Achyutashtakam Lyrics in Bengali:
॥ অচ্যুতাষ্টকং ॥
অচ্যুতং কেশবং রামনারায়ণং কৃষ্ণদামোদরং বাসুদেবং হরিম্ ।
শ্রীধরং মাধবং গোপিকাবল্লভং জানকীনায়কং রামচন্দ্রং ভজে ॥ ১॥
অচ্যুতং কেশবং সত্যভামাধবং মাধবং শ্রীধরং রাধিকারাধিতম্ ।
ইন্দিরামন্দিরং চেতসা সুন্দরং দেবকীনন্দনং নন্দনং সংদধে ॥ ২॥
বিষ্ণবে জিষ্ণবে শঙ্খিনে চক্রিণে রুক্মিনীরাগিণে জানকীজানয়ে ।
বল্লবীবল্লভায়াঽর্চিতায়াত্মনে কংসবিধ্বংসিনে বংশিনে তে নমঃ ॥ ৩॥
কৃষ্ণ গোবিন্দ হে রাম নারায়ণ শ্রীপতে বাসুদেবাজিত শ্রীনিধে ।
অচ্যুতানন্ত হে মাধবাধোক্ষজ দ্বারকানায়ক দ্রৌপদীরক্ষক ॥ ৪॥
রাক্ষসক্ষোভিতঃ সীতয়া শোভিতো দণ্ডকারণ্যভূপুণ্যতাকারণঃ ।
লক্ষ্মণেনান্বিতো বানরৈঃ সেবিতোঽগস্ত্যসম্পূজিতো রাঘবঃ পাতু মাম্ ॥ ৫॥
ধেনুকারিষ্টকোঽনিষ্টকৃদ্দ্বেষিণাং কেশিহা কংসহৃদ্বংশিকাবাদকঃ ।
পূতনাকোপকঃ সূরজাখেলনো বালগোপালকঃ পাতু মাম্ সর্বদা ॥ ৬॥
বিদ্যুদুদ্ধয়োতবানপ্রস্ফুরদ্বাসসং প্রাবৃডম্ভোদবত্প্রোল্লসদ্বিগ্রহম্ ।
বন্যয়া মালয়া শোভিতোরঃস্থলং লোহিতাংঘ্রিদ্বয়ং বারিজাক্ষং ভজে ॥ ৭॥
কুঞ্চিতৈঃ কুন্তলৈর্ভ্রাজমানাননং রত্নমৌলিং লসত্ কুণ্ডলং গণ্ডয়োঃ ।
হারকেয়ূরকং কঙ্কণপ্রোজ্জ্বলং কিঙ্কিণীমঞ্জুলং শ্যামলং তং ভজে ॥ ৮॥
অচ্যুতস্যাষ্টকং য়ঃ পঠেদিষ্টদং প্রেমতঃ প্রত্যহং পূরুষঃ সস্পৃহম্ ।
বৃত্ততঃ সুংদরং কর্তৃ বিশ্বংভরং তস্য বশ্যো হরির্জায়তে সত্বরম্ ॥ ৯॥
॥ ইতি শ্রীশংকরাচার্যবিরচিতমচ্যুতাষ্টকং সম্পূর্ণম্ ॥
Also Read:
Achyutashtakam in Hindi | English | Telugu | Tamil | Kannada | Malayalam | Bengali | Oriya | Punjab | Gujarati