ವಾಜಸ್ತುತಪದೋ ಭರದ್ವಾಜಸಮಾಶ್ರಿತಃ ॥ 65 ॥
ಭರದ್ವಾಜಾಶ್ರಮರತೋ ಭರದ್ವಾಜದಯಾಕರಃ ।
ಮಕಾರಾದೀನಿ ತ್ರಿಪಂಚಾಶತ್
ಮಸಾರನೀಲರುಚಿರೋ ಮಸಾರಚರಣೋಜ್ಜ್ವಲಃ ॥ 66 ॥
ಮಸಾರಸಾರಸತ್ಕಾರ್ಯೋ ಮಸಾರಾಂಶುಕಭೂಷಿತಃ ।
ಮಾಕನ್ದವನಸಂಚಾರೀ ಮಾಕನ್ದಜನರಂಜಕಃ ॥ 67 ॥
ಮಾಕನ್ದಾನನ್ದಮನ್ದಾರೋ ಮಾಕನ್ದಾನನ್ದಬನ್ಧುರಃ ।
ಮಂಡಲೋ ಮಂಡಲಾಧೀಶೋ ಮಂಡಲಾತ್ಮಾ ಸುಮಂಡಲಃ ॥ 68 ॥
ಮಂಡೇಶೋ ಮಂಡಲಾನ್ತಮಂಡಲಾರ್ಚಿತಮಂಡಲಃ ।
ಮಂಡಲಾವನನ್ಷ್ಣಾತೋ ಮಂಡಲಾವರಣೀ ಘನಃ ॥ 69 ॥
ಮಂಡಲಸ್ಥೋ ಮಂಡಲಲಾಗ್ರ್ಯೋ ಮಂಡಲಾಭರಣಾಂಕಿತಃ ।
ಮಧುದಾನವಸಂಹರ್ತಾ ಮಧುಮಂಜುಲವಾಗ್ಭರಃ ॥ 70 ॥
ಮಧುದಾನಾಧಿಕರತೋ ಮಧುಮಂಗಲವೈಭವಃ ।
ಮಧುಜೇತಾ ಮಧುಕರೋ ಮಧುರೋ ಮಧುರಾಧಿಪಃ ॥ 71 ॥
ಮಧುವಾರಣಸಂಹರ್ತಾ ಮಧುಸನ್ತಾನಕಾರಕಃ ।
ಮಧುಮಾಸಾತಿರುಚಿರೋ ಮಧುಮಾಸವಿರಾಜಿತಃ ॥ 72 ॥
ಮಧುಪುಷ್ಟೋ ಮಧುತನುರ್ಮಧುಗೋ ಮಧುಸಂವರಃ ।
ಮಧುರೋ ಮಧುರಾಕಾರೋ ಮಧುರಾಮ್ಬರಭೂಷಿತಃ ॥ 73 ॥
ಮಧುರಾನಗರೀನಾಥೋ ಮಧುರಾಸುರಭಂಜನಃ ।
ಮಧುರಾಹಾರನಿರತೋ ಮಧುರಾಹ್ಲಾದದಕ್ಷಿಣಃ ॥ 74 ॥
ಮಧುರಾಮ್ಭೋಜನಯನೋ ಮಧುರಧಿಪಸಂಗತಃ ।
ಮಧುರಾನನ್ದಚತುರೋ ಮಧುರಾರಾತಿಸಂಗತಃ ॥ 75 ॥
ಮಧುರಾಭರಣೋಲ್ಲಾಸೀ ಮಧುರಾಂಗದಭೂಷಿತಃ ।
ಮೃಗರಾಜವನೀಸಕ್ತೋ ಮೃಗಮಂಡಲಮಂಡಿತಃ ॥ 76 ॥
ಮೃಗಾದರೋ ಮೃಗಪತಿರ್ಮೃಗಾರಾತಿವಿದಾರಣಃ ।
ಯಕಾರಾದೀನಿ ದಶ
ಯಜ್ಞಪ್ರಿಯೋ ಯಜ್ಞವಪುರ್ಯಜ್ಞಸಮ್ಪ್ರೀತಮಾನಸಃ ॥ 77 ॥
ಯಜ್ಞಸನ್ತಾನನಿರತೋ ಯಜ್ಞಸಮ್ಭಾರಸಮ್ಭ್ರಮಃ ।
ಯಜ್ಞಯಜ್ಞೋ ಯಜ್ಞಪದೋ ಯಜ್ಞಸಮ್ಪಾದನೋತ್ಸುಕಃ ॥ 78 ॥
ಯಜ್ಞಶಾಲಾಕೃತಾವಾಸೋ ಯಜ್ಞಸಮ್ಭಾವಿತಾನ್ನಕಃ ।
ರೇಫಾದೀನಿ ವಿಂಶತಿಃ
ರಸೇನ್ದ್ರೋ ರಸಸಮ್ಪನ್ನೋ ರಸ ರಾಜೋ ರಸೋತ್ಸುಕಃ ॥ 79 ॥
ರಸಾನ್ವಿತೋ ರಸಧರೋ ರಸಚೇಲೋ ರಸಾಕರಃ ।
ರಸಜೇತಾ ರಸಶ್ರೇಷ್ಠೋ ರಸರಾಜಾಭಿರಂಜಿತಃ ॥ 80 ॥
ರಸತತ್ತ್ವಸಮಾಸಕ್ತೋ ರಸದಾರಪರಾಕ್ರಮಃ ।
ರಸರಾಜೋ ರಸಧರೋ ರಸೇಶೋ ರಸವಲ್ಲಭಃ ॥ 81 ॥
ರಸನೇತಾ ರಸಾವಾಸೋ ರಸೋತ್ಕರವಿರಾಜಿತಃ ।
ಲಕಾರಾದೀನ್ಯಷ್ಟೌ
ಲವಂಗಪುಷ್ಪಸನ್ತುಷ್ಟೋ ಲವಂಗಕುಸುಮೋಚಿತಃ ॥ 82 ॥
ಲವಂಗವನಮಧ್ಯಸ್ಥೋ ಲವಂಗಕುಸುಮೋತ್ಸುಕಃ ।
ಲತಾವಲಿಸಮಾಯುಕ್ತೋ ಲತಾರಸಮರ್ಚಿತಃ ॥ 83 ॥
ಲತಾಭಿರಾಮತನುಭೃಲ್ಲತಾತಿಲಕಭೂಷಿತಃ ।
ವಕಾರಾದೀನಿ ಸಪ್ತದಶ
ವೀರಸ್ತುತಪದಾಮ್ಭೋಜೋ ವಿರಾಜಗಮನೋತ್ಸುಕಃ ॥ 84 ॥
ವಿರಾಜಪತ್ರಮಧ್ಯಸ್ಥೋ ವಿರಾಜರಸಸೇವಿತಃ ।
ವರದೋ ವರಸಮ್ಪನ್ನೋ ವರಸಮುನ್ನತಃ ॥ 85 ॥
ವರಸ್ತುತಿರ್ವರ್ಧಮಾನೋ ವರಧೃದ್ ವರಸಮ್ಭವಃ ।
ವರದಾನರತೋ ವರ್ಯೋ ವರದಾನಸಮುತ್ಸುಕಃ ॥ 86 ॥
ವರದಾನಾರ್ದ್ರಹೃದಯೋ ವರವಾರಣಸಂಯುತಃ ।
ಶಕಾರಾದೀನಿ ಪಂಚವಿಂಶತಿಃ
ಶಾರದಾಸ್ತುತಪಾದಾಬ್ಜಃ ಶಾರದಾಮ್ಭೋಜಕೀರ್ತಿಭೃತ್ ॥ 87 ॥
ಶಾರದಾಮ್ಭೋಜನಯನಃ ಶಾರದಾಧ್ಯಕ್ಷಸೇವಿತಃ ।
ಶಾರದಾಪೀಠವಸತಿಃ ಶಾರದಾಧಿಪಸನ್ನುತಃ ॥ 88 ॥
ಶಾರದಾವಾಸದಮನಃ ಶಾರದಾವಾಸಭಾಸುರಃ ।
ಶತಕ್ರತುಸ್ತೂಯಮಾನಃ ಶತಕ್ರತುಪರಾಕ್ರಮಃ ॥ 89 ॥
ಶತಕ್ರತುಸಮೈಶ್ವರ್ಯಃ ಶತಕ್ರತುಮದಾಪಹಃ ।
ಶರಚಾಪಧರಃ ಶ್ರೀಮಾನ್ ಶರಸಮ್ಭವವೈಭವಃ ॥ 90 ॥
ಶರಪಾಂಡರಕೀರ್ತಿಶ್ರೀಃ ಶರತ್ಸಾರಸಲೋಚನಃ ।
ಶರಸಂಗಮಸಮ್ಪನ್ನಃ ಶರಮಂಡಲಮಂಡಿತಃ ॥ 91 ॥
ಶರಾತಿಗಃ ಶರಧರಃ ಶರಲಾಲನಲಾಲಸಃ ।
ಶರೋದ್ಭವಸಮಾಕಾರಃ ಶರಯುದ್ಧವಿಶಾರದ ॥ 92 ॥
ಶರಬೃನ್ದಾವನರತಿಃ ಶರಸಮ್ಮತವಿಕ್ರಮಃ ।
ಷಕಾರಾದೀನಿ ಷೋಡಶ
ಷಟ್ಪದಃ ಷಟ್ಪದಾಕಾರಃ ಷಟ್ಪದಾವಲಿಸೇವಿತಃ ॥ 93 ॥
ಷಟ್ಪದಾಕಾರಮಧುರಃ ಷಟ್ಪದೀ ಷಟ್ಪದೋದ್ಧತಃ ।
ಷಡಂಗವೇದವಿನುತಃ ಷಡಂಗಪದಮೇದುರಃ ॥ 94 ॥
ಷಟ್ಪದ್ಮಕವಿತಾವಾಸಃ ಷಡ್ಬಿನ್ದುರಚಿತದ್ಯುತಿಃ ।
ಷಡ್ಬಿನ್ದುಮಧ್ಯವಸತಿಃ ಷಡ್ಬಿನ್ದುವಿಶದೀಕೃತಃ ॥ 95 ॥
ಷಡಾಮ್ನಾಯಸ್ತೃಯಮಾನಃ ಷಡಾಮ್ನಾಯಾನ್ತರಸ್ಥಿತಃ ।
ಷಟ್ಛಕ್ತಿಮಂಗಲವೃತಃ ಷಟ್ಚಕ್ರಕೃತಶೇಖರಃ ॥ 96 ॥
ಸಕಾರಾದೀನಿ ವಿಂಶತಿಃ
ಸಾರಸಾರಸರಕ್ತಾಂಗಃ ಸಾರಸಾರಸಲೋಚನಃ ।
ಸಾರದೀಪ್ತಿಃ ಸಾರತನುಃ ಸಾರಸಾಕ್ಷಕರಪ್ರಿಯಃ ॥ 97 ॥
ಸಾರದೀಪೀ ಸಾರಕೃಪಃ ಸಾರಸಾವನಕೃಜ್ಜ್ವಲಃ ।
ಸಾರಂಗಸಾರದಮನಃ ಸಾರಕಲ್ಪಿತಕುಂಡಲಃ ॥ 98 ॥
ಸಾರಸಾರಣ್ಯವಸತಿಃ ಸಾರಸಾರವಮೇದುರಃ ।
ಸಾರಗಾನಪ್ರಿಯಃ ಸಾರಃ ಸಾರಸಾರಸುಪಂಡಿತಃ ॥ 99 ॥
ಸದ್ರಕ್ಷಕಃ ಸದಾಮೋದೀ ಸದಾನನ್ದನದೇಶಿಕಃ ।
ಸದ್ವೈದ್ಯವನ್ದ್ಯಚರಣಃ ಸದ್ವೈದ್ಯೋಜ್ಜ್ವಲಮಾನಸಃ ॥ 100 ॥
ಹಕಾರಾದೀನಿ ಚತುಃಷಷ್ಟಿಃ
ಹರಿಜೇತಾ ಹರಿರಥೋ ಹರಿಸೇವಾಪರಾಯಣಃ ।
ಹರಿವರ್ಣೋ ಹರಿಚರೋ ಹರಿಗೋ ಹರಿವತ್ಸಲಃ ॥ 101 ॥
ಹರಿದ್ರೋ ಹರಿಸಂಸ್ತೋತಾ ಹರಿಧ್ಯಾನಪರಾಯಣಃ ।
ಹರಿಕಲ್ಪಾನ್ತಸಂಹರ್ತಾ ಹರಿಸಾರಸಮುಜ್ಜ್ವಲಃ ॥ 102 ॥
ಹರಿಚನ್ದನಲಿಪ್ತಾಂಗೋ ಹರಿಮಾನಸಸಮ್ಮತಃ ।
ಹರಿಕಾರುಣ್ಯನಿರತೋ ಹಂಸಮೋಚನಲಾಲಸಃ ॥ 103 ॥
ಹರಿಪುತ್ರಾಭಯಕರೋ ಹರಿಪುತ್ರಸಮಂಚಿತಃ ।
ಹರಿಧಾರಣಸಾನ್ನಿಧ್ಯೋ ಹರಿಸಮ್ಮೋದದಾಯಕಃ ॥ 104 ॥
ಹೇತಿರಾಜೋ ಹೇತಿಧರೋ ಹೇತಿನಾಯಕಸಂಸ್ತುತಃ ।
ಹೇತಿರ್ಹರಿರ್ಹೇತಿವಪುರ್ಹೇತಿಹಾ ಹೇತಿವರ್ಧನಃ ॥ 105 ॥
ಹೇತಿಹನ್ತಾ ಹೇತಿಯುದ್ಧಕರೋ ಹೇತಿವಿಭೂಷಣಃ ।
ಹೇತಿದಾತಾ ಹೇತಿಪರೋ ಹೇತಿಮಾರ್ಗಪ್ರವರ್ತಕಃ ॥ 106 ॥
ಹೇತಿಸನ್ತತಿಸಮ್ಪೂರ್ಣೋ ಹೇತಿಮಂಡಲಮಂಡಿತಃ ।
ಹೇತಿದಾನಪರಃ ಸರ್ವಹೇತ್ಯುಗ್ರಪರಿಭೂಷಿತಃ ॥ 107 ॥
ಹಂಸರೂಪೀ ಹಂಸಗತಿರ್ಹಂಸಸನ್ನುತವೈಭವಃ ।
ಹಂಸಮಾರ್ಗರತೋ ಹಂಸರಕ್ಷಕೋ ಹಂಸನಾಯಕಃ ॥ 108 ॥
ಹಂಸದೃಗ್ಗೋಚರತನುರ್ಹಂಸಸಂಗೀತತೋಷಿತಃ ।
ಹಂಸಜೇತಾ ಹಂಸಪತಿರ್ಹಂಸಗೋ ಹಂಸವಾಹನಃ ॥ 109 ॥
ಹಂಸಜೋ ಹಂಸಗಮನೋ ಹಂಸರಾಜಸುಪೂಜಿತಃ ।
ಹಂಸವೇಗೋ ಹಂಸಧರೋ ಹಂಸಸುನ್ದರವಿಗ್ರಹಃ ॥ 110 ॥
ಹಂಸವತ್ ಸುನ್ದರತನುರ್ಹಂಸಸಂಗತಮಾನಸಃ ।
ಹಂಸಸ್ವರೂಪಸಾರಜ್ಞೋ ಹಂಸಸನ್ನತಮಾನಸಃ ॥ 111 ॥
ಹಂಸಸಂಸ್ತುತಸಾಮರ್ಥ್ಯೋ ಹರಿರಕ್ಷಣತತ್ಪರಃ ।
ಹಂಸಸಂಸ್ತುತಮಾಹಾತ್ಮ್ಯೋ ಹರಪುತ್ರಪರಾಕ್ರಮಃ ॥ 112 ॥
ಕ್ಷಕಾರಾದೀನಿ ದ್ವಾದಶ ನಾಮಾನಿ
ಕ್ಷೀರಾರ್ಣವಸಮುದ್ಭೂತಃ ಕ್ಷೀರಸಮ್ಭವಭಾವಿತಃ ।
ಕ್ಷೀರಾಬ್ಧಿನಾಥಸಂಯುಕ್ತಃ ಕ್ಷೀರಕೀರ್ತಿವಿಭಾಸುರಃ ॥ 113 ॥
ಕ್ಷಣದಾರವಸಂಹರ್ತಾ ಕ್ಷಣದಾರವಸಮ್ಮತಃ ।
ಕ್ಷಣದಾಧೀಶಸಂಯುಕ್ತಃ ಕ್ಷಣದಾನಕೃತೋತ್ಸವಃ ॥ 114 ॥
ಕ್ಷೀರಾಭಿಷೇಕಸನ್ತುಷ್ಟ ಕ್ಷೀರಪಾನಾಭಿಲಾಷುಕಃ ।
ಕ್ಷೀರಾಜ್ಯಭೋಜನಾಸಕ್ತಃ ಕ್ಷೀರಸಮ್ಭವವರ್ಣಕಃ ॥ 115 ॥
ಫಲಶ್ರುತಿಃ
ಇತ್ಯೇತತ್ ಕಥಿತಂ ದಿವ್ಯಂ ಸರ್ವಪಾಪಪ್ರಣಾಶನಮ್ ।
ಸರ್ವಶತ್ರುಕ್ಷಯಕರಂ ಸರ್ವಸಮ್ಪತ್ಪ್ರದಾಯಕಮ್ ॥ 116 ॥
ಸರ್ವಸೌಭಾಗ್ಯಜನಕಂ ಸರ್ವಮಂಗಲಕಾರಕಮ್ ।
ಸರ್ವಾದಾರಿದ್ರ್ಯಶಮನಂ ಸರ್ವೋಪದ್ರವನಾಶನಮ್ ॥ 117 ॥
ಸರ್ವಶಾನ್ತಿಕರಣ್ ಗುಹ್ಯಂ ಸರ್ವರೋಗನಿವಾರಣಮ್ ।
ಅತಿಬನ್ಧಗ್ರಹಹರಂ ಸರ್ವದುಃಖನಿವಾರಕಮ್ ॥ 118 ॥
ನಾಮ್ನಾಂ ಸಹಸ್ರಂ ದಿವ್ಯಾನಾಂ ಚಕ್ರರಾಜಸ್ಯ ತತ್ಪತೇಃ ।
ನಾಮಾನಿ ಹೇತಿರಾಜಸ್ಯ ಯೇ ಪಠನ್ತೀಹ ಮಾನವಾಃ ।
ತೇಷಾಂ ಭವನ್ತಿ ಸಕಲಾಃ ಸಮ್ಪದೋ ನಾತ್ರ ಸಂಶಯಃ ॥ 119 ॥
ಇತ್ಯಹಿರ್ಬುಧ್ನ್ಯಸಂಹಿತಾಯಾಂ ತನ್ತ್ರರಹಸ್ಯೇ ವ್ಯಾಸನಾರದಸಂವಾದೇ
ಶ್ರೀಸುದರ್ಶನಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ।
Also Read 1000 Names of Sri Sudarshana 2:
1000 Names of Sri Sudarshana | Sahasranama Stotram 2 Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
