Templesinindiainfo

Best Spiritual Website

Abhilashashtakam Lyrics in Oriya | ଅଭିଲାଷାଷ୍ଟକଂ

ଅଭିଲାଷାଷ୍ଟକଂ Lyrics in Oriya:

॥ ଅଥ ଅଭିଲାଷାଷ୍ଟକମ୍ ॥

କଦା ପକ୍ଷୀନ୍ଦ୍ରାଂସୋପରି ଗତମଜଂ କଞ୍ଚନୟନମ୍
ରମାସଂଶ୍ଲିଷ୍ଟାଂଗଂ ଗଗନରୁଚମାପୀତଵସନମ୍ ।
ଗଦାଶଂଖାମ୍ଭୋଜାରିଵରମାଲୋକ୍ୟ ସୁଚିରଂ
ଗମିଷ୍ୟତ୍ୟେତନ୍ମେ ନନୁ ସଫଲତାଂ ନେତ୍ରୟୁଗଲମ୍ ॥ ୧॥

କଦା କ୍ଷୀରାବ୍ଧ୍ୟନ୍ତଃ ସୁରତରୁଵନାନ୍ତର୍ମଣିମୟେ
ସମାସୀନଂ ପୀଠେ ଜଲଧିତନୟାଲିଂଗିତତନୁମ୍ ।
ସ୍ତୁତଂ ଦେଵୈର୍ନିତ୍ୟଂ ମୁନିଵରକଦଂବୈରଭିନୁତମ୍
ସ୍ତଵୈଃ ସନ୍ତୋଷ୍ୟାମି ଶ୍ରୁତିଵଚନଗର୍ଭୈଃ ସୁରଗୁରୁମ୍ ॥ ୨॥

କଦା ମାମାଭୀତଂ ଭୟଜଲଧିତସ୍ତାପସତନୁଂ
ଗତା ରାଗଂ ଗଂଗାତଟଗିରିଗୁହାଵାସସହନମ୍ ।
ଲପନ୍ତଂ ହେ ଵିଷ୍ଣୋ ସୁରଵର ରମେଶେତି ସତତଂ
ସମଭ୍ୟେତ୍ୟୋଦାରଂ କମଲନୟନୋ ଵକ୍ଷ୍ୟତି ଵଚଃ ॥ ୩॥

କଦା ମେ ହୃଦ୍ପଦ୍ମେ ଭ୍ରମର ଇଵ ପଦ୍ମେ ପ୍ରତିଵସନ୍
ସଦା ଧ୍ୟାନାଭ୍ୟାସାଦନିଶମୁପହୂତୋ ଵିଭୁରସୌ ।
ସ୍ଫୁରଜ୍ଜ୍ୟୋତୀରୂପୋ ରଵିରିଵ ରସାସେଵ୍ୟଚରଣୋ
ହରିଷ୍ୟତ୍ୟଜ୍ଞାନାଜ୍ଜନିତତିମିରଂ ତୂର୍ଣମଖିଲମ୍ ॥ ୪॥

କଦା ମେ ଭୋଗାଶା ନିବିଡଭଵପାଶାଦୁପରତଂ
ତପଃଶୁଦ୍ଧଂ ବୁଦ୍ଧଂ ଗୁରୁଵଚନତୋଦୈରଚପଲମ୍ ।
ମନୋ ମୌନଂ କୃତ୍ଵା ହରିଚରଣୟୋଶ୍ଚାରୁ ସୁଚିରଂ
ସ୍ଥିତିଂ ସ୍ଥାଣୁପ୍ରାୟାଂ ଭଵଭୟହରାଂ ୟାସ୍ୟତି ପରାମ୍ ॥ ୫॥

କଦା ମେ ସଂରୁଦ୍ଧାଖିଲକରଣଜାଲସ୍ୟ ପରିତୋ
ଜିତାଶେଷପ୍ରାଣାନିଲପରିକରସ୍ୟ ପ୍ରଜପତଃ ।
ସଦୋଂକାରଂ ଚିତ୍ତଂ ହରିପଦସରୋଜେ ଧୃତଵତଃ
ସମେଷ୍ୟତ୍ୟୁଲ୍ଲାସଂ ମୁହୁରଖିଲରୋମାଵଲିରିୟମ୍ ॥ ୬॥

କଦା ପ୍ରାରବ୍ଧାନ୍ତେ ପରିଶିଥିଲତାଂ ଗଚ୍ଛତି ଶନୈଃ
ଶରୀରେ ଚାକ୍ଷୌଘେଽପ୍ୟୁପରତଵତି ପ୍ରାଣପଵନେ ।
ଵଦତ୍ୟୂର୍ଧ୍ଵଂ ଶଶ୍ଵନ୍ମମ ଵଦନକଂଜେ ମୁହୁରହୋ
କରିଷ୍ୟତ୍ୟାଵାସଂ ହରିରିତି ପଦଂ ପାଵନତମମ୍ ॥ ୭॥

କଦା ହିତ୍ଵା ଜୀର୍ଣାଂ ତ୍ଵଚମିଵ ଭୁଜଂଗସ୍ତନୁମିମାଂ
ଚତୁର୍ବାହୁଶ୍ଚକ୍ରାମ୍ବୁଜଦରକରଃ ପୀତଵସନଃ ।
ଘନଶ୍ୟାମୋ ଦୂତୈର୍ଗଗନଗତିନୀତୋ ନତିପରୈ-
ର୍ଗମିଷ୍ୟାମୀଶସ୍ୟାଂତିକମଖିଲଦୁଃଖାଂତକମିତି ॥ ୮॥

॥ ଇତି ଶ୍ରୀମତ୍ପରମହଂସସ୍ଵାମିବ୍ରହ୍ମାନନ୍ଦଵିରଚିତଂ
ଅଭିଲାଷାଷ୍ଟକଂ ସମ୍ପୂର୍ଣମ୍ ॥

Abhilashashtakam Lyrics in Oriya | ଅଭିଲାଷାଷ୍ଟକଂ

Leave a Reply

Your email address will not be published. Required fields are marked *

Scroll to top