Shri Sudarshana Sahasranamastotram Lyrics in Malayalam:
॥ ശ്രീസുദര്‍ശനസഹസ്രനാമസ്തോത്രം ॥
ശ്രീ ഗണേശായ നമഃ ॥
ശ്രീസുദര്‍ശന പരബ്രഹ്മണേ നമഃ ॥
അഥ ശ്രീസുദര്‍ശന സഹസ്രനാമ സ്തോത്രം ॥
കൈലാസശിഖരേ രംയേ മുക്താമാണിക്യ മണ്ഡപേ ।
രക്തസിംഹാസനാസീനം പ്രമഥൈഃ പരിവാരിതം ॥ 1 ॥
ബദ്ധാഞ്ജലിപുടാ ഭൂത്വാ പപ്രച്ഛ വിനയാന്വിതാ ।
ഭര്‍താരം സര്‍വധര്‍മജ്ഞം പാര്‍വതീ പരമേശ്വരം ॥ 2 ॥
പാര്‍വതീ —
യത് ത്വയോക്തം ജഗന്നാഥ സുഭ്രുശം ക്ഷേമമിച്ഛതാം ।
സൌദര്‍ശനം രുതേ ശാസ്ത്രം നാസ്തിചാന്യദിതി പ്രഭോ ॥ 3 ॥
തത്ര കാചിത് വിവക്ഷാസ്ഥി തമര്‍ഥം പ്രതി മേ പ്രഭോ ।
ഏവമുക്തസ്ത്വഹിര്‍ബുദ്ധ്ന്യഃ പാര്‍വതീം പ്രത്യുവാച താം ॥ 4 ॥
അഹിര്‍ബുദ്ധ്ന്യ —
സംശയോ യദി തേ തത്ര തം ബ്രൂഹി ത്വം വരാനനേ ।
ഇത്യേവമുക്താ ഗിരിജാ ഗിരിശേന മഹാത്മനാ ॥ 5 ॥
പുനഃ പ്രോവാച സര്‍വജ്ഞം ജ്ഞാനമുദ്രാധരം പതിം ॥
പാര്‍വത്യുവാച —
ലോകേ സൌദര്‍ശനം മന്ത്രം യന്ത്രന്തത്തത് പ്രയോഗവത് ॥ 6 ॥
സര്‍വം വിജ്ഞാതുമഭ്യത്ര യഥാവത് സമനുഷ്ഠിതും ।
അതിവേലമശക്താനാം തം മാര്‍ഗം ഭൃശമീഛ്താം ॥ 7 ॥
കോ മാര്‍ഗഃ കാ കഥിസ്തേഷാം കാര്യസിദ്ധിഃ കഥം ഭവേത് ।
ഏതന്‍മേ ബ്രൂഹി ലോകേശ ത്വദന്യഃ കോ വദേതമും ॥ 8 ॥
ഈശ്വര ഉവാച —
അഹം തേ കഥയിശ്യാമി സര്‍വ സിദ്ധികരം ശുഭം ।
അനായാസേന യജ്ജപ്ത്വാ നരസ്സിദ്ധിമവാപ്നുയാത് ॥ 9 ॥
തശ്ച സൌദര്‍ശനം ദിവ്യം ഗുഹ്യം നാമസഹസ്രകം ।
നിയമാത് പഠതാം നൄണാം ചിന്തിതാര്‍ഥ പ്രദായകം ॥ 10 ॥
തസ്യ നാമസഹസ്രസ്യ സോഽഹമേവ ഋഷിഃ സ്മൃതഃ ।
ഛന്ദോനുഷ്ടുപ് ദേവതാ തു പരമാത്മാ സുദര്‍ശനഃ ॥ 11 ॥
ശ്രീം ബീജം ഹ്രീം തു ശക്തിസ്സാ ക്ലീം കീലകമുദാഹൃതം ।
സമസ്താഭീഷ്ട സിധ്യര്‍ഥേ വിനിയോഗ ഉദാഹൃതഃ ॥ 12 ॥
ശങ്ഖം ചക്രം ച ചാപാദി ധ്യാനമസ്യ സമീരിതം ॥
ധ്യാനം —
ശങ്ഖം ചക്രം ച ചാപം പരശുമസിമിശും ശൂല പാശാങ്കുശാബ്ജം
ബിഭ്രാണം വജ്രഖേടൌ ഹല മുസല ഗദാ കുന്ദമത്യുഗ്ര ദംഷ്ട്രം ।
ജ്വാലാ കേശം ത്രിനേത്രം ജ്വല ദലനനിഭം ഹാര കേയൂര ഭൂഷം
ധ്യായേത് ഷട്കോണ സംസ്ഥം സകല രിപുജന പ്രാണ സംഹാരി ചക്രം ॥
॥ ഹരിഃ Oം ॥
ശ്രീചക്രഃ ശ്രീകരഃ ശ്രീശഃ ശ്രീവിഷ്ണുഃ ശ്രീവിഭാവനഃ ।
ശ്രീമദാന്ത്യ ഹരഃ ശ്രീമാന്‍ ശ്രീവത്സകൃത ലക്ഷണഃ ॥ 1 ॥
ശ്രീനിധിഃ ശ്രീവരഃ സ്രഗ്വീ ശ്രീലക്ഷ്മീ കരപൂജിതഃ ।
ശ്രീരതഃ ശ്രീവിഭുഃ സിന്ധുകന്യാപതിഃ അധോക്ഷജഃ ॥ 2 ॥
അച്യുതശ്ചാംബുജഗ്രീവഃ സഹസ്രാരഃ സനാതനഃ ।
സമര്‍ചിതോ വേദമൂര്‍തിഃ സമതീത സുരാഗ്രജഃ ॥ 3 ॥
ഷട്കോണ മധ്യഗോ വീരഃ സര്‍വഗോഽഷ്ടഭുജഃ പ്രഭുഃ ।
ചണ്ഡവേഗോ ഭീമരവഃ ശിപിവിഷ്ടാര്‍ചിതോ ഹരിഃ ॥ 4 ॥
ശാശ്വതഃ സകലഃ ശ്യാമഃ ശ്യാമലഃ ശകടാര്‍ഥനഃ ।
ദൈത്യാരിഃ ശാരദസ്കന്ധഃ സകടാക്ഷഃ ശിരീഷഗഃ ॥ 5 ॥
ശരപാരിര്‍ഭക്തവശ്യഃ ശശാങ്കോ വാമനോവ്യയഃ ।
വരൂഥീവാരിജഃ കഞ്ജലോചനോ വസുധാദിപഃ ॥ 6 ॥
വരേണ്യോ വാഹനോഽനന്തഃ ചക്രപാണിര്‍ഗദാഗ്രജഃ ।
ഗഭീരോ ഗോലകാധീശോ ഗദാപണിസ്സുലോചനഃ ॥ 7 ॥
സഹസ്രാക്ഷഃ ചതുര്‍ബാഹുഃ ശങ്ഖചക്ര ഗദാധരഃ ।
ഭീഷണോ ഭീതിദോ ഭദ്രോ ഭീമാഭീഷ്ട ഫലപ്രദഃ ॥ 8 ॥
ഭീമാര്‍ചിതോ ഭീമസേനോ ഭാനുവംശ പ്രകാശകഃ ।
പ്രഹ്ലാദവരദഃ ബാലലോചനോ ലോകപൂജിതഃ ॥ 9 ॥
ഉത്തരാമാനദോ മാനീ മാനവാഭീഷ്ട സിദ്ധിദഃ ।
ഭക്തപാലഃ പാപഹാരീ ബലദോ ദഹനധ്വജഃ ॥ 10 ॥
കരീശഃ കനകോ ദാതാ കാമപാല പുരാതനഃ ।
അക്രൂരഃ ക്രൂരജനകഃ ക്രൂരദംഷ്ട്രഃ കുലാദിപഃ ॥ 11 ॥
ക്രൂരകര്‍മാ ക്രൂരരൂപി ക്രൂരഹാരീ കുശേശയഃ ।
മന്ദരോ മാനിനീകാന്തോ മധുഹാ മാധവപ്രിയഃ ॥ 12 ॥
സുപ്രതപ്ത സ്വര്‍ണരൂപീ ബാണാസുര ഭുജാന്തകൃത് ।
ധരാധരോ ദാനവാരിര്‍ദനുജേന്ദ്രാരി പൂജിതഃ ॥ 13 ॥
ഭാഗ്യപ്രദോ മഹാസത്ത്വോ വിശ്വാത്മാ വിഗതജ്വരഃ ।
സുരാചാര്യാര്‍ചിതോ വശ്യോ വാസുദേവോ വസുപ്രദഃ ॥ 14 ॥
പ്രണതാര്‍തിഹരഃ ശ്രേഷ്ടഃ ശരണ്യഃ പാപനാശനഃ ।
പാവകോ വാരണാദ്രീശോ വൈകുണ്ഠോ വിഗതകല്‍മഷഃ ॥ 15 ॥
വജ്രദംഷ്ട്രോ വജ്രനഖോ വായുരൂപീ നിരാശ്രയഃ ।
നിരീഹോ നിസ്പൃഹോ നിത്യോ നീതിജ്ഞോ നീതിപാവനഃ ॥ 16 ॥
നീരൂപോ നാരദനുതോ നകുലാചല വാസകൃത് ।
നിത്യാനന്ദോ ബൃഹദ്ഭാനുഃ ബൃഹദീശഃ പുരാതനഃ ॥ 17 ॥
നിധിനാമധിപോഽനന്ദോ നരകാര്‍ണവ താരകഃ ।
അഗാധോഽവിരലോ മര്‍ത്യോ ജ്വാലാകേശഃ കകാര്‍ച്ചിതഃ ॥ 18 ॥
തരുണസ്തനുകൃത് ഭക്തഃ പരമഃ ചിത്തസംഭവഃ ।
ചിന്ത്യസ്സത്വനിധിഃ സാഗ്രസ്ചിദാനന്ദഃ ശിവപ്രിയഃ ॥ 19 ॥
ശിന്‍ശുമാരശ്ശതമഖഃ ശാതകുംഭ നിഭപ്രഭഃ ।
ഭോക്താരുണേശോ ബലവാന്‍ ബാലഗ്രഹ നിവാരകഃ ॥ 20 ॥
സര്‍വാരിഷ്ട പ്രശമനോ മഹാഭയ നിവാരകഃ ।
ബന്ധുഃ സുബന്ധുഃ സുപ്രീതസ്സന്തുഷ്ടസ്സുരസന്നുതഃ ॥ 21 ॥
ബീജകേശ്യോ ബകോ ഭാനുഃ അമിതാര്‍ചിര്‍പാമ്പതിഃ ।
സുയജ്ഞോ ജ്യോതിഷശ്ശാന്തോ വിരൂപാക്ഷഃ സുരേശ്വരഃ ॥ 22 ॥
വഹ്നിപ്രാകാര സംവീതോ രക്തഗര്‍ഭഃ പ്രഭാകരഃ ।
സുശീലഃ സുഭഗഃ സ്വക്ഷഃ സുമുഖഃ സുഖദഃ സുഖീ ॥ 23 ॥
മഹാസുരഃ ശിരച്ഛേതാ പാകശാസന വന്ദിതഃ ।
ശതമൂര്‍തി സഹസ്രാരോ ഹിരണ്യ ജ്യോതിരവ്യയഃ ॥ 24 ॥
മണ്ഡലീ മണ്ഡലാകാരഃ ചന്ദ്രസൂര്യാഗ്നി ലോചനഃ ।
പ്രഭഞ്ജനഃ തീക്ഷ്ണധാരഃ പ്രശാന്തഃ ശാരദപ്രിയഃ ॥ 25 ॥
ഭക്തപ്രിയോ ബലിഹരോ ലാവണ്യോലക്ഷണപ്രിയഃ ।
വിമലോ ദുര്ലഭസ്സോംയസ്സുലഭോ ഭീമവിക്രമഃ ॥ 26 ॥
ജിതമന്യുഃ ജിതാരാതിഃ മഹാക്ഷോ ഭൃഗുപൂജിതഃ ।
തത്ത്വരൂപഃ തത്ത്വവേദിഃ സര്‍വതത്വ പ്രതിഷ്ഠിതഃ ॥27 ॥
ഭാവജ്ഞോ ബന്ധുജനകോ ദീനബന്ധുഃ പുരാണവിത് ।
ശസ്ത്രേശോ നിര്‍മതോ നേതാ നരോ നാനാസുരപ്രിയഃ ॥ 28 ॥
നാഭിചക്രോ നതാമിത്രോ നധീശ കരപൂജിതഃ ।
ദമനഃ കാലികഃ കര്‍മീ കാന്തഃ കാലാര്‍ഥനഃ കവിഃ ॥ 29 ॥
വസുന്ധരോ വായുവേഗോ വരാഹോ വരുണാലയഃ ।
കമനീയകൃതിഃ കാലഃ കമലാസന സേവിതഃ ।
കൃപാലുഃ കപിലഃ കാമീ കാമിതാര്‍ഥ പ്രദായകഃ ॥ 30 ॥
ധര്‍മസേതുര്‍ധര്‍മപാലോ ധര്‍മീ ധര്‍മമയഃ പരഃ ।
ജ്വാലാജിംഹഃ ശിഖാമൌളീഃ സുരകാര്യ പ്രവര്‍തകഃ ॥ 31 ॥
കലാധരഃ സുരാരിഘ്നഃ കോപഹാ കാലരൂപദൃക് ।
ദാതാഽഽനന്ദമയോ ദിവ്യോ ബ്രഹ്മരൂപീ പ്രകാശകൃത് ॥ 32 ।
സര്‍വയജ്ഞമയോ യജ്ഞോ യജ്ഞഭുക് യജ്ഞഭാവനഃ ।
വഹ്നിധ്വജോ വഹ്നിസഖോ വഞ്ജുളദ്രുമ മൂലകഃ ॥ 33 ॥
ദക്ഷഹാ ദാനകാരീ ച നരോ നാരായണപ്രിയഃ ।
ദൈത്യദണ്ഡധരോ ദാന്തഃ ശുഭ്രാങ്ഗഃ ശുഭദായകഃ ॥ 34 ॥
ലോഹിതാക്ഷോ മഹാരൌദ്രൌ മായാരൂപധരഃ ഖഗഃ ।
ഉന്നതോ ഭാനുജഃ സാങ്ഗോ മഹാചക്രഃ പരാക്രമീ ॥ 35 ॥
അഗ്നീശോഽഗ്നിമയഃ ദ്വഗ്നിലോചനോഗ്നി സമപ്രഭഃ ।
അഗ്നിമാനഗ്നിരസനോ യുദ്ധസേവീ രവിപ്രിയഃ ॥ 36 ॥
ആശ്രിത ഘൌഘ വിധ്വംസീ നിത്യാനന്ദ പ്രദായകഃ ।
അസുരഘ്നോ മഹാബാഹൂര്‍ഭീമകര്‍മാ ശുഭപ്രദഃ ॥ 37 ॥
ശശാങ്ക പ്രണവാധാരഃ സമസ്ഥാശീ വിഷാപഹഃ ।
തര്‍കോ വിതര്‍കോ വിമലോ ബിലകോ ബാദരായണഃ ॥ 38 ॥
ബദിരഗ്നസ്ചക്രവാളഃ ഷട്കോണാന്തര്‍ഗതസ്ശിഖീഃ ।
ദൃതധന്വാ ശോഡഷാക്ഷോ ദീര്‍ഘബാഹൂര്‍ദരീമുഖഃ ॥ 39 ॥
പ്രസന്നോ വാമജനകോ നിംനോ നീതികരഃ ശുചിഃ ।
നരഭേദി സിംഹരൂപീ പുരാധീശഃ പുരന്ദരഃ ॥ 40 ॥
രവിസ്തുതോ യൂതപാലോ യുതപാരിസ്സതാങ്ഗതിഃ ।
ഹൃഷികേശോ ദ്വിത്രമൂര്‍തിഃ ദ്വിരഷ്ടായുദഭൃത് വരഃ ॥ 41 ॥
ദിവാകരോ നിശാനാഥോ ദിലീപാര്‍ചിത വിഗ്രഹഃ ।
ധന്വന്തരിസ്ശ്യാമളാരിര്‍ഭക്തശോക വിനാശകഃ ॥ 42 ॥
രിപുപ്രാണ ഹരോ ജേതാ ശൂരസ്ചാതുര്യ വിഗ്രഹഃ ।
വിധാതാ സച്ചിദാനന്ദസ്സര്‍വദുഷ്ട നിവാരകഃ ॥ 43 ॥
ഉല്‍കോ മഹോല്‍കോ രക്തോല്‍കസ്സഹസ്രോല്‍കസ്ശതാര്‍ചിഷഃ ।
ബുദ്ധോ ബൌദ്ധഹരോ ബൌദ്ധ ജനമോഹോ ബുധാശ്രയഃ ॥ 44 ॥
പൂര്‍ണബോധഃ പൂര്‍ണരൂപഃ പൂര്‍ണകാമോ മഹാദ്യുതിഃ ।
പൂര്‍ണമന്ത്രഃ പൂര്‍ണഗാത്രഃ പൂര്‍ണഷാഡ്ഗുണ്യ വിഗ്രഹഃ ॥ 45 ॥
പൂര്‍ണനേമിഃ പൂര്‍നനാഭിഃ പൂര്‍ണാശീ പൂര്‍ണമാനസഃ ।
പൂര്‍ണസാരഃ പൂര്‍ണശക്തിഃ രങ്ഗസേവി രണപ്രിയഃ ॥ 46 ॥
പൂരിതാശോഽരിഷ്ടദാതി പൂര്‍ണാര്‍ഥഃ പൂര്‍ണഭൂഷണഃ ।
പദ്മഗര്‍ഭഃ പാരിജാതഃ പരമിത്രസ്ശരാകൃതിഃ ॥ 47 ॥
ഭൂബൃത്വപുഃ പുണ്യമൂര്‍തി ഭൂഭൃതാം പതിരാശുകഃ ।
ഭാഗ്യോദയോ ഭക്തവശ്യോ ഗിരിജാവല്ലഭപ്രിയഃ ॥ 48 ॥
ഗവിഷ്ടോ ഗജമാനീശോ ഗമനാഗമന പ്രിയഃ ।
ബ്രഹ്മചാരി ബന്ധുമാനീ സുപ്രതീകസ്സുവിക്രമഃ ॥ 49 ॥
ശങ്കരാഭീഷ്ടദോ ഭവ്യഃ സാചിവ്യസ്സവ്യലക്ഷണഃ ।
മഹാഹംസസ്സുഖകരോ നാഭാഗ തനയാര്‍ചിതഃ ॥ 50 ॥
കോടിസൂര്യപ്രഭോ ദീപ്തോ വിദ്യുത്കോടി സമപ്രഭഃ ।
വജ്രകല്‍പോ വജ്രസഖോ വജ്രനിര്‍ഘാത നിസ്വനഃ ॥ 51 ॥
ഗിരീശോ മാനദോ മാന്യോ നാരായണ കരാലയഃ ।
അനിരുദ്ധഃ പരാമര്‍ഷീ ഉപേന്ദ്രഃ പൂര്‍ണവിഗ്രഹഃ ॥ 52 ॥
ആയുധേശസ്ശതാരിഘ്നഃ ശമനഃ ശതസൈനികഃ ।
സര്‍വാസുര വധോദ്യുക്തഃ സൂര്യ ദുര്‍മാന ഭേദകഃ ॥ 53 ॥
രാഹുവിപ്ലോഷകാരീ ച കാശീനഗര ദാഹകഃ ।
പീയുഷാംശു പരഞ്ജ്യോതിഃ സമ്പൂര്‍ണ ക്രതുഭുക് പ്രഭുഃ ॥ 54 ॥
മാന്ധാതൃ വരദസ്ശുദ്ധോ ഹരസേവ്യസ്ശചീഷ്ടദഃ ।
സഹിഷ്ണുര്‍ബലഭുക് വീരോ ലോകഭൃല്ലോകനായകഃ ॥55 ॥
ദുര്‍വാസോമുനി ദര്‍പഘ്നോ ജയതോ വിജയപ്രിയഃ ।
പുരാധീശോഽസുരാരാതിഃ ഗോവിന്ദ കരഭൂഷണഃ ॥ 56 ॥
രഥരൂപീ രഥാധീശഃ കാലചക്ര കൃപാനിധിഃ ।
ചക്രരൂപധരോ വിഷ്ണുഃ സ്ഥൂലസൂക്ഷ്മശ്ശിഖിപ്രഭഃ ॥ 57 ॥
ശരണാഗത സന്ത്രാതാ വേതാളാരിര്‍മഹാബലഃ ।
ജ്ഞാനദോ വാക്പതിര്‍മാനീ മഹാവേഗോ മഹാമണിഃ ॥ 58 ॥
വിദ്യുത് കേശോ വിഹാരേശഃ പദ്മയോനിഃ ചതുര്‍ഭുജഃ ।
കാമാത്മാ കാമദഃ കാമീ കാലനേമി ശിരോഹരഃ ॥ 59 ॥
ശുഭ്രസ്ശുചീസ്ശുനാസീരഃ ശുക്രമിത്രഃ ശുഭാനനഃ ।
വൃഷകായോ വൃഷാരാതിഃ വൃഷഭേന്ദ്ര സുപൂജിതഃ ॥ 60 ॥
വിശ്വംഭരോ വീതിഹോത്രോ വീര്യോ വിശ്വജനപ്രിയഃ ।
വിശ്വകൃത് വിശ്വഭോ വിശ്വഹര്‍താ സാഹസകര്‍മകൃത് ॥ 61 ॥
ബാണബാഹൂഹരോ ജ്യോതിഃ പരാത്മാ ശോകനാശനഃ ।
വിമലാദിപതിഃ പുണ്യോ ജ്ഞാതാ ജ്ഞേയഃ പ്രകാശകഃ ॥ 62 ॥
ംലേച്ഛ പ്രഹാരീ ദുഷ്ടഘ്നഃ സൂര്യമണ്ഡലമധ്യഗഃ ।
ദിഗംബരോ വൃശാദ്രീശോ വിവിധായുധ രൂപകഃ ॥ 63 ॥
സത്വവാന്‍ സത്യവാഗീശഃ സത്യധര്‍മ പരായണഃ ।
രുദ്രപ്രീതികരോ രുദ്ര വരദോ രുഗ്വിഭേദകഃ ॥ 64 ॥
നാരായണോ നക്രഭേദീ ഗജേന്ദ്ര പരിമോക്ഷകഃ ।
ധര്‍മപ്രിയഃ ഷഡാധാരോ വേദാത്മാ ഗുണസാഗരഃ ॥ 65 ॥
ഗദാമിത്രഃ പൃഥുഭുജോ രസാതല വിഭേദകഃ ।
തമോവൈരീ മഹാതേജാഃ മഹാരാജോ മഹാതപാഃ ॥ 66 ॥
സമസ്താരിഹരഃ ശാന്ത ക്രൂരോ യോഗേശ്വരേശ്വരഃ ।
സ്ഥവിരസ്സ്വര്‍ണ വര്‍ണാങ്ഗഃ ശത്രുസൈന്യ വിനാശകൃത് ॥ 67 ॥
പ്രാജ്ഞോ വിശ്വതനുത്രാതാ ശ‍ൃതിസ്മൃതിമയഃ കൃതി ।
വ്യക്താവ്യക്ത സ്വരൂപാംസഃ കാലചക്രഃ കലാനിധിഃ ॥ 68 ॥
മഹാധ്യുതിരമേയാത്മാ വജ്രനേമിഃ പ്രഭാനിധിഃ ।
മഹാസ്ഫുലിങ്ഗ ധാരാര്‍ചിഃ മഹായുദ്ധ കൃതച്യുതഃ ॥ 69 ॥
കൃതജ്ഞസ്സഹനോ വാഗ്മീ ജ്വാലാമാലാ വിഭൂഷണഃ ।
ചതുര്‍മുഖനുതഃ ശ്രീമാന്‍ ഭ്രാജിഷ്ണുര്‍ഭക്തവത്സലഃ ॥ 70 ॥
ചാതുര്യഗമനശ്ചക്രീ ചാതുര്‍വര്‍ഗ പ്രദായകഃ ।
വിചിത്രമാല്യാഭരണഃ തീക്ഷ്ണധാരഃ സുരാര്‍ചിതഃ ॥ 71 ॥
യുഗകൃത് യുഗപാലശ്ച യുഗസന്ധിര്യുഗാന്തകൃത് ।
സുതീക്ഷ്ണാരഗണോ ഗംയോ ബലിധ്വംസീ ത്രിലോകപഃ ॥ 72 ॥
ത്രിനേത്രസ്ത്രിജഗദ്വന്ധ്യഃ തൃണീകൃത മഹാസുരഃ ।
ത്രികാലജ്ഞസ്ത്രിലോകജ്ഞഃ ത്രിനാഭിഃ ത്രിജഗത്പ്രിയഃ ॥ 73 ॥
സര്‍വയന്ത്രമയോ മന്ത്രസ്സര്‍വശത്രു നിബര്‍ഹണഃ ।
സര്‍വഗസ്സര്‍വവിത് സൌംയസ്സര്‍വലോകഹിതങ്കരഃ ॥74 ॥
ആദിമൂലഃ സദ്ഗുണാഢ്യോ വരേണ്യസ്ത്രിഗുണാത്മകഃ ।
ധ്യാനഗംയഃ കല്‍മഷഘ്നഃ കലിഗര്‍വ പ്രഭേദകഃ ॥ 75 ॥
കമനീയ തനുത്രാണഃ കുണ്ഡലീ മണ്ഡിതാനനഃ ।
സുകുണ്ഠീകൃത ചണ്ഡേശഃ സുസന്ത്രസ്ഥ ഷഡാനനഃ ॥ 76 ॥
വിഷാധീകൃത വിഘ്നേശോ വിഗതാനന്ദ നന്ദികഃ ।
മഥിത പ്രമഥവ്യൂഹഃ പ്രണത പ്രമദാധിപഃ ॥ 77 ॥
പ്രാണഭിക്ഷാ പ്രദോഽനന്തോ ലോകസാക്ഷീ മഹാസ്വനഃ ।
മേധാവീ ശാശ്വഥോഽക്രൂരഃ ക്രൂരകര്‍മാഽപരാജിതഃ ॥ 78 ॥
അരീ ദൃഷ്ടോഽപ്രമേയാത്മാ സുന്ദരശ്ശത്രുതാപനഃ ।
യോഗ യോഗീശ്വരാധീശോ ഭക്താഭീഷ്ട പ്രപൂരകഃ ॥ 79 ॥
സര്‍വകാമപ്രദോഽചിന്ത്യഃ ശുഭാങ്ഗഃ കുലവര്‍ധനഃ ।
നിര്‍വികാരോഽന്തരൂപോ നരനാരായണപ്രിയഃ ॥ 80 ॥
മന്ത്ര യന്ത്ര സ്വരൂപാത്മാ പരമന്ത്ര പ്രഭേദകഃ ।
ഭൂതവേതാള വിധ്വംസീ ചണ്ഡ കൂഷ്മാണ്ഡ ഖണ്ഡനഃ ॥ 81 ॥
യക്ഷ രക്ഷോഗണ ധ്വംസീ മഹാകൃത്യാ പ്രദാഹകഃ ।
സകലീകൃത മാരീചഃ ഭൈരവ ഗ്രഹ ഭേദകഃ ॥ 82 ॥
ചൂര്‍ണികൃത മഹാഭൂതഃ കബലീകൃത ദുര്‍ഗ്രഹഃ ।
സുദുര്‍ഗ്രഹോ ജംഭഭേദീ സൂചീമുഖ നിഷൂദനഃ ॥ 83 ॥
വൃകോദരബലോദ്ധര്‍ത്താ പുരന്ദര ബലാനുഗഃ ।
അപ്രമേയ ബലഃ സ്വാമീ ഭക്തപ്രീതി വിവര്‍ധനഃ ॥ 84 ॥
മഹാഭൂതേശ്വരശ്ശൂരോ നിത്യസ്ശാരദവിഗ്രഹഃ ।
ധര്‍മാധ്യക്ഷോ വിധര്‍മഘ്നഃ സുധര്‍മസ്ഥാപകശ്ശിവഃ ॥ 85 ॥
വിധൂമജ്വലനോ ഭാനുര്‍ഭാനുമാന്‍ ഭാസ്വതാം പതിഃ ।
ജഗന്‍മോഹന പാടീരസ്സര്‍വോപദ്രവ ശോധകഃ ॥ 86 ॥
കുലിശാഭരണോ ജ്വാലാവൃതസ്സൌഭാഗ്യ വര്‍ധനഃ ।
ഗ്രഹപ്രധ്വംസകഃ സ്വാത്മരക്ഷകോ ധാരണാത്മകഃ ॥ 87 ॥
സന്താപനോ വജ്രസാരസ്സുമേധാഽമൃത സാഗരഃ ।
സന്താന പഞ്ജരോ ബാണതാടങ്കോ വജ്രമാലികഃ ॥ 88 ॥
മേഖാലഗ്നിശിഖോ വജ്ര പഞ്ജരസ്സസുരാങ്കുശഃ ।
സര്‍വരോഗ പ്രശമനോ ഗാന്ധര്‍വ വിശിഖാകൃതിഃ ॥ 89 ॥
പ്രമോഹ മണ്ഡലോ ഭൂത ഗ്രഹ ശ‍ൃങ്ഖല കര്‍മകൃത് ।
കലാവൃതോ മഹാശങ്ഖു ധാരണസ്ശല്യ ചന്ദ്രികഃ ॥ 90 ॥
ഛേദനോ ധാരകസ്ശല്യ ക്ഷൂത്രോന്‍മൂലന തത്പരഃ ।
ബന്ധനാവരണസ്ശല്യ കൃന്തനോ വജ്രകീലകഃ ॥ 91 ॥
പ്രതീകബന്ധനോ ജ്വാലാ മണ്ഡലസ്ശസ്ത്രധാരണഃ ।
ഇന്ദ്രാക്ഷീമാലികഃ കൃത്യാ ദണ്ഡസ്ചിത്തപ്രഭേദകഃ ॥ 92 ॥
ഗ്രഹ വാഗുരികസ്സര്‍വ ബന്ധനോ വജ്രഭേദകഃ ।
ലഘുസന്താന സങ്കല്‍പോ ബദ്ധഗ്രഹ വിമോചനഃ ॥ 93 ॥
മൌലികാഞ്ചന സന്ധാതാ വിപക്ഷ മതഭേദകഃ ।
ദിഗ്ബന്ധന കരസ്സൂചീ മുഖാഗ്നിസ്ചിത്തപാതകഃ ॥ 94 ॥
ചോരാഗ്നി മണ്ഡലാകാരഃ പരകങ്കാള മര്‍ദനഃ ।
താന്ത്രീകസ്ശത്രുവംശഘ്നോ നാനാനിഗള മോചനഃ ॥ 95 ॥
സമസ്ഥലോക സാരങ്ഗഃ സുമഹാ വിഷദൂഷണഃ ।
സുമഹാ മേരുകോദണ്ഡഃ സര്‍വ വശ്യകരേശ്വരഃ ॥ 96 ॥
നിഖിലാകര്‍ഷണപടുഃ സര്‍വ സമ്മോഹ കര്‍മകൃത് ।
സംസ്ഥംബന കരഃ സര്‍വ ഭൂതോച്ചാടന തത്പരഃ ॥ 97 ॥
അഹിതാമയ കാരീ ച ദ്വിഷന്‍മാരണ കാരകഃ ।
ഏകായന ഗദാമിത്ര വിദ്വേഷണ പരായണഃ ॥ 98 ॥
സര്‍വാര്‍ഥ സിദ്ധിദോ ദാതാ വിധാതാ വിശ്വപാലകഃ ।
വിരൂപാക്ഷോ മഹാവക്ഷാഃ വരിഷ്ടോ മാധവപ്രിയഃ ॥ 99 ॥
അമിത്രകര്‍ശന ശാന്തഃ പ്രശാന്തഃ പ്രണതാര്‍തിഹാ ।
രമണീയോ രണോത്സാഹോ രക്താക്ഷോ രണപണ്ഡിതഃ ॥ 100 ॥
രണാന്തകൃത് രതാകാരഃ രതാങ്ഗോ രവിപൂജിതഃ ।
വീരഹാ വിവിധാകാരഃ വരുണാരാധിതോ വശീഃ ।
സര്‍വ ശത്രു വധാകാങ്ക്ഷീ ശക്തിമാന്‍ ഭക്തമാനദഃ ॥ 101 ॥
സര്‍വലോകധരഃ പുണ്യഃ പുരുഷഃ പുരുഷോത്തമഃ ।
പുരാണഃ പുണ്ഡരീകാക്ഷഃ പരമര്‍മ പ്രഭേദകഃ ॥ 102 ॥
വീരാസനഗതോ വര്‍മീ സര്‍വാധാരോ നിരങ്കുശഃ ।
ജഗത്രക്ഷോ ജഗന്‍മൂര്‍തിഃ ജഗദാനന്ദ വര്‍ധനഃ ॥ 103 ॥
ശാരദഃ ശകടാരാതിഃ ശങ്കരസ്ശകടാകൃതിഃ ।
വിരക്തോ രക്തവര്‍ണാഢ്യോ രാമസായക രൂപദൃത് ॥ 104 ॥
മഹാവരാഹ് ദംഷ്ട്രാത്മാ നൃസിംഹ നഗരാത്മകഃ ।
സമദൃങ്മോക്ഷദോ വന്ധ്യോ വിഹാരീ വീതകല്‍മഷഃ ॥ 105 ॥
ഗംഭീരോ ഗര്‍ഭഗോ ഗോപ്താ ഗഭസ്തിര്‍ഗുഹ്യഗോഗുരുഃ ।
ശ്രീധരഃ ശ്രീരതസ്ശ്രാന്തഃ ശത്രുഘ്നസ്ശ‍ൃതിഗോചരഃ ॥ 106 ॥
പുരാണോ വിതതോ വീരഃ പവിത്രസ്ചരണാഹ്വയഃ ।
മഹാധീരോ മഹാവീര്യോ മഹാബല പരാക്രമഃ ॥ 107 ॥
സുവിഗ്രഹോ വിഗ്രഹഘ്നഃ സുമാനീ മാനദായകഃ ।
മായീ മായാപഹോ മന്ത്രീ മാന്യോ മാനവിവര്‍ധനഃ ॥ 108 ॥
ശത്രുസംഹാരകസ്ശൂരഃ ശുക്രാരിശ്ശങ്കരാര്‍ചിതഃ ।
സര്‍വാധാരഃ പരഞ്ജ്യോതിഃ പ്രാണഃ പ്രാണഭൃതച്യുതഃ ॥ 109 ॥
ചന്ദ്രധാമാഽപ്രതിദ്വന്ദഃ പരമാത്മാ സുദുര്‍ഗമഃ ।
വിശുദ്ധാത്മാ മഹാതേജാഃ പുണ്യശ്ലോകഃ പുരാണവിത് ॥ 110 ॥
സമസ്ഥ ജഗദാധാരോ വിജേതാ വിക്രമഃ ക്രമഃ ।
ആദിദേവോ ധ്രുവോ ദൃശ്യഃ സാത്ത്വികഃ പ്രീതിവര്‍ധനഃ ॥ 111 ॥
സര്‍വലോകാശ്രയസ്സേവ്യഃ സര്‍വാത്മാ വംശവര്‍ധനഃ ।
ദുരാധര്‍ഷഃ പ്രകാശാത്മാ സര്‍വദൃക് സര്‍വവിത്സമഃ ॥ 112 ॥
സദ്ഗതിസ്സത്വസമ്പന്നഃ നിത്യസങ്കല്‍പ കല്‍പകഃ ।
വര്‍ണീ വാചസ്പതിര്‍വാഗ്മീ മഹാശക്തിഃ കലാനിധിഃ ॥ 113 ॥
അന്തരിക്ഷഗതിഃ കല്യഃ കലികാലുഷ്യ മോചനഃ ।
സത്യധര്‍മഃ പ്രസന്നാത്മാ പ്രകൃഷ്ടോ വ്യോമവാഹനഃ ॥ 114 ॥
ശിതധാരസ്ശിഖി രൌദ്രോ ഭദ്രോ രുദ്രസുപൂജിതഃ ।
ദരിമുഖാഗ്നിജംഭഘ്നോ വീരഹാ വാസവപ്രിയഃ ॥ 115 ॥
ദുസ്തരസ്സുദുരാരോഹോ ദുര്‍ജ്ഞേയോ ദുഷ്ടനിഗ്രഹഃ ।
ഭൂതാവാസോ ഭൂതഹന്താ ഭൂതേശോ ഭൂതഭാവനഃ ॥ 116 ॥
ഭാവജ്ഞോ ഭവരോഗഘ്നോ മനോവേഗീ മഹാഭുജഃ ।
സര്‍വദേവമയഃ കാന്തഃ സ്മൃതിമാന്‍ സര്‍വപാവനഃ ॥ 117 ॥
നീതിമന്‍ സര്‍വജിത് സൌംയോ മഹര്‍ഷീരപരാജിതഃ ।
രുദ്രാംബരീഷ വരദോ ജിതമായഃ പുരാതനഃ ॥ 118 ॥
അധ്യാത്മ നിലയോ ഭോക്താ സമ്പൂര്‍ണസ്സര്‍വകാമദഃ ।
സത്യോഽക്ഷരോ ഗഭീരാത്മാ വിശ്വഭര്‍താ മരീചിമാന്‍ ॥ 119 ॥
നിരഞ്ജനോ ജിതഭ്രാംശുഃ അഗ്നിഗര്‍ഭോഽഗ്നി ഗോചരഃ ।
സര്‍വജിത് സംഭവോ വിഷ്ണുഃ പൂജ്യോ മന്ത്രവിതക്രിയഃ ॥ 120 ॥
ശതാവര്‍ത്തഃ കലാനാഥഃ കാലഃ കാലമയോ ഹരിഃ ।
അരൂപോ രൂപസമ്പന്നോ വിശ്വരൂപോ വിരൂപകൃത് ॥ 121 ॥
സ്വാംയാത്മാ സമരശ്ലാഘീ സുവ്രതോ വിജയാംവിതഃ ।
ചണ്ഡ്ഘ്നസ്ചണ്ഡകിരണഃ ചതുരസ്ചാരണപ്രിയഃ ॥ 122 ॥
പുണ്യകീര്‍തിഃ പരാമര്‍ഷീ നൃസിംഹോ നാഭിമധ്യഗഃ ।
യജ്ഞാത്മ യജ്ഞസങ്കല്‍പോ യജ്ഞകേതുര്‍മഹേശ്വരഃ ॥ 123 ॥
ജിതാരിര്യജ്ഞനിലയശ്ശരണ്യശ്ശകടാകൃതിഃ ।
ഉത്ത്മോഽനുത്ത്മോനങ്ഗസ്സാങ്ഗസ്സര്‍വാങ്ഗ ശോഭനഃ ॥ 124 ॥
കാലാഗ്നിഃ കാലനേമിഘ്നഃ കാമി കാരുണ്യസാഗരഃ ।
രമാനന്ദകരോ രാമോ രജനീശാന്തരസ്ഥിതഃ ॥ 125 ॥
സംവര്‍ധന സമരാംവേഷീ ദ്വിഷത്പ്രാണ പരിഗ്രഹഃ ।
മഹാഭിമാനീ സന്ധാതാ സര്‍വാധീശോ മഹാഗുരുഃ ॥ 126
സിദ്ധഃ സര്‍വജഗദ്യോനിഃ സിദ്ധാര്‍ഥസ്സര്‍വസിദ്ധിദഃ ।
ചതുര്‍വേദമയശ്ശാസ്ഥാ സര്‍വശാസ്ത്ര വിശാരദഃ ॥ 127 ॥
തിരസ്കൃതാര്‍ക തേജസ്കോ ഭാസ്കരാരാധിതശ്ശുഭഃ ।
വ്യാപീ വിശ്വംഭരോ വ്യഗ്രഃ സ്വയഞ്ജ്യോതിരനന്തകൃത് ॥ 128 ॥
ജയശീലോ ജയാകാങ്ക്ഷീ ജാതവേദോ ജയപ്രദഃ ।
കവിഃ കല്യാണദഃ കാംയോ മോക്ഷദോ മോഹനാകൃതിഃ ॥ 129 ॥
കുങ്കുമാരുണ സര്‍വാങ്ഗ കമലാക്ഷഃ കവീശ്വരഃ ।
സുവിക്രമോ നിഷ്കളങ്കോ വിശ്വക്സേനോ വിഹാരകൃത് ॥ 130 ॥
കദംബാസുര വിധ്വംസീ കേതനഗ്രഹ ദാഹകഃ ।
ജുഗുപ്സാഗ്നസ്തീക്ഷ്ണധാരോ വൈകുണ്ഠ ഭുജവാസകൃത് ॥ 131 ॥
സാരജ്ഞഃ കരുണാമൂര്‍തിഃ വൈഷ്ണവോ വിഷ്ണുഭക്തിദഃ ।
സുക്രുതജ്ഞോ മഹോദാരോ ദുഷ്കൃതഘ്നസ്സുവിഗ്രഹഃ ॥ 132 ॥
സര്‍വാഭീഷ്ട പ്രദോഽന്തോ നിത്യാനന്ദോ ഗുണാകരഃ ।
ചക്രീ കുന്ദധരഃ ഖഡ്ഗീ പരശ്വത ധരോഽഗ്നിഭൃത് ॥ 133 ॥
ദൃതാങ്കുശോ ദണ്ഡധരഃ ശക്തിഹസ്ഥസ്സുശങ്ഖഭ്രുത് ।
ധന്വീ ദൃതമഹാപാശോ ഹലി മുസലഭൂഷണഃ ॥ 134 ॥
ഗദായുധധരോ വജ്രീ മഹാശൂല ലസത്ഭുജഃ ।
സമസ്തായുധ സമ്പൂര്‍ണസ്സുദര്‍ശന മഹാപ്രഭുഃ ॥ 135 ॥
॥ ഫലശ‍ൃതിഃ ॥
ഇതി സൌദര്‍ശനം ദിവ്യം ഗുഹ്യം നാമസഹസ്രകം ।
സര്‍വസിദ്ധികരം സര്‍വ യന്ത്ര മന്ത്രാത്മകം പരം ॥ 136 ॥
ഏതന്നാമ സഹസ്രം തു നിത്യം യഃ പഠേത് സുധീഃ ।
ശ‍ൃണോതി വാ ശ്രാവയതി തസ്യ സിദ്ധിഃ കരസ്തിതാ ॥ 137 ॥
ദൈത്യാനാം ദേവശത്രൂണാം ദുര്‍ജയാനാം മഹൌജസാം ।
വിനാശാര്‍ഥമിദം ദേവി ഹരോ രാസാധിതം മയാ ॥ 138 ॥
ശത്രുസംഹാരകമിദം സര്‍വദാ ജയവര്‍ധനം ।
ജല ശൈല മഹാരണ്യ ദുര്‍ഗമേഷു മഹാപതി ॥ 139 ॥
ഭയങ്കരേഷു ശാപത്സു സമ്പ്രാപ്തേഷു മഹത്സുച ।
യസ്സകൃത് പഠനം കുര്യാത് തസ്യ നൈവ ഭവേത് ഭയം ॥ 140 ॥
ബ്രഹ്മഘ്നശ്ച പശുഘ്നശ്ച മാതാപിതൄ വിനിന്ദകഃ ।
ദേവാനാം ദൂഷകശ്ചാപി ഗുരുതല്‍പഗതോഽപി വാ ॥ 141 ॥
ജപ്ത്വാ സകൃതിദം സ്തോത്രം മുച്യതേ സര്‍വകില്‍ബിഷൈഃ ।
തിഷ്ഠന്‍ ഗച്ഛന്‍ സ്വപന്‍ ഭുഞ്ജന്‍ ജാഗ്രന്നപി ഹസന്നപി ॥ 142 ॥
സുദര്‍ശന നൃസിംഹേതി യോ വദേത്തു സകൃന്നരഃ ।
സ വൈ ന ലിപ്യതേ പാപൈഃ ഭുക്തിം മുക്തിം ച വിന്ദതി ॥ 143 ॥
ആദയോ വ്യാദയസ്സര്‍വേ രോഗാ രോഗാദിദേവതാഃ ।
ശീഘ്രം നശ്യന്തി തേ സര്‍വേ പഠനാത്തസ്യ വൈ നൃണാം ॥ 144 ॥
ബഹൂനാത്ര കിമുക്തേന ജപ്ത്വേദം മന്ത്ര പുഷ്കലം ।
യത്ര മര്‍ത്യശ്ചരേത് തത്ര രക്ഷതി ശ്രീസുദര്‍ശനഃ ॥ 145 ॥
ഇതി ശ്രീ വിഹഗേശ്വര ഉത്തരഖണ്ഡേ ഉമാമഹേശ്വരസംവാദേ
മന്ത്രവിധാനേ ശ്രീ സുദര്‍ശന സഹസ്രനാമ സ്തോത്രം നാമ
ഷോഡശ പ്രകാശഃ ॥
Also Read 1000 Names of Shri Sudarshana:
1000 Names of Sri Sudarshana | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
